Samstöðin

Þriðjudagurinn 17. október

Bruni, hrun, fátækt og ADHD

Við ræðum við formann Leigjendasamtakanna, Guðmund Hrafn Arngrímsson, um atburði dagsins, leigjenda sem fórst í bruna í iðnaðarhverfi upp á höfða. En einnig um hvernig leigumarkaðurinn dregur fólk niður í fátækt og heldur því þar. Við ræðum um myndina Baráttan um Ísland, en ekki síður um baráttuna um söguna af Hruninu við þá Þórð Snæ Júlíusson blaðamann, Jón Gunnar Bernburg félagsfræðing og Árna Daníel Júlíusson sagnfræðing. Þá koma félagar í Pepp, grasrót fólks í fátækt að Rauða borðinu, Laufey Líndal Ólafsdóttir, Ásta Þórdís Skjalddal Guðjónsdóttir og Elísabet Hauksdóttir, og segja okkur frá fátækt og baráttu fátæks fólks í tilefni af degi fátæktar, sem er í dag. Í lokin segir Vilhjálmur Hjálmarsson formaður ADHD-samtakanna okkur frá rannsóknum á ADHD og meðferð við því.

Mánudagurinn 16. október

Pólland, fátæk, hryðjuverk og bresk stjórnmál

Við ræðum við Jacek Godek stórþýðanda í Gdansk um pólsku kosningarnar og stjórnarskiptin sem virðast vera í nánd. Við ræðum við Kjartan Ólafsson félagsfræðing um fátækt, en hann er einn þeirra sem tók saman enn eina skýrsluna um fátækt fyrir stjórnvöld. Hver er byrði fátækar, ekki bara á þá einstaklinga og fjölskyldur sem verða fyrir henni, heldur samfélagið allt. Við heyrum í Helen Ólafsdóttur öryggissérfræðingi um Hamas, Palestínsku þjóðina og herinn í Ísrael. Hverir eru að fremja stríðsglæpi og með stuðningi hverra. Og við heyrum í Guðmundi Auðunssyni um stöðuna í breskum stjórnmálum, nú þegar flokkarnir hafa haldið sín flokksþing.

In this episode we contextualize and reflect on the ongoing crisis in Israel - Palestine. Thousands of innocent people have died in brutal attacks from the Israeli "Defence" Force that routinely forcibly expels Palestinian people from their homes in the West Bank, killing many, and forcing them into the open air prison that is Gaza

Fimmtudagurinn 12. október

Þjóðarmorð, innflytjendur, Græn landamæri og sósíalisminn í Svíþjóð

Við stöndum á þröskuldi þjóðarmorðs í Palestínu. Og svo virðist sem stjórnvöld á Vesturlöndum ætli að bæði að hvetja og styðja Ísraelsstjórn til þess. Við ræðum um þessa nöpru stöðu við Hjálmtý Heiðdal formann félagsins Ísland-Palestína og þá Qussay Odeh og Fahad Jabali, sem báðir eru íslenskir Palestínumenn. Darius Dilpsas, rafvirki og innflytjandi frá Litháen, segir okkur frá íslenskum vinnumarkaði í tilefni af nýrri skýrslu ASÍ um stórfelld vinnumarkaðsbrot gagnvart innflytjendum. Kvikmyndin Græn landamæri eftir Agnieszku Holland verður frumsýnd í Bíó Paradís um helgina. Valur Gunnarsson kemur til okkar og segir frá þessari mögnuðu mynd, bestu mynd sem Valur hefur séð um háa herrans tíð. Í lokin kemur Steingrímur Jónsson, bæjarfulltrúi Vinstriflokksins í Lundi, að Rauða borðinu og segir okkur frá stjórnmálum og sósíalisma í Svíþjóð.

