Kultur

Den amerikanesche Museker Julien Chang ass dat, wat een e Wonnerkand nennt. Mat nëmme 17 Joer hëlt hien am Keller eleng säin Debut "Jules" op, mëttlerweil ass hien der 21 a bréngt haut op den Dag (4.11.) den Nofolgealbum "The Sale" eraus. D'Claudine Muno huet gëschter an der Emissioun Kultur um 5 schonn emol e bëssen an den Disk eragelauschtert.

Brigitte Giraud ass mat hirem Roman "Vivre vite", dee bei Flammarion erauskoum, d'Laureatin vum Prix Goncourt 2022. D'Gebridder Goncourt hu viru ronn 120 Joer d'Société Littéraire des Goncourt gegrënnt, an de Philippe Hansen wollt gëschter an der Emissioun Kultur um 5 vum Valerija Berdi méi Informatiounen iwwer dëse renomméierte Literaturpräis kréien.

An eiser Emissioun Kultur um 5 vu gëschter war déi Lëtzebuerger Musekerin Florence Besch op Besuch. Si huet am Gespréich mam Claudine Muno an Yves Stephany vun hire rezente Festivalsoptrëtter gezielt, awer och vun der Aarbecht un hirem éischten Album, deen Ufank 2023 erauskomme wäert.

De Jean Portante geet all Woch op eng etymologesch Entdeckungsrees. Dëst Kéier interesséiert hie sech fir déi griichesch Wuerzele vum Wuert "Protagonist".

Aus der aktueller Nummer vun der Geschichtszäitschrëft "Hémecht" en Artikel vun der Daniela Lieb iwwer d'Figur vum Spueniekämpfer am Adolf Weis sengem Stéck "Dohém". Extrait aus der Emissioun Kultur um 5 mam Michel Delage

"Estanqué" heescht déi rezent Single vum Lëtzebuerger Museker Sacha Hanlet alias Them Lights. An eiser Emissioun Kultur um 5 vun e Méindeg (31.10.) war d'Claudine Muno hien an d'Kulturfabrik op Esch besichen, wou hien am Moment en résidence ass, an hien huet erkläert, wat et mat deem neien Titel op sech huet.

Ihr Ruhm kam erst posthum: Zu ihren Lebzeiten veröffentlichte Sylvia Plath nur wenige Gedichte, einige Kurzgeschichten und - unter Pseudonym - einen Roman. "Die Glasglocke" erschien 1963, kurz bevor die 30-Jährige den Freitod wählte. Dieser Roman und die posthum publizierten Gedichte, Tagebücher und Briefe legen Zeugnis ab von Sylvia Plaths Leben und von ihrer schöpferischen Kraft. Für ihre dichterisches Schaffen wurde sie 1982 mit dem Pulitzer-Preis geehrt. Der späte Ruhm, der frühe Tod und die turbulente Ehe mit dem Dichter Ted Hughes trugen dazu bei, dass Sylvia Plath zur Kultfigur avancierte und ihr Leben in zahlreichen Biografien beleuchtet wurde. Simone Freiling fügt mit "Sylvia Plath. Jeder sollte zwei Leben haben" eine weitere hinzu. Ein Beitrag von Angelika Thomé

D'Band Seed to Tree ass zanter zwielef Joer e feste Bestanddeel vun der Lëtzebuerger Musekszeen. Déi lescht Woch hu si hir nei Single "Rip-Off Game" virgestallt. Gëschter waren de Benjamin Heidrich an de Georges Goerens Invitéen an eiser Emissioun Kultur um 5 an hunn erzielt, firwat si mat deem Stéck nei musikalesch Weeër aschloen.

Dem Michel Rodange säi "Reenert" huet 150 Joer. Ronderëm deen Anniversaire sinn eng Rei Initiative geplangt, virun allem eng nei Editioun vum Klassiker vun der Lëtzebuerger Literatur, déi de SCRIPT, eng Agence vum Educatiounsministère, an den Zentrum fir d'Lëtzebuerger Sprooch erausginn. Firwat dës nei Editioun, wou dach zanter Kuerzem dem Romain Hilgert seng iwwerschaffte Versioun virläit? Eng Erklärung vum Marc Barthelemy, Commissaire fir d'Lëtzebuerger Sprooch.

Päifen ass eng universell Sprooch, dat fënnt op alle Fall déi amerikanesch Kënschtlerin Molly Lewis. Schonn zwee EPe mat gepaffene Lidder huet si erausbruecht an haut den Owend (27.10.) stellt si hir Musek an de Rotondes vir. Gëschter an eiser Emissioun Kultur um 5 huet d'Claudine Muno mat der Musekerin iwwer hir Konscht geschwat.