Kultur

De Michel Delage an d'Vesna Andonovic iwwer déi loufoque amerikanesch Action-Komedie "Everything Everywhere All At Once", an där d'Haaptprotagonistin a Paralleluniversumen entféiert gëtt. Extrait aus dem Grousse Kino

Déi brittesch Kënschtlerin Tacita Dean invitéiert Visiteuren am MUDAM op eng Rees vum Dante Alighieri sengem Jenseits bis an e sonnegen Appartement zu Los Angeles.

De Ben Kobs war sech hir grouss Ausstellung um Kierchbierg ukucken an huet en Eenzelgespréich mat der Kënschtlerin geféiert.

Nom erfollegräiche Projet "Night Songs" - deen Téin aus den Industrieruinen um Belval mat enger Videoprojektioun op déi selwecht verbonnen huet - ass de Lëtzebuerger Elektronik Museker Ryvage haut den Owend (22.7.) am Concert ze gesinn. Hien ass Deel vum Line-Up um Flow Festival am Parc um Belval, deen nach bis e Sonndeg dauert a bei deem lëtzebuergesch Bands a Kënschtler ganz grouss geschriwwe ginn.

Haut koum och eng nei Single vu Ryvage eraus. De Marc Clement wollt vum Mann hanner dem Projet, dem Sam Reinard, wëssen, ob dat klanglecht Ronderëmstöbere bei den Héichiewen nei Dieren opgemaach huet.

Wärend dem Lockdown waren ëmmer méi Lëtzebuerger am Bësch. Ënner hinnen d'Fotografin Jessica Theis. Hir ass dee ganzen Offall an der Natur opgefall. Si huet Gemengen, Organisatioune kontaktéiert, Zuele studéiert, a mat ënnerschiddleche Leit de multidisziplinäre Projet "1001 Tonnen" lancéiert. 1001? De Statistiken no entsuergen eis knapps 650.000 Awunner all Joer illegal 1001 Tonnen Offall, Industriedreck net mat abegraff.

D'Kerstin Thalau wollt vun der Jessica Theis wëssen, wat hir Fotoen dorunner changéiere kéinten.

Vun der Internet-Sensatioun zur Musekerin - esou kéint een de Parcours vun der Musekerin Beabadoobee beschreiwen. Eng jonk brittesch-philippinnesch Sängerin, déi sech op hirem neien Album "Beatopia" un de Sounds aus den 90er an 2000er inspiréiert. D'Nora Kieffer erzielt, wisou een dës Plack net verpassen soll.

Wärend dem Lockdown waren ëmmer méi Lëtzebuerger am Bësch. D'Bueden am Gréngen huet guttgedoen. Ënner hinnen d'Jessica Theis. Hiert fotografescht A huet allerdéngs éischter rout gesinn: well hir den Offall an der Natur opgefall ass. Si huet Gemengen, Organisatioune kontaktéiert, Zuele studéiert a mat ënnerschiddleche Leit de multidisziplinäre Projet "1001 Tonnen" lancéiert. 1001? De Statistiken no entsuergen eis knapps 650.000 Awunner all Joer illegal 1001 Tonnen Offall, Industriedreck net mat abegraff.

D'Kerstin Thalau wollt vun der Jessica Theis wëssen, wat hir Fotoen dorunner changéiere kéinten.

Op "Hellfire", der drëtter Studioplack a véier Joer, spillt den Trio-cum Museker-Kollektiv mat Klischeeë vun engem 1920er Jore Berlin oder engem Art-Deco New York, iergendwou tëschent Vaudeville an "Dreigroschenoper". Mat intensive Momenter vu Kakophonie an enger cinematografescher Opfaassung vu Rhythmus këddele Black Midi op hirer drëtter Plack heftegst d'Gehir, a ginn dobäi kierperlech an esouguer handgräiflech. Op Langweil brauch een net ze hoffen. De Marc Clement huet sech déi nei Plack ugelauschtert.

Eng tragesch Libesgeschicht tëschent engem Schoulmeeschter a senger Schülerin virum Hannergrond vun den dramateschen Entwécklungen an der Sowjetunioun vun den 1920er Joren. Dat erzielt déi russesch Schrëftstellerin Gousel Iakhina an hirem historesche Roman "Les Enfants de la Volga" (Les Editions Noir sur Blanc), an enger Sprooch, déi sech un däitsche Märercher inspiréiert.

De Michel Delage huet um Festival Etonnants voyageurs ufanks Juni zu Saint-Malo mat der russescher Autorin geschwat.

Op der uni.lu sinn och Projete fir Esch2022 amgaang realiséiert ze ginn. Een dovun ass an Zesummenaarbecht mat Wëssenschaftler:innen a Kënschtler:innen entstanen. "So mir: à quels lieux tu appartiens?" heescht d'Theaterstéck, dat ënner der Regie vun der kosmopolitescher Regisseurin Monika Dobrowlanska entstanen ass. D'Valerija Berdi war an d'Prouwen an huet mat der Ekipp vum Projet geschwat.

Dee bekannte Berliner Club Tresor feiert seng 31 Joer mat ville musikaleschen Highlighten an enger Grëtz Nostalgie fir déi fréi 90er-Joren zu Berlin. De Max Tholl war kucken a lauschteren.