Kultur

Als eng kritesch-humoristesch Bestandsopnam vun der Lëtzebuerger Sprooch kéint een dem Pit Schlechter seng Textsammlung ëmschreiwen. Dat vum Pit Weyer illustréiert Buch (Kremart Edition) ass eent vu fënnef Wierker op der Shortlëscht vum Lëtzebuerger Buchpräis.

Eng Kritik vum Michel Delage

De Museks-Festival ass an der ganzer hollännescher Stad a kënnt all Joer mat enger besonnesch futéierter Programmatioun dohier. Genee do war eise Korrespondent Max Tholl gëschter fir den Ufank vum Festival an huet am Kulturmagasinn ënner anerem iwwer de Line-Up vum Festival geschwat. Fazit: eng Mëschung aus gefälleg an experimentell. Mir lauschteren eran.

Net déi däischter, mee déi intimistesch an atmosphäresch Säit vum Mound vertount de Lëtzebuerger Museker Pascal Schumacher op sengem leschten Album "Luna". Zesumme mam Bréisseler Echo Collective bréngt hien dës Plack e Samschdeg an der Philharmonie op d'Bün. An eiser Emissioun Kultur um 5 huet hien eis e bëssen iwwer d'Zesummenaarbecht mat deem Sträicher-Ensembel gezielt.

Den 10. an den 11. November organiséiert déi interdisziplinär Associatioun NormArtFolies eng Konferenz, eng Table ronde an eng Rei Atelieren am Bâtiment 4 zu Esch-Uelzecht. NormArtFolies dat sinn dräi Lycéeën, den CePAS an de SePAS a Psychiatrie vu Lëtzebuerg, grad wéi eng Rei Kënschtler:innen. Hiert Objektiv ass mat geziilte Manifestatiounen an Aktivitéiten déi Responsabel ze sensibiliséieren an e Verständnis fir d'Suergen an d'Problemer vun de Jonken ze aktivéieren. De Robert Kanz, Sous-Direkter vum LTPS (Lycée Technique pour Professions de Santé) war eisen Invité an der Emissioun Kultur um 5. En Extrait aus dem Gespréich mam Valerija Berdi

Mir hu schonn héieren, wéi dem amerikaneschen Jazzmuseker Louis Armstrong seng Karriär ugefaangen huet. Am Documentaire "Louis Armstrong's Black and Blues" gëtt een awer och gewuer, firwat hie vun der Civil Rights Beweegung vun de 50er a 60er Joren kritiséiert gouf. D'Claudine Muno huet sech de Film ugekuckt an e gëschter an eiser Emissioun Kultur um 5 beschwat.

Als Kand stiicht jiddwereen der emol - fir den amerikanesche Museker Louis Armstrong sollt eng mësslonge Spiicht awer onverhofft zu enger grousser Chance ginn. Dat gëtt een ënner aneren an deem interessanten Documentaire "Louis Armstrong's Black and Blues" gewuer, dee rezent op Apple TV erauskoum an dee gëschter Theema war an eiser Emissioun Kultur um 5.

An der drëtter Verfilmung vum Erich Maria Remarque sengem anti-militaristesche Roman, déi op Netflix leeft, huet de Michel Delage wichteg Ënnerscheeder géigeniwwer der Virlag ervirgehuewen.

Low waren eng vun deenen interessantsten nach aktiven Indiebands vun den 90er, och wéinst der Mim Parker hirer staarker Stëmm. Dëse Freideg hätt d'Band sollten an de Bouneweger Rotonden optrieden. De Marc Clement mat engem klenge musikalesche Réckbléck, erausgezunn aus eisem Kulturmagasinn gëschter Owend.

Eng nei Stëmm an der Lëtzebuerger Literatur mécht sech mam Roman , deen elo bei Hydre Editions eraus koum, ganz positiv bemierkbar. D'Valerija Berdi huet der jonker Schrëftstellerin Claire Schmartz hiren Debutroman gelies.

"Leandro" heescht deen neie Roman vum Roland Meyer, dee bei Capybarabooks erauskoum. En erfrëschend-verréckte Roadtrip vun zwee Jugendlechen, déi u sech näischt gemeinsam hunn, an déi herno ganz vill verbënnt. D'Valerija Berdi huet de Roman gelies.