Lestin

Í þessari viku kynnum við okkur nokkra íslenska TikTok-ara. Í gær kynntumst við TikTok stirninu LilCurly en í dag komum við okkur fyrir í förðunarstól Emblu Wigum. Embla er með yfir 840 þúsund fylgjendur á forritinu þar sem hún deilir stuttum myndböndum af sér að farða sig og sýnir svo útkomuna sem er yfirleitt ævintýri líkust.

Um lítið annað er rætt á Íslandi þessa dagana en mögulega samninga við bandaríska lyfjarisann Pfizer um að Íslendingar fái mikið magn bóluefnaskammta sem hluti af vísindarannsókn á hjarðónæmi. Við pælum í siðferði þess að Íslendingar fái hjarðónæmi gegn kórónaveirunni fyrst allra þjóða.

Undir lok þáttar fáum við pistil frá Halldóri Armand Ásgeirsson sem fylgdist náið með hinni stór-undarlegu atburðarás þegar smáfjárfestar á umræðusíðunni Reddit fóru í hart við vogunarsjóði á Wallstreet - og vörpuðu um leið ljósi á það hvernig stjórnmál samtímans hafa tekið 90 gráðu snúning.

Bandaríski rithöfundurinn Bret Easton Ellis er meðal áhrifamestu rithöfunda seinni tíma í Bandaríkjunum en hann er hvað þekktastur fyrir bókina Americvan Psycho sem var síðar gerð að kvikmyndinni. Á Íslandi er rekinn bókaklúbbur á fjarskiptaforritinu Zoom þar sem verk Ellis eru krufin til mergjar en við ræðum við mennina á bak við klúbbinn, York Underwood sem búsettur er hér á landi og Todd Michael Schultz, sem er kærasti og samstarfsmaður Ellis.

Í Lestinni í þessari viku ætlum við að kynnast nokkrum íslenskum tik-tokkurum, fólki sem hefur vakið athygli og náð vinsældum á samfélagsmiðlinum TikTok.

Í dag fáum við tik-tok grínistann Lil Curly í heimsókn.

Og við kynnum okkur algóryþmatrap en Nökkvi Gíslason, tónlistarforritari, sem hefur forritað algrím sem býr til trapptónlist frá grunni án nokkurrar aðstoðar frá mannlegum tónlistarmanni.

Lilja Alfreðsdóttir menntamálaráðherra hefur skorað á streymisveituna Disney plús að gera teiknimyndir sínar aðgengilegar á íslensku en lmenn samstaða virðist meðal almennings, stjórnmálamana og fræðafólks um mikilvægi þess að börn geti horft á þetta sívinsæla efni á okkar ástkæra ylhýra. Enn hafa engin svör borist frá Disney en við grípum tækifærið og fáum Ólaf Hauk Símonarson, þýðanda gullaldar disneymyndarinnar Konungur ljónanna, í heimsókn.

Bandaríski pródúserinn, plötusnúðurinn, hljóðfæraleikarinn og rapparinn Madlib hefur undanfarna tvo áratugi verið í fremstu röð utangarðslistamanna sem láta reyna á þanþol hipphoppsins. Hann hefur þó aldrei gefið út sólóskífu undir sínu aðallistamannsnafni fyrr en nú, en breiðskífan Sound Ancestors sem var sett saman af breska raftónlistarmanninum Four Tet kom út nú fyrir helgi. Davíð Roach Gunnarsson rýnir í feril taktútsetjarans Madlib og hans nýjustu skífu hér á eftir.

Í gær heimsóttum við listamannatvíeykið Krot og Krass, en þau vinna nú að því koma á fót skapandi gámarými í gamalli áburðarskemmu í Gufunesinu. Þetta verksmiðjuhverfi er óðum að umbreytast í þorp skapandi greina, með kvikmyndaverum og vinnustofum listafólks. Í kjölfarið fór Kristján að velta fyrir sér hvernig listamenn hafa nýtt sér mannvirki gamalla atvinnuhátta hingað til og hvernig þær gætu gert það í framtíðinni.

Stóru netrisarnir vita allt um okkur. Hver við erum, hvað við gerum, hvað okkur líkar við og hvað ekki... eða hvað? Við fundum síðu á vefnum sem sýnir okkur hvað Google telur sig vita um okkur og niðurstöðurnar komu á óvart.

Við heimsækjum gamla 1200 fermetra áburðarskemmu í Gufunesi sem er um þessar mundir að breytast í skapandi gámahverfi, þar sem listamenn, hönnuðir og frumkvöðlar munu getað komið fyrir vinnustofum og skapandi rýmum í gámum. Það er tvíeykið Krot og Krass, Björn Loki og Elsa, sem helst eru þekkt fyrir risastórar veggmyndir sínar sem standa fyrir verkefninu.

Sjónvarpsrýnir Lestarinnar, Katrín Guðmundsdóttir, elskar raunveruleikasjónvarp. Hún hefur þó stundum farið leynt með þessa ást sína þar sem það þykir ekki endilega sérlega fínt að njóta slíks efnis. Í dag útskýrir hún fyrir okkur afhverju neikvætt viðhorf til raunveruleikaþátta er kannski í raun frekar yfirborðskenndur lestur, með því að rýna í tvær nýjar Netflix seríur: Bling empire - um ríkt fólk í Los Angeles af austur asískum uppruna og glerlistakeppnina Blown away.

Ugla Stefanía Kristjönudóttir Jónsdóttir flytur sinn síðasta pistil í Lestinni í bili. Að þessu sinni veltur hún fyrir sér dauðunum og hvernig við minnumst transfólks eftir andlátið.

