ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

May 27, 2022 តើសំឡេងឆ្នោតនៅក្រុមប្រឹក្សាឃុំសង្កាត់ឆ្លុះបញ្ចាំងដល់ការបោះឆ្នោតថ្នាក់ជាតិទេ?
ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥នឹងឈានចូលមកដល់នៅថ្ងៃទី ០៥ ខែមិថុនា ឆ្នាំ២០២២នេះ។ ពេលនេះគណបក្សនយោបាយចំនួន១៧ កំពុងស្ថិតនៅក្នុងដំណាក់កាលឃោសនារកសំឡេងឆ្នោត។ ព្រឹត្តិការណ៍នេះ នាំឲ្យមានការលើកជាសំណួរថាតើការបោះឆ្នោតជ្រើសរើសរដ្ឋបាលនៅថ្នាក់ក្រោមជាតិនេះ សំខាន់យ៉ាងណា ហើយសំឡេងឆ្នោតនៅមូលដ្ឋាននេះ នឹងឆ្លុះបញ្ចាំងនូវការគាំទ្រថ្នាក់ជាតិយ៉ាងណា?
12 min
May 26, 2022 តើគោលការណ៍ថ្មីស្ដីពីសុវត្ថិភាពនៅការដ្ឋានសំណង់អាចកាត់បន្ថយគ្រោះថ្នាក់ការងារដល់កម្មករបានទេ?
សហជីពនិងសង្គមស៊ីវិលមួយចំនួនមើលឃើញប្រយោជន៍តិចតួច ដែលកម្មករខ្មែរបំរើការងារក្នុងវិស័យសំណង់ទទួលបានពីគោលការណ៍ណែនាំស្តីពីសុខភាពនិងសុវត្ថិភាពនៅការដ្ឋានសំណង់ បើទោះជាមានការគាំទ្រពីស្ថានទូតអូស្ត្រាលីក៏ដោយ។ គោលការណ៍ដែលដាក់ចេញរួមគ្នារវាងស្ថានទូតអូស្ត្រាលី និងក្រសួងដែនដីលើវិស័យសំណង់នេះគ្របដណ្តប់ទៅលើទំនួលខុសត្រូវផ្នែកសុខភាព និងសុវត្ថិភាពនៅការដ្ឋានសំណង់ ការប្រើប្រាស់ឧបករណ៍ការពារផ្ទាល់ខ្លួន ព្រមទាំងការសង្គ្រោះបឋម និងការការពារកុមារ និងកម្មករវ័យក្មេង។ ជាការកត់សម្គាល់ការដាក់ចេញគោលការណ៍នេះធ្វើឡើងបន្ទាប់ពី កម្មករសំណង់ចំនួន៤នាក់កាលពីពេលថ្មីៗនេះ បានស្លាប់នៅក្នុងការដ្ឋានសំណង់មួយក្នុងខេត្តព្រះសីហនុ ក្រោយមានការធ្វេសប្រហែសដាច់ជណ្តើរយោងពីជាន់ទី១៥មក។ នេះគេនៅមិនទាន់រាប់បញ្ចូលករណីមួយចំនួនទៀតដែលបានកើតឡើងមកនាពេលកន្លងមកដូចជាៈ ករណីរលំបាក់អាគារស្លាប់កម្មករជាដើម។
13 min
May 25, 2022 បក្សភ្លើងទៀនអាចគូប្រជែងធំរបស់គណបក្សកាន់អំណាចទេ?
ឆ្លងកាត់យុទ្ធនាការឃោសនាបោះឆ្នោតប៉ុន្មានថ្ងៃនេះ គណបក្សនយោបាយដែលចូលរួមការបោះឆ្នោតបានបញ្ចេញសកម្មភាព និងគោលនយោបាយរបស់ខ្លួនដល់ប្រជាពលរដ្ឋ។ តាមរយៈសកម្មភាពទាំងនេះ អ្នកតាមដានស្ថានការណ៍នយោបាយនៅកម្ពុជា បានលើកឡើងថាបក្សភ្លើងទៀនមានសកម្មភាពគួរឲ្យកត់សម្គាល់ ប៉ុន្តែមិនដូចអតីតគណបក្សប្រឆាំងពីមុនឡើយ។ គណបក្សកាន់អំណាចវិញ ចាត់ទុកថាគណបក្សដែលចុះឈ្មោះចូលរួមការបោះឆ្នោត គឺសុទ្ធតែជាអ្នកចូលប្រកួតប្រជែង។
10 min
May 23, 2022 ប្រព័ន្ធអនុគ្រោះពន្ធ EBA លែងសំខាន់សម្រាប់កម្ពុជានាពេលបច្ចុប្បន្ន?