Sunnudagurinn 15. október

Synir Egils: Afsögn, spilling, stríð og mótmæli

Bræðurnir Sigurjón Magnús og Gunnar Smári Egilssyni taka á móti gestum og ræða helstu fréttir og pólitík við Þórhildi Sunnu Ævarsdóttur þingkonu, Sólveigu Önnu Jónsdóttur formann Eflingar og Guðmund Andra Thorsson rithöfundur. Þeir bræður fara líka yfir daginn og veginn og Atli Þór Fanndal fer með pistilinn. Í lokin mæta í stúdíóið fólkið sem stóð fyrir mótmælunum Bjarna burt! og meta árangurinn: Hallfríður Þórarinsdóttir, Karl Héðinn Kristjánsson, Birgir Þórarinsson, Guðmundur Hrafn Arngrímsson og Kári Jónsson.

Í friðarviðræðum þáttarins Mótmæli í morgunmat fáum við að fylgjast með andspyrnuhreyfingunni sem María Pétursdóttir dokumenteraði á Austurvelli um árið undir ræðu Davíðs Oddssonar og förum svo aftur á Austurvöll á samtöðumótmæli vegna árásar á Palestínu og heyrum viðtal við hinn palestínska Anís. Rithöfundurinn Mazen Maarouf setur ástandið á Gaza í samhengi og við heyrum líka nöturlegan en fallegan kafla úr bók hans Brandarar fyrir byssumennina.

Laugardagurinn 14. október

Úrval vikunnar á Samstöðinni

Í úrvali vikunnar af Samstöðinni endurflytjum við sex viðtöl. Við heyrum Ásgeir Brynjar Torfason sérfræðing í fjármálum og Ólaf Þ. Harðarson stjórnmálafræðing ræða afsögn Bjarna Benediktssonar. Við ræðum um hina nöpru stöðu Palestínsku þjóðarinnar við Hjálmtý Heiðdal formann félagsins Ísland-Palestína og þá Qussay Odeh og Fahad Jabali, sem báðir eru íslenskir Palestínumenn. Við ræðum við Selmu Hafsteinsdóttir og Elísabetu Hrund Salvarsdóttir, mæður ættleiddra barna, um vöggustofur og áhrif þeirra á börnin. Við ræðum við Darius Dilpsas, rafvirkja og innflytjanda frá Litháen, um stórfelld vinnumarkaðsbrot gagnvart innflytjendum. Við ræðum um kalda stríðið og menningarleg afskipti stórveldanna við Hauk Ingvarsson bókmenntafræðing og Rósu Magnúsdóttir sagnfræðing. Og í lokin heyrum við í íslenskum efnahagsflóttamönnum á Spáni: Elínu Gunnarsdóttur. Guðnýju Matthíasdóttur, Guðjóni Eiríkssyni, Karli Kristjáni Hafsteini Guðmundssyni og Sigurbjörgu Pétursdóttur. Hvað voru þau að flýja og hvað fundu þau?

Laugardagurinn 14. október

Helgi-spjall: Egill Sæbjörnsson

Í Helgi-spjalli við Rauða borðið segir Egill Sæbjörnsson myndlistarmaður og poppari frá lífi sínu, list, meðvirkni, samskiptum og samtíma en líka stöðu sinni í flæði tímans, þar sem hann er gestur á Hótel Jörð eins og við hin.

Föstudagurinn 13. október

Vikuskammtur: Vika 41

Í Vikuskammti við Rauða borðið sitja í dag þau Borgar Magnason tónskáld, Grímur Atlason framkvæmdastjóri Geðhjálpar, Magnea Marinósdóttir alþjóðastjórnmálafræðingur og Salvör Gullbrá Þórarinsdóttir sviðslistakona og ræða fréttir vikunnar sem einkenndist stjórnarkreppu, hryðjuverkum, afsögn, átökum og ofbeldi.

Í Ungliðaspjallinu í kvöld ræðum við málefni vikunnar með formanni Samfylkingarinnar. Kristrúnu Frostadóttur

Við munum fjalla um Ísrael og Palestínu, afsögn Bjarna Benediktssonar sem fjármálaráðherra, ábyrgð í stjórnmálum, þjóðarmarkmið Samfylkingarinnar í heilbrigðis- og öldrunarmálum, félagshyggju og leiðina áfram fyrir Ísland.