Samstöðin

Talnaspekingurinn Estrid Þorvaldsdóttir segir okkur frá vatnaspeki sem er stunduð á Sardiníu og kíkir í tölurnar hjá Kötu, Kristrúnu og nokkrum körlum.

Grimmi og Snar er hasarþáttur með frænkunum Ingibjörgu Magnadóttur, Köru Guðmundsdóttur og fleirum.

Fimmtudagurinn 25. janúar

Stéttabarátta og hælisleitendur

Sólveig Anna Jónsdóttir kemur að Rauða borðinu og lýsir stöðunni í kjaraviðræðum. Hafa fyrirtækjaeigendur skipt um kúrs? Eru verkföll fram undan? Vilja stjórnvöld nota Grindavík til að draga úr launakröfum? Við höldum áfram að ræða málefni hælisleitenda og innflytjenda af gefnu tilefni. Nú koma þau Magnea Marinósdóttir alþjóðastjórnmálafræðingur, og Stefán Einar Stefánsson fjölmiðlamaður og skiptast á skoðunum um stöðu hælisleitenda, umræðuna um málaflokkinn, stöðu innviða og grunnkerfa, glæpi og allskonar sem blandast þeirri umræðu.

Í þætti vikunnar af Maður lifandi verður ítarlegt spjall við Kára Jónasson, fyrrum fréttastjóra Rúv. Fréttamennska á Íslandi er sögð í krísu. Við fjöllum um það. Þá ber ungt fólk á góma þá og nú sem og hagsmuni þess og hugðarefni

Miðvikudagurinn 24. janúar

Hælisleitendur, Gaza og auðlindirnar okkar

Þingmennirnir Jón Gunnarsson frá Sjálfstæðisflokknum og Björn Leví Gunnarsson Pírati deila við Rauða borðið um hælisleitendur og innflytjendur, en líklega eru þeir sitthvor endinn á deilunum í þingsal um þessi mál. Erlingur Erlingsson hernaðarsagnfræðingur lýsir stöðunni á Gaza og metur hvert sú hörmung getur leitt. Í lokin kemur Indriði Þorláksson og fjallar um Auðlindina okkar, nefndarvinnu sem Svandís Svavarsdóttir matvælaráðherra stóð fyrir.

Þriðjudagurinn 23. janúar

Innflytjendamál, háskólar og bíó Palestína

Innflytjendamál er sannarlega komin á dagskrá þjóðmálanna, ofan á öll óleystu vandamálin. Þingfólkið Arndís Anna Kristínardóttir Gunnarsdóttir Pírati, Bergþór Ólason frá Miðflokknum og Sigmar Guðmundsson frá Viðreisn koma að Rauða borðinu og ræða málin. Það gera líka Guðbjörn Guðbjörnsson, formaður Tollstjórafélagsins og stjórnsýslufræðingur, Hallur Magnússon sem rekur fyrirtæki í byggingabransanum og Atli Þór Fanndal framkvæmdastjóri Íslandsdeildar Transparency International. Þeir spá í áhrifin af útspili Bjarna Benediktssonar á stjórnmálin. Það stendur til að sameina háskólana á Bifröst og Akureyri og um það eru ekki allir sáttir. Grétar Þór Eyþórsson deildarforseti viðskiptadeildar Háskólans á Akureyri og Ólína Kjerúlf Þorvarðardóttir deildarforseti félagsvísindadeildar á Bifröst skiptast á skoðunum. Í lokin kemur Esther Bíbí Ásgeirsdóttir umsjónarkona Bíóteks Kvikmyndasafnsins og segir okkur frá palestínskum bíómyndum sem hún ætlar að sýna í Bíó Paradís.

Vilhjálmur Andri Kjartansson kemur til okkar og ræðir stöðuna á leigumarkaði. Vilhjálmur er lögfræðingur hjá Leiguskjól og hjá leiguvefnum myIgloo en í gegnum hann fara um 80% af öllu leigusamningum á Íslandi.

Mánudagurinn 22. janúar

Aðgerðaáætlun, rasismi og útlendir fangar

Hörður Guðbrandsson formaður Verkalýðsfélags Grindavíkur og Páll Valur Björnsson kennari koma að Rauða borðinu og gera upp aðgerðarpakka ríkisstjórnarinnar til að tryggja öryggi Grindvíkinga. Er þetta nóg? Eða nógu skýrt? Hallfríður Þórarinsdóttir mannfræðingur ræðir um rasisma á Íslandi í tilefni af Facebook-færslu Bjarna Benediktssonar utanríkisráðherra og formanns Sjálfstæðisflokksins þar sem hann sagði mótmælastöðu fólks frá Palestínu á Austurvelli vera hörmungin ein. Í lokin kemur Helgi Gunnlaugsson afbrotafræðingur og fjallar um erlenda fanga í íslenskum fangelsum, en um fjölda þeirra hefur verið fjallað í umræðunni og bent á sem dæmi um varasamar afleiðingar fjölgunar innflytjenda

Bandaríkin og Bretland hafa varpað sprengjum á Jemen minnst sex sinnum á síðustu tíu dögum. Þetta gera þeir til þess að „vernda alþjóðlegar flutningaleiðir“ frá banni Jemens á umgangi ísraelskra skipa í gegnum Rauðahafið

Í Rauðum raunveruleika kvöldsins ætlum við að fjalla um þessar árásir Bandaríkjamanna og Breta á Jemen, um tilkomu Húta eða Ansar Allah eins og þau kalla sig. Um grimmilegt stríð Sádí Arabíu og Bandaríkjanna gegn byltingu Jemens 2014 sem hefur drepið 377.000 manns, þar af 70% börn. Og um hvert þetta gæti allt verið að stefna.

Bein útsending hefst klukkan 18:00 á Samstöðinni

Sunnudagurinn 21. janúar

Synir Egils: Hamfarir, stjórnarkreppa og samfélag

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við gesti. Að þessi sinni koma Guðmundur Hrafn Arngrímsson formaður Leigjendasamtakanna, Guðrún Margrét Guðmundsdóttir starfsmaður Alþýðusambandsins og Þórður Pálsson, forstöðumaður fjárfestinga hjá Sjóvá og ræða fordæmalausa stöðu. Ríkisstjórn með innanmein frammi fyrir risastórum verkefnum; hamförum, flóttafólki, kjarasamningum, húsnæðiskreppu, verðbólgu og efnahagslegri óvissu. Þeir bræður munu taka stöðuna á pólitíkinni en á eftir munu þeir fá til sín gesti til að ræða stöðuna í Grindavík út frá öðrum sjónarhornum en jarðfræðilegum og verkfræðilegum. Kristín Linda Jónsdóttir sálfræðingur og íbúi í Grindavík, Sigrún Ólafsdóttir prófessor í félagsfræði og Þórólfur Matthíasson prófessor í hagfræði ræða Grindavík, samfélag í upplausn, stöðu fjölskyldna og getu og vilja ríkisvaldsins til að finna réttar lausnir og fylgja þeim eftir.

Laugardagurinn 20. janúar

Helgi-spjall: Tyrfingur Tyrfingsson

Í Helgi-spjalli við Rauða borðið skýrir Tyrfingur Tyrfingsson út hvers vegna hann er eins og hann er, hvað mótaði hann og hvert han stefnir.