Kultur

D'Gabriels sinn de leschte Summer opgetaucht, wéi d'Band vun L.A. hir éischt EP "Love and Hate in a Different Time" ganz op hir eege Kap erausbruecht huet. Ee vun hinnen ass e fantastesche Sänger, de Jacob Lusk, een en talentéierte Komponist an Arrangeur, den Ari Balouzian an deen drëtten am Bond ass ee Filmregisseur, de Ryan Hope. D'Single vun dëser EP war et, déi bal jiddwereen, dee se héieren huet, gepaakt huet. Déi nei Plack ass nach ëm eppes méi üppeg, fënnt de Marc Clement.

Dem grousse Genie, dem Arnold Hau, dee mat Goethe, Schiller, Mozart an Einstein op enger Linn ze nennen ass, wëllt d'Ekipp ronderëm de Regisseur Jacques Schiltz en Denkmal am Kasemattentheater setzen. Dee vergiessenen Dichter an Denker ass e Produkt vun der neier Frankfurter Schoul. Déi ass och manner Adorno, dofir ëmsou méi d'Grënnungspapp vun der Satir-Zäitschrëft "Titanic". Op der Bün stinn den Nickel Bösenberg, den Dominik Raneburger an de Pitt Simon.

D'Valerija Berdi huet mam Regisseur Jacques Schiltz geschwat a fir d'éischt gefrot, wéi een op d'Iddi kënnt den Arnold Hau op d'Theaterbün ze bréngen?

La Féline, dat ass de Kënschtlernumm vun der franséischer Musekerin Agnès Gayraud. An hirem véierten Album "Tarbes", deen de leschte Freideg erauskoum, séngt si eben iwwer "Tarbes", déi Stad an där si grouss ginn ass. Am Kader vun eiser Emissioun Kultur um 5 huet d'Claudine Muno an d'Plack eragelauschtert.

Zanter 1978, organiséiert de Kulturminister den Nationale Literaturconcours, dee sech un all Mënsch riicht, dee Loscht huet matzemaachen. All Joer ass en anere literaresche Genre gefrot, dat kann de Roman, en Theaterstéck, Poesie, kënne Kuerzgeschichten, respektiv Erzielunge sinn.

Elo huet de Kulturministère d'Laureatinnen an d'Laureaten vum Nationale Literaturconcours 2022 publizéiert. Dëst Joer war e Recueil vun Erzielungen gefrot. Deen éischte Präis geet un de John-Paul Gomez - "The Idiot of St. Benedict", den zweeten un de Guy Helminger - "Das Geräusch der Stillleben" an deen drëtte Präis ass fir d'Elise Schmit - "Perfect Spheres - Stories and Complaints".

D'Valerija Berdi huet mam President vum dësjärege Jury, dem Pascal Seil iwwer d'Laureat:innen an hir Wierker geschwat.

Kiew 1919: In den Wirren des Bürgerkriegs, der durch die russische Invasion ausgelöst wird, verliert Samson seinen Vater und sein rechtes Ohr. Während die Bolschewiki ihre Vormachtstellung in der "blutgetränkten Stadt" festigen, befasst Samson sich als frischgebackener Ermittler mit einem rätselhaften Kriminalfall. Dabei leistet ihm das abgetrennte Ohr auf wundersame Weise wertvolle Hilfe. Unterstützung findet Samson auch bei Nadjeschda, für die er bald mehr als Freundschaft empfindet. "Samson und Nadjeschda" vereint eine zarte Liebesge-schichte mit Suspence und surrealistischen Einsprengseln. Dabei verliert Andrej Kurkow die historischen Ereignisse in Kiew, den Terror, die Not und das Blutvergiessen, jedoch nie aus den Augen. Ein Beitrag von Angelika Thomé

Den Guy Helminger krut e Kënschtlerstipendium vun der Stad Köln, der Stad, wou hien och lieft. Hien kann elo  6 Méint laang ze Istanbul schaffen, a well sech dat gehéiert, wann een esou wäit fort geet, datt een eng Postkaart heem schéckt, mécht de Guy Helminger dat dann och fir eis. Et ass erëm Post vum Guy Helminger ukomm a mir lauschteren, wat hien alles ze Istanbul erlieft.

Dës Woch war d'"Semaine de la Santé Mentale" mat e sëllege Manifestatiounen, déi op d'Thema mental Gesondheet opmierksam maachen. An deem Kader fënnt dëse Samschten och e Concert mat lëtzebuerger Bands zu Nidderanven statt. An eiser Emissioun "Kultur um 5" vu gëschter huet de Museker an Organisator Yannick Stein am Gespréich mam Claudine Muno erzielt, wéi d'Iddi fir dee Concert entstanen ass.

Den Tarek Atoui ass 1980 zu Beyrouth op d'Welt komm, lieft a schafft no Économie- a Konschtstudien zanter knapps 25 Joer als Klangkënschtler zu Paräis. Seng Installatioun "Waters' Witness" gëtt bis Mäerz 2023 am Mudam presentéiert, nodeems se 2012 schonn op der documenta 13, 2016 an der Tate Modern zu London an 2017 och op der Biennale vu Venedeg ze gesi war. Et handelt sech ëm eng Landschaft aus Marberskulpturen, selwer kreéierte Museksinstrumenter, Stolträger....an haaptsächlech Kläng, déi den Tarek Atoui zanter 10 Joer op 10 verschiddenen Häfen opgeholl huet.

Hybrid sinn Herr Bender souwisou: Tescht 2 Instrumenter, dem Saxofon an den Drums; tëscht 2 Stiler, dem Jazz an der Popmusek, mee och Live ass hir Performance eng Mëschung äus Live Improvisatioun an Interpretatiounen in absentia. Mat neier Büneschow an exclusiv neier Musek sinn di zwee Lëtzebuerger Museker haut den Owend op der Bün vum Gudde Wëllen z'erliewen. De Marc Clement huet sëch mat enger halschend vum Duo, dem Saxofonist Maxime Bender ënnerhalen.

Gëschter hätt d'Heather Nova sollten an der Rockhal op der Bühn stoen, fir hire leschten Album "Other Shores" virzestellen, op deem si nëmme Coveren interpretéiert. Obwuel de Concert leider ofgesot gouf, hunn d'Claudine Muno an den Yves Stephany awer an eiser Kultur um 5 Sendung vun en Dënschden iwwer d'Konzept vum Cover-Album geschwat.