RTL - Carte Blanche

RTL - Carte Blanche

By RTL Radio LëtzebuergNews
Download on the App Store

RTL - Carte Blanche episodes

  • Carte Blanche: Marc Müller, 29/06/2018
    Bei der Fro ob Steewoll- a Youghurtsfabriken op Lëtzebuerg kommen sollen, geht em d’Standortpolitik an domat em déi langfristeg Ausrichtung vun der nationaler Wirtschaftspolitik a Landesplanung.  
    Op Basis vun der Rifkin-Etude iwert déi drëtt Industriell Revolutioun gouf et e politeschen Konsens iwert eben des nohalteg strategesch Ausrichtung. Beim operativen Emsetzen gin d’Meenungen awer auseneen, dest besonneg am Virfeld vun de Chamberwahlen am Oktober, wou d’Parteien elo schon hir Profiler fir hir Stammwieler schärfen.
    D’Resultat dovun sin déi agangs erwähnten an op d’place publique gedroen regierungsintern Differenzen durch déi widersprechlech Messagen an d’Welt gescheckt a potentiell Investisseuren veronsechert gin. Zousätzlech get domadden de Versuch de Stigma als Steierparadéis ofzeleen a mam nation-branding eisem Land e neien, “propperen” an dynameschen Image ze gin, sabotéiert.
    D’Rifkin-Visioun fir Lëtzebuerg brauch nirwt enger Strategie och eng eenheetlech operativ Emsetzung iwert all Ministerien ewech an eng kohärent Kommunikatioun: no baussen un auslännesch Investisseuren, awer och no bannen un d’Bierger, besonneg un déi jonk Generatiounen. Schliesslech geht et drems hinnen e liewenswert Lëtzebuerg ze iwergin an dem sie gären schaffen, liewen an och wunnen bleiwen kennen. Laut Jugendstudien sti nämlech bei denen jonken Generatiounen och net-finanziell Lieweswënsch ganz uewen op der Prioritéitenlescht.
    An trotzdem verfollegen eng Réih Politiker a Wirtschaftsvertrieder en héijen, quantitativen (?), Wuesstem den onverzichtbar wier fir d’Ofsecherung vun eisem Wuelstand, eisen héijen Sozialstandarden a besonneg de Pensiounen, durch déi awer och de lëtzebuerger Staatsbudget belaascht an d’Staatsverscholdung bis 2060 op iwert 150% vum PIB klammen kéint. Eng gelleg Zënslaascht an Hypothéik fir déi nächst Generatiounen.  
    D’Alternativ as, an Zeiten vun der drëtter Industrieller Revolutioun, e reng qualitative Wuesstem, mat héijen valeurs ajoutées, awer bewosstem Verzicht op en Deel vum materiellen Reichtum an duerfir engem Zouwuess u Liewensqualitéit: méi Natur a fresch Loft, manner Stress a Stau, méi preiswert Wunnen an e Méi u sozialem Zesummenliewen.
    Oder d’Quadratur vum Krees, e Mix vu béidem, wéi se vum Wirtschaftsminister vertrueden gett, mat den Agangs erwähnten Problemer bei der Schärfung vum Profil vu Lëtzebuerg durch arbitraire operativ Entscheedungen a widersprechlech Kommunikatiounen aus den Ministèren.
    Wéi an engem vegetareschen Restaurant, den och net zur Secherheet en beef-burger op der Kaart huet, as eng 100% Fokusséierung op e reng qualitativen Wuesstem a Positionéierung vu Lëtzebuerg als “Land mat nohalteger Wirtschaftspolitik an héijer Liewesqualitéit” langfristeg déi richteg a gewennbrengend Strategie. Zum Beispill mat der “Mercury Industry 4.0”-Fabrik vu GOODYEAR zu Diddeleng, awer ouni Steewoll- a Youghurtsfabriken!  
    Egal wéi brauch d’Land VIRUN de Chamberwahlen, chiffres et études à l’appui, kloer an éierlech (!) Positionéierungen vun alle Parteien zur langfristeger Zukunftsorientéierung hinsichtlech Profil vum Land, Nohaltegkeet, Wuesstem, Liewesqualitéit, Pensiounssystem a Staatsverscholdung, inklusiv engem offen Débat mat alle Bierger, mat an ouni Wahlrecht.