ប្រមុខរដ្ឋាភិបាលកម្ពុជា លោក ហ៊ុន សែន នាអំឡុងពេលសំណេះសំណាលជាមួយពលរដ្ឋនៅឯប្រទេសស្វីស បានថ្លែងជាសាធារណៈថា បញ្ហាប្រព័ន្ធអនុគ្រោះពន្ធ EBA គង់តែនឹងត្រូវបាត់បង់ នៅពេលណាដែលសេដ្ឋកិច្ចកម្ពុជាឈានដល់កម្រិតណាមួយ។ ក៏ប៉ុន្តែអ្នកតាមដានសង្គម យល់ថា បញ្ហាប្រព័ន្ធអនុគ្រោះពន្ធ EBA របស់សហភាពអឺរ៉ុប នៅតែមានសារសំខាន់សម្រាប់ជួយស្តារសេដ្ឋកិច្ច និងជីវភាពរបស់ពលរដ្ឋខ្មែរ។
13 min
May 21, 2022 ករណីគប់ស្បែកជើង៖ តើធ្វើឲ្យប៉ះទង្គិចដល់ទំនាក់ទំនងរវាងកម្ពុជា និងអាមេរិកដែរឬទេ?
ករណីគប់ស្បែកជើងសំដៅទៅលើលោកនាយករដ្ឋមន្ត្រី ហ៊ុន សែន គឺសហរដ្ឋអាមេរិកអះអាងថាខ្លួនកំពុងតែស៊ើបអង្កេត។ ទោះបីមិនទាន់ចេញលទ្ធផលបែបណានោះ តែក្រុមអ្នកវិភាគ យល់ថា មិនគួរពង្រីករឿងនេះឲ្យកាន់តែធំនោះឡើយ ដោយយល់ថាគ្មានផលចំណេញអ្វីដល់កម្ពុជាទេ។ បើតាមអ្នកវិភាគ ការរុញរឿងនេះឲ្យកាន់តែក្តៅគឺប្រៀបបាននឹងការបង្កើតវប្បធម៌នៃអំពើហិង្សាទៅលើអ្នកនយោបាយ ហើយចែកមិនដាច់រវាងអំពើហិង្សា និងការបញ្ចេញមតិ។ តើករណីគប់ស្បែកជើងនេះ ធ្វើឲ្យប៉ះទង្គិចដល់ទំនាក់ទំនងរវាងកម្ពុជា និងអាមេរិកដែរឬទេ?
12 min
May 20, 2022 យុទ្ធនាការឃោសនាបោះឆ្នោតឃុំ សង្កាត់អាណត្តិទី៥នេះ តើគណបក្សនានាមានយុទ្ធសាស្ត្រយ៉ាងណាខ្លះ?
យុទ្ធនាការឃោសនារកសម្លេងឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ នឹងត្រូវចាប់ផ្តើមនៅថ្ងៃថ្ងៃសៅរ៍ទី២១ ខែឧសភា ហើយនឹងបញ្ចប់ទៅវិញនៅថ្ងៃទី០៣ ខែមិថុនា ពោលគឺចប់២ថ្ងៃមុនការបោះឆ្នោតឈានចូលមកដល់។ អំឡុងពេលយុទ្ធនាការនេះ គណបក្សនយោបាយចំនួន១៧ នឹងមានយុទ្ធសាស្ត្រឃោសនាដូចគ្នាខ្លះ ស្រដៀងគ្នាខ្លះ និងខុសគ្នាខ្លះទៅតាមការវិវត្តន៍នៃសង្គម និងបរិបទរបស់ប្រទេស និងទៅតាមការណែនាំរបស់ច្បាប់ និងលិខិតបទដ្ឋានស្តីពីការបោះឆ្នោត។
12 min
May 19, 2022 អឺរ៉ុបនិងអង្គការសង្គមស៊ីវិល៖ តើការចូលរួមសង្កេតការណ៍តែមិនវាយតម្លៃអាចប៉ះពាល់ដល់គុណភាពលទ្ធផលឆ្នោតដែរឬទេ?
ក្រុមអង្គការសង្គមស៊ីវិលនិងសហភាពអឺរ៉ុបបានបញ្ជាក់ថា ខ្លួននឹងចូលរួមសង្កេតការណ៍បោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ខាងមុខដែលត្រូវប្រព្រឹត្តឡើងនៅថ្ងៃទី៥ ខែមិថុនា។ ក៏ប៉ុន្តែអង្គការសង្គមនិងសហភាពអឺរ៉ុបអះអាងថា ខ្លួននឹងមិនធ្វើការវាយតម្លៃដំណើរការបោះឆ្នោតនោះទេ។ ខណៈកាលពីឆ្នាំ២០១៨កន្លងទៅ សហភាពអឺរ៉ុប និងអង្គការសង្គមស៊ីវិលបានធ្វើពហិការចូលរួមតាមដានការបោះឆ្នោតនៅកម្ពុជា។ ទាំងភាគីគណបក្សកាន់អំណាច គណបក្សប្រឆាំង អ្នកតាមដានការបោះឆ្នោត និងគជប បានលើកឡើងនូវទស្សនៈផ្សេងៗគ្នាជុំវិញរឿងនេះ។
13 min
May 18, 2022 ករណីគប់ស្បែកជើង៖ តើគួររំលត់កំហឹងដោយរបៀបណា?
