បទសម្ភាស

By RFI ខេមរភាសា / Khmer

បទសម្ភាស episodes

June 23, 2022 លោក ប៉ែន សុវិជាតិ៖ កម្ពុជានឹងមិនមានបញ្ហាខ្វះប្រេងទេ ដោយសារវិស័យឯកជនបានជួយស្តុកបំរុង
សហភាពសហជីពកម្ពុជាកាលពីថ្ងៃទី២២ ខែមិថុនា ម្សិលមិញ បានចេញសេចក្តីថ្លែងការណ៍មួយ ស្នើសុំឲ្យរដ្ឋាភិបាលជួយដោះស្រាយបញ្ហាឡើងថ្លៃប្រេងឥន្ធនៈ តាមរយៈការកាត់បន្ថយពន្ធនាំចូល និងបញ្ចេញកញ្ចប់ថវិកាជាតិ ដើម្បីទប់ស្កាត់ និងបញ្ចុះតម្លៃប្រេងឥន្ធនៈមកត្រឹមតម្លៃមួយសមរម្យ។ ក៏ប៉ុន្តែអ្នកនាំពាក្យក្រសួងពាណិជ្ជកម្មលោក ប៉ែន សុវិជាតិ ពន្យល់ថារដ្ឋាភិបាលមិនបានព្រងើយកន្តើយនឹងបញ្ហាប្រេងឡើងថ្លៃនេះទេ។ អ្នកនាំពាក្យរូបនេះ បញ្ជាក់ថារដ្ឋាភិបាលបានឧបត្ថម្ភធន២ដងរួចទៅហើយដើម្បីជួយសម្រួលបន្ទុកប្រជាពលរដ្ឋនិងអាជីវកម្ម។ លោកថាកម្ពុជានឹងមិនមានបញ្ហាខ្វះខាតប្រេងដូចប្រទេសជិតខាងទេ។
13 min
June 22, 2022 លោក ថាច់ សេដ្ឋា៖ ករណីចាប់ខ្លួន ដកក្របខណ្ឌ សុទ្ធតែជារូបភាពបំបាក់ស្មារតីសកម្មជនគណបក្សភ្លើងទៀន
ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោក ថាច់ សេដ្ឋា អនុប្រធាននៃគណបក្សភ្លើងទៀន។ កាលពីថ្ងៃអង្គារទី២១មិថុនា មានករណីចាប់ខ្លួនអនាគតមេឃុំគណបក្សភ្លើងទៀន ក្នុងឃុំចំណារលើ ខេត្តកំពង់ធំ ពីបទ«ប្លន់» ដែលកើតឡើងតាំងពីឆ្នាំ២០០២ ខណៈដែលមន្ត្រីរាជការចំនួន២រូប ត្រូវបានបណ្តេញចេញពីក្របខណ្ឌ ក្រោយធ្វើសកម្មភាពនយោបាយជាមួយគណបក្សភ្លើងទៀន។ លោក ថាច់ សេដ្ឋា បានចាត់ទុក ករណីទាំងប៉ុន្មាននេះ ថាជារឿងនយោបាយសុទ្ធសាធ ហើយរូបភាពទាំងនេះ គឺជាការបំបាក់ស្មារតីសកម្មជនគណបក្សភ្លើងទៀន ដែលត្រៀមចូលធ្វើការពេលខាងមុខ។
12 min
June 21, 2022 លោក ហៃ ហ៊ុនឡេង៖ ពិព័រណ៌ការងារនេះ គឺជានិន្នាការដ៏សំខាន់ដែលទីផ្សារការងារចាប់ផ្តើមស្រូបយកកម្លាំងពលកម្មជាថ្មី
