បទយកការណ៍

ការប្រារព្ធពិធី​បុណ្យប្រ៉ាយរបស់​អ្នកស្រលាញ់ភេទដូចគ្នានៅកម្ពុជា​បានប្រព្រឹត្តិទៅកាន់តែទាក់ទាញ​កាលពីថ្ងៃ២៤ ខែឧសភា​ ឆ្នាំ២០២៥នេះ ដោយ​មានការចូលរួម​ពីសហគមន៍អ្នកស្រលាញ់ភេទដូចគ្នា​ អង្គការ​សង្គម​ស៊ីវិល​ សាធារណជន​​ព្រមទាំង​អ្នកគាំទ្រ​ជាច្រើនរយនាក់​។​ ព្រឹត្តិការណ៍​ដ៏ធំ​ប្រចាំឆ្នាំ​របស់​អ្នកស្រលាញ់ភេទដូចគ្នា ដែលរួមមានទាំងការរត់ប្រណាំង​ ការដើរបង្ហាញម៉ូដ ដំណើរមោទកភាព​ ការប្រកួតរាជនីប្រ៉ាយ​ ព្រមទាំង​ការប្រគុំតន្ត្រីនិង​ឌីជេ​ជាដើម​នេះ​ ​ត្រូវ​បានធ្វើឡើង​ក្នុងគោលបំណងសំខាន់​នៃការអបអរនិងការ​​​លើកកម្ពស់​សមភាព សេចក្តីថ្លៃថ្នូរ​សម្រាប់ទាំងអស់គ្នា និង​លុបបំបាត់ការរើសអ៉ើងទៅលើអ្នកស្រលាញ់ភេទដូចគ្នា។​ 

ខេត្តកោះកុង៖ កាពិត្រូវបានគេផលិតចេញពីសត្វសមុទ្រម៉្យាងមានឈ្មោះ សត្វគី។ ជារៀងរាល់ដើមរដូវវស្សា ពលរដ្ឋរស់នៅតាមឆ្នេរសមុទ្រក្នុងឃុំកោះកាពិ ស្រុកកោះកុង តែងមមាញឹកប្រមូលយកសត្វគីមកធ្វើផ្អកគី ឬហៅ កាពិ។ តាមអ្នកភូមិកោះកាពិ មុខរបរផលិតកាពិធម្មជាតិមួយនេះត្រូវមានចិត្តអំណត់អត់ធន់ ខណៈដែលសត្វគីក្នុងសមុទ្រកំពុងខ្សត់ទៅៗ។

នៅចំពោះមុខការផ្ទុះឡើងវិញជំងឺកូវីដ-១៩ បំប្លែងខ្លួនថ្មីប្រភេទJN.1 នៅក្នុងលោក និងនៅប្រទេសក្បែរខាងកម្ពុជា អាជីវករលក់ដូរបន្លែផ្លែឈើ រួមទាំងអ្នកដឹកជញ្ចូនម្ហូបអាហារផ្តើមប្រុងប្រយ័ត្នដោយរក្សាអនាម័យជាប់ជាប្រចាំដូចជាពាក់ម៉ាស និងលាងដៃនឹងអាល់កុលជាដើម។ តែទន្ទឹមគ្នានេះ ពួកគេក៏បានសម្តែងក្តីបារម្ភជុំវិញមុខរបររកស៊ីរបស់ពួកគេ ប្រសិនបើជំងឺកូវីដ១៩បំប្លែងខ្លួនថ្មីផ្ទុះឡើងខ្លាំងរហូតគ្រប់គ្រងមិននោះ ខណៈការលក់ដូរសព្វថ្ងៃហាក់មិនសូវកាក់កបរួចស្រេចទៅហើយ។ 

