Lestin

Í þessum fimmta þætti sérútgáfu Lestarinnar: Fordæmalausir tímar, tökum við þátt í samfélagslega ábyrgu stórafmæli, 90 ára afmælisveislu sem breyttist úr fjölmennu partýi í bíltúr um borgina.

Þrátt fyrir samkomubann hefur grunn- og leikskólum landsins verið haldið opnum undanfarnar vikur. Við heimsækjum leikskólann Kvistaborg og fræðumst um hvernig tekist er á við faraldurinn þar.

Og Sigríður Þorgeirsdóttir, prófessor í heimspeki, spjallar um tengsl og umhyggju á tímum samskiptafjarlægðar.

Fyrir síðustu helgi gaf tónlistarmaðurinn Auður út stuttskífuna Ljós, en útgáfan inniheldur eitt lag í fjórum köflum, hálfgerða svítu að sögn tónlistarmannsins. Davíð Roach Gunnarsson rýnir í Ljós eftir Auð.

Í pistli sínum þessa vikuna veltir Halldór Armand fyrir sér heimi í handbremsu og fuglasöngn í háskerpu.

Heimildarþættirnir Tiger King hafa slegið í gegn á streymisveitunni Netflix að undanförnu. Þættirnir fjalla um dýragarðseigandann Joe Exotic, sem sérhæfir sig í stórum kattardýrum, og illvígar deilur hans við dýraverndunarsinnann Carole Baskin. Gunnar Theodór Eggertsson rýnir í þættina.

Og við rifjum upp hótun Taylor Swift gegn Microsoft, um málsókn vegna spjallþjarkans Tay sem gerðist nasisti.

Fjórði þátturinn í sérútgáfu Lestarinnar: Fordæmalausir tímar. En um þessar mundir helgar Lestin tvo þætti í viku sögum úr faraldrinum.

Í dag ræðum við um tækni, um það hvernig stjórnvöld og einstaklingar hafa notað tæknina til að berjast gegn veirunni og veltum fyrir okkur hvort langvarandi samkomubann muni breyta tækninotkun almennings til frambúðar. Við ræðum við Valdimar Óskarsson, framkvæmdastjóra netöryggisfyrirtækisins Syndis, og Thamar Melanie Heijstra, dósent í félagsfræði við Háskóla Íslands

Við sláumst í för með meðlimi smitrakningarteymis Ríkislögreglustjóra og fylgjumst með vinnu þess bakvið tjöldin.

Og svo heyrum við samtal ungs pars sem hefur verið aðskilið í þrjár vikur vegna veirunnar og heldur sambandinu gangandi í gegnum fjarskiptabúnað.

Við minnumst sálarsöngvarans Bill Withers sem lést í síðustu viku, 81 árs að aldri.

Jónas Þór Guðmundsson flytur okkur tónlistarpistil um tónlistarsenuna í Hvítarússlandi, sem er einstaklega gróskumikil um þesasr undir.

Nú þegar stór hlut heimsbyggðarinnar neyðist til að halda sig heima er mikilvægt að velta fyrir sér hugtakinu heimili. Tómas Ævar Ólafsson heldur áfram að fjalla um heimili og heimþrá og mikilvægi þess að eiga sér samastað . Hann ræðir við Elínu Jónasdóttur, sálfræðing.

Við spjöllum um kynsjúkdóma í Reykjavík fyrr á tímum og sagnfræðilegar rannsóknir á kynheilbrigði við Þorstein Vilhjálmsson, fornfræðing.

Ást, stríð og einmanaleiki kemur við sögu í þættinum í dag þar sem samskipti eru rauði þráðurinn.

Við heimsækjum hjálparsíma Rauða krossins, en aukið álag er á starfsfólk vinalínunnar á tímum fordæmalausrar innilokunar og einangrunar.

Við kynnumst frumlegum leiðum sem eldri hjón hafa fundið til að tjá ást sína í sóttkví.

Og við ræðum um orðræðu stjórnmálanna á tímum faraldurs við Guðmund Hálfdánarson, prófessor í sagnfræði.

Halldór Armand flytur pistil úr sóttkví. Hann segir frá einum af sínum daglegu sóttkvíargöngutúrum eftir Sæbrautinni, en þar varð hann vitni að handahreyfingu sem reif gat í tjald tímans.

Marta Sigríður Pétursdóttir rýnir í tvær heimildarmyndir sem varpa ljósi á hið vaxandi stórveldi á sviði stjórn- og efnahagsmála, Kína. Þetta eru American Factory og One Child Nation.

