Kultur

“In München steht ein Hofbräuhaus”: dat ass bekannt, an zwar net just duerch den Titel vun der Spider Murphy Gang.

Münchener Awunner an Touriste solle sech awer net just fir déi historesch Architektur - plus Inhalt - interesséieren, mee och fir zukünfteg Bauten.

Um fréiere Pfanni-Industrieareal, zum Beispill, ginn zanter knapps 30 Joer d’Broochen als Nightlife- a Kulturareal genotzt. Bis 2003 ënnert dem Numm Kunstpark Ost; aktuell entsteet do d’Werksviertel, mat och neie Gebailechkeeten, wéi d’Konzerthaus München.

Dofir gëtt elo scho mobil gemaach: mat engem Riserad, awer och mat engem méi nodenklechen a meditative Projet, der dagdeeglecher Performance “Piano vertical” vum Genfer Alain Roche. D’Kerstin Thalau huet se gesinn a gëschter mam Alain Roche ee virleefege Bilan gezunn.

Den Usina ass zanter dem leschte Kulturjoer zu engem interessanten a vill besichte Museksfestival ginn, deen d‘Fans an d‘Häerz geschloss hunn. Wann een esou iwwer de Line-Up kuckt, ass et einfach ze vergiessen, wéi nohalteg a multidimensional dëse Festival am Fong ass. De Marc Clement huet mam Haushär John Rech vun der Gemeng Diddeleng iwwer de Festival a seng Partnerschafte geschwat.

D’Band Francis of Delirium ass ville Leit hei am Land bekannt. Déi dräi Lëtzebuerger ëm déi 22 Joer-al Jana Bahrich sinn dëser Deeg an Nordamerika op Tour, no enger Europa-Tour, déi gewisen huet, datt Francis of Delirium am Ausland e Begrëff ass. Hire melodeschen Indie-Rock huet si och op New York bruecht, wou si an der berüümter Mercury Lounge gespillt hunn.

Eise Korrespondent Philip Crowther war do an huet mat der Band a mat hiren amerikanesche Fans geschwat.

2021 zu Rotterdam gegrënnt, spille Library Card eng Musek, déi een sech soss éischter aus dem Vereenegte Kinnekräich erwaart. Bäissend Sozialkritik trëfft op zackege Rocksound. Den Owend ass d'Band am Gudde Wëllen op der Bün an am Virfeld hat sech de Marc Clement mat der Frontfra Lot van Teylingen ënnerhalen.

Fir d‘Rap-Fans gëtt et den Owend (30.5.) ee besonnesche Concert an de Rotonden: de Läbbel invitéiert de Masta Ace, ee Rapper, deen zanter 1988 bei deene ganz grousse matmëscht. Am Virfeld huet de Marc Clement mam David Galassi iwwer d‘Zeen zu Lëtzebuerg, a mam Masta Ace iwwer seng nei Plack Richmond Hills geschwat.

Viru genee engem Mount huet eis mam Paul Auster, ee vun de wichtegsten US-amerikanesche Schrëftsteller, verlooss. Mir lauschteren nach eemol der Valerija Berdi hire Kuerzportrait vum Auteur.

Mat der Gëllener Palm fir "Anora" vum Sean Baker an dem Grand Prix fir déi lëtzebuergesch Koproduktioun "All We Imagine As Light" vun der Payal Kapadia huet de Jury vun der Greta Gerwig de Schwéierpunkt op staark Fraefigure geluecht - a sech definitiv géint de Choix vun enger Selektioun entscheet, an där déi al grouss Realisateure just nach Placeholdere sinn. Eng Analys vum Jeff Schinker a Marc Trappendreher

Den Eric Rosenfeld war an iwwer 20 Bands, dovunner sinn der dräi weiderhin aktiv: Versus You, Not For Sale an Adoptees. An da gëtt et nach Communicaution,de Soloprojet, selwer beschriwwen als Basement Ballads since 2004.

Communicaution ass d’Geheimtipp-Musek vum Eric Rosenfeld. Déi lescht Release, Limited Edtion, ass vu Mëtt dësem Mount. Et sinn 11 Lidder, déi ënnert aneremeen sech Net-Ofkomme mat der Museksindustrie ausdrécken. Fir iwwert den Album ze schwätzen ass den Eric Rosenfeld perséinlech am Studio.

Den Nicolas Calmes huet e puer Froe virbereet.

Hoffentlech hutt Dir schéi Schong un, well déi gëllt et elo ze kucken. Mee bei där neier Shoegazing Rockplack, déi de Marc Clement iwwer de Weekend gelauschtert huet, ass de Bléck besser op den Horizont geriicht, deen den New Yorker Quartett DIIV op sengem 4. Studioalbum “Frog In Boiling Water” huet, am Kontrast zu deene schwéiere Riffs um Virgänger mat Bläistëft an Aquarell gemoolt.

Am Kader vun der Presentatioun vum Lëtzebuerger Projet 2024 fir déi renomméiert Rencontres de la photo zu Arles, war den Arles-Direkter Christoph Wiesner extra op Lëtzebuerg komm. Dat mécht Sënn: schliisslech souz hien och mat am internationale Jury, deem seng Membere sech fir d’Expo “L’ordre des choses” vum Michel Medinger decidéiert hunn. Dofir gëtt eng Aart Fotoe-Kuriositéitekabinett an der historescher Chapelle de la charité am Zentrum vun Arles montéiert. D’Kerstin Thalau wollt vum Christophe Wiesner wëssen, wéi sech dem Michel Medinger seng intrigant nature-morte-Klischeeën an d’Gesamt-Programmatioun fir dëse Summer aglidderen.