នៅថ្ងៃទី២៣ និង២៤ ខែមិថុនា ឆ្នាំ២០២២នេះ ទីភ្នាក់ងារជាតិ មុខរបរ និងការងារ នៃក្រសួងការងារកម្ពុជា ក្រោមកិច្ចសហការពីសមាគម UYFC រាជធានីភ្នំពេញ និងក្រោមការឧបត្ថម្ភពីអង្គការអន្តរជាតិខាងការងារ(ILO) នឹងរៀបចំពិព័រណ៌ការងារខ្នាតមធ្យមមួយនៅអគារ Kampus ភ្នំពេញ។ ព្រឹត្តិការណ៍នេះ នឹងមានការចូលរួមពីក្រុមហ៊ុនធំៗចំនួន២២ និងបង្ហាញពីតម្រូវការកម្លាំងពលកម្មជាង៣ពាន់កន្លែង។ លោក ហៃ ហ៊ុនឡេង ប្រធានទីភ្នាក់ងារជាតិ មុខរបរ និងការងារនៃក្រសួងការងារថ្លែងថា ពិព័រណ៌ការងារពាក់កណ្តាលឆ្នាំនេះ គឺជាចរន្តដ៏សំខាន់មួយដែលទីផ្សារការងារបានចាប់ផ្តើមស្រូបយកកម្លាំងពលកម្មជាថ្មីឡើងវិញក្រោយវិបត្តិកូវីដ-១៩ និងកាន់តែមានសន្ទុះវិជ្ជមាន ប្រកបដោយសក្តានុពល។
13 min
June 20, 2022 លោក អាត់ ធន់៖ កម្ពុជានៅមិនទាន់កែលម្អតាមលក្ខខណ្ឌតម្រូវនៃGSPសហរដ្ឋអាមេរិកនៅឡើយ
លោក អាត់ ធន់ ប្រធានសហភាពការងារកម្ពុជា (CLC) និងថ្នាក់ដឹកនាំសហជីពមួយចំនួនទៀតពីប្រទេសកម្ពុជា បានទៅចូលរួមសន្និសីទ ស្តីពីការចងក្រងសកល និងមហាសន្និបាតលើកទី២៩ ដែលរៀបចំដោយសភាពសហជីពអាមេរិក AFL-CIO នៅសហរដ្ឋអាមេរិក។ លោកបានជួបសមាជិករដ្ឋសភាអាមេរិក និងមន្ត្រីរដ្ឋាភិបាលមួយចំនួនទៀតដូចជា ផ្នែកការងារ ផ្នែកពាណិជ្ជកម្ម និងអ្នកគ្រប់គ្រងកិច្ចព្រមព្រៀងGSPជាដើម។ បើតាមលោក អត់ ធន់ សហរដ្ឋអាមេរិកនៅតែស្ថិតក្នុងការពិចារណាថាបន្តឬផ្តាច់GSP ពីកម្ពុជា ដោយសារតែកម្ពុជានៅមិនទាន់បានកែលម្អតាមលក្ខខណ្ឌតម្រូវនៃGSPរបស់សហរដ្ឋអាមេរិកនៅឡើយ។
13 min
June 18, 2022 លោក គង់ ម៉ូនីកា៖ មិនទាន់យឺតពេលទេសម្រាប់ការរួបរួមរវាងអ្នកមាននិន្នាការប្រជាធិតេយ្យ
គណបក្សឆន្ទៈខ្មែរអំពាវនាវឲ្យគណបក្សដែលចូលរួមការបោះឆ្នោតឃុំ សង្កាត់ តែមិនទទួលបានអាសនៈឬទទួលបានតិចតួច ធ្វើការរួបរួមគ្នាទៅជាប៉ូលនយោបាយថ្មីមួយ ដើម្បីប្រកួតប្រជែងការបោះឆ្នោតឆ្នាំ២០២៣។ លោក គង់ ម៉ូនីកា ប្រធានគណបក្សឆន្ទះខ្មែរ ថ្លែងថា ការចង់បានប៉ូលនយោបាយថ្មី គឺដើម្បីឲ្យប្រទេសកម្ពុជាមានការរីកចម្រើនយូរអង្វែង ខណៈលោកកត់សំគាល់ថា សព្វថ្ងៃនេះ នៅកម្ពុជាគឺមានតែគណបក្ស២ដែលមានសំឡេងគាំទ្រច្រើន ហើយម្ខាងងាកទៅចិន និងម្ខាងងាកទៅលោកសេរី។ ទោះជាការបោះឆ្នោតជិតមកដល់ តែលោក គង់ ម៉ូនីកា យល់ថា មិនទាន់យឺតពេលទេសម្រាប់ការរួបរួមរវាងអ្នកមាននិន្នាការប្រជាធិតេយ្យដូចគ្នា។
