Samstöðin

Rannveig Tenchi Ernudóttir er guðlaus guðfræðingur, Pírati, varaborgarfulltrúi í leyfi og forstöðukona öldrunarmiðstöðvar á Stykkishólmi. Hún skrifaði eitt sinn BA ritgerð um fermingu unglinga og ræddi við Kristin um hlutverk trúarhugmynda í uppeldi og í sjálfsmynd, í glettni um satanisma og um allt frá draumum til samfélagsumræðunnar um erfið málefni.

Í kvöld munum við ræða við Ólaf Jónsson og Kára Jónsson um gengisfellingu krónunnar. Er verið að halda gengi krónunnar niðri viljandi og þá hvers vegna? Gengi krónunnar hefur lækkað töluvert undanfarið og það leitt til þess að kaupmáttur heimilanna hefur rýrnað. Mörg stærstu fyrirtæki landsins, þar á meðal stórútgerðirnar, nota aðra gjaldmiðla en krónuna og geta grætt gríðarlega á því að gengi krónunnar sé lágt. Þorri Íslendinga tapar hins vegar kaupmætti með lækkandi gengi krónunnar.

Könnum málið með Ólafi og Kára klukkan 18:00 á Samstöðinni.

Í Grimma og Snar að þessu sinni verður lesið fyrir ykkur Grimmsævintýrið Einiberjatréð og úr bréfum Mozart til pabba síns 📝 👨🏼‍🦳🧑🏽‍🦲👩🏻

Fimmtudagurinn 18. janúar

Upplausn í kjaraviðræðum, flóttabörn og Grindavík

Ragnar Þór Ingólfsson formaður VR segir okkur frá snúinni stöðu í kjaraviðræðum. Hanna Símonardóttir fósturmóðir palestínska drengsins Yazan segir okkar frá stöðu drengsins og frænda hans, hryllingnum á Gaza en einnig frá sér og reynslu sinni sem fósturmóðir margra barna. Fjórir þingmenn Suðurlandskjördæmis koma að Rauða borðinu og ræða Grindavík: Oddný Harðardóttir frá Samfylkingu, Jóhann Friðrik Friðriksson frá Framsókn, Guðbrandur Einarsson frá Viðreisn og Birgir Þórarinsson frá Sjálfstæðisflokknum. Í lokin fer Páll Baldvin Baldvinsson leikstjóri, fyrrum leiklistargagnrýnandi og dagskrárstjóri, yfir íbúafund Grindvíkinga í Laugardalshöll sem var sögulegur og dramatískur.

Miðvikudagurinn 17. janúar

Opinberir starfsmenn, Grindvíkingar, Orban og handboltinn

Við ræðum kjaramál opinberra starfsmanna við Þórarinn Eyfjörð formann Sameykis, Magnús Þór Jónsson formann Kennarasambandsins og Steinunni Bergmann formann Félagsráðgjafafélags Íslands. Hvernig meta þau stöðuna í yfirstandandi viðræðum og hvaða áhrif þær muni hafa á samningaviðræður opinberra starfsmanna. Íbúafundur Grindvíkinga í Laugardalshöllinni var stórmerkur. Petra Rós Ólafsdóttir skrifstofustjóri, stjórnarkona knattspyrnudeildarinnar og slysavarnarkona, Sigríður María Eyþórsdóttir tónlistarkona, kirkjuvörður og tónmenntakennari, Páll Valur Björnsson kennari og Hörður Guðbrandsson formaður Verkalýðsfélagsins koma til okkar og gera upp fundinn. Við sláum svo á þráðinn til Budapest í tilefni af því að Ungverska landsliðið niðurlægði það íslenska í gær. Freyr Rögnvaldsson blaðamaður segir okkur frá íþróttastefnu Viktors Orban og hvernig hún tengist stjórnarmálaviðhorfum hans. Í lokin spilum við svo raddir Grindvíkinga, eins og þær birtust á íbúafundinum í Laugardalshöll.