    4 min
  • Commentaire: Erbärmlech, 28/06/2018 07:50
    D'EU gesäit sech haut a mar zu Bréissel - fir d'xte Kéier - leider och fir d'xte Kéier, wou sech gestridde gëtt, wéi mat den aarmen Daiwelen ëm ze goen ass, déi iwwert d'Mëttelmier an Europa wëllen kommen, fir sech e bessert Liewen op ze bauen. Vill vun de Politiker, wëssen ëm de Misère um afrikaneschen Kontinent, mee hu nëmmen réng national Interessien am Kapp - domat steet d'EU faktuell vierum Enn mengt de Mueren eisen Chefredakter Roy Grotz...
    0 min
  • Carte Blanche: Nationalfeierdag, 27/06/2018

    Well “national”, dat kléngt schonns iwwel am Ouer vun de Gutmenschen, déi fillen aplaz ze denken. Eng Natioun, dat si jo Leit, déi ongeféier zesumme gebuer ginn oder goufen – nasci, naître – an déi dann zesumme wëllen op hirem Gebitt liewen an eens ënnereneen ginn.
    An also mol d’éischt mateneen schwetzen, d.h. hiren Idiom, fléissend an ouni Mini-Dictionnaire um Handy. – An domat ass et scho fir all déi gutt Séilen zevill: d’soll een deem aner seng Sprooch léieren – eng graff Illusioun – grad sou wéi datt et duer géing, nieweneneen ze wunnen fir mateneen e Staat ze bilden. E braven Auslänner, deen hei wunnt, ass dofir nach laang kee Bierger vum Land: well dozou gehéiert de Wëllen, et mateneen ze riskéieren a net nëmmen méi eng déck Pei wéi doheem z’ergatteren.
    Mir liewen an enger Medie-Welt, déi eis wëllt firgaukelen, de Mënsch wier e braavt Déierchen, wann een e nëmme richteg streile géif. Wat falsch ass: de Mënsch ass vun alle brutalen Déieren dat brutalst. Wien et net gleewe wëllt, soll w.e.g. e Geschichtsbuch duerchbliederen. Datte mir lo zanter 70 Joer a Rou gelieft hunn, verdanke mer dem atomare Prabli vun den USA, dee mer gratis zur Verfügung gestallt kruten – wat lo iwwregens finito ass.
    Matleed ass en iwwele Beroder. Denke soll een, a kalkuléieren, net waarme Gefiller noginn. An de ville Misère an der Welt ass net domat ofgeschaaft, wa mir eis opginn d.h. keng eegestänneg Natioun méi menge kënnen ze sinn, mee all Dir grouss opmaan an do wëllen hoffen, am Duerchzuch wier et fir eis, inklusiv Index, Banken a Krankekees, gutt schuckelech wéi soss a kengem Groussherzogtum.
    Paul Kremer

