“Exit” steet fir d’Sortie, eventuell fir en Noutausgang. D’Erzielkënschtlerin a plastesch Kënschtlerin Josée Bourg huet décidéiert, hier aktuell Konschtexpo an der Biekerecher Kulturmillen “Exit” ze deefen. Alles muss eraus...och potentiell Visiteuren? Nee: d’Saach ass déi, datt d’Josée Bourg wärend dem kreative Prozess alles eraus gelooss huet, also alles wat hier um Mo louch, respektiv géint de Stréch gaangen ass, fir et mat engem perséinleche Stréch kënschtleresch ze thematiséieren. Zanter dem Montage vun hirer Molereien-, Illustratiounen-, Haiku-Expo fillt si sech vill besser. Mam Resultat a schwaarz a wäiss a gro an allen Nuancë wëllt si iech eppes mat op de Wee ginn. D’Kerstin Thalau ass an der Biekerecher Kulturmillen méi doriwwer gewuer ginn.

Mam Pete Doherty, dem Matbegrënner vun de Libertines an de Babyshambles, an e puer anere Journalistekolleegen ronderëm en Desch ze sëtzen, fir iwwer seng Participatioun um Jury vum LuxFilmFest a seng Implicatioun an der Filmwelt iwwerhaapt ze beschwätzen, erschéngt op den éischten Ablack skuril.

The Notwist verëffentlechen eng nei Plack – knapp fënnef Joer no "Vertigo Days". Fir déi däitsch Band, déi sech meeschtens vill Zäit tëschent den Albe léisst, kléngt dat scho bal no enger Zort Urgence. Wisou "News from Planet Zombie" weder apokalyptesch ass, nach no Schnellschoss kléngt – doriwwer schwätzen de Jeff Schinker an de Marc Clement an hirer Plackerezensioun.

Si gëllt zënter den 80er Joren als Ikon vum franséischen Auteurs-Kino. D'Actrice Emmanuelle Béart war Jury-Member vum leschte Luxembourg City Film Festival. Um Mikro vum Michel Delage huet d'Emmanuelle Béart ënnert anerem iwwer Engagement an all senge Forme geschwat.

D‘Eva Victoria Schockmel ass eng jong Gittaristin déi an Europa schonn immens vill areecht huet. Elo gëtt si zu London vun der International Guitar Foundation ënnerstëtzt, wärend si fir hire Master studéiert. D‘Claire Barthelemy mat hir zu London iwwert hire Metier an nei Opportunitéiten geschwat.

Dës Woch gëtt et ënner Aneren eng Rei vu méi seriöen, auteur-orientéierte Filmer, mat Fokus op staark Geschichten a bekannte literaresch Virlagen.

De spuenesche Realisateur Rodrigo Sorogoyen ("El Reino", "Madre", "As Bestas") war de President vun der internationaler Jury um leschte Luxfilmfest. De Michel Delage huet sech mam Sorogoyen ënnerhalen iwwer d'Roll vun der Politik a senge Filmer, iwwer Zeenen, déi an hirer Kontinuitéit gefilmt ginn, iwwer seng rezent Serie "Los años nuevos".

Gëschter um Sonnden ass déi 16. Editioun vum LuxFilmFest op en Enn gaangen. De Gewënnerfilm ass den nigerianeschen "My Fathers’s Shadow" vum Akinola Davies Jr., an der Dokumentarkompetitioun krut d‘Vladlena Sandu de Präis fir "Memory". An der Nuecht vum Sonnden op de Méinden goufen och d’Oscare verginn – de grousse Gewënner hei ass dem Paul Thomas Anderson säi "One Battle After Another". De Jeff Schinker war beim Paule Rodesch am Studio fir ee Bilan zu den zwee Palmarès’en ze zéien.

404 ass net just eng iergerlech Feelermeldung um world wide web, ma ab elo och ee fonkelneie Festival, deen dëse Freideg am Melu seng éischt Oplag feiert. Wat a wie genee sech hannert dem neie Festival verstoppt, verréit eis de Museker Yacke, dee lo beim Jeff Schinker am Studio ass.

D'Martha Lomeli ass Doktesch an der Sozialpsychologie zu Liverpool an hat rezent am Gudde Wëllen en Talk iwwer d'Wichtegkeet vu Musek fir déi mental Gesondheet an de sozialen Zesummenhang. Am Gespréich mam Marc Clement geet si der Saach nach eemol op d'Spuer an deelt och e puer Strategien, an iwwerraschend Proprietéite vu Musek.