Við kynnum okkur sögu kaffidrykkju í heiminum og hér á Íslandi. Rætt er við Már Jónsson, sagnfræðing.

Og við segjum frá persónulegri baráttu poppsöngkonunnar Britney Spears. Hún var svipt sjálfræðinu eftir ítrekuð taugaáföll fyrir rúmum áratug og hefur ekki enn endurheimt það aftur.

Annar þátturinn í sérútgáfu Lestarinnar: Fordæmalausir tímar. En um þessar mundir helgar Lestin tvo þætti í viku sögum úr faraldrinum.

Að þessu sinni verða tómir ferðamannastaðir heimsóttir, erlent hótelstarfsfólk og einmana ferðalangur verða meðal annars á vegi Lestarinnar.

Við fylgjumst með fjölskyldu sem púslar æskuminningum fjölskylduföðurins saman í gegnum fjarfundabúnað.

Og rætt verður um samfélagsleg áföll og minningar við Gunnþórunni Guðmundsdóttur bókmenntafræðing.

Nú þegar stór hlut heimsbyggðarinnar neyðist til að halda sig heima er mikilvægt að velta fyrir sér hugtakinu heimili. Í nýrri pistlaröð fjallar Tómas Ævar Ólafsson um heimili og heimþrá og mikilvægi þess að eiga sér samastað

Ferðalög koma einnig við sögu í Lestinni í dag. Katrín Sif Einarsdóttir er líklega einhver víðförlasti Íslendingur sögunnar, að minnsta kosti ef talið er í heimsóttum löndum, en hún hefur komið til meira en 200 lönd. Í Lestinni í dag verður flutt viðtal við Katrínu Sif.

Sixteen Oceans nefnist ný plata frá breska raftónlistarmanninum Kieran Hebden, sem kallar sig yfirleitt Four Tet. Davíð Roach Gunnarsson rýnir í plötuna.

Nú á dögunum kom út fyrsta lagið í níu ár frá hljómsveitinni Bright Eyes. Lagið nefnist Persona Non Grata og er það fyrsta sem heyrist af væntanlegri plötu indísveitarinnar.

Í dag hefur göngu sína sérútgáfa Lestarinnar: Fordæmalausir tímar, sem verður á dagskrá tvisvar í viku á meðan samkomubanni stendur. Við heyrum persónulegar sögur, förum í vettvangsferðir og veltum fyrir okkur þeim spurningum sem upp koma um samfélagið nú og í framhaldi faraldursins.

Í þætti dagsins heyrum við m.a. sögu Pálma Gunnlaugs Hjaltasonar matreiðslumanns og alkóhólista og ræðum um þá stöðu sem faraldurinn setur fólk með fíknivanda í.

Við tókum einnig púlsinn á nokkrum samkomustöðum örfáum klukkustundum áður en hert samkomubann gekk í gildi á miðnætti síðastliðinn þriðjudag. Við heimsækjum hverfisbarina Moe?s og Álfinn í Breiðholti, hárgreiðslustofuna Blanco og skemmtistaðinn Röntgen

Fræga fólkið. Það er alveg eins og við! Sjáið myndir af þeim hundleiðast í sóttkví og samkomubanni alveg eins og okkur hinum - Nema, þeim leiðist í lítilli höll í Kaliforníu með sundlaug og tennisvöll í bakgarðinum á meðan þér leiðist í 65 fermetra blokkaríbúð í Árbænum með svalirnar fullar af klósettpappír. Lestin rennir til Hollywood í dag þar sem viðbrögð stjarnanna við covid-19 hafa mætt blendnum viðtökum hjá almenningi.

Á sama tíma og íhaldssemi og fordómar hafa aukist í valdatíð Donalds Trump Bandaríkjaforseta hefur hálfgert dragæði gripið landið. Ekki síst í kjölfar vinsælda raunveruleikaþáttaraðarinnar RuPaul?s Drag Race. Nýjasta útspil RuPaul eru leiknir sjónvarpsþættir, AJ and the queens. Þættirnir eru svipmynd af þjóðfélagi sem brýtur niður staðalímyndir og samþykkir fjölbreytileika. Katrín Guðmundsdóttir rýnir í AJ og drottningarnar.

Fyrr í mánuðinum kom út platan New Dreams, önnur sólóplata Jófríðar Ákadóttur, sem kallar sig yfirleitt JFDR. Jófríði hefði líklega ekki dreymt um að fylgja plötunni eftir í sóttkví í Ástralíu, en þangað flýtti hún sér þegar ljóst var að öllu tónleikahaldi til kynningar á plötunni. Við hringjum til Ástralíu og ræðum við Jófríði um nýja drauma.