    3 min
  • Carte blanche économique mat PWC 18h15, 27/06/2018
    Leschten Hierscht huet d’EU Parlament jo d’"Smart Borders" gestëmmt. Wat bedait dat konkret ?
    Wéi den Numm et seet, geet et ëm d’Aféierung vun «intelligente Grenzen». Dëst mat engem EU-wäitem elektronesche System dee mat Hëllef vun der Biométrie d’Kontrolle méi efficace an d‘Sécherheet op de Baussegrenzen verbessere soll.
    Biométrie ass jo d’Technologie déi eis erlaabt ouni Code an eisen Handy eranzekommen?
    Genau. D’Biométrie ass eng Authentifizierungsmethod déi e Mënsch iwwer seng biologisch Eegenaarten wéi zB dem Fangeroofdrock, der Iris vu sengem Aa oder senger Stëmm identifizéiert. Dei lescht Generatioun Smartphonen erlaaben mëttlerweil souguer den Accès iwwert e Gesiichts-scan.
    Wéi sécher ass déi Technologie dann iwwerhaapt?
    All Mënsch huet e Saz vu biometreschen Daten dei just op hien zoutreffen. Dës Daten sinn eenzegaarteg an doduerch och als méi sécher ugesinn. Rezent Studien hu gewisen dat den Accès zu engem Bankekonto mat der Biométrie manner laang wei eng Sekonn dauert, an dëst mat enger Secherheet vu méi wéi 99.99%. Dobäi kënnt datt ee seng biométresch Identidéit am Geigesaz zu engem Pin Code oder engem Passwuert net verléiere kann.
    Keint d’Biométrie sech am Alldaag (par rapport zu Passwierder a Pincoden) duerchsetzen?
    Mir si schonn um beschte Wee dohinner, wa mer un den Accès op de Smartphone denken oder digital Iwwerweisungen zum Beispill. Och um Findel wäert zukünfteg biometresch Erkennung agesaat gin. Mier schaffen mat ville Betriiber weltwait zesummen fier des Transformatioun op Flughäfen a Staatsgrenzen ze begleeden. An dëst ass just den Ufank. An Zukunft wärte mer en Auto mat engem Gesiichts-scan lounen, de Parking mam Fangeroofdrock bezuelen an Dieren iwwert eis Stëmm opmaan.
    Mee et bestinn natierlech och Risike beim Notze vu biometreschen Daten.
    Dat ass richteg an dofir warnt d‘Dateschutzkommissioun datt ee virsiichteg bleiwe soll. Well dei gesammelt biometresch Date gehéieren zu eiser Perséinlechkeet. Sinn dofir och Deel vun der Privatsphär.Ech denken awer datt momentan d’Opportunitéiten d’Risiken iwwerweien. Et ginn eng Onmass vu Beispiller wou d’Biométrie erfollegräich genotzt gëtt. Am Abrëll dëst Joer huet zum Beispill d’Police vun New Dehli bannent nëmme 4 Deeg 3000 vermësste Kanner duerch e neien Gesiichtserkennungs-System identifizeiert a bei hier Familien zréckbruecht.

    2 min
  • Fake-Fashion oder wat?, 25/06/2018 12:50
    De Begrëff Fake-News ass zënter dem Untrëtt vum amerikanesche President Donald Trump net méi aus der Aktualitéit ewechzekréien. Wat net gefält ass Fake! Sou wéi villes vun deem wat hie selwer kommunikéiert och dorënner fält. Vläicht kënnt elo nach en neit Wuert derbäi. D'Christiane Kremer huet sech fir den Apropos vun haut emol "Fake Fashion" afale gelooss.
    0 min
  • Carte Blanche: Kann de kapitalistesche Gesellschaftssystem verbessert a méi human gemaach ginn?, 25/06/2018
    Et soll een d’Saach kloer beim Numm nennen: Déi Gesellschaft an där mir liewen, ass eng kapitalistesch Gesellschaft! Jidderee weess et, mee kaum ee seet et ... Et misst ee séch jo soss d’Fro stellen, wat ass dee Kapitalismus, wéi eng Auswierkungen huet en op Mënsch a Natur.
    Kapitalismus heescht Striewe no Profit, egal wat et kascht, verbonne mat mat immensem mënschleche Leed an enger ëmmer méi massiver Zerstéierung vun Natur an Ëmwelt. Mat Millioune vu Leit déi vun Honger stierwen, wärend eng kleng Minoritéit onendlech räich ass, an nach ëmmer méi räich gëtt.
    Am Kapitalismus vum 21. Joerhonnert drängt eng kléng Elit vu Kapitalbesëtzer, vu Finanzoligarchen, der ganzer Welt hir Muecht op, an dat méi staark, méi emfaassend, wéi je e Keeser oder Kinnek dat konnt.
    De Jean Ziegler, schwäizer Soziolog an Auteur vu ville Bicher zu deem Thema, seet et riicht eraus: De Kapitalismus muss zerstéiert ginn, ier en onse Planéit zerstéiert! An: De Kapitalismus léisst sech net reforméieren! Grad wéi de Sklaventum, deen 48 Millioune Mënschen deportéiert an entmënschlecht huet, net méi human gemaach oder verbessert konnt ginn. Dee System huet missen zerstéiert ginn a verschwannen, seet de Jean Ziegler. Och de Kolonialsystem, deen onendlecht Leed op der Welt geschaf a just wéineg Leit immens räich gemaach huet, konnt net just verbessert ginn. An esou – de Jean Ziegler weider – ass et och mam Kapitalismus. Et ass grondsätzlech onméiglech sou ee Gesellschaftssystem ze reforméieren, e System, dee Bëscher, Waasser a Klima zerstéiert an de Mënschen Krankheet, Honger an Kricher bréngt.
    Mënsch a Natur sinn haut amstand genuch ze produzéiere fir bal duebel souvill Mënschen ze ernären, wéi der op dëser Welt liewen; trotzdeem stierft all 4 Sekonnen ee Kand ënner 10 Joer un Honger. Dat ass Mord, seet de Jean Ziegler! 2 Milliarde Mënschen – also bal all drëtten – huet keen Zougang zu propperem Waasser, wärend e puer Multiën sech dat Waasser fir hire Profit uneegnen. Bal de ganze Räichtum deen op dëser Welt geschaf gëtt – 87% dovun – geet an d’Täsch vun deenen räichsten 1%.
    Vill Leit hunn sech an enger Nisch ageriicht, wou et hinnen – vis-à-vis vun aneren – relativ gutt geet. Mee och si waërten op d’Dauer net vun den Auswierkunge vun Ëmweltzerstéierung a Krich, oder vun enger vun de nächsten Wirtschaftskrisen verschount bleiwen. D‘Majoritéit vun de Mënsche leiden ëmmer méi ënnert der kapitalistescher Profitwirtschaft. Iwwerall op der Welt kämpfe Leit fir d’Iwwerliewen a fir eng besser Welt.
    Vill Asaz vun den Aarbechter an Aarbechterinnen, Gewerkschaften, Jugendlechen, Fraen, ënnerdréckte Minoritéiten, hunn et erlaabt d’Leed op dëser Welt e Bëssen anzeschränken. Trotzdeem musse mir ons bewosst ginn, datt d’Mënschheet nëmmen dann eng Zukunft huet, wann si sech fräi mécht vun all Zort vun Ënnerdréckung.

