ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

January 10, 2022 អូមីក្រុងឆ្លងចូលសហគមន៍៖ អ្នកជំនាញថាគួរឲ្យបារម្ភ តែត្រូវប្រយ័ត្ន កុំស្លន់ស្លោ!
អូមីក្រុង ជំងឺកូវីដ១៩ ប្រភេទបំប្លែងខ្លួនថ្មី ត្រូវរកឃើញថាមានឆ្លងក្នុងសហគមន៍ហើយ។ ការឆ្លងនៅក្នុងសហគមន៍នេះ គឺបង្កក្តីព្រួយបារម្ភសម្រាប់គ្រប់គ្នា។ អ្នកជំនាញ លើកឡើងថា គួរឲ្យព្រួយបារម្ភ ពិតមែន តែត្រូវប្រុងប្រយ័ត្ន និងមិនត្រូវស្លន់ស្លោពេកដែរ។ មិនតែប៉ុណ្ណោះ គេត្រូវរៀនរស់ សម្របខ្លួន និងប្តូរទម្លាប់ឥរិយាបថ ក្នុងការរស់នៅ។ ទោះយ៉ាងនេះក្តី អ្នកជំនាញ ដាស់តឿន ថាកុំជឿជាក់លើការលើកឡើងពីសារធាតុ អេម៉ូក្លូប៊ីន អឺ ដែលធន់នឹងជំងឺ នោះពេក ព្រោះគ្មានការសិក្សាបញ្ជាក់ទេ។
12 min
January 07, 2022 ករណីបុគ្គលិកក្រុមហ៊ុនណាហ្កាវើលដ៍៖ អ្នកឃ្លាំមើលចោទសួរពីតួនាទីអ្នកតំណាងរាស្ត្រ
ការតវ៉ារបស់កម្មករណាហ្កាវើលដ៍នៅតែបន្តដោយគ្មានដំណោះស្រាយ។ មិនត្រឹមតែគ្មានដំណោះស្រាយ តែសហជីពមួយចំនួនក៏ត្រូវបានអាជ្ញាធរភ្នំពេញចាប់ខ្លួន ដោយចោទពីបទញុះញង់។ នៅចំពោះមុខការតវ៉ា ជាងពីរសប្តាហ៍កន្លងមកនេះ អ្នកឃ្លាំមើលសង្គមបានចោទជាសំនួរ ពីវត្តមាននៃតំណាងរាស្រ្តដែលមិនបានអើពើនឹងការតវ៉ា។ តែតំណាងរាស្រ្ត ចេញមកបញ្ជាក់ថា ការតវ៉ានេះតំណាងរាស្ត្រគ្មានភារកិច្ចត្រូវដោះស្រាយនោះទេ ដោយទុកឲ្យរដ្ឋាភិបាលជាអ្នកចាត់ចែង។
14 min
January 06, 2022 ករណីណាហ្គាវើលដ៍៖ វិវាទការងារក្លាយជារឿងនយោបាយ?
វិវាទការងារជាង៨ខែនៅក្រុមហ៊ុនណាហ្គាវើលដែលដោះស្រាយមិនទាន់ចប់ បានឈានទៅដល់ការចាប់ខ្លួនអ្នកតវ៉ាជាង២០នាក់។ ដើម្បីការពារចំណាត់ការរបស់ខ្លួនអាជ្ញាធររដ្ឋាភិបាល និងមន្ត្រីតុលាការចោទប្រកាន់ថា ការតវ៉ារបស់ក្រុមបុគ្គលិកនៃកាស៊ីណូមួយនេះ គឺដោយសារតែមានអ្នកនយោបាយញុះញង់។ ប៉ុន្តែក្រុមអ្នកការពារសិទ្ធិមនុស្ស និងអ្នកនយោបាយនៅក្រៅរដ្ឋាភិបាល ហៅការចោទប្រកាន់នេះថា ជាយុទ្ធសាស្ត្ររបស់រដ្ឋាភិបាលប្រឆាំងនឹងសហជីព។ នៅពេលវិវាទការងារ ក្លាយទៅជារឿងនយោបាយ តើនឹងមានផលប៉ះពាល់យ៉ាងណាទៅលើបុគ្គលិកដែលត្រូវបានបញ្ឈប់ពីការងារ?
