ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

December 15, 2021 តើសេដ្ឋកិច្ចកម្ពុជានឹងងើបទៅរកភាពដើម៧% នៅឆ្នាំ២០២៤ ដូចការព្យាករណ៍មែនឬ?

ក្រសួងសេដ្ឋកិច្ច និងហិរញ្ញវត្ថុកម្ពុជាឲ្យដឹងកាលពីថ្ងៃម្សិលមិញថា កំណើនសេដ្ឋកិច្ចកម្ពុជាឆ្នាំ២០២១នេះ នឹងខ្ពស់ជាងការរំពឹងទុក ដែលកាលពីពេលកន្លងមករដ្ឋាភិបាលបានព្យាករថាសេដ្ឋកិច្ចកម្ពុជានឹងមានកំណើន២,៤% ហើយកំណើនសេដ្ឋកិច្ចនេះ នឹងវិលទៅរកស្ថានភាពដើមក្នុងរង្វង់ ៧% នៅឆ្នាំ២០២៤។ កំណើនសេដ្ឋកិច្ចកម្ពុជាឆ្នាំ២០២១នេះ ត្រូវមន្ត្រីជាន់ខ្ពស់ក្រសួងសេដ្ឋកិច្ចបញ្ជាក់ថាបណ្តាលមកពីកត្តាមួយចំនួនដូចជាកំណើននៃការនាំចេញវិស័យកាត់ដេរទៅកាន់ទីផ្សារអឺរ៉ុប និងអាមេរិក កំណើននៃទំនិញមិនមែនកាត់ដេរ កំណើននាំចេញកសិផល រួមនឹងការដាក់ចេញនូវវិធានការផ្សេងៗ កន្លងមក ដោយរដ្ឋាភិបាលផងដែរ។

12 min

December 14, 2021 តើអាចទៅរួចទេ ដែលកំណត់អាយុអ្នកនយោបាយចូលនិវត្តន៍ត្រឹម៧០ឆ្នាំ?

លោកសម រង្ស៊ី ប្រធានស្តីទីអតីតគណបក្សសង្រ្គោះជាតិ កាលពីថ្ងៃទី១២ធ្នូ បានចេញសារនយោបាយមួយ ដោយស្នើឲ្យអ្នកនយោបាយខ្មែរគួរចូលនិវត្តន៍ ត្រឹមអាយុ៧០ឆ្នាំ។ ការចូលនិវត្តន៍ត្រឹមអាយុ៧០ឆ្នាំ ដែលលោក សម រង្ស៊ី អះអាងថា ដើម្បីទុកឱកាសឲ្យយុវជនជំនាន់ក្រោយ ចូលមកកាន់តំណែងបន្ត។ ក៏ប៉ុន្តែអ្នកវិភាគយល់ថា នេះគ្រាន់សារនយោបាយឆ្លើយឆ្លងរបស់អ្នកនយោបាយប៉ុណ្ណោះ។ តើអាចទៅរួចទេ ដែលកំណត់អាយុអ្នកនយោបាយចូលនិវត្តន៍ត្រឹម៧០ឆ្នាំ?

10 min

December 13, 2021 ហេតុអ្វីគណបក្សកាន់អំណាចត្រូវរៀបចំសមាសភាពរដ្ឋាភិបាលបន្តវេនតាំងពីពេលឥឡូវទៅ?

