Kultur

"Jo" a "Nee" sinn zwee Wierder, déi mir all Dag méi wéi eng Kéier am Mond hunn. Wëllt de Jean Portante eis am Gespréich mam Pit Walté erzielen, wéi se an eis Sprooch gelant sinn? Jo, de Jean Portante huet zougesot, wann hien nee gesot hätt, dann hätt hie kënnen heem goen oder iwwer eppes anescht schwätzen ...

De Lëtzebuerger Artiste Center, huet eng nei Ausstellung organiséiert. Se heescht 50 Joer Lëtzebuerger Konscht, a wéi den Titel et schonns seet, geet et hei em déi lescht 50 Joer vun der Konscht zu Lëtzebuerg.

Wierder, déi mir quasi all Dag, an net nëmmen eng Kéier, an de Mond huelen: sollen déi sech fir dem Jean Portante seng Serie "Wuert vun der Woch" eegnen? Missten dat net aussergewéinlech, poetesch, staark Wierder sinn, fir datt eisen Auteur a Literatur-Expert sech mat hinnen ofgëtt? Jo, nee! Grad iwwer déi onscheinbar hu mir eis nach ni Gedanke gemaach... zum Beispill Jo an Nee. De Jean Portante zielt eis haut, wéi se an eiser Sprooch gelant sinn.

Duerch de Programm vun der neier Kinoswoch féiert de Michel Delage

De Kidnapping vum Aldo Moro an engem ganz gespaante politesche Kontext an Italien Enn de 70er Joren: wonnerbar opbereet vum Filmveteran Marco Bellocchio, mengt de Michel Delage. D'Serie a sechs Deeler ass nach bis den 12. Juli op arte.tv ze gesinn.

E Wuert féiert zum nächsten... Esou geet et och dem Jean Portante, wann hien seng Wierder sicht. Oft falen an enger Emissioun Wierder, déi sech fir déi nächst Emissioun erginn. Esou ass d'lescht Woch d'Wuert Feld gefall, wou vu Polen riets war, wat och d'Bedeitung vu Polen ass. A vum Feld geet de Jean Portante dann och haut aus, Feld, wat op franséisch Champ heescht, am Gespréich mam Philippe Hansen.

Fir déi 19.Kéier schonn fënnt dëst Joer, den 29. Abrëll, an der Escher Kulturfabrik den Out Of The Crowd Festival statt. Dat Besonnescht un deem Rendezvous ass, dass de Public hei Geleeënheet huet nei, awer och schonn etabléiert Nimm vun der internationaler alternativer Rockmusek an engem ganz conviviale Kader ze erliewen. Den Out Of The Crowd wier e "Festival de rencontre et de partage" - dat seet op alle Fall den Nicholas Pzeor, vum Schalltot Collective.

Eisen Auteur a Literaturexpert Jean Portante reest gären; interessant ass, datt hie sech vill mat Wierder beschäftegt, déi och eng groussaarteg Rees, respektiv Evolutioun, hannert sech hunn. A senger Rubrik "Wuert vun der Woch" hëlt hien eis mat op hir Reesen. Lescht Woch konnt Dir zum Beispill gewuer ginn, datt "Polen" Feld bedeit. A vun do aus geet de Jean Portante haut virun: vu Feld, wat jo op franséisch champ bedeit.

Dräi franséisch Filmer, e belschen Drama an en amerikanesche Blockbuster stinn um Programm vun der neier Kinoswoch. Den Iwwerbléck mam Michel Delage.

Den 21. Mäerz ass ee groussen Datum an der Welt vun der klassescher Musek - op deem Dag am Joer 1685 koum nämlech de Johann Sebastian Bach op d'Welt. An zanter 2010 gëtt deen Dag, ronderëm d'Welt, grouss gefeiert. Ugefaangen huet dat Ganzt mat Concerte vun engem Cellist zu New York mat Musek vum Bach. 2018 war dunn déi éischt Editioun vum "Bach in the Subways" zu Lëtzebuerg. An och dëst Joer hunn sech den AD LIBITUM an den INECC (Institut Européen de Chant Choral) erëm zesumme gedoe fir déi 5. Editioun vun dësem Festival, deen een Dag laang dauert, op d'Been ze stellen. D'Marie Schockmel huet sech mam Rosch Mirkes vun AD LIBITUM doriwwer ënnerhalen, ënner anerem iwwer den Ofschlossconcert haut den Owend an der Kierch Saint Thérèse zu Gaasperech.