Við ræðum við Guðmund Stein Gunnarsson tónskáld um landvættirnar fjórar, nýtt tónvverk innblásið af deilum prests og trúleysingja um uppruna sögunnar um Landvættirnar fjórar.

En við ætlum að byrja á raunveruleikanum, hvernig hann birtist okkur í sjónvarpi, á samfélagsmiðlum og í valdaránum.

Síðastliðin þrjú ár hafa höfundum, umboðsmönnum og bókaútgefendum um allan heim borist undarlegir tölvupóstar. Við fyrstu sýn virðast skeytin koma frá kollegum þeirra í bransanum sem vilja ólmir fá að sjá hin ýmsu óútgefnu handrit, en þegar betur er að gáð eru tölvupóstföngin tómt fals. Íslenskir höfundar, meðal annars Björn Halldórsson sem í vikunni gefur út sína fyrstu skálfsögu, hafa ekki farið varhluta af þessum tilraunum til handritaþjófnaðs. Ástæða þeirra er á huldu. Stærsta spurningin er þannig ekki hver heldur af hverju?

Áhugafólk um framúrstefnupopp er harmi slegið eftir helgina. Á laugardaginn lést skoski músíkantinn, upptökustjórinn og transíkonið SOPHIE 34 ára að aldri. Nafnið er kannski ekki á allra vitorði en áhrifin eru óumdeild, enda er tilraunakenndur rafrænn hljóðheimur SOPHIE algjörlega einstakur, framtíðarlegur og nánast áþreifanlegur. Ana Stanicevic sest um borð í Lestina og ræðir um tónlist og persónu SOPHIE.

Einnig verður rætt um Franska kvikmyndahátíð sem hefst í vikunni í tuttugasta og fyrsta sinn.

Tik Tok power ballaðan Driver?s Licence - Ökuskírteinið - svífur í hæstu hæðum streymisveitna og vinsældalista um þessar mundir. Sú var tíðin að slík tónlist átti fast sæti á slíkum listum en gullöld kraftvæmninnar virðist þó löngu liðin, eða hvað? Við kynnum okkur magnþrungna tregasöngva, meðal annars með hjálp kraft söngkonunnar Heru Bjarkar Þórhallsdóttur.

Julius Pollux heldur áfram að rannsaka hljóðmyndir heimsins. Að þessu sinni veltir hann fyrir sér þögn í vélvæddum mannheimi, og segir meðal annars frá hljóðvistfræðingnum Gordon Hempton sem berst fyrir því að halda í svæði á jörðinni þar sem manngerðum hljóðum er haldið í burtu.

Og við heimsækjum hönnunarteymið Þykjó sem hafa verið titlaðir staðarlistamenn kópavogs í ár. Hópurinn sérhæfir sig í búningum, innsetningum og listasmiðjum fyrir börn, vilja örva ímyndunarafl og sköpunarkraft barna í gegnum opinn leik. Núna er Þykjó að undirbúa innsetninguna Skríðum í skel sem er víst innblásin af skjaldbökum, sniglum, kuðungum og fleiri skeldýrum.

Við kynnum okkur slæma kanínu: einn allra vinsælasta tónlistarmann heims um þessar mundir, hinn 26 ára Benito Antonio Martínez Ocasio frá Puerto Rico, sem þekktari er undir listamannsnafninu Bad Bunny.

Við förum niður í Hörpu, sem lengi hefur staðið lokuð og læst en er óðum að glæðast lífi, t.d. með söngleiknum Fimm ár sem frumsýndur var um helgina. Uppbygging hans er fremur óvenjuleg en sagan er sögð bæði í réttri og öfugri tímaröð.

Júlía Margrét Einarsdóttir flytur okkur sjónvarpspistil. Hún hefur haft augun á franska Netflix tryllinum Lupin.

Leikfélagið Pólis frumsýnir nýtt verk í Tjarnarbíóí byrjun febrúar - Co Za Poroniony Pomysl eða Úff, hvað þetta er slæm hugmynd! Tveir af leikurum verksins, Ólafur Ásgeirsson og Jakub Ziemann, setjast um borð í Lestina og ræða grín, tungumál og dualingo.

Í pistli sínum rifjar Halldór Armand Ásgeirsson upp dularfullt atvik frá unglingsárum sínum, atvik sem sannfærði hann um að glæpir borgi sig.

Og við veltum fyrir okkur ferðum suður á bóginn, förum norður og niður og gælum við þá hugmynd að mögulega fari munnmökum við píkur fjölgandi í kvikmyndum og sjónvarpsþáttum.

Þú stendur á Strikinu, á Times Square, við Notre Dame, á pínu litlu kaffihúsi í Kuala Lumpur og þú sérð annan Íslending. Þú þarft ekki að þekkja hann, þarft ekki að heyra hann tala. Þú bara veist að þetta er Íslendingur. En hvernig? Í Lest dagsins veltum við fyrir okkur hvort líkamar, rétt eins og raddir, hafi hreim.

Guðlaug Svala Steinunnar Kristjánsdóttir lýkur pistlaröð sinni um málefni einhverfra. Í dag er hún að hugsa um ástina og birtingarmyndir hennar í lífum einhverfs fólks.

Við heyrum umfjöllun um Last and First men, eftir Jóhann Jóhannsson, sem er loksins komin í íslensk kvikmyndahús.

Við rýnum í merkingu umtöluðustu lopavettlinga heims um þessar mundir, prjónalúffur Bernie Sanders.