សមាសភាពរដ្ឋាភិបាលបន្តវេនរបស់គណបក្សប្រជាជនកម្ពុជា អាចនឹងដឹងជាផ្លូវការនៅថ្ងៃទី២៤ធ្នូខាងមុខ បន្ទាប់ពីគណបក្សកាន់អំណាចចាស់វស្សាមួយនេះបោះឆ្នោតផ្ទៃក្នុងបក្ស។ ដោយគ្រាន់តែដឹងថា លោក ហ៊ុន ម៉ាណែត គឺជាមនុស្សសំខាន់ម្នាក់នៅជួររដ្ឋាភិបាលបន្តវេននោះ សម្រាប់សមាសភាពមនុស្សដទៃទៀតគ្មាននណាដឹងឡើយក្រៅពីថ្នាក់ដឹកនាំជាន់ខ្ពស់មួយចំនួនតូចរបស់គណបក្សនេះ។ ប៉ុន្តែសំណួរដែលចោទឡើងនៅពេលនេះ ហេតុអ្វីគណបក្សកាន់អំណាចត្រូវរៀបចំសមាសភាពរដ្ឋាភិបាលបន្តវេនតាំងពីពេលឥឡូវទៅ ខណៈ លោក ហ៊ុន សែន ប្រកាសកាន់អំណាចរហូតដល់២អាណត្តិទៅមុខទៀត?

13 min

December 12, 2021 ទំនាក់ទំនងការទូតកម្ពុជា-អាមេរិក កំពុងឈានទៅរកភាពប្រកាសអាសន្ន?

ស្ថានការណ៍វិវត្តនៃទំនាក់ទំនងអន្តរជាតិរវាងកម្ពុជា-អាមេរិក កំពុងតែឈានទៅរកភាពរកាំរកូសឡើងមួយកម្រិតទៀត។ សហរដ្ឋអាមេរិក បានសម្រេចដាក់ទណ្ឌកម្មបន្ថែមទៀតលើកម្ពុជា ដោយរឹតបន្តឹងការលក់ដូរអាវុធនិងសម្ភារៈយោធាដល់កម្ពុជា។ ជាការឆ្លើយតប ប្រមុខរដ្ឋាភិបាលកម្ពុជា លោក ហ៊ុន សែន បានបញ្ជាឱ្យមន្ដ្រីរបស់ខ្លួនយកអាវុធនិងសម្ភារៈយោធាអាមេរិកដែលកម្ពុជាមានទៅកម្ទេចចោល។ តើការណ៍នេះ អាចធ្វើឲ្យទំនាក់ទំនងការទូតរវាងប្រទេសទាំងពីរ ឈានទៅរកសញ្ញាណអាសន្នឬទេ?

13 min

December 11, 2021 ការបង្កើតច្បាប់ស្តីពីសាសនាអាចប៉ះពាល់ដល់សិទ្ធិចូលរួមនយោបាយរបស់បុព្វជិតដែរឬទេ?

ក្រសួងធម្មការ និងសាសនា បានរៀបចំធ្វើសេចក្តីព្រាងច្បាប់ស្តីពីសាសនា ដែលនៅក្នុងនោះមានមាត្រាមួយចំនួន រឹតបន្តឹងចំពោះព្រះសង្ឃក្នុងព្រះពុទ្ធសានា ដែលមានចេតនាចូលរួមធ្វើបាតុកម្ម កូដកម្ម កុបកម្ម ដើម្បីប្រឆាំងជាមួយគណបក្សនយោបាយណាមួយ។ អង្គការសង្គមស៊ីវិលថា ការបង្កើតច្បាប់នេះ ប៉ះពាល់ដល់សិទ្ធិមនុស្ស ប៉ុន្តែអ្នកនាំពាក្យក្រសួងធម្មការបកស្រាយថា នេះគ្រាន់តែជាសេចក្តីព្រាង។ និងថា ខ្លួនស្វាគមន៍រាល់មតិយោបល់ពីគ្រប់ភាគី។

12 min

December 09, 2021 អ្នកវិភាគ៖ ការចេញលិខិតរបស់ លោក ស ខេង ជុំវិញបេក្ខភាពនាយករដ្ឋមន្ដ្រី គឺជាការសម្របសម្រួល

