Lestin

Rapparinn Ezekiel Carl ólst upp í Breiðholti og Súðavík, hann á nígerískan föður sem er einnig tónlistarmaður. Ezekiel ólst því upp í kringum mikla tónlist en einnig mikla meðvitund um þá fordóma og kynþáttahyggju sem finna má á Íslandi, en faðir hans lenti oft í áreiti, stundum af hálfu lögreglunnar. Lagið hans V12 fjallar meðal annars um atvik úr æsku Ezekiels, sem hann segir vera alvarlegasta lögregluofbeldi sem hann hefur orðið fyrir.

Synd og skömm, It?s a Sin, er ný smásería frá bresku sjónvarpsstöðinni Channel 4 sem gerist í samfélagi samkynhneigðra í Bretlandi í upphafi níunda áratugarins þegar alnæmisfaraldurinn lætur á fyrst á sér kræla. Salvör Bergmann rýnir í þættina.

Og við fjöllum áfram um víkingamyndina The Northman sem við sögðum frá í gær. Þó að dómar um myndina hafi verið misjafnir þá hefur henni verið hampað fyrir nákvæmnislega sagnfræði. Við spjöllum við Ármann Jakobsson, prófessor í íslenskum bókmenntum fyrri alda, hvernig myndinni takist að miðla hugarheimi og menningu miðalda.

Daði Einarsson, brellumeistari, hlaut í gær Bafta verðlaunin, verðlaun bresku sjónvarps og kvikmyndaakademíunnar fyrir myndibrellur í hinum vinsælu Netflix fantasíuþáttum The Witcher. Við hringjum í Daða sem er staddur í London þar sem hann bíður nú eftir flugvél á leið í næsta stóra sjónvarpsverkefni.

Við ræðum við Ísadóru Bjarkardóttur sem þreytir frumraun sína á hvíta tjaldinu í víkingaaldar-kvikmyndinni The Northman. Þórður Ingi Jónsson kíkti á frumsýningu myndarinnar í Los Angeles og ræddi í kjölfarið við Ísadóru sem leikur írska þrælinn Melkorku.

Er hægt að kenna rómantík? Anna Margrét Ólafsdóttir er meistaranemi i sviðslistum í Listaháskóla Íslands og hefur gert rómantíkina að viðfangsefni sínu þar. Hún býður upp á námskeið í því að komast í rómantískt skap í maí.

Tónlistarhátiðin Aldrei fór ég suður sem fór fram á Ísafirði um páskana, í fyrsta skipti frá því að heimsfaraldurinn hófst. Davíð Roach Gunnarsson var í moshpittnum og segir frá upplifun sinni af tónlistarhátíðinni og öðrum eftirminnilegum atburðum frá helginni á Íbízafirði.Við veltum fyrir okkur muninum á ljósbláum kynlífssenum í hinum vinsælu Netflix-períóðuþáttum Bridgerton og kláminu sem finna má á streymisveitunni PornHub í tilefni greinarskrifa Noelle Perdue. Hún er kanadískur klámhandritshöfundur og framleiðandi og telur vera tvískinnung í því hvernig fjallað er um það þegar kynlífssenur úr vinsælum sjónvarpsþáttaröðum rata inn á klámsíður. Halldór Armand Ásgeirsson býður upp á hugsanatilraun í þriðja pistli sínum í Apríl. Hann veltir fyrir sér hugtakinu kleptókrasíu eða þjófræði að gefnu tilefni. Og í dag er 20. 4. alþjóðlegur hátíðis- og baráttudagur áhugafólks um kannabismenningu.