12 min
January 05, 2022 អ្នកវិភាគ៖បញ្ហាចរាចរណ៍ត្រូវប្រកាសអាសន្នហើយ ហើយបើកយុទ្ធនាការធំដូចការប្រឆាំងកូវីដដូច្នោះដែរ
លោកនាយករដ្ឋមន្ត្រី ហ៊ុន សែន នៅក្នុងឱកាសនៃពិធីសម្ពោធការសាងសង់ផ្លូវពីខេត្តព្រះសីហនុទៅខេត្តកោះកុង កាលពីថ្ងៃចន្ទ បានស្នើឲ្យសមត្ថកិច្ចប៉ូលីសបង្កើតគ្រុបតេឡេក្រាមមួយ ដើម្បីបង្កលក្ខណៈឲ្យសាធារណជនអាចរាយការណ៍ និងថតរូបពីបទល្មើសចរាចរណ៍នានានៅតាមដងផ្លូវ។ ការបង្កើតគ្រុបតេឡេក្រាមចរាចរណ៍នេះ ធ្វើឡើងបន្ទាប់ពីឥរិយាបទរបស់អ្នកប្រើប្រាស់ផ្លូវមួយចំនួន នៅតែបន្តបំពានលើច្បាប់ បណ្តាលឲ្យបាត់សណ្តាប់ធ្នាប់ និងកកស្ទះចរាចរណ៍ រួមទាំងបង្កគ្រោះថ្នាក់ចរាចរណ៍ កាន់តែច្រើនទៅៗ។
12 min
January 04, 2022 តើកំណែទម្រង់ការគ្រប់គ្រងថវិកាសាធារណៈ អំឡុងពេលនេះនឹងផ្តល់ប្រយោជន៍អ្វីខ្លះដល់រដ្ឋាភិបាល?
លោកនាយករដ្ឋមន្ត្រី ហ៊ុន សែន នៅថ្ងៃចន្ទម្សិលមិញនេះបានប្រកាសអំពីការចាប់ផ្តើមធ្វើកំណែទម្រង់ការគ្រប់គ្រងថវិកាសាធារណៈ និងអនុវត្តដោយម៉ឺងម៉ាត់នូវច្បាប់ប្រើប្រាស់ថវិកា។ ការប្រកាសរបស់លោកនាយករដ្ឋមន្ត្រីនេះ ធ្វើឡើងបន្ទាប់ពីលោកពិនិត្យឃើញថា រដ្ឋបាលថ្នាក់ក្រោមជាតិមួយចំនួន បានឃុបឃិតជាមួយក្រុមហ៊ុនឯកជន ក្នុងការអនុវត្តគម្រោងសាងសង់ដោយមិនមានការដេញថ្លៃ។ តើកំណែទម្រង់ការគ្រប់គ្រងថវិកាសាធារណៈ ផ្តល់អ្វីខ្លះសម្រាប់រដ្ឋាភិបាលកម្ពុជា?
12 min
January 03, 2022 ឆ្នាំ ២០២២៖ តើវិស័យទេសចរណ៍កម្ពុជាអាចប្រសើរឡើងវិញបានទេ?
នៅអំឡុងពិធីឆ្លងឆ្នាំសកលឆ្នាំ២០២២នេះ ចរន្តភ្ញៀវទេសចរផ្ទៃក្នុងបានកម្រើកឡើងវិញ គួរឲ្យកត់សម្គាល់ខុសពីពេលឆ្នាំ២០២១ ដែលរងគ្រោះដោយវិបត្តិកូវីដ១៩។ តាមរបាយការណ៍ក្រសួងទេសចរណ៍ ភ្ញៀវទេសចរផ្ទៃក្នុងមានកំណើនប្រមាណ ៦៣.៦៥% បើធៀបទៅនឹងពេលឆ្លងសកល កាលពីឆ្នាំ២០២១។ កំណើននៃភ្ញៀវទេសចរផ្ទៃក្នុងពេលនេះ ត្រូវបានអ្នកជំនាញយល់ថា ជាសញ្ញាណមួយល្អប្រសើរ នៃការងើបឡើងវិញនៃវិស័យទេសចរណ៍កម្ពុជា។ តើ២០២២ ជាឆ្នាំយ៉ាងណាសម្រាប់វិស័យទេសចរណ៍កម្ពុជានោះ?
10 min
December 31, 2021 សារនយោបាយលោកហ៊ុន ម៉ាណែត ជាលំហាត់ត្រៀមធ្វើមេដឹកនាំ ឬជាការស្នងមរតកជម្លោះ?
បេក្ខភាពនាយករដ្ឋមន្ត្រីអនាគតរបស់គណបក្សប្រជាជនកម្ពុជា លោកហ៊ុន ម៉ាណែត កាលពីម្សិលមិញ បានបន្តចេញមកផ្លោងសារនយោបាយបន្ថែមទៀត ទៅកាន់ប្រធានស្តីទីនៃអតីតគណបក្សសង្គ្រោះជាតិ លោកសម រង្ស៊ី។សម្រាប់អ្នកវិភាគខ្លះយល់ថា សាររបស់លោកហ៊ុន ម៉ាណែត គឺបង្ហាញពីសមត្ថភាពរបស់លោក ក្នុងសង្វៀននយោបាយ តែអ្នកខ្លះទៀតថា ជារឿងឥតប្រយោជន៍ និងជាការស្នងមរតកជម្លោះតពីលោកនាយករដ្ឋមន្ត្រីហ៊ុន សែន។ ដូច្នេះថា តើសារនយោបាយលោកហ៊ុន ម៉ាណែត នេះ ជាលំហាត់ត្រៀមធ្វើមេដឹកនាំ ឬជាការស្នងមរតកជម្លោះ?
12 min
December 30, 2021 តើស្ថានភាពនយោបាយកម្ពុជាឆ្នាំចាស់ អាចនឹងបន្តតានតឹងបន្ថែមនៅឆ្នាំថ្មី២០២២ ឬថយកំដៅមកវិញ?