នៅទីបំផុតទៅ លោក ស ខេង អនុប្រធានគណបក្សប្រជាជនកម្ពុជា បានប្រកាសពីជំហររបស់លោកហើយ ជុំវិញបេក្ខភាពនាយករដ្ឋមន្ដ្រីបន្តពីលោក ហ៊ុន សែន។ តាមរយៈសារផ្ញើជូនជនរួមជាតិ នៅថ្ងៃអង្គារទី០៧ខែធ្នូ លោក ស ខេង សង្កត់ធ្ងន់ថា លោកតែងតែគោរព និងគាំទ្រសេចក្ដីសម្រេចរបស់មហាសន្និបាត និងសន្និបាតរបស់គណបក្សប្រជាជនកម្ពុជា ក្នុងការជ្រើសតាំងលោក ហ៊ុន សែន ជានាយករដ្ឋមន្ដ្រី សម្រាប់អាណត្តិនេះ និងអាណត្តិបន្តបន្ទាប់ទៀត។ ការប្រកាសរបស់លោក ស ខេង ធ្វើឡើងបន្ទាប់ពីលោក ហ៊ុន សែន បានប្រកាសគាំទ្រកូនប្រុសច្បងរបស់ខ្លួន គឺលោក ហ៊ុន ម៉ាណែត ជាបេក្ខភាពនាយករដ្ឋមន្ដ្រី បន្តពីរូបលោក។ ក្រុមអ្នកវិភាគ យល់ថា ការចេញលិខិតរបស់លោក ស ខេង គឺ ជាការសម្របសម្រួលស្ថានភាពការណ៍ ដើម្បីកុំឲ្យមនុស្សនៅក្នុងបក្សមានការប្រេះឆា។

13 min

December 08, 2021 តុលាការភ្នំពេញ ជា «តុលាការល្ខោននយោបាយ» ?

ម្សិលមិញនេះ តុលាការក្រុងភ្នំពេញ កោះហៅឈ្មោះមនុស្សជាង៤០នាក់ដែលពាក់ព័ន្ធ ដើម្បីកំណត់ថ្ងៃចូលបំភ្លឺសវនាការ ជុំវិញគម្រោងដំណើរមាតុភូមិនិវត្តន៍របស់លោក សម រង្ស៊ី កាលពីថ្ងៃទី៩ ខែវិច្ឆិកា ឆ្នាំ២០១៩។ សាលាដំបូងរាជធានី និងអ្នកច្បាប់រដ្ឋអំណាចក្រុងភ្នំពេញ ចោទប្រកាន់លោក សម រង្ស៊ី និងក្រុមអ្នកគាំទ្រ ថាចូលរួមក្នុងផែនការប៉ុនប៉ងធ្វើរដ្ឋប្រហារផ្តួលរំលំ រាជរដ្ឋាភិបាលស្របច្បាប់។ ពីរឆ្នាំមកនេះ គឺមានមនុស្សជាច្រើនសិបនាក់ ត្រូវចោទប្រកាន់ ចាប់ឃាត់ខ្លួន និងត្រូវមានក្តីក្តាំឡើងតុលាការ។ សំណុំរឿងនេះ ត្រូវគេយល់ថា ជារឿងនយោបាយច្រើនជាងរឿងច្បាប់ ហើយអ្នកខ្លះថា ជាឆាកល្ខោនសុទ្ធសាធ។ តែបុគ្គលមួយចំនួនទៀត មើលឃើញថា រដ្ឋអំណាចប្រើច្បាប់ដើម្បីកម្ទេចគូប្រជែង។

10 min

December 07, 2021 អ្នកវិភាគ៖ ការទាមទារឲ្យវៀតណាមសុំទោសកម្ពុជា ករណីកូវីដ១៩ គឺជារឿងត្រឹមត្រូវ

