Samstöðin

Laugardagurinn 4. nóvember

Helgi-spjall: Jasmina

Jasmina Vajzović Crnac er uppkomið flóttabarn frá stríðsátökum í fyrrum Júgóslavíu. Hún segir frá ætt sínum og uppruna, fjölskyldu og flóttanum frá stríði og ofbeldi, áföllunum og minningunum og hvernig þetta hefur litað líf hennar.

Föstudagurinn 3. nóvember

Vikuskammtur: Vika 44

Í Vikuskammti við Rauða borðið sitja í dag þau Ása Björk Ólafsdóttir prestur, Askur Hrafn Hannesson aðgerðarsinni, Benjamín Júlían starfsmaður ASÍ og Kristján Þór Sigurðsson mannfræðingur og ræða fréttir vikunnar sem eru af stríðsmönnum og flóttafólki, basli og átökum, hræringum, átökum og deilum.

Fimmtudagurinn 2. nóvember

Fílinn í stofunni, efnahagsstefna Valhallar og ójöfnuður á Íslandi

Við höldum áfram að kortleggja Einreiðarklíkuna, kolkrabbann og bláu höndina. Nú er komið að Ólafi Jónssyni skipstjóra að segja okkur frá fílnum í stofunni. Við fáum síðan Guðmund Auðunsson hagfræðing til að bera saman efnahagsstefnu Sjálfstæðisflokksins og breska Íhaldsflokksins. Í lokin kemur Guðmundur Jónsson sagnfræðingur og segir okkur frá ójöfnuði á Íslandi, á átjándu öld.

Miðvikudagurinn 1. nóvember

Palestína, Kleppur, inngilding og Bláa höndin

Þeir koma að Rauða borðinu Yousef Ingi Tamimi og Qussay Odeh og lýsa sinni sýn á stríðið í Palestínu, fréttaflutning á Vesturlöndum og erfiðleika við að halda á lofti málstað Palestínu. Ólöf Dóra Bartels Jónsdóttir skrifaði skáldsögu um langömmu sína sem lögð var inn á Klepp og dó þar. Hún segir okkur frá langömmu sinni og hvers vegna hún vildi skrifa um hana. Fríða B. Jónsdóttir, fyrrum leikskólakennari og nú nýdoktor við HI, segir okkur frá því hvernig kennarar geta aðlagast breyttum bekkjum, hópi nemenda sem eru af ólíkari uppruna en áður var. Og í lokin segir Gunnar Smári Egilsson frá sínum kynnum af Bláu höndinni.

Borgarfulltrúarnir Sanna Magdalena Mörtudóttir og Trausti Breiðfjörð Magnússon fara yfir málin í borginni, í Reykjavíkurfréttum. Karl Héðinn Kristjánsson, formaður Ungra sósíalista kemur í stúdíóið og ræðir við okkur fréttir vikunnar. Eftir það skoðum við Sunnutorg og veltum því fyrir okkur hvað eigi að gera við þessa byggingu, sem hefur átt betri daga. Kristín I. Pálsdóttir, framkvæmdastýra og talskona Rótarinnar - Félags um velferð og lífsgæði kvenna og Kristján Ernir frá Viðmóti - notendasamtökum, koma til okkar í þáttinn að ræða skaðaminnkun, þar sem áhersla er lögð á að fyrirbyggja þann skaða og þá áhættu sem hljótast af notkun vímuefna. Við fjöllum einnig um hlutverk sveitarfélaga í þessum málefnum.

Borgarfulltrúarnir Sanna Magdalena Mörtudóttir og Trausti Breiðfjörð Magnússon ræða fréttir vikunnar í Reykjavík, heimsækja hjólhýsabyggðina við Sævarhöfða og fá gesti í stúdíóið til að ræða húsnæðiskreppuna í höfuðborginni. Gestir þáttarins eru Guðmundur Hrafn Arngrímsson formaður Samtaka leigjenda, Kolbrún Baldursdóttir borgarfulltrúi Flokks fólksins og Bjarni Þór Sigurðsson sérfræðingur í húsnæðismálum hjá ASÍ.

Þriðjurdagurinn 31. Október

Ofbeldi gegn konum í stjórnmálum / Violence against women in politics.

Mona Lena Krook Prófessor í stjórnmálafræði sem var með fyrirlestur á dögunum á vegum Kvennasögusafnsins segir okkur frá rannsókn sinni um Ofbeldi gegn konum í stjórnmálum.

Þátturinn Sósíalískir femínistar er í umsjón Söru Stef Hildardóttur og Maríu Pétursdóttur.

Í þættinum ræða þær við fólk um málefni líðandi stundar í ljósi feminískrar baráttu en feminísk barátta er í grunninn barátta allra undirskipaðra hópa sem reyna að lifa af í kapítalísku feðraveldi fyrr og nú.

Við höldum áfram að tala um Eimreiðina, Kolkrabbann og bláu höndina. Hallgrímur Helgason rithöfundur kynntist bláu höndinni og skrifaði um hana. Við ræðum kjarabaráttu kennara við Elna Katrín Jónsdóttir fyrrum formann Hins íslenska kennarafélags, Magnús Þór Jónsson formann Kennarasambandsins og Sigurð Pétursson sagnfræðing og handritshöfundar Endurgjöf, heimildarmynd um kennaraverkföllin undir lok síðustu aldar. Haukur Arnþórsson stjórnsýslufræðingur segir okkur frá Microsoft-klúður ríkisins og Sigríður Dúa Goldsworthy frá morðunum í Dillonshúsi. Í lokin kemur Lóa Björk Björnsdóttir frá Lestinni á rás eitt að Rauða borðinu, reynir að taka viðtal á sama tíma og við tökum viðtal við hana.

Í Rauðum raunveruleika í kvöld fjöllum við um sósíalískan femínisma, um tilkomu feðraveldisins, kapítalisma og þá menningu kúgunar sem hefur ríkt frá byrjun siðmenningar.

Gestir þáttarins eru þær María Pétursdóttir, Laufey Líndal Ólafsdóttir, Sara Stef Hildardóttir og hann Oliver Axfjörð Sveinsson.