Föstudagsgestur Mannlega þáttarins í þetta sinn var Ketill Berg Magnússon. Hann er mannauðsstjóri hjá Marel á Íslandi. Við ræddum við hann um lífið og tilveruna, uppvaxtarárin og hvað hann er að bralla í dag, en hann hefur í nógu að snúast, því auk þess að vera hjá Marel er hann í forsvari fyrir átaki sjö góðgerðarfélaga sem miðar að því að kynna almenningi þann valmöguleika að hægt er að ánefna hluta af eigum sínum eftir sinn dag til góðgerðarfélags sem viðkomandi er annt um.

Úr bláberjasafti í heimabrugg, ber allt árið með Sigurlaugu Margréti Jónasdóttur, besta vini bragðlaukanna og berjanna. Ber voru í aðalhlutverkinu í matarspjallinu þennan föstudag.

UMSJÓN GUÐRÚN GUNNARSDÓTTIR OG GUNNAR HANSSON

Klikkuð menningarhátíð verður haldin í næstu viku. Markmið hátíðarinnar er að auka sýnileika og vekja athygli á fjölbreytileikanum ígeðheilsu landsmanna. Listafólk af ýmsum toga, sem er velviljað málefninu eða hefur sjálft reynslu af geðrænum áskorunum mun koma fram á hátíðinni. Við fengum Hildi Loftsdóttur verkefnastjóra hátíðarinnar og Daníel Þór Nýtt Samúelsson, sem deilir reynslu sinni á hátíðinni, í þáttinn.

Við forvitnumst við aðeins um mataræði sem kallast Keto Flex. Það er eins og nafnið gefur kannski til kynna ögn mildari útgáfa af Keto mataræðinu og leyfir meira af kolvetnum. Já margir eru að reyna að grenna sig og það eru margar leiðir til. Þorbjörg Hafsteinsdóttir sagði okkur frá Ketó Flex.

Svo hringdum við í Þorbjörgu Gunnarsdóttur á Egilsstöðum sem fer mikinn í berjatýnslu á þessum tíma árs. Hún gerir bláberjasultu, rifsberjahlaup, hrútaberjahlaup, hindberjasultu, rabarbarasultu og krækiberjasaft. Við forvitnuðumst um berjasprettu á austurlandi og hvað hægt er að gera úr þeim.

UMSJÓN GUÐRÚN GUNNARSDÓTTIR OG GUNNAR HANSSON

MANNLEGI ÞÁTTURINN MIÐVIKUDAGUR 4.SEPT 2019

UMSJÓN GUÐRÚN GUNNARSDÓTTIR OG GUNNAR HANSSON

Endurmenntun HÍ býður upp á átta vikna núvitundarnámskeið sem er hugsað fyrir almenning til að takast á við streitu daglegs lífs. Markmið námskeiðsins er að þjálfa núvitund, öðlast meiri hugarró og njóta betur líðandi stundar. Við fáum í heimsókn til okkar Önnu Dóru Frostadóttur, klínískan sálfræðing til að fræða okkur um núvitund en hún er önnur stjórnenda námskeiðsins.

Magnús R. Einarsson sendir okkur póstkort frá Spáni og í korti dagsins segir Magnús frá tíma sínum í Alicante, hitanum og ráðum við honum, þéttbýlinu sem hefur sína stóru kosti, almenningssamgöngum sem eru til fyrirmyndar. Hann segir líka af kínverskum þörungum sem eru að ógna strandlífinu á austurströnd Spánar, heilu þorpunum sem eru að tæmast og hvernig það er að vera næstum mállaus í framandi landi.

INFACT er fjölþjóðlegur skóli og kennir sykur/matarfíknimeðferðir og ráðgjöf og er fyrsta og eina námið í sykur/matarfíkniráðgjöf á heimsvísu þar sem nemar geta öðlast vottun frá viðurkenndu vottunarráði fyrir slíka ráðgjöf. Útskriftarnemar öðlast réttindi sem Matarfíkniráðgjafar og þeir sem standa að náminu eru fjölþjóðlegur hópur sérfræðinga sem vinna að sykur/matarfíkn, ráðgjöf, meðferðum, líffræði, læknisfræði, efnaskiptarannsóknum og næringarfræði.

