No "Die Katze Eleonore" vun der Caren Jeß adaptéiert d’Metteuse en scène Sara Goerres ee weidere Monolog mat der Schauspillerin Brigitte Urhausen. "Die unheilige Johanna von Orléans" vum Lëtzebuerger Auteur Rafael David Kohn stellt sech vir, bei der Verbrennung vun der Jeanne d’Arc wier et zu engem Amalgam komm an d’Jeanne d’Arc hätt vun engem Quiproquo profitéiert fir ze iwwerliewen. Oder ass och dat just ee Mythos, eng fabrizéiert Legend? De Jeff Schinker ënnerhält sech mat der Sara Goerres an der Brigitte Urhausen.

Bis den 30. November kënnt Dir am CNA zu Diddeleng d’Expo “L’ordre des choses” vum Michel Medinger gesinn. De Michel Medinger, deen eis dëse Januar am Alter vu 84 Joer verlooss huet, fréieren Employé am Staatslabo, ass deene meeschte Lëtzebuerger als Liichtathleet an eeben als Fotograf e Begrëff. Als Autodidakt, mat onendlecher Passioun an Imaginatioun, huet hie säi Sammelsurium vun Objeten ëmmer nees fir satiresch a gesellschaftskritesch Opnamen a schwaarzwäiss an Zeen gesat. D’Expo am CNA ass eng Initiativ vun der ASBL Lët’z Arles, souzesoen als Noruff op dem Michel Medinger seng Ausstellung an der Chapelle de la charité zu Arles, am Summer 2024. Zesumme mam Kerstin Thalau hu mir d’Directrice vu Lët’z Arles, d’Cécilia Zunt-Radot, an de Studio invitéiert, fir iwwer d’Expo plus Arles 2025 ze schwätzen.

De Sam Erpelding ass à la base Touningénieur: als deen ënnerstëtzt hie regelméisseg eis 100,7-Feature-Équipe. U seng technesch Formatioun huet hien an Éisträich e Klangkonschtstudium gehaangen, wouwéint hien haut haaptsächlech als Klangkënschtler, Klangfuerscher a Museker aktiv ass. Dat huet d’Équipë vun Espace cultures vun der Uni Lëtzebuerg plus Casino Display interesséiert, a si hunn de Sam Erpelding fir eng Kënschtlerresidenz invitéiert. No 2 Méint ass de Sam Erpelding an der Halbzeit ukomm. D’Kerstin Thalau wollt en Halbzäit-Bilan zéien, an ass virdru mam Mikro bis an de Casino-Display gelaf, wou de Sam Erpelding bis gëschter owend e puer vu senge Soundinstallatiounë presentéiert hat.

De Michel Delage an d'Valerija Berdi beschwätzen: "Bugonia" (Yorgos Lanthimos) a "Bitzbouf / Stitch Head" (Steve Hudson).

Eng Serie, déi eis mat a Wales hëlt bei de Fussballveräi Wrexham AFC., dee gëtt nämlech vun zwee Hollywood-Stare kaf. Hei gëtt hanner d'Kulisse vun engem Veräi gekuckt a gewisen, wéi wichteg Fussball fir vill Mënschen ass.

An der Privatbank Delen op der Areler Strooss kann een op Rendez-vous Wierker vum Henri Kraus gesinn. D’Lori Dauphin huet sech gefrot, wéi et dozou koum, datt grad eng Bank d’Oeuvre vum Moler ausstellt, a wéi d’Situatioun vum Lëtzebuerger Konschtmaart den Ament anzeschätzen ass.

De Sam Erpelding ass haut haaptsächlech als Klangkënschtler a Museker aktiv. Hien huet awer och, à la base, eng klassesch Touningenieur-Ausbildung ofgeschloss, wouduerch hien da reegelméisseg mat eiser 100,7-Feature-Ekipp kollaboréiert. Mir hunn eis deemno mat gefreet, wéi den Espace cultures vun der UniLu virun engem Mount matgedeelt huet, datt de Sam Erpelding hiren neien “artist in residence“ ass. Wat bedeit eng Kënschtlerresidenz op enger Universitéit ouni Konschtsektioun? Dat wollt d‘Kerstin Thalau vum Klangfuerscher gewuer ginn, huet sech virdrun op de Wee bei de Sam Erpelding an de Casino-Display um Fëschmaart gemaach. De Casino ass Partnerinstitutioun fir d‘Belval-Residenzen an huet säin Display fir eng Expo zur Verfügung gestallt. Kerstin, bass de ukomm? Kanns de mech héieren?

De Michel Delage an d'Valerija Berdi beschwätzen: "L'Etranger" (François Ozon) a "L'Homme qui rétrécit" (Jan Kounen).

Den Däitsch-Schwäizer Duo Erol Sarp a Lukas Vogel an den Australier Kevin Parker wëllen allen dräi mat den neie Placke vun hire respektive Formatioune Grandbrothers an Tame Impala op den Dancefloor. Op dat hinne mat Deadbeat - hei um Radio och Plack vun der Woch - an Elsewhere geléngt, dat verroden iech de Marc Clement an de Jeff Schinker an hirer Véier-Ouere-Rezensioun.

“Designed by Design Luxembourg”: tëscht dem 12. an dem 16. November invitéiert d’Federatioun vun den Designer:innen op den éischte Luxembourg Design Festival; an zwar kräiz a queesch uechtert d’Stad, mat engem Programm kräiz a queesch duerch d’Designdisziplinnen a –Formater, fir Kräiz a Queesch, also fir de breede Publikum grad esou wéi Initiéierter. Wéi et dozou komm ass, also esouwuel zum Festival wéi och zu der Programmatioun, dat wollt d’Kerstin Thalau vun der Nadine Clemens, Coordinatrice bei Design Luxembourg, gewuer ginn.