12 min
June 17, 2022 លោក សុន ឆ័យ៖ «ខ្ញុំនឹងចូលតតាំងនៅតុលាការ ប្រសិនបើមានការកោះហៅ»
ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោក សុន ឆ័យ អនុប្រធានគណបក្សភ្លើងទៀន។ នៅថ្ងៃសុក្រនេះ គ.ជ.ប បានដាក់ពាក្យប្តឹងជាផ្លូវការលើលោក សុន ឆ័យ ទាក់ទងនឹងការលើកឡើងជុំវិញលទ្ធផលបឋមនៃការបោះឆ្នោតឃុំ-សង្កាត់។ ជាការឆ្លើយតប លោក សុន ឆ័យ បានបញ្ជាក់ថា លោកនឹងរៀបចំមេធាវី ឲ្យដោះស្រាយបណ្តឹងទៅតាមច្បាប់។ បន្ថែមពីនេះ លោក សុន ឆ័យ អះអាងថា លោកនឹងចូលមកតតាំងនៅតុលាការ ប្រសិនបើមានដីកាកោះហៅ។
9 min
June 16, 2022 លោក ជ័យ សម្បត្តិផល្លា៖ ក្រោយអនុវត្តគម្រោង DAR ការងាររដ្ឋបាលថ្នាក់ក្រោមជាតិក្នុងស្រុកចំនួន១៤នៃខេត្តបាត់ដំបង គឺល្អជាងស្រុកដទៃ
គណៈកម្មាធិការជាតិសម្រាប់ការអភិវឌ្ឍន៍តាមបែបប្រជាធិបតេយ្យថ្នាក់ក្រោមជាតិ(គ.ជ.អ.ប) នៅថ្ងៃព្រហស្បតិ៍នេះ បានប្រកាសបិទកម្មវិធី«កំណែទម្រង់វិមជ្ឈការ និងរដ្ឋបាលសាធារណៈ» ហៅកាត់ថា(DAR) ដែលកម្មវិធីនេះ គឺជាកិច្ចសហប្រតិបត្តិការរវាងរដ្ឋាភិបាលកម្ពុជា និងរដ្ឋាភិបាលអាឡឺម៉ង់។ នៅថ្ងៃនេះដែរ ក៏មានការប្រកាសបើកគម្រោងថ្មីមួយបន្តទៀត ដែលមានឈ្មោះថា«ធ្វើឲ្យប្រសើរឡើងដល់ការផ្តល់សេវាជូនពលរដ្ឋនៅប្រទេសកម្ពុជា(ISD)។ លោក ជ័យ សម្បត្តិផល្លា ប្រធានអង្គភាពវិភាគ និងអភិវឌ្ឍគោលនយោបាយនៃ គ.ជ.អ.ប មើលឃើញថាការងារកំណែទម្រង់វិមជ្ឈការ និងរដ្ឋបាលសាធារណៈ ក្រោយការអនុវត្តន៍គម្រោង DAR រយៈពេល៣ឆ្នាំ ទៅលើស្រុក ក្រុង ទាំង១៤នៃខេត្តបាត់ដំបង គឺមានលក្ខណៈល្អប្រសើរជាងស្រុក ក្រុងដទៃទៀត ដែលលទ្ធផលនេះ គឺសម្រាប់ធ្វើជាមូលដ្ឋានក្នុងការកែសម្រួលគោលនយោបាយផងដែរ។
12 min
June 15, 2022 លោក ឡាំ សុជាតិ៖ ច្បាប់ស្តីពីសិទ្ធិទទួលបានព័ត៌មានគឺជាអទិភាពមួយក្នុងចំណោមបញ្ហាផ្សេងទៀត