កោះកុងក្រៅ ជាតំបន់ឆ្នេរសមុទ្របែបធម្មជាតិដែលស្ថិតក្នុងខេត្តកោះកុង។ តំបន់ឆ្នេរមួយនេះទើបផ្ទុះការចាប់អារម្មណ៍ពីពលរដ្ឋខ្មែរនាប៉ុន្មានឆ្នាំចុងក្រោយសម្រាប់ទិដ្ឋភាពដ៏ត្រកាលនៃឆ្នេរខ្សាច់ដ៏ស ក្បុស និងសម្រស់ព្រៃភ្នំដ៏ខៀវស្រងាត់។ បច្ចុប្បន្ន កោះកុងក្រៅបានក្លាយជាទីលំហែ និងឱសថព្យាបាលទុក្ខកង្វល់របស់ទេសចរក្នុងស្រុក ពិសេសអ្នកនិយមស្រលាញ់ភាពស្ងប់ស្ងាត់ និងការដើរកម្សាន្តបែបធម្មជាតិ។

សម្រាប់ខួប៥០ឆ្នាំនៃការឡើងកាន់អំណាចរបស់ពួកខ្មែរក្រហម ទិវាជាតិនៃការចងចាំថ្ងៃទី២០ ខែឧសភា ឆ្នាំ២០២៥ បានរៀបចំធ្វើយ៉ាងអធិកអធមនៅសារមន្ទីរវាលពិឃាតប្រល័យពូជសាសន៍ជើងឯកដោយមានការចូលរួមពីប្រជាពលរដ្ឋ សិស្សនិសិ្សត ព្រះសង្ឃ មន្ត្រីរាជការ និងបុគ្គលិកមកពីស្ថាបន័រដ្ឋ និងឯកជនជិត ៧ ០០០នាក់។ អ្នកស្រី រស់ សុភារ៉ាវី ប្រធានគ្រប់គ្រងមជ្ឈមណ្ឌលប្រល័យពូជសាសន៍ជើងឯកបានលើកឡើងថា ទិវាជាតិនៃការចងចាំឆ្នាំនេះមិនត្រឹមតែធ្វើឡើងដើម្បីរំលឹកដល់វិញ្ញាណក្ខន្ធជនរងគ្រោះដែលបានបាត់បង់ជីវិតក្នុងសម័យខ្មែរក្រហមប៉ុណ្ណោះទេ តែក៏ជាការលើកកម្ពស់ការផ្សព្វផ្សាយ និងការយល់ដឹងបន្ថែមទៀតពីអំពើប្រល័យពូជសាសន៍ដល់ក្មេងៗជំនាន់ក្រោយដែរ។

ចាប់ពីថ្ងៃទី១៤ដល់ថ្ងៃទី១៧ ឧសភា មានយុវជនប្រមាណជាង ៤០នាក់ បានចូលរួមបោះជំរុំនៅតំបន់ទេសចរណ៍ធម្មជាតិកោះកុងក្រៅដើម្បីស្វែងយល់ពីកិច្ចការងារការពារបរិស្ថាន និងធនធានធម្មជាតិ។ ក្រុមនិស្សិតដែលមកពីបណ្តារាជធានី ខេត្តផ្សេងគ្នាយល់ថា យុវជនគួរចំណាយពេលចុះសិក្សាស្វែងយល់ពីការងារការពារតំបន់ធនធានធម្មជាតិដែលកម្ពុជាមាន។

ក្នុងឱកាសរំលឹកខួប៥០ឆ្នាំ ក្រោយថ្ងៃ១៧ មេសា ១៩៧៥ ស្នាដៃ​តន្ត្រី​“បង្សុកូល”​ ដ៏ល្បីឈ្មោះ​របស់កម្ពុជា​ ដែលដឹកនាំនិពន្ធនិង​សម្តែង​ដោយក្រុម​សិល្បកររបស់​លោក​បណ្ឌិត​​ហ៊ឹម សុភី​ និងសមិទ្ធិករលោក​ប៉ាន់ រិទ្ធី​ កំពុង​ត្រៀមខ្លួនចាកចេញទៅសម្តែងថ្នាក់ពិភពលោក​ជាថ្មី​​ នៅក្នុងមហោស្រពសិល្បៈ​កម្ពុជា​ នាទីក្រុង​ម៉ុងរ៉េអាល់​។ ការប្រគំ​តន្ត្រី​“បង្សុកូល”​ ដែល​​រួម​មានការ​សម្តែង​​ជាមួយ​សិល្បករ​​អន្តរជាតិ​​ផ្សេ​ង​ៗទៀត​ ក្នុងគោលបំណង​ឧទ្ទិសវិញ្ញាណ​ក្ខន្ត​ដល់​ជនរងគ្រោះខ្មែរ​​ក្នុង​របប​ខ្មែរក្រហម​និងការរស់ឡើងវិញ​នៃតន្ត្រី​កម្ពុជា​​ នឹង​ត្រូវ​រៀបចំធ្វើ​ឡើង​ជាថ្មី​នៅថ្ងៃទី២៤ ខែឧសភា ឆ្នាំ២០២៥​​ខាងមុខនេះ ដោយ​អង្គការសិល្ប:ខ្មែរអមត:​​រួមសហការ​​ជាមួយ​អង្គការ​ Connexion Champa​ របស់សហគមន៍ខ្មែរនៅប្រទេសកាណាដា។ 

