Vikulokin

Gestir þáttarins eru Alþingismennirnir Andrés Ingi Jónsson, Pírötum, Diljá Mist Einarsdóttir, sjálfstæðisflokki, Jóhann Friðrik Friðriksson, Framsóknarflokki og Helga Vala Helgadóttir, Samfylkingar. Rætt var um afléttingaráætlun ríkisstjórnarinnar, stöðu heilbrigðiskerfisins, hneykslismál innan SÁÁ, geðheilbrigðismál, efnahagshorfur í ljósi hækkandi verðbólgu, og kórónu Kristjáns IX á þinghúsinu.

Umsjón: Bergsteinn Sigurðsson

Í gær lagði forsætisráðherra fram þingsályktunartillögu um breytta skipan ráðuneyta í Stjórnarráði Íslands. Þá loksins er komin skýrari mynd á eina stærstu breytingu sem orðið hefur á stjórnarráðinu um langan tíma. Tvö ný ráðuneyti verða til, ráðuneyti háskóla, iðnaðar og nýsköpunar annars vegar og hins vegar ráðuneyti ferðamála, viðskipta og menningar. Þá eru gerðar misveigamiklar breytingar á málaflokkum allra annarra ráðuneyta nema fjármálaráðuneytis og heilbrigðisráðuneytis.

Skýringar sem gerðar eru á þessum breytingum eru kröfur um sveigjanleika og viðbragðsþrótt samhliða örum samfélagsbreytingum - eins og segir í þingsályktunartillögunni. Það vakti ekki síður athygli þegar tilkynnt var um uppskipan stjórnarráðsins og nýja ráðherra hve mörg ráðuneyti fóru á milli þeirra flokka sem mynda ríkisstjórn - og að einu ráðherrarnir sem héldu sínum ráðuneytum voru formenn flokkanna.

Talsverð eftirvænting var um hvaða flokkur fengi yfirráð yfir lykilráðuneytum á borð við heilbrigðisráðuneyti og umhverfisráðuneyti og þótti sá flutningur sem varð milli flokka til marks um breytta stefnu ríkisstjórnarinnar og mögulega átök sem hafa orðið í stjórnarmyndunarviðræðum. Það þótti veikleikamerki fyrir vinstri græn að þurfa að láta umhverfisráðuneytið af hendi til sjálfstæðisflokksins og sú niðurstaða að framsóknarflokkurinn hefði fengið heilbrigðisráðuneytið þótti lýsandi fyrir þann mikla stefnuágreining í málaflokknum sem var milli sjálfstæðismanna og vinstri grænna.

Gestir:

Gunnar Helgi Kristinsson stjórnmálafræðingur

Bryndís Haraldsdóttir þingmaður sjálfstæðisflokksins og formaður allsherjarnefndar,

Friðrik Jónsson formaður BHM sem er stéttarfélag stórshluta starfsfólks stjórnarráðsins

Umsjón: Sigríður Dögg Auðunsdóttir

Tæknimaður: Jón Þór Helgason

Alþingi greiddi atkvæði á fimmtudag með því að samþykkja öll 63 kjörbréf sem gefin hafa verið út og getur þingið þá loksins hafið störf, eftir að rúmir tveir mánuðir eru liðnir frá kosningum. Annað stórt fréttamál í vikunni er ill meðferð á svokölluðum blóðmerum sem þýsk dýraverndarsamtök sviptu hulunni af í nýrri heimildarmynd og hefur vakið hörð viðbrögð almennings.

Gestir:

Eiríkur Tómasson, fyrrverandi hæstaréttardómari

Þórunn Sveinbjarnardóttir, þingmaður Samfylkingarinnar

Telma Tómasson fréttamaður á Stöð 2 og hestakona

Umsjón: Sigríður Dögg Auðunsdóttir