Þriðjudagurinn 16. janúar

RÚV, forseti, Grindavík og Vestmannaeyjagosið

Það hefur verið deilt um fréttaþjónustu Rúv undanfarið og tengist skyldum Ríkisútvarpsins og öryggishlutverki - ekki síst í náttúruhamförum. Björn Þorláks ræðir nú við Boga Ágústsson fréttaþul og fyrrum fréttastjóra Rúv um ýmis álitaefni. Sigríður Hrund Pétursdóttir vill verða forseti og ætlar í framboð. Við spyrjum hvers vegna. Dagmar Valsdóttir rak gistiheimili í Grindavík og vann á leikskólanum. Líf hennar er nú í upplausn eins og samfélagið í Grindavík. Við fáum hana til að segja reynslu sína. Eftir gosið í Vestmannaeyjum voru þeir bræður Gísli og Arnþór Helgasynir með þáttinn Eyjapistill í Ríkisútvarpinu, fjölluðu þar um samfélag á flótta undan náttúruhamförum og límdu að að mörgu leyti saman. Gísli rifjar upp þessa tíð við Rauða borðið.

Búseta í óviðunandi húsnæði. Hvernig blasir búseta á iðnaðarsvæðum við þeim sem hafa eftirlit með henni? Hvert er umfang óleyfisbúsetu eða búestu við óviðunandi skilyrði? Aldís Rún Lárusdóttir sviðsstjóri Fornarsviðs slökkviliðins á höfuðborgarsvæðinu ræðir við okkur um verkefni slökkviliðsins og hvað það er sem blasir við þeim sem sinna eftirlit með óviðunandi búsetu.

Soffía Hjördís Ólafsdóttir félagsráðgjafi og deildarstjóri málaflokks heimilislausra með miklar og flóknar þjónustuþarfir hjá Reykjavíkurborg ræðir við okkur félagslega stöðu viðkvæmra hópa á húsnæðismarkaði. Bæði ræðir hún við okkur um reynslu sína sem starfsmaður velferðasviðs og sem rannsakandi. Soffía Hjördís hefur rannsakað upplifun barna af því að alst upp við eða búa í fátækt. Við ræðum við hana um stöðuna og hvernig leigumarkaðurinn birtist sem þáttur í að skapa eða viðhalda fátækt.

Mánudagurinn 15. janúar

Grindavík, náttúruvá, Mútter Courage og kratabærinn

Feðgarnir Hörður Guðbrandsson formaður Verkalýðsfélags Grindavíkur og Einar Hannes Harðarson formaður Sjómannafélags Grindavíkur koma til okkar og segja okkur frá baráttu Grindvíkinga fyrir að fá frið fyrir lánardrottnum, til að hafa öruggt húsnæði og losna við afkomukvíða meðan náttúran rífur bæinn þeirra í tvennt. Þorvaldur Þórðarson eldfjallafræðingur ræðir Reykjaneselda og hvernig draga má úr hættunni af þeim. Þjóðleikhúsið setti upp stríðsádeiluna Mútter Courage á vorum tímum, þegar flestir landsmanna líta á Úkraínustríðið sem heilagt stríð. Steinunn Ólína Þorsteinsdóttir leikkona og Una Þorleifsdóttir leikstjóri segja okkur hvers vegna og ræða um erindi verksins og uppfærslunnar. Í lokin kemur Sigurður Pétursson sagnfræðingur segir okkur frá kratabænum Ísafirði, risi hans, blómatíma og falli, en líka því hvort að þar hafi grasserað spilling, eins og oft er haldið fram um þær stofnanir og félög sem alþýðan byggir upp.

Dr. Giti Chandra er fræðimaður hjá GEST-verkefninu við Háskóla Íslands og hélt nýverið erindi í Stjórnmálaskóla Sósíalistaflokksins um nýlendustefnuna.

Anita Da Silva Bjarnadóttir, Guðröður Atli Jónsson, Karl Héðinn Kristjánsson og Sanna Magdalena Mörtudóttir munu ræða við Giti um nýlendustefnuna og áhrif hennar á heiminn okkar í dag

Fylgist með klukkan 18:00 á Samstöðinni!

Sunnudagurinn 14. janúar

Eldgos, átök, ráðherrakapall og orkuskipti

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við gesti. Að þessi sinni koma Katrín Oddsdóttir lögmaður, Sigríður Dögg Auðunsdóttir blaðamaður og formaður Blaðamannafélagsins og Þórður Gunnarsson hagfræðingur og ræða átök innan ríkisstjórnar, innan Blaðamannafélagsins, hvalveiðar, orkuskipti og önnur átakamál. Við byrjum þáttinn hins vegar á rapporti frá Þorvaldi Þórðarsyni eldfjallafræðingi og heyrum svo í tveimur Grindvíkingum: Hilmar Freyr Gunnarsson og Páll Valur Björnsson koma til okkar. Í lokin kemur Halla Hrund Logadóttir orkumálastjóri og fer yfir orku- og auðlindamál og ekki síst stöðuna á Reykjanesi.