អង្គការសង្គមស៊ីវិល ចំនួន៣៣ នឹងរៀបចំធ្វើសន្និសីទសារព័ត៌មាន ស្តីពី ការដាក់លិខិតទៅខុទ្ទកាល័យនាយករដ្ឋមន្រ្តី ដើម្បីពន្លឿនសេចក្តីព្រាងច្បាប់ស្តីពីសិទិ្ធទទួលព៌ត័មាន នៅព្រឹកថ្ងៃទី១៦ ខែមិថុនា ឆ្នាំ២០២២ នៅបរិវេណខុទ្ទកាល័យនាយករដ្ឋមន្រ្តី។ លោក ឡាំ សុជាតិ នាយកប្រតិបត្តិវិទ្យាស្ថានតស៊ូ មតិ និងគោលនយោបាយ (API) គូសបញ្ជាក់ថា ច្បាប់ស្តីពីសិទ្ធិទទួលបានព័ត៌មានគឺជាអទិភាពមួយក្នុងចំណោមបញ្ហាផ្សេងទៀត ដែលគួរតែត្រូវបានអនុម័តដោយឆាប់រហ័ស។
12 min
June 13, 2022 បណ្ឌិត គី សេរីវឌ្ឍន៍៖ កម្ពុជាមិនមានប្រភពផ្គត់ផ្គង់ប្រេងឥន្ធនៈណាក្រៅពីទីផ្សារអន្តរជាតិទេ
តម្លៃប្រេងឥន្ធនៈនៅកម្ពុជានៅតែបន្តឡើងខ្ពស់បន្ថែមទៀតនៅក្នុងសប្តាហ៍នេះ ដោយប្រេងសាំងធម្មតាមានតម្លៃ ៥ ៨០០ រៀលក្នុងមួយលីត្រ ហើយប្រេងម៉ាស៊ូតបានលោតឡើងខ្ពស់ជាងសាំងធម្មតាដល់ទៅ ៦ ១០០ រៀល(១,៥ដុល្លារ)។ ជុំវិញការឡើងថ្លៃប្រេងឥន្ធនៈដែលជាបច្ច័យអាក្រក់ពីសង្គ្រាមឈា្លនពានរបស់រុស្ស៊ី ទៅលើអ៊ុយក្រែននេះ ប្រទេសជឿនលឿនមួយចំនួនបានធ្វើពហិការទីផ្សារប្រេងរុស្ស៊ី ហើយស្វែងរកប្រភពផ្គត់ផ្គង់ថ្មីជំនួសវិញ។ លោកបណ្ឌិត គី សេរីវឌ្ឍន៍ ប្រធានមជ្ឈមណ្ឌលសិក្សាចិន និងជាអ្នកជំនាញសេដ្ឋកិច្ចនៃរាជបណ្ឌិតសភាកម្ពុជាមើលឃើញថា កម្ពុជាមិនមានប្រភពផ្គត់ផ្គង់ប្រេងឥន្ធនៈណាផ្សេងក្រៅពីទីផ្សារអន្តរជាតិទេ។ លោកថាប្រទេសនៅតំបន់អឺរ៉ុប និងអាមេរិកកំពុងតែមានវិបត្តិ និងការប្រឈមនឹងអតិផរណាកាន់តែខ្ពស់ ហើយសម្រាប់កម្ពុជាដូចជាមិនមានប្រភពថាមពលណាមកជំនួសប្រេងឥន្ធនៈបានទេជាពិសេសនៅក្នុងវិស័យដឹកជញ្ជូន។
8 min
June 12, 2022 លោកស្រី ឱ វណ្ណឌីន៖ ការចាក់វ៉ាក់សាំងចម្រុះគ្នា នឹងបង្កើតភាពស៊ាំបុគ្គលបានខ្ពស់
ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោកស្រី ឱ វណ្ណឌីន អ្នកនាំពាក្យក្រសួងសុខាភិបាលកម្ពុជា។ ក្រសួងសុខាបាលកម្ពុជា បានបើកយុទ្ធនាការចាក់វ៉ាក់សាំងកូវីដ១៩ ដូសទី៥៦ ដល់ក្រុមគោលដៅអាទិភាព កាលពីថ្ងៃទី០៩មិថុនា។ លោកស្រី ឱ វណ្ណឌីន បានគូសបញ្ជាក់ថា ការចាក់វ៉ាក់សាំងជាបន្តបន្ទាប់ គឺដើម្បីធានាកុំឲ្យមានការឆ្លងរាលដាលនៃជំងឺកូវីដ១៩នៅក្នុងសហគមន៍។ នៅទន្ទឹមនេះ អ្នកនាំពាក្យក្រសួងសុខាភិបាល ក៏បញ្ជាក់ថា ការចាក់វ៉ាក់សាំងចម្រុះគ្នា នឹងបង្កើតភាពស៊ាំបុគ្គលបានខ្ពស់។
13 min