Kultur

Kosmopolit ass e Wuert, dat aus zwee Wierder besteet, déi aus dem ale Griichesche kommen, mee déi och mat aner onerwaarte Wierder am Zesummenhang stinn.

Hei kann de Jean Portante awer just deen éischten Deel vum Wuert Kosmopolit ënner d'Lupp huelen, mat deem eng villsäiteg a spannend Entwécklung verbonnen ass.

"'t ass Fréijoer an d'Vullen, déi sinn erëm erwaacht"?! Dem Kalenner no soll dat a knapps dräi Wochen esou wäit sinn. Verschiddener kënnen et kaum erwaarden. Dowéinst proposéieren d'Kerstin Thalau an eis zwou Erzielkënschtlerinne Luisa Bevilacqua a Betsy Dentzer de Sonndeg, 5. Mäerz, tëschent eelef an zwielef, eng RadiOdyssee, also eng Erzielkonscht-Emissioun, zum Theema Gebuert. Vu datt d'Erzielkonscht gewinnt labber, spilleresch, metaphoresch, jo fantastesch un d'Matière erugeet, hunn déi dräi zur Sécherheet eng Hiewan invitéiert, fir iwwer d'Risikoen an Niewewierkungen ze schwätzen.

Ofgesi vum Luxfilmfest, deen dësen Donneschdeg ufänkt, lafen dës Woch och eng Rei nei Filmer am reguläre Programm un. Den Iwwerbléck mam Michel Delage

Bis den 13. Mäerz kënnt Dir am Foyer vum Ettelbrécker CAPE dem Fotokënschtler Luc Ewen seng Expo "Schneewittchen revisitée et autres curiosités" entdecken. D'Multimedia-Installatioun "Schneewittchen revisitée" bitt eng zäitgenëssesch Vue vum traditionelle Märchen: d'Heldin flücht virum Béisen iwwer d'Mier a fënnt als Refugiée Plaz an enger Zeltstad. "Et autres curiosités" ass eng Suite vun der Luc-Ewen-Fotoreportage "Skvozniak-Chronik vun enger Schmuggelmaschinn".

An Äthiopie gouf d'Meskerem Mees gebuer, duerno vun enger belscher Koppel adoptéiert - opgewuess ass si bei Gent mat engem museksbegeeschterte Papp, an deem sengem Plackeschaf d'Songschreiwerin hir éischt Inspiratioun fonnt huet. 2021 koum hiren éischtem Album "Julius" eraus an zanterhier gehéiert si zu de spannendsten neie Stëmme vun der belscher Musek. Hire Stil nennt si minimalistesche Folk. Am Interview huet si erzielt, wéi si hir musikalesch Identitéit fonnt huet.

A sengem neie Roman hëlt de Jean Portante seng Lieser mat op eng zäitgenëssesch Enéide. Mat u Bord Weltliteratur, Musek, Migratioun, Léift a Sich, an dat alles an engem Spannennetz vum Passé bis an de Present. D'Valerija Berdi stellt de Roman, dee bei Editions Phi erauskoum, vir.

Wéi eng Filmer lafe vun haut un nei am Kino? E Bléck duerch de Programm mam Michel Delage

E Gedichtband iwwer deen éiwege Zyklus vum (Männer)Liewen, dat déi séiss Friichte vum héijen Alter feiert. Eng Kritik vum Michel Delage.

2008 huet eng wichteg kulturell Institutioun, no 40 Joer Aktivitéit, zu Lëtzebuerg d'Bengele bei d'Tromm gehäit. An zwar den Jazzclub. Den Auteur Jean Portante konzentréiert sech hei awer net op déi traureg Geschicht, mee zielt Iech, wou d'Wuert Jazz iwwerhaapt hierkënnt, an déi nächst Woch hëlt hien dann d'Wuert Club ënner d'Lupp.

Eng musikalesch Odyssee duerch d'Genren Hip-Hop, Soul a Funk - dat steet den Owend um Programm am Gudde Wëllen an der Stad. An zwar mat der Bobby Bieles Band. Gebuede gëtt en DJ-Set mat Live-Begleedung vu Bass a Batterie, en éischter ongewéinlecht Konzept also, an eng kniwweleg Aufgab fir d'Museker. Awer och en Challenge fir de Batteur John Wolter, dee sech scho vu klengem u fir Hip-Hop begeeschtert.