ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

October 05, 2022 តើការសុំតម្លើងប្រាក់ខែគ្រូឲ្យបាន១ភាគ៤នៃប្រាក់ខែតំណាងរាស្ត្រ អាចទៅរួចទេ?
ការទាមទារតម្លើងប្រាក់ខែគ្រូបង្រៀនឲ្យបានយ៉ាងតិច១ភាគ៤នៃប្រាក់ខែតំណាងរាស្ត្រ ឬស្មើនឹងជាង៧០០ដុល្លារអាមេរិក គឺជាចំណុចសំខាន់ជាងគេ ដែលត្រូវលើកឡើងនៅក្នុងវេទិកាសាធារណៈនៅទីលានប្រជាធិបតេយ្យនៅថ្ងៃទី៥តុលានេះ។ ការទាមទារយ៉ាងដូច្នេះ ដោយសមាគមគ្រូបង្រៀនកម្ពុជាឯករាជ្យលើកហេតុផលថា មកពីតំណាងរាស្ត្រធ្វើការឲ្យរដ្ឋដូចគ្រូបង្រៀនដែរ តែទទួលបានប្រាក់ខែរហូតដល់១៦លានរៀល ឬ៤០០០ដុល្លារ។ តើការសុំតម្លើងប្រាក់ខែគ្រូឲ្យបាន១ភាគ៤នៃប្រាក់ខែតំណាងរាស្ត្រ ឬជាង៧០០ដុល្លារអាចទៅរួចទេ?
13 min
October 04, 2022 តើកម្ពុជាគួរត្រៀមខ្លួនយ៉ាងណាប្រសិនបើវិបត្តិសេដ្ឋកិច្ចសកលធ្លាក់មកម្តងទៀត?
នៅក្នុងពិធីចែកសញ្ញាបត្រដល់និស្សិតនៃវិទ្យាស្ថានវ៉ាន់ដា កាលពីថ្ងៃចន្ទម្សិលមិញ លោកនាយករដ្ឋមន្ត្រី ហ៊ុន សែន បានបង្ហើបថាយោងតាមការវាយតម្លៃរបស់អ្នកសេដ្ឋកិច្ចនានា ពិភពលោកកំពុងឈានជើងឆ្ពោះទៅរកវិបត្តិសេដ្ឋកិច្ចដ៏ធំដូចកាលពីឆ្នាំ ២០០៨-២០០៩ ដោយសារសង្គ្រាមរុស្ស៊ី-អ៊ុយក្រែន និងការដាក់ទណ្ឌកម្មពីសហរដ្ឋអាមេរិក និងអឺរ៉ុប។ លោកថា ទណ្ឌកម្មនេះ នឹងជះឥទ្ធិពលភ្លាមៗមកដល់កម្ពុជាជាពិសេស វិស័យវាយនភណ្ឌកាត់ដេរអាចនឹងប្រឈមការលំបាកជាដើម។ ប្រឈមនឹងបញ្ហានេះ អ្នកជំនាញសេដ្ឋកិច្ចកម្ពុជានានាបានលើកជាយោបល់ប្រហាក់ប្រហែលគ្នា ក្នុងការត្រៀមលក្ខណៈទប់ទល់នឹងសភាពការណ៍អាក្រក់ណាមួយដែលអាចជះឥទ្ធិពលលើសេដ្ឋកិច្ចកម្ពុជាផងដែរ។
13 min
October 03, 2022 ផ្លូវល្បឿនលឿន៖ តើរដ្ឋត្រូវដោះស្រាយបែបណា ដើម្បីបញ្ចៀសហានិភ័យគ្រោះថ្នាក់ចរចារណ៍?
ផ្លូវល្បឿនលឿនភ្នំពេញ-ព្រះសីហនុ ត្រូវបានរដ្ឋាភិបាលប្រកាសដាក់ឲ្យប្រើប្រាស់សាកល្បង ក្នុងរយៈពេល១ខែដោយឥតគិតថ្លៃ។ នៅថ្ងៃទីមួយ ចរាចរណ៍លើផ្លូវល្បឿនលឿនទីមួយនៅកម្ពុជា មានសភាពមមាញឹក និងបញ្ហាមួយចំនួនគួរឲ្យកត់សម្គាល់។ បញ្ហាទាំងនោះ រួមមានការបើកលើសល្បឿនកំណត់ ការបើកបរបញ្ច្រាសទិស។ ល។ អ្នកជំនាញផ្នែកចរចារណ៍ បានបង្ហាញក្តីបារម្ភពីគ្រោះថ្នាក់ដែលអាចកើតឡើង ប្រសិនបើរដ្ឋាភិបាលមិនពង្រឹងការអនុវត្តច្បាប់។
13 min
October 02, 2022 តើលោក ហ៊ុន ម៉ាណែត ខ្លាំងទើបក្រុមប្រឆាំងរិះគន់?
