Kultur

By radio 100,7

Interviewen, Kriticken, Commentairen a Reaktiounen zu der kultureller Aktualitéit... more

· News

Download on the App Store

Download on the App Store

Get it on Google Play

FAQs about Kultur:

How many episodes does Kultur have?

The podcast currently has 4,925 episodes available.

Kultur episodes:

August 11, 2025 Fabrice Renard - De Carillonneur vun Iechternach
Et si vill flott Momenter, op déi de Carillonneur Fabrice Renard mat Stolz an Dankbarkeet zeréckkuckt. 26 Joer laang war hie Carillonneur an domat mat verantwortlech fir d'Klackespill an der Basilika vun Iechternach. An der Summerpaus organiséiert hien och 2025 nees "Les Ballades du Carillon", wou d'Visiteuren ee Bléck hanner d'Kulisse vun dësem historeschen Instrument kréien. D'Iechternacher Klackespill zielt nämlech zum eenzege mechanesche Klackespill zu Lëtzebuerg, wat manuell gespillt ka ginn. Bei senger allerleschter "Ballade" hu mir de Museker begleet an iwwer déi flottste Momenter, mee och de Carillon a säi Fonctionnement geschwat. An zum Schluss huet de Museker eis souguer eng Iwwerraschung virgespillt ...
...more
8min
August 08, 2025 Congés annulés haut, 8.8.: Kabeauché
D‘Congés annulés, de Summer-Museksfestival vun de Rotonden ass a vollem Schwong. Haut den Owend, 8.8., trëfft do d‘Energie vun enger Rave op déi kommunal Erfarung vun enger Theaterperformance, mat Kabeauché, engem Kënschtler aus dem Kenia, mat senger Band. Firwat datt d‘Abanne vum Public him esou wichteg ass a wat seng Musek soss nach eenzegaarteg mécht, beschwätzt de Marc Clement mam Kabeaushé live an de Rotonden.
...more
14min
August 08, 2025 Déi ganz Organisatioun hanner "Portfolio Reviews"
Bis de 5. Oktober sinn nach déi renomméiert Rencontres de la photo zu Arles, a vu datt déi Kéier och eng ganz Partie Lëtzebuerger a Südfrankräich mat dobäi sinn, deele mir all Freideg e wéineg Fotofestival-Ambiance mat Iech. Déi leschte Kéier ware mir an de Gaart vun der herrschaftlecher Villa Palais de Luppé, wou 6 visuell Kënschtler:inne vu Lëtzebuerg hir Projeten op sougenannte Portfolio Reviews presentéiert hunn. Hire Feedback fannt Dir bei eis an der Mediathéik op 100komma7.lu. Mee wéi koum et iwwerhaapt zu enger Invitatioun fir dëst Evenement? Dat ass d’Kerstin Thalau, do am Gaart, vun den 2 Curatricë Marlène Kreins a Sandra Schwender gewuer ginn.
...more
8min
August 07, 2025 Hannah Ida haut an de Rotonden
D'Hannah Ida spillt déi Kéier net nëmme mat hirer Stëmm, hirer Gittar an hirer aussergewéinlecher Organell, mee och mat engem Cellist op der Bün. Elektronesch goufen et eng ganz Rei Neierungen un der Live-Show, an ... et ass fuschnei Musek am Set. Ee klengt Gespréich, ënner anerem iwwer d'Freed an de Rotonden als Headliner ze spillen
...more
8min
August 07, 2025 Instrumenter aus Recup'
De franséische Kollektiv Du grain à moudre baut Instrumenter aus recuperéierte Materialer: Ënner anerem aus Dousen, Plastiksfläschen oder och Gummishändschen. Mat dobäi ass de Geiebauer Benoit Poulain, deen d'Leit aus dem Kollektiv forméiert huet, aus allem an näischt Instrumenter ze bauen. Näischt geet verluer, näischt gëtt erschaf, alles gëtt ëmgewandelt, dat ass hiert Konzept.
Am Kader vun der LUGA gëtt de Kollektiv en Atelier fir Grousser a Klenger, dës ganz Woch vu 14 Auer un. Dëse Sonndeg (10.08.) gëtt et dann och e Concert, wou ee lauschtere kann, wéi déi nei gebauten Instrumenter aus dem Atelier schlussendlech kléngen.
D'Marie Trussart huet de sougenannte Luthier sauvage Benoit Poulain sou wéi de Kënschtler Jorge De Moura am Stater Park besicht an ënner anerem erausfonnt, wéi een aus engem PVC-Rouer eng Flütt baut a wat eigentlech eng Waasserflütt ass.
Wien beim Atelier nach matmaache wëllt, ka sech nach umellen, an zwar um Internetsite vun der LUGA.
...more
8min
August 06, 2025 Kim Sisŭp - Neue Erzählungen von der goldenen Schildkröte
De Literat a Philosoph Kim Sisŭp, deen am 15. Joerhonnert a Korea gelieft huet, war zu Liefzäite schonn eng Berüümtheet. Dat ass hien och no sengem Doud bliwwen. Seng “Neue Erzählungen von der goldenen Schildkröte”, déi rezent am Reclam Verlag erauskoumen, ginn a Korea zum nationale Kulturierwe gezielt. Firwat dëst Wierk bis haut modern bliwwen ass, verréit de Léon Rinaldetti.
...more
4min
August 06, 2025 Buchkritik: "La nuit ravagée" vum Jean-Baptiste Del Amo
Nicolas Mathieu goes Stephen King - kléngt wéi eng monstréis Kombinatioun aus engem Horrorfilm, geet awer am Jean-Baptiste Del Amo sengem Hommage un de geschriwwenen a gefilmten Horror total op. Wisou dat klappt, verréit de Jeff Schinker a senger Buchbespriechung.
...more
6min
August 05, 2025 Eng nei Form, Musek ze erliewen
D'Siemens AG an d'Bayresch Staatsoper hunn de Klang vum Nationaltheater zu München digitaliséiert. Entstanen ass also een digitalen Zwilling vum Nationaltheater.
D'Uerdnung vun Orchesteren oder verschidde Konfiguratioune vum Sall kënnen esou an engem 3D-Modell simuléiert ginn. Dëst soll et Museker:innen an Dirigenten an Dirigentinnen erlaben, d'Klangwierkung scho virun der éischter Prouf, beispillsweis doheem, auszeprobéieren. Esou ass et och méiglech eenzel Sëtzplazen am Nationaltheater vum Publikum auszeprobéieren an ze kucken, wéi den Orchester vun der jeeweileger Sëtzpositioun am Sall kléngt.
...more
3min
August 05, 2025 Nei am Kino
Den Iwwerbléck vun den neie Filmer mam Michel Delage
...more
5min
August 04, 2025 Filmkritik: "Sex"
D'Ekipp vum Grousse Kino iwwer dësen norwegesche Bezéiungsdrama, zweeten Deel vun der "Oslo-Trilogie"
...more
9min

FAQs about Kultur:

How many episodes does Kultur have?

The podcast currently has 4,925 episodes available.