ប្រមុខរដ្ឋាភិបាលកម្ពុជា លោក ហ៊ុន សែន ទើបតែប្រកាសជាសាធារណៈកាលពីម្សិលមិញ ករណីដែលឧត្តមសេនីយ៍យោធាវៀតណាមម្នាក់ ព្រមានថា កម្ពុជាជាប្រភពចម្លងកូវីដ១៩ ទៅវៀតណាម ប្រៀបដូចជំនន់មេគង្គ ប្រសិនបើវៀតណាមទប់ស្កាត់មិនបានទាន់ពេល។ សម្រាប់កម្ពុជា នេះគឺជាការប្រមាថមួយដែលមិនអាចទទួលយកបានឡើយ ហើយ លោក ហ៊ុន សែន ទាមទារឲ្យ លោក Hoang Xuan Chien អនុរដ្ឋមន្ត្រីការពារជាតិវៀតណាម ត្រូវសុំទោសកម្ពុជា។ ក្រុមអ្នកវិភាគ យល់ថា ការទាមទារឲ្យវៀតណាមសុំទោសនៅពេលនេះគឺជារឿងត្រឹមត្រូវ។

11 min

December 06, 2021 តើលោកហ៊ុន ម៉ាណែត សក្តិសមជាបេក្ខភាពឈរឈ្មោះបោះឆ្នោតនាយករដ្ឋមន្ត្រីមួយរូបចេញពីគណបក្សប្រជាជនកម្ពុជា?

ប្រមុខរដ្ឋាភិបាលកម្ពុជា លោកហ៊ុន សែន កាលពីថ្ងៃទី០២ធ្នូកន្លងទៅ នៅក្នុងពិធីសម្ពោធដាក់ឲ្យប្រើប្រាស់ផ្លូវចំនួន ៣៧ខ្សែ និងអាងប្រព្រឹត្តកម្មទឹកកខ្វក់ចំនួន៣ នៅខេត្តព្រះសីហនុ បានប្រកាសជាសាធារណៈលោកគាំទ្រកូនប្រុសច្បងរបស់លោក គឺលោក ហ៊ុន ម៉ាណែត ឲ្យធ្វើជានាយករដ្ឋមន្ត្រីបន្តពីលោក តែតាមរយៈការបោះឆ្នោត។ ភ្លាមៗក្រោយការប្រកាស សារគាំទ្រជាច្រើនបានធ្លាក់មកហូរហែបន្តបន្ទាប់គ្នាពីគ្រប់ស្ថាប័នរដ្ឋនិងឯកជន រួមទាំងផ្ទៃក្នុងបក្សប្រជាជនកម្ពុជាផង។

14 min

December 04, 2021 តើការទន្ទ្រានកាន់កាប់ដីព្រៃលិចទឹកដោយខុសច្បាប់ បញ្ចប់ត្រឹមសារភាពហើយរួចខ្លួនឬ?

ប្រមុខរដ្ឋាភិបាលកម្ពុជា កាលពីចុងសប្តាហ៍មុន បានបញ្ជាឲ្យស្ថាប័នពាក់ព័ន្ធ ដឹកនាំដោយរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ចុះទៅស្រាវជ្រាវ និងបង្ក្រាបអ្នកទន្រ្ទានយកដីដោយខុសច្បាប់នៅតំបន់ព្រៃលិចទឹកបឹងទន្លេសាប។ ក្នុងអំឡុងពេលនៃការស្រាវជ្រាវយ៉ាងសកម្មប៉ុន្មានថ្ងៃកន្លងទៅនេះ មានមន្ត្រីមួយចំនួន បានចេញមកសារភាព ហើយប្រគល់ដីព្រៃលិចទឹកជាច្រើនរយហិចតាឲ្យរដ្ឋវិញ។ ការប្រគល់ដីឲ្យរដ្ឋវិញ ដោយមិនឃើញមានការដាក់ពិន័យ ទោសទណ្ឌ តាមអំណាចច្បាប់នេះ បានរងនូវការរិះគន់ពីសំណាក់អង្គការសង្គមស៊ីវិលនានាជាបន្តបន្ទាប់។

12 min