Tónlistarhátiðin Aldrei fór ég suður sem fór fram á Ísafirði um páskana, í fyrsta skipti frá því að heimsfaraldurinn hófst. Davíð Roach Gunnarsson var í moshpittnum og segir frá upplifun sinni af tónlistarhátíðinni og öðrum eftirminnilegum atburðum frá helginni á Íbízafirði.Við veltum fyrir okkur muninum á ljósbláum kynlífssenum í hinum vinsælu Netflix-períóðuþáttum Bridgerton og kláminu sem finna má á streymisveitunni PornHub í tilefni greinarskrifa Noelle Perdue. Hún er kanadískur klámhandritshöfundur og framleiðandi og telur vera tvískinnung í því hvernig fjallað er um það þegar kynlífssenur úr vinsælum sjónvarpsþáttaröðum rata inn á klámsíður. Halldór Armand Ásgeirsson býður upp á hugsanatilraun í þriðja pistli sínum í Apríl. Hann veltir fyrir sér hugtakinu kleptókrasíu eða þjófræði að gefnu tilefni. Og í dag er 20. 4. alþjóðlegur hátíðis- og baráttudagur áhugafólks um kannabismenningu.

Um aldamótin 2000 skrifuðu þrjár bestu vinkonur úr MH saman skáldsögu, Dís, sem fjallaði um um 23 ára stelpu sem stendur á krossgötum í lífinu. 4 árum seinna kom út kvikmynd upp úr bókinni sem fangaði andann og stemminguna í Reykjavík á þeim tíma. Núna um Páskana var myndin sýnd í Ríkissjónvarpinu, 18 árum eftir að hún kom út og hlaut hún góðar viðtökur. Við ræðum við Birnu Önnu Björnsdóttur, eina þriggja höfunda Dísar og Álfrúnu Helgu Örnólfsdóttur sem fór með aðalhlutverk myndarinnar.

Fyrir áramót fjölluðum við um Tsjernobyl-bænina: Framtíðarannáll, en þessi magnaða bók hvítrússneska nóbelsskáldsins Svetlönu Alexievich var þá nýkomin út í íslenskri þýðingu Gunnars Þorra Péturssonar. Í bókinni safnar Alexievich saman frásögnum margra þeirra sem upplifðu og lifðu af kjarnorkuslysið í Tsjernobyl í fjölradda sagnakór. Ein af spurningunum sem náðum ekki að ræða þegar Gunnar Þorri mætti var spurningin um eignarétt á persónulegum frásögnum og reynslusögum. Og í tilefni þess að í næstu viku hefst fjögurra vikna námskeið um Tsjernobyl-bænina í Safnaðarheimili Neskirkju kemur þýðandinn um borð í Lestina og ræðir sannleika og skáldskap.

Sviðsverkið How to make love to man? var frumsýnt í mars í tilraunarými Borgarleikhússins, Umbúðalaust. Sýning sem spyr hvernig karlmönnum tekst að kljást við þau fjölbreyttu vandamál sem hindrunarhlaup lífsins býður upp á. Það eru leikhópur sem kallar sig Toxic Kings sem semur og flytur verkið. Fjórir ungir sviðslistamenn, tveir útskrifaðir leikarar og tveir sviðshöfundar, Andrés P. Þorvaldsson, Ari Ísfeld Óskarsson, Helgi Grímur Hermannsson og Tómas Helgi Baldursson. Þeir þrír síðastnefndu setjast um borð í Lestina og ræða karlmennsku og sviðslistir.

Halldór Armand Ásgeirsson flytur pistil um hjólalöggu í Berlín og einkavæðingu Íslandsbanka.

Á Páskadag verður frumsýnd ný íslensk sjónvarpsþáttaröð í Ríkissjónvarpinu, lækna- og fjölskyldudramað Vitjanir. Eva Sigurðardóttir er leikstjóri, Kolbrún Anna Björnsdóttir og Valgerður Þórsdóttir skrifa handritið og leika í þáttaröðinni. Hugmyndin að þáttunum fæddist fyrir 8 árum og voru þeir að hluta til hugsaðir til að auka fjölbreytileika kvenkyns persóna í sjónvarpi.

Við kíkjum í Gallerí Port á plaköt eftir pólsku listakonuna og hönnuðinn Nötku Klimowitz, sem gerir list undir nafninu Kosmonatka, en litrík teiknuð verk hennar hafa prýtt fjölda auglýsingaplakata fyrir teknóútgáfuna bbbbbbb, tónlistarsamlagið Post-dreifingu, Smeklkleysu og pólitíska mótmælafundi á vegum Andrýmis svo eitthvað sé nefnt.