លោក ហ៊ុន សែន អះអាងកាលពីម្សិលមិញថាក្រុមប្រឆាំងកំពុងតែខ្លាចសមត្ថភាពកូនប្រុសលោកដែលជាបេក្ខជននាយករដ្ឋមន្ត្រី ទើបពួកគេតាមវាយប្រហារពាក្យសំដីឥតឈប់ឈរ។ លោកប្រមុខបក្សកាន់អំណាចអះអាងថា លោកមិនខឹងសម្បារនឹងការបរិហារមកលើកូនប្រុសលោកទេ ផ្ទុយទៅវិញលោកអរគុណ នៅក្រោមហេតុថា ការរិះគន់ទាំងនោះ បានធ្វើឲ្យ លោក ហ៊ុន ម៉ាណែត ចេះតបតទៅវិញដោយមិនចាំបាច់ឳពុកជាអ្នកចេញមុខការពារ។ តើលោក ហ៊ុន ម៉ាណែត ពិតជាមានសមត្ថភាពខ្លាំង ទើបក្រុមប្រឆាំងងាកមករិះគន់?
13 min
October 01, 2022 របាយការណ៍៖ កម្លាំងប្រដាប់អាវុធ មន្ត្រីរាជការមិនគួរត្រូវបានអនុញ្ញាតច្បាប់ឲ្យចូលរួមឃោសនាបោះឆ្នោត?
កាលពីចុងខែកញ្ញា អង្គការខុមហ្វ្រែលបានចេញរបាយការណ៍មួយស្តីពីការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២កន្លងទៅ។ របាយការណ៍នេះ បានឃ្លាំមើលរាប់ចាប់តាំងពីក្របខណ្ឌច្បាប់បោះឆ្នោត រហូតដល់ការបែងចែកអាសនៈ។ ដោយឡែកសម្រាប់យុទ្ធនាការឃោសនាបោះឆ្នោតកន្លងទៅនេះ ខុមហ្វ្រែល បានស្នើឲ្យពិនិត្យ និងកំណត់លើនីតិវិធីសម្រាប់ឲ្យមន្ត្រីរាជការ កងកម្លាំងប្រដាប់អាវុធ និងមន្ត្រីតុលាការ ដោយមិនគួរត្រូវបានអនុញ្ញាតច្បាប់ឲ្យទៅចូលរួមការឃោសនាបោះឆ្នោតនោះទេ។
12 min
September 30, 2022 ករណីយកកម្ពុជាទីតាំងជួញដូរមនុស្សនិងផលិតគ្រឿងញៀនឈានដល់ការប្រកាសអាសន្ន?
ប្រមុខរដ្ឋាភិបាលលោក ហ៊ុន សែន មានកង្វល់លើបញ្ហាមួយចំនួនដែលកំពុងកើតឡើងនៅកម្ពុជា តួយ៉ាងការយកប្រទេសកម្ពុជាជាទីតាំងជួញដូរមនុស្ស ជាទីតាំងផលិតគ្រឿងញៀន សម្រាប់ការនាំចេញជាដើម។ ប្រឈមនឹងបញ្ហានេះ លោកនាយករដ្ឋមន្ត្រី ហ៊ុន សែន បានអំពាវនាវរួមគ្នាការពារប្រទេសកម្ពុជាកុំក្លាយជាឋានសួគ៌នៃឧក្រិដ្ឋកម្ម។ មន្ត្រីសង្គមស៊ីវិលធ្វើការផ្នែកសិទ្ធិមនុស្សចាត់ទុកការអំពាវនាវលោកនាយករដ្ឋមន្ត្រី ហ៊ុន សែន ទាន់ពេលវេលា បើបណ្ដោយកម្ពុជាអាចធ្លាក់ក្នុងអន្ទាក់ឧក្រិដ្ឋកម្ម ហើយអ្នកដែលទទួលរងឥទ្ធិពលអាក្រក់នេះ គឺពលរដ្ឋកម្ពុជា។
12 min
September 29, 2022 តើអវត្តមានសាក្សីខ្លះនៅក្នុងសវនាការលោក កឹម សុខា ប៉ះពាល់ដល់ការកាត់ក្តីដោយយុត្តិធម៌ទេ?
នៅថ្ងៃពុធសប្តាហ៍ក្រោយ តុលាការនឹងធ្វើការសាកសួរទៅលើសាក្សីជាច្រើននាក់ដែលរស់នៅភ្នំពេញជុំវិញសំណុំរឿង លោក កឹម សុខា ហើយនៅសប្តាហ៍បន្ទាប់តុលាការនឹងបន្តសួរសាក្សីដែលមកពីបណ្តាខេត្តក្នុងសំណុំរឿងដដែលនេះ។ ប៉ុន្តែសាក្សីមួយចំនួនបានបង្ហាញជំហរថាពួកគេមិនមានលទ្ធភាពចូលបំភ្លឺតាមការកំណត់បានឡើយដោយសារតែត្រូវទៅក្រៅប្រទេស ខណៈសាក្សីខ្លះទៀតកំពុងភៀសខ្លួននៅក្រៅប្រទេសនៅឡើយ។ តើអវត្តមានសាក្សីខ្លះនៅក្នុងសវនាការលោក កឹម សុខា ប៉ះពាល់ដល់ការកាត់ក្តីដោយយុត្តិធម៌ឬទេ?