    3 min

About RTL - Carte Blanche

From the publisher's feed

Meenungen aus der Zivilgesellschaft iwwert d'Aktualitéit

More shows like RTL - Carte Blanche

Déckkäpp by RTL Radio Lëtzebuerg

Déckkäpp

0 Listeners

Journal (Radio) by RTL Radio Lëtzebuerg

Journal (Radio)

1 Listeners

Automag by RTL Radio Lëtzebuerg

Automag

0 Listeners

Tanguy Pastureau maltraite l'info by France Inter

Tanguy Pastureau maltraite l'info

19 Listeners

RTL - Presseclub by RTL Radio Lëtzebuerg

RTL - Presseclub

0 Listeners

RTL - Carte Blanche by RTL Radio Lëtzebuerg

RTL - Carte Blanche

0 Listeners

L'œil de Philippe Caverivière by RTL

L'œil de Philippe Caverivière

54 Listeners

RTL - HitStory by RTL Radio Lëtzebuerg

RTL - HitStory

0 Listeners

Kloertext fir ze lauschteren by RTL Télé Lëtzebuerg

Kloertext fir ze lauschteren

0 Listeners

Podpurri - mir schwätze Kultur! by RTL Radio Lëtzebuerg

Podpurri - mir schwätze Kultur!

0 Listeners

RTL - Flunkernews by RTL.lu

RTL - Flunkernews

0 Listeners

RTL - Econews by RTL Radio Lëtzebuerg

RTL - Econews

0 Listeners

RTL - Sproochmates by RTL Radio Lëtzebuerg

RTL - Sproochmates

0 Listeners

RTL - Lecture vun heiheem by RTL Radio Lëtzebuerg

RTL - Lecture vun heiheem

0 Listeners

RTL - IGEL - Inclusioun ganz einfach liewen by RTL Radio Lëtzebuerg

RTL - IGEL - Inclusioun ganz einfach liewen

0 Listeners

Wocheréckbléck by RTL Radio Lëtzebuerg

Wocheréckbléck

0 Listeners

RTL - Nogehaakt by RTL Radio Lëtzebuerg

RTL - Nogehaakt

0 Listeners

L'oeil d'Alex Vizorek by RTL

L'oeil d'Alex Vizorek

13 Listeners

Ausgeschwat by RTL Tëlee Lëtzebuerg

Ausgeschwat

0 Listeners

Fro den Affekot by RTL Radio Lëtzebuerg

Fro den Affekot

0 Listeners

Nospillzäit by RTL Radio Lëtzebuerg

Nospillzäit

0 Listeners

RTL inteam by RTL Radio Lëtzebuerg

RTL inteam

0 Listeners