នៅសល់តែ២ថ្ងៃទៀតប៉ុណ្ណោះ ពិភពលោកនឹងឈានជើងមួយជំហានទៀតឆ្លងឆ្នាំចាស់ ២០២១ ចូលឆ្នាំថ្មី២០២២។ ដោយឡែក នៅប្រទេសកម្ពុជាអ្នកតាមដាន និងវិភាគនយោបាយ បានមើលឃើញចំណុចលេចធ្លោរជាច្រើន ដែលបានកើតឡើងនៅលើឆាកនយោបាយខ្មែរឆ្នាំ២០២១ ទាំងបញ្ហានៅក្នុងស្រុក និងបញ្ហាទាក់ទងទៅនឹងតំបន់។ ដោយឡែកឆ្នាំ២០២២ ខាងមុខនេះ បញ្ហានយោបាយ ត្រូវបានអ្នកវិភាគមើលឃើញថា នឹងមានភាពសកម្មជាងឆ្នាំទៅ ដោយសារជាឆ្នាំដែលកម្ពុជារៀបចំបោះឆ្នោត ហើយចង្អៀតណែន នៃច្រកនយោបាយ ដែលនាំទៅរកការប្រជែងអំណាចគ្នា ទំនងជានឹងអាចបង្កភាពចំរូងចម្រាសខាងនយោបាយច្រើនជាងឆ្នាំចាស់ ទាំងនៅក្នុងប្រទេស ទាំងនៅក្នុងតំបន់និងអន្តរជាតិ។
13 min
December 29, 2021 អ្នកតាមដាននយោបាយ៖ ការយកឈ្នះដោយភ្នាល់គ្នារបស់អ្នកនយោបាយគឺជារឿងឥតប្រយោជន៍
ក្រុមអ្នកតាមដាននយោបាយនៅកម្ពុជា សំដែងការមិនពេញចិត្តចំពោះអ្នកនយោបាយខ្មែរមួយចំនួនដែលនៅបន្តវាយប្រហារគ្នាជាលក្ខណៈបុគ្គល និងការចង់ឈ្នះ-ចាញ់គ្នា តាមរយៈការភ្នាល់ជាល្បែងនយោបាយ។ ប្រតិកម្មបែបនេះ បានកើតឡើង ក្រោយពេល លោក ហ៊ុន ម៉ាណែត បានបបួលលោក សម រង្ស៊ី ភ្នាល់គ្នាម្តងទៀត អំពីរឿងគុណភាពសញ្ញាបត្រដែលលោកបានរៀនចប់ពីសាលាបណ្ឌិតសភាយោធាអាមេរិក West Point។ ការចេញមុខបបួលភ្នាល់គ្នាជាលើកទី២នេះ គឺបន្ទាប់ពី លោក សម រង្ស៊ី តាមរយៈបទសម្ភាសជាមួយវិទ្យុអាស៊ីសេរីនៅថ្ងៃទី២៥ធ្នូ លោកបានបរិហារ្ត៍អំពីគុណភាពសញ្ញាបត្របណ្ឌិតរបស់លោក ហ៊ុន ម៉ាណែត ថាជាសញ្ញាបត្រ«ក្លែងក្លាយ»ឬ«សញ្ញាបត្រយោគយល់»។ ប៉ុន្តែសម្រាប់អ្នកតាមដាននយោបាយ ហៅការយកឈ្នះ-ចាញ់ដោយភ្នាល់គ្នារបស់អ្នកនយោបាយគឺជារឿងឥតប្រយោជន៍។
13 min
December 28, 2021 កូដកម្មណាហ្កាវើលដ៍៖ ជាការទាមទារសិទ្ធិការងារ ឬជាចលនាបដិវត្តន៍ពណ៌?
ការធ្វើកូដកម្មរបស់ក្រុមកម្មករណាហ្កាវើលដ៍ប្រមាណជាង១០០០នាក់ បានអូសបន្លាយអស់រយៈពេល១០ថ្ងៃមកហើយ។ ក្នុងដំណាក់កាលកូដកម្មនេះ ក្រសួងការងារបានព្យាយាមផ្សះផ្សាភាគីវិវាទរវាងកម្មករ និងនិយោជក ចំនួន៥ដង តែគ្មានលទ្ធផល។ ជាការកត់សម្គាល់ កូដកម្មរបស់បុគ្គលិកនិងកម្មករនៃក្រុមហ៊ុនណាហ្គាវើលនេះ ត្រូវសហជីពអះអាងថា ធ្វើឡើងដើម្បីទាមទារសិទ្ធិចូលធ្វើការងារវិញ ខណៈមតិខ្លះចោទថា ជាការរៀបចំចលនាបដិវត្តន៍ពណ៌។ តើការធ្វើកូដកម្មនេះ ពិតជាស្ថិតក្នុងទម្រង់បដិវត្តន៍ពណ៌ ដូចការចោទប្រកាន់មែនឬយ៉ាងណា?
13 min