13 min
September 28, 2022 ហេតុអ្វីបានជាអ្នកបើកបរខ្លះអាចឡើងទៅសាកលើផ្លូវល្បឿនលឿនមុនកាលកំណត់?
នៅថ្ងៃចុងក្រោយនៃបុណ្យភ្ជុំបិណ្ឌ ពលរដ្ឋមួយចំនួន បានឡើងទៅសាកល្បងបើកបរលើផ្លូវល្បឿនពីភ្នំពេញទៅខេត្តព្រះសីហនុ បើទោះជាផ្លូវថ្មីនេះ មិនទាន់អនុញ្ញាតឲ្យមានការប្រើប្រាស់ជាផ្លូវការនៅឡើយ។ អ្នកឃ្លាំមើលយល់ថា ទង្វើនេះមិនត្រឹមតែប្រឈមមុខនឹងគ្រោះថ្នាក់ប៉ុណ្ណោះ តែបង្ហាញឲ្យឃើញពីចរិករបស់អ្នកបើកបរខ្លះដែលបំពានច្បាប់។ ប៉ុន្តែហេតុអ្វីបានជាអ្នកបើកបរខ្លះអាចឡើងទៅសាកលើផ្លូវល្បឿនលឿនបានមុនកាលកំណត់?
14 min
September 27, 2022 វិសោធនកម្ម១០ដងក្នុងពេល២៩ឆ្នាំ៖ តើរដ្ឋធម្មនុញ្ញកម្ពុជាធានាបានផលប្រយោជន៍ជាតិហើយឬនៅ?
គិតមកដល់ឆ្នាំ២០២២នេះ រដ្ឋធម្មនុញ្ញដែលជាច្បាប់កំពូលកម្ពុជាមានរយៈ២៩ឆ្នាំហើយ។ ក្នុងរយៈពេល២៩មកនេះ រដ្ឋធម្មនុញ្ញត្រូវបានរើសើចំនួន១០ដង ដែលការសើរើទាំងនោះ រដ្ឋាភិបាលអះអាងថា ដើម្បីឆ្លើយតបទៅនឹងស្ថានភាពវិវត្តន៍នៅក្នុងប្រទេស និងដើម្បីធានាឧត្តមប្រយោជន៍របស់ជាតិ។ ក៏ប៉ុន្តែក្រុមអ្នកតាមដាននយោបាយមួយចំនួន យល់ថា ការរើសើរដ្ឋធម្មនុញ្ញមិនបានផ្តល់ប្រយោជន៍អ្វីដល់ជាតិនោះទេ។ ផ្ទុយទៅវិញអ្នកតាមដាននយោបាយមួយចំនួន យល់ថា រដ្ឋាភិបាលកំពុងបំពានខ្លឹមសារដើមនៃច្បាប់កំពូលកម្ពុជា។
13 min
September 27, 2022 អ្នកវិភាគ៖ការបង្កើនទំនាក់ទំនងរវាងកម្ពុជា និងគុយបា ស្ថិតក្នុងក្រសែភ្នែកលោកខាងលិច
រដ្ឋាភិបាលកម្ពុជា ត្រូវបានគេមើលឃើញថា កំពុងបង្កើនទំនាក់ទំនងជាមួយប្រទេសគុយបា តាមរយៈដំណើរទស្សនកិច្ចរបស់ប្រមុខរដ្ឋាភិបាលកម្ពុជាទៅគុយបា ហើយថែមទាំងប្រកាសផ្តល់អង្ករ៦ពាន់តោនដល់ប្រទេសដែនកោះដែលកំពុងជួបវិបត្តិស្បៀងនេះ។ ការណ៍នេះបានញាំងឲ្យអ្នកវិភាគមួយចំនួនបារម្ភថា កម្ពុជាអាចនឹងជួបផលវិបាក ខណៈប្រទេសលោកខាងលិចកំពុងដាក់ទណ្ឌកម្មប្រទេសគុយបា ក្រោមហេតុផលប្រទេសផ្តាច់ការមួយនេះរំលោភសិទ្ធិប្រជាជនខ្លួនឯង។ ប៉ុន្តែសម្រាប់រដ្ឋាភិបាលកម្ពុជា ទំនាក់ទំនងនេះគឺស្ថិតក្នុងក្របខណ្ឌទ្វេរភាគី ពីព្រោះតែគុយបាធ្លាប់ជួយកម្ពុជា នៅគ្រាដែលកម្ពុជារងទណ្ឌកម្មពីលោកខាងលិច ក្រោយរបបខ្មែរក្រហមដួលរលំ។
13 min