លោក ហ្សង់មីសែល ហ្វីលីពី គឺជាសាស្ត្រាចារ្យជនជាតិបារាំងផ្នែកភាសាវិទ្យាដែលមានជំនាញខាងការសិក្សាភាសាខ្មែរ និងភាសាជនជាតិដើមភាគតិចផ្សេងៗទៀតនៅកម្ពុជា និងនៅតំបន់អាស៊ីអាគ្នេយ៍។ ជាបណ្ឌិតនិយាយភាសាខ្មែរយ៉ាងស្ទាត់ជំនាញ លោកហ្សង់មីសែល ហ្វីលីពីបញ្ជាក់ប្រាប់ថា ភាសាជនជាតិដើមភាគតិចនៅកម្ពុជាកំពុងឈានទៅរកការបាត់បង់បន្តិចម្តងៗ ក្នុងនោះភាសាស្អូចឈានទៅរកការបាត់បង់ខ្លាំងជាងគេបំផុត។

នៅឆ្នាំនេះ មហោស្រពភាពយន្តអន្តរជាតិកានទី​៧៨ គ្មានវត្តមាន​​របស់​ខ្សែភាពយន្ត​ខ្មែរក៏ពិតមែន ប៉ុន្តែ កម្ពុជា​នៅតែមាន​ជនជាតិ​របស់ខ្លួន​ចូលរួម​នៅក្នុង​មហោស្រព។ បន្ទាប់ពីបានអាហារូបករណ៍​ពី​មូលនិធិកាន​ដើម្បីថ្នាក់បណ្តុះបណ្តាល​អ្នកដឹកនាំ​រឿង​រយៈពេល​៤ខែកន្លះ​កាលពី​ឆ្នាំមុន សាន ដានិច សមិទ្ធិករ​ស្រ្តីខ្មែរវ័យក្មេង​បាន​វិលត្រឡប់​ទៅមហោស្រពភាពយន្ត​កាន​សាជាថ្មី ក្នុងក្របខ័ណ្ឌ​នៃ​សិក្ខាសិលា​របស់​កម្មវិធី​ La Fabrique Cinéma រៀបចំឡើង​ដោយ​វិទ្យាស្ថានបារាំង ដៃគូ​របស់​វិទ្យុបារាំងអន្តរជាតិ។

ក្នុងរយៈពេលជាង១០ឆ្នាំចុងក្រោយនេះ មានអ្នកប្រកបរបរចម្លាក់ស្ពាន់ជាច្រើនបានបោះបង់របរមួយនេះចោល។ លោក វ៉ាន់ ស៊ីថា ម្ចាស់សិប្បកម្មភ្ញីទេសដែលមានទីតាំងនៅជិតស្ពានព្រែកក្តាមបានអះអាងថា សព្វថ្ងៃនេះ ផលិតផលធ្វើពីស្ពាន់ដែលឆ្លាក់ដោយដៃកំពុងប្រឈមបញ្ហាខ្វះទីផ្សារ ព្រោះអតិថិជនមួយចំនួនធំបានងាកទៅប្រើប្រាស់របស់ដែលផលិតចេញពីរោងចក្រ និងនាំចូលពីប្រទេសក្រៅ។