អ្នកគាំទ្រគណបក្សកាន់អំណាចកំពុងតែមានកំហឹងលើករណីគប់ស្បែកជើងទៅលើលោកនាយករដ្ឋមន្ត្រី ហ៊ុន សែន នៅសហរដ្ឋអាមេរិក ហើយថា មានកម្លាំង៣ក្រុមស្នើសុំធ្វើបាតុកម្មនៅមុខស្ថានទូតអាមេរិកនៅភ្នំពេញដើម្បីឲ្យប្រទេសប្រជាធិបតេយ្យមួយនេះ ចេញមុខទទួលខុសត្រូវ។ ប៉ុន្តែលោក ហ៊ុន សែន ថ្លែងថា លោកបានហាមឃាត់មិនឲ្យមានការធ្វើបាតុកម្មតបតវិញឡើយ ពីព្រោះបារម្ភខ្លាចមានអំពើហិង្សាកើត។ បើតាមលោក ហ៊ុន សែន ប្រសិនបើសហរដ្ឋអាមេរិកដាក់ទោសអ្នកដែលគប់ស្បែកជើងនោះ នាំឲ្យលោកបារម្ភថា ក្រោយអនុវត្តន៍ទោស អាមេរិកនឹងបញ្ជូនជននោះមកកម្ពុជា ហើយបង្កើតជាក្តីបារម្ភបន្ថែមទៀតដល់សន្តិសុខ។ តើករណីនេះ គេគួររំលត់កំហឹងដោយរបៀបណា?
13 min
May 17, 2022 ហេតុការណ៍គប់ស្បែកជើងដាក់លោក ហ៊ុន សែន នឹងជះឥទ្ធិពលដល់នយោបាយ និងការបោះឆ្នោតនៅកម្ពុជាទេ?
ទោះជាហេតុការណ៍គប់ស្បែកជើងសំដៅទៅលើលោកនាយករដ្ឋមន្ត្រី ហ៊ុន សែន ប្រធានគណបក្សប្រជាជនកម្ពុជា នៅសហរដ្ឋអាមេរិកកាលពីសប្តាហ៍មុនខណៈដែលលោកទៅចូលរួមកិច្ចប្រជុំកំពូលពិសេសអាស៊ាន-អឺរ៉ុប នៅសហរដ្ឋអាមេរិកនៅតែអណ្តែតនៅលើបណ្តាញសង្គមហ្វេសប៊ុកនៅឡើយ។ ទង្វើរបស់បុរសវ័យចំណាស់ឈ្មោះ អ៊ុក ទូច ដែលអះអាងថាជាឆន្ទៈផ្ទាល់របស់លោក បានបង្កជាប្រតិកម្ម និងកំហឹងដល់អ្នកស្មោះស្ម័គ្រនឹងលោក ហ៊ុន សែន និងគណបក្សកាន់អំណាចយ៉ាងខ្លាំង។ បញ្ហានេះក៏ត្រូវបានចោទជាសំណួរ និងការបារម្ភថា តើហេតុការណ៍នេះ អាចនឹងជះឥទ្ធិពលដល់បរិយាកាសនយោបាយ និងការបោះឆ្នោតនៅកម្ពុជាដែរឬយ៉ាងណា?
13 min
May 16, 2022 តើការគប់ស្បែកជើងសំដៅប្រមុខរដ្ឋាភិបាលកម្ពុជាគឺជាសេរីភាពហៀរកែង?
កាលពីថ្ងៃទី១២ ខែឧសភា ឆ្នាំ២០២២ ពលរដ្ឋខ្មែរអាមេរិកាំង លោក អ៊ុក ទូច បានយកស្បែកជើងរបស់គាត់គប់សំដៅទៅលើលោកនាយករដ្ឋមន្ត្រី ហ៊ុន សែន នៅក្នុងចំណោមក្រុមអ្នកគាំទ្ររបស់លោករាប់សិបនាក់ នៅឯរដ្ឋធានីវ៉ាស៊ីនតោន សហរដ្ឋអាមេរិក ខណៈមេដឹកនាំកម្ពុជារូបនេះទៅចូលរួមកិច្ចប្រជុំកំពូលអាស៊ាន-អាមេរិក។ ព្រឹត្តិការណ៍ដ៏កម្រនេះ ជំរុញឱ្យមានប្រតិកម្មថ្កោលទោសពីសំណាក់មន្ត្រីជាន់ខ្ពស់មួយចំនួនរបស់គណបក្សកាន់អំណាចថា ជាទង្វើមិនអាចលើកលែងទោសបាន។ ប៉ុន្តែអ្នកធ្លាប់រស់នៅក្រៅប្រទេសចាត់ទុកថាករណីនេះថាជាសេរីភាពបញ្ចេញមតិ។
12 min