تعا نشرب شاي ونحكي عن اي شي.. *مودك الزفر مثلاً!؟

طيب عن تعقيدات النظام الصحي الكندي ومواعيده الخرافية اللي بتمد أشهر مشان صورة أشعة طبقية اوتشوف دكتور مختص  !!

*ونحكي عن لعبة التطنيش…

ممكن نتوسع بمناقشة الحرب الأخيرة اللي ما حدا فاهم راسها من رجليها..

لا لا مش لدرجة مضيق هرمز 

هذا خارج اي نقاش..

*طيب ليش ما بتحكي بالتفاصيل؟ 

ممكن ننقل الحديث شوي عن أسطول الحرية

شو قصدك اي حرية؟ 

حرية اخت تحرير بنت جيرانا.. نقلوا من البلاد من زمان 

*طيب متى بدك تعترف؟ 

وليش لسه بوز الأخص قاعد عالكرسي؟ 

عادي 

يعني هلا عادي الناس في بلد عربي يحكوا انجليزي؟ عادي انه عقدة النقص تجاه المستعمر ولغته بعدها مأثرة فينا؟ 

يقطع العادي 

يا شيخ عاااادي ... ما هو في بلد عغبي الناس بتحكي فيه فغنساوي!!!

عادي 

*احكيلي قديش بتحبني؟ 

مش غريبة انه الناس اللي بترمي زبالة بالأماكن العامة وما بتحترم قانون السير و (بتحكي عنجليزي) بتحتفل بالأعياد الوطنية  بالهتفات والأغاني ورفع الأعلام؟! 

*شو آخر اغنية سمعتها وتذكرتني؟

ييييي ثلاث دقات! بحبها 

أنا؟ 

مش متذكرة….

بكذب؟

لا … بتدلل شوي

طيب

خايف أقول اللي في قلبي … تتقل وتعاند وياي

ولو داريت عنك حبي…..

بالمناسبة 

وبعدين مع ابو حنان؟ 

انه يا فرعون مين فرعنك؟ كتبه وانكتبت علينا؟ كم سنة ضايل؟ 

إنجوي ذا رايد…

أحلى قصة سمعتها من يومين عن طوشة الزيت

سولافة قديمة 

بس حقيقية ترا

صارت بقرية الرامة بفلسطين ب ١٧/٣/١٩٥٢

لما بهية نخلة (ام سالم ) وعفيفة ظواهري (ام عواد) ضربوا ابو خضر الحاكم العسكري اللي اجا يعتقل (تنكة زيت) يعني يصادرها لزيادة التنكيل والتضييق على الاهالي!!!!

الستات وقعوه على الارض وضربوه باللي بإجرهم

هيك بتقول القصة

 وبعدين كبرت الطوشة لمعركة ومواجهة شاملة لأهالي القرية ضد قوات جيش الاحتلال، اللي استدعى تعزيزات واعتقالوا حوالي (44) شاب من أبناء القرية…. المهم التنكة ما أخدوش التنكة

اه 

لسة غزة عم تنقصف والاطفال بموتوا 

تشرب ميرمية!؟