مدونة اليوم

غادة عبد العال: "صديق اليوم، عدو الغد!"


Listen Later

قد تظن يعني إن بما إننا أجيال صادفت زهرة شبابها كل خير! من حروب وثورات وانقلابات وعواصف وفيضانات وحرائق غابات، إننا هنخرج من بين كل المصايب اللي بتنزل ترف على نافوخنا دي أكثر إنسانية وحساسية لحرمة الروح البشرية. لكن الحقيقة يا أخي إننا مع كل مصيبة جديدة بتصدر عننا ردود أفعال وكأنها ردود أفعال مشاهدين في قاعة سينما بيتفرجوا على فيلم مالهومش علاقة بيه، أو مشجعين لماتش كرة، فاكرين المصايب دي مباراة بتسليهم ولما هتخلص اللاعبين هيروحوا سلام لبيوتهم ويا دار ما دخلك شر.
 

 

في آخر إصدارات المنطقة من الحروب مثلا وهي الحرب الأخيرة بين إيران من جهة وأمريكا وإسرائيل من جهة تانية، كان أكتر حاجة مدهشة هو الحماس الغريب اللي أظهره بعض العرب وهم بيشجعوا ضرب دول عربية مجاورة. متناسين إن ضرب الدول مش هيتوقف عند القواعد الأجنبية اللي فيها، وإنما هي مدن بتسقط وبشر بتقتل واقتصاد ممكن يتدمر بالكامل.

المشهد في حد ذاته مربك، يعني لما تفتح مواقع التواصل الاجتماعي وتلاقي بوست من صديق انت عارفه كويس من نوعية:” اضربوهم.. يستاهلوا“كتعليق على ضرب دول مش بعيدة عننا ولا كانت خصم تاريخي لينا، بل إن اللي بيتكلم ده عارف كويس إن فيه ملايين من أقاربه وأصدقاؤه أو على الأقل ولاد بلده عايشين وبيشتغلوا فيها، لازم تسأل نفسك عن هذا المنطق المختل!

ده غير إن حتى لو البلدان دي ما بيحياش ولا بيعمل فيها ولاد بلدك، طب ما هي فيها بشر عاديين زيي وزيك، بيروحوا شغلهم ويرجعوا بيوتهم ويذاكروا لعيالهم ويودوهم التمارين. 

حياة كاملة لناس زيك بالظبط وحياتهم ما تفرقش عن حياتك، ويا سيدي،  حكوماتهم اتخذت قرارات مش عاجباك، هل انت بالمقارنة كل قرار مش عاجبك من دولتك بتقدر تعترض عليه أو تاخد بعضك انت وعيلتك وتسيبوا البلد عشان ما تدفعش تمن القرار ده؟ هل وقتها هتبقى متفهم لتعليق هيكتبه شخص في دولة قريبة بتتمنى إن بلدك تنزل عليها الصواريخ زي المطر ويمكن يكون حظك انت وعيالك في صاروخ أو اتنين؟

ده غير المفارقة المؤلمة المتعلقة بطريقة عمل السياسة الدولية أصلا، بعيدا عن التعاطف الانتقائي، فطريقة التفكير نفسها اللي لسه الناس بتتعامل بيها مع السياسة الدولية وكأنها صراع أخلاقي بسيط بين معسكر الخير ومعسكر الشر، بينما الواقع معقد أكتر من كده بكتير. ففي عالم اليوم من شبه المستحيل إنك تحدد موقف دولة تجاه دولة أخرى بشكل ثابت ونهائي في ظل عالم لا يتوقف عن التغير.

يعني الدولة اللي ممكن تكون حليف في الحرب دي، ممكن تتحول لخصم في الحرب اللي بعديها. والتحالفات نفسها بتتبدل بسرعة مذهلة حسب المصالح الاقتصادية والعسكرية والسياسية.

وهنا تكمن مفارقة تانية، إن بينما بتتعامل الدول مع السياسة ببرود شديد ووفق حسابات دقيقة للمكسب والخسارة، بيتعامل بعض الناس معاها بعاطفة مفرطة، كأنهم بيدافعوا عن فريقهم المفضل في الدوري. 

طب والحل؟

ربما يكون الحد الأدنى المطلوب هو اننا نبص للتفاصيل الصغيرة، مش بس للصورة الكبيرة، وما نتحولش إلى مشجعين للحروب اللي هيدفع تمنها في النهاية ناس شبهنا أكتر مما نظن..

...more
View all episodesView all episodes
Download on the App Store

مدونة اليومBy مونت كارلو الدولية / MCD


More shows like مدونة اليوم

View all
Learning English Grammar by BBC Radio

Learning English Grammar

311 Listeners

سهرة خليجية by مونت كارلو الدولية / MCD

سهرة خليجية

1 Listeners

صحتكم تهمنا by مونت كارلو الدولية / MCD

صحتكم تهمنا

1 Listeners

الصحة المستدامة by مونت كارلو الدولية / MCD

الصحة المستدامة

5 Listeners

طرب by مونت كارلو الدولية / MCD

طرب

1 Listeners

حكاية نغم by مونت كارلو الدولية / MCD

حكاية نغم

1 Listeners

أصوات المدينة by مونت كارلو الدولية / MCD

أصوات المدينة

0 Listeners

هوى الأيام by مونت كارلو الدولية / MCD

هوى الأيام

0 Listeners

مدونة اليوم by مونت كارلو الدولية / MCD

مدونة اليوم

0 Listeners

نافذة على العالم by مونت كارلو الدولية / MCD

نافذة على العالم

1 Listeners

ثقافات by مونت كارلو الدولية / MCD

ثقافات

0 Listeners

ساعة موسيقى by مونت كارلو الدولية / MCD

ساعة موسيقى

2 Listeners

يوميات مسافرة by مونت كارلو الدولية / MCD

يوميات مسافرة

0 Listeners

تعلموا الفرنسية مع مسلسل Les voisins du 12 bis by مونت كارلو الدولية / MCD

تعلموا الفرنسية مع مسلسل Les voisins du 12 bis

3 Listeners

الساعة الخليجية by مونت كارلو الدولية / MCD

الساعة الخليجية

1 Listeners

قراءة في الصحافة العالمية by فرانس 24 / FRANCE 24

قراءة في الصحافة العالمية

2 Listeners

قرأنا لكم by مونت كارلو الدولية / MCD

قرأنا لكم

0 Listeners

ريبورتاج by مونت كارلو الدولية / MCD

ريبورتاج

0 Listeners

ريبورتاج ثقافي by مونت كارلو الدولية / MCD

ريبورتاج ثقافي

0 Listeners

يستحق الانتباه by BBC Arabic Radio

يستحق الانتباه

6 Listeners

النشرة الرقمية by مونت كارلو الدولية / MCD

النشرة الرقمية

1 Listeners

من قاعات التحرير by مونت كارلو الدولية / MCD

من قاعات التحرير

1 Listeners

وقفة مع الحدث by مونت كارلو الدولية / MCD

وقفة مع الحدث

0 Listeners