Samstöðin

Laugardagurinn 24. febrúar

Helgi-spjall: Lísa Páls

Í Helgi-spjalli við Rauða borðið segir Lísa Pálsdóttir okkur frá sjálfri sér, fólkinu sínu og hippakynslóðinni, frá óþekkt og óreglu, seiglu og skemmtilegheitum.

Grimmd Ísraels gagnvart Palestínu hefur bara aukist eftir úrskurð Alþjóðadómstólsins. Neyð fólks á Gaza hefur aldrei verið meiri.

Í þættinum í kvöld munum við ræða um nýjustu fréttir af árásunum, alþjóðasamfélagið og ræða stöðuna í samfélaginu.

Grimmi & Snar, 23. febrúar

Það eru góð efni í bumbunni 👁️‍🗨️💮🪙🌐

Hjálmar Örn Jóhannsson andlegur meistari 🧖🏼Grimma & Snar mætti í mesta mistery box allra tíma, studio 🅱️

Heimsmyndir 23. febrúar

Bjarni Randver Sigurvinsson

Gestur þáttarins er Bjarni Randver Sigurvinsson trúar- og guðfræðingur. Bjarni lenti harkalega upp á kant við herskáa guðleysingja árið 2010 og úr því spunnust miklar deilur í um tvö ár. Kristni þótti gleðilegt að fá tækifæri til að biðjast afsökunar á sínum þætti í þeim deilum. Það má deila um allt sem viðkemur réttu og röngu í þeim árekstri hugsuða, en allir hefðu þeir átt að setjast niður og kynnast frekar en að takast á úr fjarlægð.

Föstudagurinn 23. febrúar

Vikuskammtur: Vika 08

Í Vikuskammti við Rauða borðið sitja í dag þau María Lilja Ingveldar-Þrastardóttir Kemp fjölmiðlakona, Elísabet Ronaldsdóttir klippari , Sigtryggur Ari Jóhannsson ljósmyndari og Gunnar Lárus Hjálmsson aka Dr. Gunni tónlistarmaður og ræða fréttir vikunnar sem einkenndust af umræðum um innflytjendur og innviði, fréttum að stríðum og glæpum, samningum og sáttum.

Hvöss gagnrýni á vendingar í innflytjendamálum, stytting náms til stúdentsprófs sem hryðjuverk og stormasamt viðtal við Jón Steinar Gunnlaugsson er meðal efnis við Rauða borðið í kvöld.

Drífa Snædal, talskona Kvennaathvarfsins, ríður á vaðið sem fyrsti viðmælandi Samstöðvarinnar í beinni útsendingu klukkan 20 í kvöld. Umræðuefnið er rasismi, innflytjendamál og staða VG.

Lífið í Grindavík verður á dagskrá. Jón Steinar Gunnlaugsson fyrrum hæstaréttardómari ræðir opnun bæjarins sem hann þakkar málsókn sem hann sinnti fyrir Grindvíking. Hann segir morgunljóst að lokun bæjarins hafi verið brot á stjórnarskrá.

Ársæll Guðmundsson, skólameistari sem var yfir námstímanefnd sem stytti nám til stúdentsprófs, skýrir sjónarmiðin að baki hinum umdeildu breytingum. Fyrrverandi kennari við Menntaskólann á Akureyri verður á línunni en hann kallar styttinguna hryðjuverk.

Vilmundur Möller Sigurðsson slær svo botninn í þáttinn en hann heldur fram að tugþúsundir Íslendinga sofi illa vegna kemískra efna í rúmdýnum.

Í Ungliðaspjalli kvöldsins ræðum við um innflytjendur, hælisleitendur og um umræðuna í samfélaginu. Réttindi fólks á flótta og um innviði Íslands

Ungliðar þáttarins verða Askur Hrafn Hannesson, aðerðarsinni, Aníta Sóley Scheving Þórðardóttir, jafnréttisfulltrúi LÍS og ötul baráttukona fyrir réttindum barna og mannréttinda, Gabríel Ingimarsson, formaður Uppreisnar, ungliðahreyfingar Viðreisnar og Karl Héðinn Kristjánsson, forseti Roða, ungliðahreyfingar ungra Sósíalista.

Tímamót í Grindavík með opnun bæjarins, viðbrögð við breyttri innflytjendastefnu ríkisstjórnarinnar, umhverfismál, Víkingur Heiðar konsertpíanisti og fleira verður á dagskrá við Rauða borðið á Samstöðinni í kvöld.

Við hefjum leik í Grindavík þar sem bærinn er ekki lengur rammlæstur. Við ræðum við íbúa.

Annar válegur veruleiki sem margir eru að tala um þessa dagana eru loftslagsmálin. Stærstu hita- og kuldamet falla nú um víða um völl svo nemur jafnvel fráviki upp á 6-7 gráður. Stefán Jón Hafstein, höfundur bókar um umhverfismál, kemur og ræðir andvaraleysið í heiminum gagnvart ógninni sem nú er smám saman að fá á sig andlit og rödd.

Það verður einnig fjallað um menningu við Rauða borðið. Undrið Víkingur Heiðar Ólafsson píanisti er á margra vörum þessa dagana, jafnt innan sem utan landsteinanna. Við fáum einn þekktasta tónlistarkrítíker landsins, Arndísi Björk Ásgeirsdóttur í heimsókn, hún ætlar að segja okkur söguna alla á bak við Víking.

Síðast í þættinum kemur svo Hjálmtýr Heiðdal fyrir hönd Ísland-Palestínu, hann ætlar að greina nýjustu vendingar í stríðinu á Gaza og segja okkur frá mikilli fjögun félagsmanna undanfarið. Við fáum líka viðbrögð hans við einu stærsta fréttamáli dagsins sem er breytt stefna ríkisstjórnarinnar í innflytjendamálum.

Umræðuþáttur um fangelsismál og réttarvörslukerfið á breiðum grunni. Umsjón: Ásdís Birna Bjarkadóttir og Guðmundur Ingi Þóroddsson.

Umræðuefni dagsins er hringiða neyslu, glæpa, fangelsa og heimilisleysis og eru gestir þáttarins að þessu sinni þau Jón Þór Kvaran, meðferðarfulltrúi Fangelsismálstofnunar með aðsetur á Litla hrauni, Soffía Hjördís Ólafsdóttir, deildarstjóri í málefnum heimilislausra hjá Reykjavíkurborg og Ingi Þór Eyjólfsson, forstöðumaður Gistiskýlisins á Lindargötu í RVK.