Í dag kl.15.00 verða þögull gjörningur við Ráðhúsið í Reykjavík til að vekja athygli á því að það eru yfir 300 manns sem eru á götunni í Reykjavík. Það er minningarsjóður Þorbjarnar Hauks Liljarssonar “Öruggt skjól“ sem efnir til þessa gjörnings en Þorbjörn Haukur varð bráðkvaddur í október í fyrra, 46 ára að aldri og hafði þá búið á götunni til margra ára. Móðir Þorbjörns kom í þáttinn.

Í landi Seljaness reis í vor tjald - þó ekkert venjulegt útilegutjald, Þetta er mongólkst hirðingjatjald og eigandi þess og tjaldráðandi er Elín Agla Briem. Kristín Einarsdóttir heimsótti Elínu í tjaldið og fékk að vita sögu þess, sögu hlutanna sem þar eru og hlutverk þess í samfélaginu.

Í síðastliðinni viku fór fram Norræn vatnstjónaráðstefna þar sem meðal annars var farið yfir eðli vatnstjóna, orsakir og afleiðingar. Erindin frá íslandi fjölluðu meðal annars um rannsóknir á íslenskum byggingarefnum hjá Nýsköpunarmiðstöð rannsóknarstofu byggingariðnaðarins þ.e.a.s. hvernig þau bregðast við rakaálagi. Fjallað var sérstaklega um myglu í íslenskri steypu. Sylgja Dögg Sigurjónsdóttir er fagstjóri hjá EFLU verkfræðistofu hún kom í þáttinn.

UMSJÓN GUÐRÚN GUNNARSDÓTTIR OG GUNNAR HANSSON

Sentia sálfræðistofa er með sálfræðiþjónustu sem alfarið snýr að börnum, ungmennum og fjölskyldum. Sentia stendur nú, ásamt Nexus fyrir fyrir helgarnámskeiðum fyrir ungt fólk til dæmis í, hlutverkaspilum, svokölluðu LARPi eða rauntímaspunaspili, sjálfstyrkinganámskeið fyrir stúlkur, skylmingum og fleira. Við fengum Soffíu Elínu Sigurðardóttur sálfræðing sem bjó til námskeiðin og Baldur Hannesson sálfræðing sem stýrir námskeiðunum með Soffíu í þáttinn til að segja okkur frekar frá.

Nú í byrjun september fer í gang 8 vikna námskeið sem haldið er í gegnum alþjóðlegu góðgerðasamtökin Action for Happiness. Námskeiðið byggir á niðurstöðum úr rannsóknum á hamingju og er markmið þess að hvetja fólk til að gera meira af því sem vitað er að gefur fólki sanna lífsfyllingu - og það er ekki peningar, frægð og frami! Þórhildur Magnúsdóttir og Erna Geirsdóttir komu í þáttinn og sögðu frá.

Lesandi vikunnar í þetta sinn var Rebekka Sif Stefánsdóttir, söngkona og söngkennari. Í ár setti hún sér markmið að lesa 100 bækur og hún er svo gott sem á áætlun. Við fengum hana til að segja okkur hvaða bækur eru á náttborðinu hjá henni, hvað hún hefur verið að lesa og hvaða bækur og höfundar hafa haft áhrif á hana í gegnum tíðina.

UMSJÓN GUÐRÚN GUNNARSDÓTTIR OG GUNNAR HANSSON

Í byrjun október mun Gaflaraleikhúsið frumsýna Mömmu klikk! eftir Gunnar Helgason í leikgerð og leikstjórn Bjarkar Jakobsdóttur. Leikkonan og söngkonan Valgerður Guðnadóttir fer með hlutverk mömmu klikk og hún var föstudagsgesturinn Mannlega þáttarins í dag.

1.september er núna á sunnudaginn og af því tilefni fjallaði Sigurlaug Margrét Jónasdóttir, besti vinur bragðlaukanna, um fiskisúpur, lúðusúpu og svo hringdi hún í Svanhildi Hólm Valsdóttur sem lumar á frægri súpuuppskrift sem hún deildi með okkur.

UMSJÓN GUÐRÚN GUNNARSDÓTTIR OG GUNNAR HANSSON

Við heimsóttum Sigurlaugu Kristmannsdóttur, fjarnámsstjóra Verslunarskóla Íslands og skoðuðum gríðarstórt landakort sem hangir uppá vegg á skrifstofunni og þar er búið að merkja inn staði um víða veröld, þar sem nemendur stunda og hafa stundað fjarnám og tekið próf. Þessi próf eru oftast tekin í sendiráðum eða á skrifstofum ræðismanna og ástæður þess að nemendur eru dreifðir um víða veröld, eru margar. Sumir eru að æfa íþróttir, fótbolta , handbolta og aðrir eru í listnámi td ballet, svo eru margir skiptinemar sem stunda námið.

