Kultur

En etlech fréier Industrieregioune sinn amgaang, sech zu enger Déngschtleeschtungsgesellschaft ze wandelen. Dës Metamorphos soll endlech eng besser Zukunft erméiglechen, deemno geschitt se heefeg séier an ëmfaassend an hannerléisst hir Spueren.

Zwee Fotografen, de Lëtzebuerger Patrick Galbats an de Fransous Nicolas Leblanc, hu sech mat der Journalistin an Autorin Aurélie Darbouret op Spueresich, am Minett, a just iwwer d'Grenz, am Pays Haut Val d'Alzette, gemaach.

Hir Fotoe kucken an hir Interviewe lauschtere kënnt Dir an der Escher Galerie Schlassgoart. Huet de Joé Birchen och gemaach: hei seng "Traversée"-Expo-Kritik.

2008 huet eng wichteg kulturell Institutioun, no 40 Joer Aktivitéit, zu Lëtzebuerg d'Bengele bei d'Tromm gehäit. An zwar den Jazzclub. Den Auteur Jean Portante konzentréiert sech haut awer net op déi traureg Geschicht, mee zielt Iech, wou d'Wuert Jazz iwwerhaapt hierkënnt, an déi nächst Woch hëlt hien dann d'Wuert Club ënner d'Lupp.

Den Donneschdeg nächst Woch spillt déi portugisesch Indie Rock Band am Gudde Wëllen, déi mat enger gewësser Stil-Villfalt iwwerzeegt an dach hir ganz eegen Touche huet.

The Lemon Lovers komme vu Porto an hu grad hir nei Plack "pretend that i care" fäerdeg, hir éischt zanter der Pandemie, an déi éischt, zanter déi zwee Grënnungsmemberen am professionelle Museksliewe Fouss gefaasst hunn. Am Virfeld hat de Marc Clement d'Geleeënheet mam Batteur Victor Butuc ze schwätzen, deen zesumme mam Gittarist a Sänger Joao Silva de Projet virun eelef Joer gegrënnt huet. Den Historique vun der neier Plack war do ee vun de ville Sujeten, déi de Victor Butuc abordéiert huet. An d'Inspiratioun koum vun enger interessanter Plaz - nämlech aus der Wüüst.

Gëschter war Vältesdag an dofir ware Libeslidder Theema an eiser Kulturemissioun Kultur um 5. Zesumme mam Pit Walté huet d'Claudine Muno an e puer Klassiker eragelauschtert, awer och a méi ongewéinlech Titelen.

Wéi eng Filmer lafen haut nei am Kino un? De Michel Delage mat engem Iwwerbléck.

The Aquatic Museum nennt sech deen neie musikalesche Projet vun der Songschreiwerin Claire Parsons, zesumme mam Bassist Laurent Péckels an der Violonistin Nicole Miller. Eng éischt Single gouf rezent virgestallt an och en éischten Album ass fir dëst Fréijoer geplangt.

Am Gespréich mam Claudine Muno an Yves Stephany huet d'Claire Parsons erzielt, wéi spannend, awer opwänneg d'Aarbecht un dëser Plack war.

No dräi Joer Corona-bedéngter Paus ass d'Leipziger Buchmesse dëst Joer vum 27. bis den 30. Abrëll erëm aktuell. Lëtzebuerg ass dës Kéier och mat derbäi an dat mat sechs Editiounshaiser.

De Joé Birchen huet mam Brian Bailey, dem Chargé de mission fir Literatur an Editioun bei Kultur | lx iwwer dësen Event an eiser Emissioun Kultur um 5 geschwat.

Am Kader vun Esch2022 - Europäesch Kulturhaaptstad ass zu Keel-Téiteng MUAR - deen éischte Lëtzebuerger Musée vun der Aarbecht an der aler Schungfabrik. Niewendrun ass de Musée FERRUM, wou temporär Ausstellunge gewise ginn. Do kann een elo d'Expo Unfree Labour gesinn, déi ë. a. d'Froe stellt: Huet jiddwereen de Choix fir fräi ze entscheeden, wou a wat e schaffe wëllt? A wéi wäit geet déi Fräiheet? De Joé Birchen huet d'Expo gesinn.

D'Wuert "schreiwen", wat déi selwecht Originn huet wéi d'franséisch "écrire", kënnt vum Latäin "scribere", an dat huet am ale Roum fir d'éischt "ritzen", "krazen" geheescht. Well am Ufank jo d'Buschtawen geritzt goufen, an Holz, Marmer, Wues oder soss ee Material. Mee de Jean Portante schwätzt eis haut haaptsächlech vum Instrument, dat gebraucht gouf fir ze schreiwen, an aus deem, ënner anerem, eist Wuert "Stylo" entstanen ass.

D'Programmatioun vum 13. Luxembourg City Film Festival (2.-12. Mäerz) gouf en Donneschdeg verëffentlecht. Als eng vun den Tendenzen ass déi staark Presenz vum Lëtzebuerger Kino ervirzehiewen. Zum Beispill sinn ënner den néng Filmer vun der Haaptkompetitioun zwou Lëtzebuerger Co-Produktiounen an eng majoritär Produktioun hei aus Lëtzebuerg. Dozou den Directeur artistique vum Festival, den Alexis Juncosa.