Lestin

Rakel Leifsdóttir hefur verið búsett á Grandavegi síðustu mánuði hjá ömmu sinni, Guðrúnu Ásmundsdóttur leikkonu. Rakel er söngkona bresku indie-pop sveitarinnar Dream Wife, en sökum heimsfaraldursins er lítið um að vera í tónlistinni. Neyðin kennir naktri konu að spinna, og í stað þess að láta sér leiðast hefur Rakel tekið upp saumavélina. Undir nálina setur hún silki, innblásin af ömmu sinni, sem hefur sterkar skoðanir á tísku og klæðaburði.

Katrín Guðmundsdóttir sjónvarpsrýnir Lestarinnar hefur verið að horfa á veiruhryllinginn The Stand á sjónvarpi Símans en þeir byggja á skáldsögu Stephens Kings.

En við ætlum að byrja á átökum tveggja kynslóða á tik-tok. Z-kynslóðin og aldamótakynslóðin heyja þar stríð um tísku og fagurfræði.

Þær fréttur bárust í vikunni að grímuklæddi franski danstónlistardúettinn Daft Punk væri hættur eftir 28 ár samstarf. Gríðarlega vinsæl og áhrifamikil sveit, sem hefur sent frá sér nokkra af vinsælli dansslögurum síðustu áratuga. Davíð Roach Gunnarsson flytur minningarorð um sveitina í Lest dagsins.

Við ræðum við pólska tónlistarfræðinginn Kössju Palúch en undanfarið ár hefur hún ferðast um Ísland og tekið upp hljóðmyndir af Íslandi og sett inn á gagnvirkt landakort á netinu þar sem má heyra hljóðin í landinu.

Og við kynnum okkur deilur um spillingu á Golden Globe verðlaununum sem verða veitt í á sunnudag.

Halldór Armand Ásgeirsson flytur okkur pistil í Lestinni í dag og að þessu sinni fjallar hann þá undarlegu trú mannsins að heilbrigð skynsemi sé gagnlegt leiðarljós í tilverunni. Hann segir þetta bábylju, þvert á móti eigum við að reyna að fylgja óheilbrigðri skynsemi.

Í afmælisveislum hér landi er oftar en ekki sunginn söngur fyrir afmælisbarnið. Ólíkt hinum norðurlöndunum, sem eiga sína eigin sérþjóðlegu söngva, þá notast íslendingar fyrst og fremst við hinn ameríska afmælissöng Happy Birthday to you - með íslenskum texta. Í Lestinni í dag heyrum við um sögu afmælislagsins og ræðum við Sigurð Ámundason myndlistarmann sem hefur samið söng sem hann vonast til að geti breiðst út og orðið að hinu nýja afmælislagi.

Og við kynnum okkur falsfrétt sem hefur angrað íslenskar konur í nokkurn tíma, kjaftasögu um að íslensk stjórnvöld borgi erlendum mönnum fyrir að giftast íslenskum piparmeyjum.

Magnús Jóhann Ragnarsson, píanóleikari og tónskáld, er á mikilli siglingu um þessar mundir. Önnur sólóplata hans, Without Listening, kom út undir lok síðasta árs. Ásamt því að vera virkur í djasssenunni hefur hann tekið þátt í að skapa margar vinsælustu plötur undanfarinna ára í íslensku poppi. Í Lestinni í dag heimsækjum við Magnús Jóhann í hljóðverið hans og spjölluðum um nýju plötuna.

Leirtauið hrúast nú upp á heimili Tómasar Ævars Ólafssonar. Uppvaskið er leiðinlegasta húsverkið að hans mati og í stað þess að ráðast á hrúguna með burstann á lofti hefur hann ákveðið að vinna þrjú innslög fyrir lestina um uppvask. Í síðustu viku fjallaði hann um uppvask sem hluta af kynjaðri vinnu á heimilinu. En nú er komið að aðferðafræðinni, Margrét Dórótea Sigfúsdóttir, skólameistari hússtjórnarskólans, gefur Tómasi leiðbeiningar um hvernig best er að bera sig að við uppvaskið.

Og við heyrum um sambandsslit í stjörnuheimum, ein frægustu hjónakorn heims virðast hafa gefist upp á hvoru öðru. Raunveruleikastjarnan Kim Kardashian hefur sótt um skilnað frá rapparnum Kanye West. Meira um það á eftir. En við ætlum að byrja Lestina þessa vikuna á smá hlýju í hjartað, við byrjum á tónlist.