Mikil umræða hefur verið undanfarin ár um tölvuleikjafíkn og afleiðingar tölvuleikja í óhófi. En hin hliðin á ástundun tölvuleikja heyrist sjaldnar. Rafíþróttir er samheiti yfir skipulagða keppni í tölvuleikjum, þær hafa verið í miklum uppgangi á Íslandi og um allan heim síðustu ár. Glímufélagið Ármann hefur hafið samstarf við Rafíþróttaskólann og bjóða upp á æfingar í rafíþróttum í haust fyrir ungmenni á aldrinum 10-15 ára. Við fengum Arnar Hólm Einarsson, yfirþjálfara Rafíþróttadeildar Ármanns til að segja okkur frekar frá þessu.

Garðyrkjufræðingar Grasagarðsins, félagar frá Garðyrkjufélag Íslands og meðlimir úr Slow Food á Íslandi standa fyrir fræðslufundi í næstu viku um leiðir til að meðhöndla uppskeruna úr matjurta- og kryddjurtagarðinum svo ekkert fari til spillis og fjalla um hvernig er best að undirbúa matjurtagarðinn fyrir veturinn. Þá verður gestum boðið að smakka á krásum úr matjurtagarðinum. Við heyrðum í Björk Þorleifsdóttur, verkefnastjóra fræðslu og miðlunar hjá Grasagarðinum í þættinum.

UMSJÓN GUÐRÚN GUNNARSDÓTTIR OG GUNNAR HANSSON

Mannlegi þátturinn 28.ágúst 2019

Umsjón Guðrún Gunnarsdóttir og Gunnar Hansson

Ástandið í Barselóna er til umfjöllunar í Póstkortinu frá Spáni. Þar hefur glæpatíðni snaraukist og mest er aukningin í ofbeldisránum í miðborginni. Magnús R Einarsson segir frá heimilislausu strákunum sem skipa sér í gengi eins og úlfar til að ræna ferðamenn og heimamenn í Barselóna.

Hann segir líka frá lestarferð, óðamála spánverjum, og spænskunáminu sem hann stundar með aðstoð frá amerískri söngkonu af gyðingaættum sem minnir hann á Ellý Vilhjálms.

Við fórum á Háskólatorg Háskóla Íslands og spurðum nemendur útí minningar frá fyrsta skóladeginum.

Við ræddum við Kristínu Þórsdóttur markþjálfa sem er í námi við að læra að

verða kynfræðingur og kynlífsmarkþjálfi. Einnig heldur hún

forvarnarfyrirlestra fyrir unglinga um sjálfsmynd og kynheilbrigði.

Eftir næstum tveggja ára leit fannst hreyfill á stærstu farþegaþotu heims sem hafði sprungið og dottið af á flugi yfir Grænlandsjökul. Það var gerður út leiðangur til að ná í hreyfilinn sem reyndist vera á hættulegu sprungusvæði. Arnar Ingi Gunnarsson, var valinn úr hópi 65 umsækjenda til þess að fara í þessa ferð. Hann kom í þáttinn í dag og sagði frá þessari háskaför.

Sæunnarsundið verður þreytt í þriðja sinn næstu helgi á Flateyri en sagan á bak við sundið er mjög áhugaverð. Það var í október árið 1987 sem kýrin Harpa stakk af á bryggjunni á Flateyri þar sem færa átti hana til slátrunar, hún stökk í öllu sínu veldi yfir fiskikör og út í sjó, fyrst stefndi hún út á haf en tók síðan stefnun þvert yfir fjörðin og kom á land í Valþjófsdal. Steini í Dal tók við henni og hún lifði í mörg ár þar. Bryndís Sigurðardóttir sagði okkur sögu Sæunnar og frá sundinu í ár.

Sveinn Kristinsson frá Dröngum er þekktur sagnamaður. Kristín Einarsdóttir hitti Svein á Seljanesi þar sem hann sagði sögur úr sveitinni og sagði frá

uppvaxtarárum sínum má Ströndum og tengslum við landið.

UMSJÓN GUÐRÚN GUNNARSDÓTTIR OG GUNNAR HANSSON