Gestir þáttarins voru Björn Jón Bragason sagnfræðingur, Sigríður Dögg Auðunsdóttir fréttamaður og Jóhann Páll Jóhannsson, blaðamaður á Stundinni. Rætt var um umdeilt viðtal við Kára Stefánsson í Kastljósi, þátttöku Íslenskrar erfðagreiningar í skimunum við landamærin, opnun landsins um miðjan júní, skýrslu ríkisendurskoðunar á hlutabótaleiðinni, gagnrýni ASÍ á þátttöku ríkisins í greiðslu á uppsagnarfresti hjá fyrirtækjum vegna Covid-19, óeirðir í Bandaríkjunum og deilur Bandaríkjaforseta við Twitter, frumvarp um upplýsingalög sem forsætisráðherra lagði fram en var vísað frá í nefnd, Samherjamálið og stöðu Dominic Cummings, ráðgjafa forsætisráðherra Bretlands.

Umsjón: Bergsteinn Sigurðsson

Tæknimaður: Mark Eldred

Gestir þáttarins voru Sigtryggur Magnason, aðstoðamaður samgöngu- og sveitastjórnarráðherra, Margrét Tryggvadóttir, rithöfundur og varaþingmaður Samfylkingarinnar, og Isabel Alejandra Díaz, nýr forseti Stúdentaráðs Háskóla Íslands. Rætt var um yfirvofandi slakanir á samkomuhöftum, opnun landsins, stöðu Icelandair, markaðsátak til að laða erlenda ferðamenn til landsins, sumarstörf fyrir háskólastúdenta, viðbótarframlag til listamanna og skiptingu þess milli listgreina, nýsköpun og fleira.

Umsjón: Bergsteinn Sigurðsson

Tæknimaður: Ragnar G. Gunnarsson

Staða ferðaþjónustunnar, skortur á úrræðum sem eru sniðin fyrir hana, horfur fyrir sumarið, hlutabótaleiðin, kvikmyndaiðnaðaurinn og sígaretta Bubba var meðal þess sem Halldór Warén, vert á Tehúsinu á Egilsstöððum, Jakob Tryggvason, formaður Félags tæknifólks í rafiðnaði og Sigrún Elsa Smáradóttir, framkvæmdastjóri Iceland Exclusive Travel ræddu.

Umsjón: Anna Kristín Jónsdóttir. Tæknimaður í Efstaleiti: Mark Eldred. tæknimaður á Egilsstöðum: Halldór Warén.

í byrjun þáttar var rætt við Hildi Guðbjörgu Kristjánsdóttur, sem starfar hjá Midgard Adventures á Hvolsvelli, um horfurnar fyrir sumarið. Aðrir gestir voru Ragnar Þór Ingólfsson, formaður VR, Rósa Guðbjartsdóttir bæjarstjóri í Hafnarfirði og Katrín Júlíusdóttir, framlvæmdastjóri Samtaka fyrirtækja í fjámálaþjónustu. Rætt var um hópuppsagnir og ákvörðun ríkisstjórnarinnar um að greiða uppsagnarfrest fyrir fyrirtæki vegna Covid-19, efnahagsaðgerðir ríkisstjórnarinnar, áform Hafnarfjarðarbæjar um sölu á hlut sínum í HS veitum, stöðu og hlutverk banka og fleiri mál.

Umsjón: Bergsteinn Sigurðsson

Tæknimaður: Magnús Þorsteinn Magnússon

Icelandair, ferðaþjónustan, sumarið framundan og grasbítandi gæsir á túnum voru meðal þess sem rætt var um í vikulokin að þessu sinni. Gestir voru Ásthildur Sturludóttir, bæjarstjóri á Akureyri, Ingibjörg Ólafsdóttir hótelstjóri á Hótel Sögu og Jón Þór Þorvaldsson flugstjóri, formaður FÍA og varaþingmaður Miðflokksins.

Umsjón: Anna Kristín Jónsdóttir

Tæknimaður: Ragnar Gunnarsson. Tæknimaður á Akureyri: Björgvin Kolbeinsson.

Í þættinum var byrjað á að hringja í Val Gunnarsson rithöfund sem er innlyksa í Kiev, en í næsta nágrenni loga skógareldar í grennd við kjarnorkuverið í Tjernóbil. Þingmennirnir Óli Björn Kárason, Sjálfstæðiflokki, Hanna Katrín Friðriksson Viðreisn, og Helgi Hrafn Gunnarsson Pírati, ræddu síðan störf þingsins en uppnám varð á þinginu í vikunni í kjölfar orðasennu milli Jóns Þórs Ólafssonar og Steingríms J. Sigfússonar. Rætt var um samráð eða samráðsleysi stjórnar og stjórnarandstöðu, yfirvofandi efnahagspakka sem ríkisstjórnin hafði boðað, stöðu fjölmiðla og Donald Trump Bandaríkjaforseta, sem hvatti mótmælendur í nokkrum ríkjum Bandaríkjanna til að spyrna gegn samkomutakmörkunum.

Umsjón: Bergsteinn Sigurðsson

Tæknimaður: Mark Eldred.

Gestir Vikulokanna voru Bergur Ebbi Benediktsson rithöfundur, Skúli S. Ólafsson prestur og Ragnheiður Kristjánsdóttir sagnfræðingur. Þau ræddu í Covid-19 faraldurinn í sögulegu ljósi, veltu fyrir sér mögulegum afleiðingum til framtíðar, sem og andleg málefni í tilefni af páskum.

Umsjón: Bergsteinn Sigurðsson

Tæknimaður: Magnús Þorsteinn Magnússon

Í þættinum var byrjað að ræða við Kristján Sigurjónsson, sem heldur úti síðunni Túristi.is. um áhrif Covid-19 á ferðaþjónustu sem og stöðuna í Svíþjóð þar sem hann býr. Hjálmar Gíslason, forstjóri Grid, og Þórunn Sveinbjarnardóttir komu í hljóðver og ræddu fréttir vikunnar, ásamt Gylfa Ólafssyni, forstöðumanni heilbrigðisstofnunar Vestfjarða sem var á línunni frá Ísafirði. Rætt var um alvarlega stöðu sem komin er upp á hjúkrunarheimilinu Bergi í Bolungarvík, efnahagsaðgerðir stjórnvalda, kjör hjúkrunarfræðinga, stöðuna á alþjóðavettvangi og fleira.

Umsjón; Bergsteinn Sigurðsson

Tæknimaður: Ragnar G. Gunnarsson