Í gær sögðum við frá því að bronsstytta eftir Ásmund sveinsson hafi horfið af stalli sínum við Laugarbrekku á fimmtudag. Styttan sem er af Guðríði Þorbjarnardóttur og syni hennar Snorra nefnist Fyrst hvíta móðirin í Ameríku. Tveimur dögum síðar kom styttan í leitirnar þegar nýtt útilistaverk var afhjúpað á bílastæði í Reykjavík, þar fannst Guðríður inni í brotajárnsgeimflaug í nýju listaverki eftir Bryndísi Björnsdóttur og Steinunni Gunnlaugsdóttur, sem þær nefndu Fyrstu hvítu móðurina í geimnum. En þær sögðu stytt Ásmundar vera rasíska og best vera geymda með geimrusls á sporðbaug um jörðu.

Kristinn Jónasson er bæjarstjóri Snæfellsbæjar og meðlimur í Guðríðar og Laugarbrekkuhópnum sem setti styttuna upp árið 2000. Við hringjum í hann og spyrjum hann hvernig honum varð um þegar styttan kom í leitirnar um helgina.

Á fimmtudag bárust þær fréttir að bronsstyttu eftir einn helsta myndhöggvara íslands Ásmund sveinsson hafi verið stolið af stalli sínum á Snæfellsnesi. Styttan sem er af Guðríði Þorbjarnardóttur og syni hennar Snorra nefnist Fyrst hvíta móðirin í Ameríku. Tveimur dögum síðar kom styttan í leitirnar þegar nýtt útilistaverk var afhjúpað á bílastæði í Reykjavík, þar fannst Guðríður inni í brotajárnsgeimflaug. Við ræðum við listakonurnar Bryndísi Björnsdóttur og Steinunni Gunnlaugsdóttur um Fystu hvítu móðurina í geimnum.

Skemmtistaðurinn Sirkús var opnaður á nýjan leik í Reykjavík þann 1.apríl á Lækjargötu 6, um 14 árum eftir að hann lokaði á Klapparstíg 30. Við ræðum við fyrrum fastagesti staðarins í von um að skilja betur goðsögnina um þennan stað sem er og var elskaður af fastagestum.

Sænski rapparinn Yung Lean gaf á dögunum út blandspólu, mixteip sem ber titilinn Stardust. Nanna Kristjánsdóttir rýnir í þetta nýjasta verk Yung Lean.

Gunnar Ragnarsson rýnir í tvær nýjar íslenskar kvikmyndir Skjálfti eftir Tinnu Hrafnsdóttur og Uglur eftir Teit Magnússon.

Alþjóðlegur dagur rómafólks fer fram 8. apríl. Að því tilefni tileinkum við stóran hluta þáttarins menningu rómafólks. Við ræðum við Sofiu Zahovu, Kristján E. Guðmundsson, heyrum brot úr útvarpsþætti Jóns Halls Stefánssonar um heimsókn til rómahljómsveitar í Rúmeníu og sögur úr bókinni Sunnudagsmatur og fleiri sögur rómafólks.

Í gær tilkynnti samfélagsmiðillinn Twitter að hönnun stæði yfir á breytingarmöguleika - edit takka - sem gæfi notendum forritsins færi á að breyta tístum sínum eftir að þau eru komin í loftið. Við tökum púlsinn á íslenskum tístverjum og heyrum hvað þeim finnst um breytingatakkann.

Í Kramhúsinu fara fram afró-danstímar nokkrum sinnum í viku undir lifandi trommuslætti. Hjónin Sandra og Mamady kenna þar Gíneskan afródans. Afródans kom fyrst til landsins á tíunda áratugnum og margir þeirra sem dansa vikulega í Kramhúsinu eru iðkendur til margra ára, jafnvel áratuga.

Góðvinur þáttarins, rithöfundurinn og pistlahöfundurinn Halldór Armand Ásgeirsson snýr aftur í Lestina í apríl. Hann er með hugann við endurtekninguna og stríðið í Úkraínu. Hann veltir fyrir sér raunum rússnesks tennisspilara, stöðu frelsisins á vesturlöndum og því hvaða spurninga má spyrja í dag.