A cikin shirin Duniyar Wasanni,Abdoulaye Issa ya duba shirin da hukumar kwallon kafa ta Duniya Fifa ta yi zuwa ga kungiyoyin kwallon kafa da suka samu tikitin zuwa gasar cin kofin Duniya na Rasha shekarar 2018.

A wannan karo hukumar Fifa kawo sauyi a shirin  tareda samun karin kusan kashi 12 cikin dari na kudin da aka saba warewa.

Kwanuki biyar da lashe kofin zakarun Turai, Zinedine Zidane ya sanar  da ajiye mukamin mai horar da kungiyar Real Madrid.

Sanarwar da yanzu haka da dama suka soma nuna rashin gamsuwar su.

Zidane bafaranshe mai shekaru 45, bai bayyana ko zai ci gaba da aikin horar da kungiyoyin kwallon kafa nan gaba ba.

A cikin shirin Duniyar Wasanni Abdoulaye Issa ya dubo halind ake ciki  bayan ficewar sa da kungiyar Real Madrid.

Shirin Duniyar Wasanni na wannan makon tare da Abdurrahman Gambo Ahmad ya tattauna ne kan wasan karshe a gasar cin kofin zakarun nahiyar Turai, in da Real Madrid ta sake kare kambinta bayan ta casa Liverpool da kwallaye 3-1. Sai dai wasan ya zo da kura-kurai da suka hada da raunin da Sergio Ramos ya yi wa Mohamed Salah, abin da wasu ke cewa da gangan ya aikata haka don hana dan wasan tabuka wani abu a wasan.

Shirin duniyar wasanni na wannan makon tare da Abdurrahaman Gambo Ahmad ya tattauna ne kan shirye-shiryen kasashen duniya game da gasar cin kofin duniya da Rasha za ta karbi bakwanci nan da kwanaki kalilan masu zuwa. Najeriya na daga cikin kasashen da tuni suka sanar da 'yan wasan da za su wakilce su a gasar. Shirin ya kuma tattauna kan irin rawar da mai tsaren ragar Italiya da kungiyar Juventus, Gianlugi Buffon ya taka a fagen tamaula a duniya bayan ya sanar da rataye takalmansa a makon jiya a Juventus.

A cikin shirin Duniyar wasannin,Abdoulaye Issa ya dubo halin da ake cikin musaman ko  zai yiyu a gudanar da kwallon kafa  a Nijar cikin watan Ramadana,

Mu jiyo ta bakin wasu masu lura da lamuran kwallon kafa  a Nijar.

Shirin duniyar wasanni na wannan makon tare da Abdurrahman Gambo Ahmad ya tattauna ne kan wasu muhimman batutuwa uku a duniyar tamaula da suka hada da kawo karshen aikin Arsene Wenger a matsayin kocin Arsenal a cikin tsawon shekaru 22 da kuma batun fafutukar kasashen da ke neman izinin daukar nauyin gasar cin kofin duniya ta 2026. Sai kuma matakin da hukumar kwallon kafa ta duniya wato FIFA ta dauka na ladabtar da Rasha saboda kalaman nuna wariyar launin fata akan wasu 'yan wasa bakaken fata.

A jamhuriyar Nijar hukumar kwallon kafa ta Fenifoot ta aiwatar da sabon tsari na samar da gidaje a matsayin Ofis zuwa kungiyoyin Ligue na kasar.

Sanarwa daga Shugaban hukumar Fenifoot Kanal Djibrilla Hima a wata ziyara da ya kai Maradi tareda ganawa da masu ruwa da tsaki a harakokin kwallon kafa na yankin.

A cikin shirin Duniyar wasanni tareda Abdoulaye Issa za ku ji irin ci gaba da aka samu a bangaren kwallon kafa dama shirin da hukumomin ke yi wajen karbar bakuncin gasar cin kofin Afrika na yan kasa da shekaru 20.

Shirin na wannan karon yayi tsokaci akan shirye-shiryen da 'yan wasa da ma kasashe ke yi na tunkarar gasar cikin kofin duniya da za a yi a kasar Rasha cikin wannan shekara. Kasancewar Najeriya na daga cikin kasashen da zasu halarci wannan gasa, shirin na Duniyar Wasanni, ya tattauna da wasu daga cikin masu ruwa da tsaki a harkar kwallon kafar kasar akan kalubalen da za a fuskanta da kuma hanyoyin magance su.

A cikin shirin Duniyar Wasanni,Abdurrahman Gambo Ahmad ya dubo ta yadda wasu jihohin Najeriya suka soma maida hankali zuwa kwallon Dodge ko kwallon yar zulle .

Kwallon Dodge ta soma samu karbuwa daga matasan Najeriya musaman arewacin kasar kamar dai yadda zaku ji a cikin shirin Duniyar Wasanni.

Shirin duniyar wasanni na wannan makon tare da Abdoulaye Issa ya tattauna ne kan gasar Lig ta Jamhuriyar Nijra tare da yin nazari kan wasu matsaloli da ke addabar gasar a bana.