Spænski rapparinn Pablo Havél var handtekinn og honum hent í steininn þar sem hann þarf að dúsa næstu mánuði ? ekki fyrir byssueign, ofbeldi eða eiturlyfjasölu - heldur fyrir að móðga konungsfjölskylduna og hvetja til hryðjuverka, eins og það er kallað. Mótmæli geysa um allan spán til stuðnings rapparanum og Amnesty International hafa fordæmt dóminn. Við ræðum Pablo Havél við afa íslenska rappsins, Sesar A.

Norður-írski raftónlistardúettinn Bicep gaf út sína aðra plötu á dögunum en þeir slógu í gegn með sinni fyrstu skífu, og þá sérstaklega laginu Glue, fyrir þremur árum síðan. Davíð Roach Gunnarsson rýnir í plötuna Isles með Bicep og hvaða þýðingu það hefur að skapa danstónlist í heimi þar sem er bannað að dansa

Og svo er það Britney, tík. Með Free Britney hreyfingunni hefur staða stórstjörnunnar - sem svipt var sjálfræði og fjárráði ung að aldri - komist í hámæli en nú hefur New York Times í samstarfi við streymisveituna Hulu gefið út heimildarmynd sem varpar ljósi vegferð hennar og það hvernig samfélagið braut Britney niður.

Gréta Þorkellsdóttir hönnuður, tók einmitt þetta efni fyrir í lokaverkefni sínu frá LHÍ og er nú þegar búin að horfa á myndina tvisvar.

Hvað finnst okkur hljómar framtíðarlega og af hverju? Hvernig mun framtíðin hljóma? Verður hún hávær og vélræn, eða þvert á móti lágvær og lífræn? Í seinni hluta Lestarinnar í dag ætlum við að velta upp spurningum um hljóm framtíðarinnar og framtíðartónlist með þeim Pétri Eggertssyni og Þórönnu Dögg Björnsdóttur.

Og Júlía Margrét Einarsdóttir er með ferköntuð augu af sjónvarpsglápi að vanda. Í þetta sinn hefur hún verið að horfa á dönsku sakamálaþættina DNA.

Ber er hver að baki nema cher Cher eigi. Það kann að þykja cherkennilegt en við ætlum samt að tileinka hluta úr þætti dagsins cherlegra merkilegri poppgyðju, af engu cherstöku tilefni.

Sjónvarpsþátturinn Konfekt fór í loftið á sjónvarpsstöðinni Skjá Einum í febrúar 2001, fyrir nákvæmlega 20 árum síðan. Þátturinn sem var kynntur sem menningarlegur þáttur með listrænum leikþáttum fékk hræðilegar viðtökur, en hefur í seinni tíð öðlast stöðu sem hálfgerður költþáttur í íslensku gríni. Við rifjum upp 20 ára gamalt Konfekt í Lest dagsins.

Nýjasta þáttaröð raunveruleikaþáttanna um piparsveininn, þar sem hópur kvenna keppir um hönd álitlegs karlmanns, hefur tekið óvænta stefnu eftir ásakanir um rasisma í garðs eins keppenda. Nú hefur þáttastjórnandinn Chris Harrison stigið inn í umræðuna og tekist að klúðra málum enn frekar. Við ræðum við Unni Eggertsdóttur um nýjasta dramað í Bachelor heiminum og veltum fyrir okkur, af hverju það skiptir máli.

Þá skellum við margnota burðarpokanum í innkaupakerruna og hittum Unu Björk Kjerúlf einhvers staðar á milli grænmetisdeildarinnar og mjólkurkælisins. Hún flytur okkur pistil um hugleiðslu og sjálfsrækt í bónusferðum.

Við veltum fyrir okkur hvernig kynþáttahyggja, rasismi, birtist í hinu byggða umhverfi í gegnum söguna. Chanel Bjo?rk Sturludóttur ræðir við O?skar O?rn Arno?rsson arkitektúrsagnfræðing, meðal annars um miðste?ttarvæðingu - það sem er kallað gentrification a? ensku - hugtak sem hefur verið mikið rætt um meðal annars i? Bandari?kjunum og Bretlandi. Chanel spyr hvort miðste?ttarvæðing sé eitthvað sem við eigum að hafa a?hyggjur af á Íslandi, með aukinni fjo?lmenningu og auknum fjölda innflytjenda.?

