Kultur

De Cabaret Vert ass ee vun deene gréisste Museksfestivallen a ganz Frankräich. Wéi vill anerer huet en als kleng Rockbün op enger Wiss ugefaangen an ass a 17 Joer zu engem multikulturellen Event mat Comicberäich a masseg Büne gewuess. En ass och guer net wäit ewech vun eis hei, grad emol 140 km bei Charleville-Mézières an den Ardennen.

Fir ee klengen Iwwerbléck iwwer ee kolossale Line-Up huet de Marc Clement aus der Museksredaktioun sech mat engem vun de Festivaldirekteren, dem Cédric Cheminaud, ënnerhalen.

De Berliner Mauerfall inspiréiert d'Autorinnen an Auteuren an an der Tëschenzäit huet een heiansdo den Androck, et géif een ëmmer dee selwechte Roman liesen. Net esou beim Lutz Seiler, och wann d'Thematik - also d'Wendezeit - net grad originell an innovativ ass, dat wat de Gewënner vum Georg-Büchner-Preis 2023 a sengem Buch "Stern 111" zesummestellt, ass schonn e klengt Wonnerwierk, mengt d'Valerija Berdi.

An de leschte Wochen hu mir hei dacks iwwer de Screaming-Fields-Festival geschwat, deen Nowuess-Museker:innen eng Bün bitt. Eng vun de Gewënnerinnen vum Screaming Fields, allerdéngs vun der Editioun 2021, ass d'Lara Grogan. Si huet d'Sprongbriet genotzt an déi lescht Woch hir nei Single erausbruecht. Am Interview mam Claudine Muno zielt si iwwer hiren neie Song an hir Zukunftspläng.

Wéi eng Filmer lafe vu muer un nei un? Den Iwwerbléck mam Michel Delage

2021 konnt déi jonk Musekerin Lara Grogan beim Screaming-Fields-Festival ee vun den Haaptpräisser gewannen, e Songwriting-Package, fir sech a Saache Komponéieren an Texten nach méi ze verbesseren. Déi lescht Woch huet si hir neiste Single "What Was Mine" virgestallt. Den Owend (18.7.) tëschent 17 an 18 Auer gi Dir méi iwwer deen neien Titel gewuer, hei awer schonn e klengen Extrait aus dem Interview.

Aus Villa Louvigny am Stater Park soll ee "Lieu de création" ginn. Nodeems de Santésministère ufanks dës Joers erausgeplënnert ass, steet de d'Renovatiounsaarbechten an der Villa Louvigny näischt méi am Wee. Elo huet d'Kulturministesch Sam Tanson virun der Press de Projet virgestallt. D'Sophie Schroeder mat den Detailer

D'Jane Birkin war eng Ikon vun den 1960er an 1970er an huet e Liewe laang de Repertoire vun hirem eemolege Partner Serge Gainsbourg valoriséiert an interpretéiert. Doriwwer eraus konnt si awer och als Schauspillerin iwwerzeegen, si huet selwer Filmer gedréit an Texter geschriwwen, notamment fir hire leschten, ganz gelongenen Album "Oh! Pardon tu dormais ...".

D'Claudine Muno mat engem Portrait

Aus der Villa Louvigny am Stater Park soll ee "Lieu de création" ginn. Nodeems de Santésministère ufanks dës Joers erausgeplënnert ass, steet de d'Renovatiounsaarbechten an der Villa Louvigny näischt méi am Wee. Elo huet d'Kulturministesch Sam Tanson virun der Press de Projet virgestallt. D'Sophie Schroeder mat den Detailer

Passend zu der grousser Vakanz, déi elo fir d'Schüler:innen ugefaangen huet, huet de Jean Portante och d'Wuert Vakanz gewielt, fir eis d'Etymologie ze erklären. Mee do ginn et nach Wierder, déi vill mat Vakanz ze dinn hunn: Congé a Ferien. De Philippe Hansen am Gespréich mam Jean Portante

Zanter 2018 ass d'Përmesknupp ze Kauneref als nationaalt Monument klasséiert. Et ass déi ganz Knupp mat der Quell, der Kapell an der ausgegruewener Siidlung, déi geschützt sinn. E grousst Engagement fir d'Erhalue vun dësem historeschen, kulturellen a reliéise Site hunn d'Përnesfrënn Kauneref gewisen. Elo feiert d'Associatioun hire fofzegste Gebuertsdag, an dat mécht se natierlech op der Përmesknupp.

Iwwer d'Bedeitung vun der Plaz, der Geschicht vum hellege Pimin, aktuell Restauratiounen an Ausgruewungen, awer och iwwer déi geplangten Aktivitéiten huet d'Valerija Berdi mat der Presidentin vun de Përmesfrënn, der Marianne Thilmany, geschwat.