Kultur

Sechs Joer hunn d'Fans vun der PJ Harvey missten op en neien Album vun der englescher Kënschtlerin waarden. Leschte Freideg war et esou wäit, "I Inside The Old Year Dying" koum eraus an d'Claudine Muno huet fir eis eragelauschtert.

(Lauschtert och zum Theema One World)

Wéi eng Filmer lafen dës Woch am Kino un? Den Iwwerbléck mam Michel Delage

D'Malya ass nach an der Primärschoul, mee et gëtt vu sengem Ëmfeld als Monster erlieft. A sengem neie Roman "Monster Malya" gräift de Roland Meyer e Sujet op, deen zum Schoulalldag gehéiert. D'Valerija Berdi huet de Roman, deen am Verlag Op der Lay erauskoum, gelies.

Dem Auteur Jean Portante säi Wuert vun der Woch ass "Monster", en Ausdrock, dee mir esouwuel bei eisen direkten europäeschen Noperen, wéi och a Spuenien, Portugal oder Italien erëmfannen. Dowéinst ass de Jean Portante dem "Monster" emol nogaangen ... bis u säin Ursprong, also bis bei déi al Réimer.

Nieft deem gesellschaftspoliteschen Aspekt vun der Pride Week ginn et och kulturell an deem Kader eng ganz Rei Manifestatiounen. Dës ganz Woch gëtt an der Escher Kulturfabrik ënner dem Numm Pride at Kufa e ganz ofwiesslungsräiche Programm gebueden. Ënner anerem ass e Samschdeg déi traditionell Ofschlossparty. De Georges Goerens zielt méi doriwwer.

Dem Auteur Jean Portante säi Wuert vun der Woch ass "Monster", en Ausdrock, dee mir esouwuel bei eisen direkten europäeschen Noperen, wéi och a Spuenien, Portugal oder Italien erëmfannen. Dowéinst ass de Jean Portante dem "Monster" emol nogaangen ... bis u säin Ursprong, also bis bei déi al Réimer.

Wéi eng Filmer lafen dës Woch um groussen Ecran un? E Bléck duerch de Programm mam Michel Delage.

Ob mam Projet Bye Bye Bay oder als Batteur vun der Formatioun Open Seas, de Pierre Bihl assuméiert seng Roll als Mainstream Artist. Pop ass säi Genre a seng Ambitioun ass et, säi Publikum ze ënnerhalen. "Let me entertain you" also - mee datt et méi schwéier ass ville Leit ze gefale wéi just engem Nischepublikum, huet de Museker am Kultur um 5 am Interview mam Claudine Muno erkläert.

Den Nationalmusée um Fëschmaart huet eng Crowdfunding Aktioun gestart, fir ee vun den bekannteste Biller vum Joseph Kutter ze kafen. Et geet dobäi ëm de "Champion" aus dem Joer 1932. Op dëser Toile huet de prominente Moler den duebele Gewënner vun der Tour de France vun 1927 an 28, den Nicolas Frantz, portraitéiert.

De Joé Birchen wollt vum Michel Polfer, dem Direkter vum Musée, méi iwwer d'Hannergrënn vun dëser Aktioun gewuer ginn.

60 Prozent vun de Recommandatiounen, déi am nationale Kulturentwécklungsplang festgehale goufen, wieren elo ëmgesat, esou de Jo Kox, éischte Conseiller vum Gouvernement am Kulturministère. De KEP2018-2028 ass elo a senger Hallefzäit, an aus deem Gronn hat de Kulturministère gëschter op Kulturassisen am Iechternacher Trifolion invitéiert. Bei enger Table ronde haten d'Kulturschafend d'Opportunitéit hir Siicht op déi éischt véier Joer KEP zum Ausdrock ze bréngen. Esou och de plastesche Kënschtler Serge Ecker