Tómas Ævar Ólafsson flytur okkur sitt fyrsta innslag af þremur um þá athöfn sem honum leiðist meira en allar aðrar, það er að vaska upp. Tómas ræðir um uppvask og andlega vinnu við Kristlínu Dís Ingilínarsdóttur, blaðamann.

Frönsk kvikmyndahátíð hefur staðið yfir síðustu daga en henni lauk í gær. Örvæntið ekki, frankófílar, nokkrar af vinsælli myndum hátíðarinnar verða sýndar áfram í Bíó Paradís á næstunni, og ein þeirra er ný heimildarmynd eftir síleska költ-leikstjórann Alejandro Jodorowsky, Sálgaldrar eða Psychomagic, heimildarmynd um heilunaraðferð sem hann hefur þróað undanfarna áratugi byggt á sálgreiningu og ýmiskonar dulspekilegum töfralækningum.

Síðustu daga höfum við rætt við þrjá framleiðendur á samfélagsmiðlinum TikTok. Einn er aktívisit, annar förðunarfræðingur og sá þriðji glensar en þar sem þau eru öll á aldrinum 18 til 23 ára eru þau hreinlega, allt of gömul til þess að teljast raunsannir fulltrúar helstu notenda miðilsins. TikTok er nefnilega einna vinsælast meðal yngra fólks, barna og unglinga, svo í dag gerum við okkur ferð upp í Langholtsskóla og hittum TikTokkara á besta aldri: Önnu Maríu Sonde.

Við heimsækjum Gallerí Port við Laugarveg þar sem ljósmyndasýningin Amerískir draumar, American Dreams, eftir Snorra Sturluson stendur yfir. Snorri bjó um 16 ára skeið í borginni og á sýningunni varpar hann upp litlum smámyndum af lífinu í stærstu borg Bandaríkjanna, frá falli tvíburaturnanna að kjöri Donalds Trump.

Julius Pollux heldur áfram að rannsaka hljóðmyndir heimsins í Lestinni í dag. Að þessu sinni veltir hann fyrir sér hljóðunum sem einkenna íslenskt bæjarlandslag, niðinn í bílum.

Og við ræðum um eftirtektarverða forsíðu þýska dagblaðsins Suddeutsche Zeitung í síðustu viku þar sem 185 leikarar komu saman út úr skápnum undir myllumerkinu #Actout.

Borgarlína, reiðhjólabylting, rafhlaupahjól og rafbílar. Samgöngur eru að taka stakkaskiptum um þessar mundir. Enn um sinn munum við nýta innviðina sem bensínbílarnir kröfðust: götur, hraðbrautir, umferðafléttur og bílastæði - en þau mannvirki sem munu kannski helst verða gagnslaus á rafbílatímum eru bensínstöðvarnar. Við veltum fyrir okkur sögu og framtíð bensínstöðva í Lestinni í dag. Við heimsækjum Minjastofnun Íslands og Reiðhjólaverslunina Berlín sem hefur komið sér fyrir í gamalli bensínstöð við Háaleitisbraut

Við höldum áfram að kynnast notendum eða kannski frekar framleiðendur á samfélagsmiðlinum TikTok. Í dag hittum við Gunnhildi Fríðu Hallgrímsdóttur sem nýtir miðilinn einna helst í baráttu fyrir málefnum sem henni þykja brýn, en þar má nefna umhverfisvernd og nýju stjórnarskrána.

Gunnar Theodór Eggertsson, kvikmyndagagnrýnandi Lestarinnar, stekkur um borð og færir okkur fregnir úr kvikmyndahúsum. Hann rýnir annars vegar í gamanmyndina Múttuna, La Daronne, sem sýnd er á franskri kvikmyndahátíð í Bíó Paradís og hinsvegar í nýja íslenska gamanmynd: Hvernig á að vera klassa drusla.

Og við heyrum hljóðið í Gísla Darra Halldórssyni en stuttmynd hans, Já-fólkið, er á stuttlista fyrir Óskarsverðlaun ársins; er tilnefnd til tilnefningar.