Spegillinn 19.06.2018

Bandarísk yfirvöld tilkynna um úrsögn landsins úr Mannréttindamálaráði Sameinuðu þjóðanna síðar í kvöld.

Fjórar deildir á geðsviði Landspítalans verða lokaðar í sumar, vegna manneklu. Maður með geðklofa hefur áhyggjur af þessum lokunum.

Erlendir ríkisborgarar leita í auknum mæli á bráðamóttöku vegna langt gengins alkóhólisma og vandamála sem honum tengjast. Yfirlæknir segir erfitt að mæta þessum hópi, sumir séu nýkomnir til landsins, réttindalausir og á götunni.

Ef ljósmæður boða til verkfalls verður það í þriðja sinn á 10 árum. Samningafundur er boðaður á morgun hjá sáttasemjara.

Lögbann sem sett var á fréttaflutning Stundarinnar og Reykjavík Media síðasta haust hefur nú verið í gildi lengur en lögbann sem sett var á fréttaflutning Fréttablaðsins árið 2005.

Bjór rann nánast til þurrðar í borginni Nizhny Novgorod í Rússlandi í gær þegar Svíar lögðu Suður-Kóreumenn með einu marki gegn engu á HM.

Erlendir ríkisborgarar leita í auknum mæli á bráðamóttöku vegna langt gengins alkóhólisma og vandamála sem honum tengjast. Arnhildur Hálfdánardóttir fjallar í Speglinum um málið og ræðir við Önnu Sigrúnu Baldursdóttur og Jón Magnús Kristjánsson.

Það skýrist á morgun hvort ljósmæður boða til verkfalls. Fyrsti samningafundur, eftir að félagsmenn felldu samning sem náðist við ríkið um dagin, verður á morgun hjá sáttasemjara. Ef boðað verður verkfall verður það þriðja verkfallsboðun ljósmæðra frá 2008. Arnar Páll Hauksson fjallar um málið í Speglinum og ræðir við Áslaug Valsdóttir og heyrist í fleiri ljóðsmæðrum.

Það er ekkert nýtt að breska stjórnin sé aðþrengd í Brexit-málum. Nú þrýsta aðstæður á um skýrari boðskap og það dregur upp á yfirborðið átökin í Íhaldsflokknum. Sigrún Davíðsdóttir fer yfir málið í Speglinum.

Umsjónarmaður: Pálmi Jónasson.

Spegillinn 18.06.2018

Lokanir á geðdeildum í sumar eru vegna skorts á starfsfólki, ekki fjármagni, segir framkvæmdastjóri geðsviðs.

Um það bil 4.100 flóttamenn komu til Ítalíu í maí eftir að hafa siglt yfir Miðjarðarhaf. Það er áttatíu og tveggja prósenta fækkun frá sama mánuði í fyrra. Í Þýskalandi stefnir í stjórnarkreppu vegna flóttamannastraumsins.

Donald Trump Bandaríkjaforseti hefur fyrirskipað bandaríska varnarmálaráðuneytinu að koma á fót geimher, sem yrði sjötta deild bandaríska hersins.

Varðskip Landhelgisgæslunnar, er með ísfisktogarann Akurey í togi, á leið til Reykjavíkur eftir að vél skipsins bilaði.

Vladimír Pútín baðar sig í sviðsljósi heimsmeistaramótsins í knattspyrnu, sem margir kalla HM Pútíns. Vestrænir leiðtogar halda sig fjarri en ýmsir vafasamari karakterar njóta gestrisni Rússa. Pálmi Jónasson fer yfir stöðuna í Speglinum.

Núverandi auðlindanýtingi Hellisheiðarvirkjunar er sjálfbær þó ekki sé kveðið upp úr um nýtingartíma raforkufamleiðslunnar. Framkvæmdastjóri Orku náttúrunnar segir að þó að raforkuframleiðslu yrði hætt sé hægt að nýta Hengilssvæðið til heitavatnsframleiðslu í árhundruð. Í dag var kynnt niðurstaða sjálfbærnismats á Hellisheiðarvirkjun. Arnar Páll Hauksson talar við Mörtu Rós Karlsdóttur og Bjarna Má Júlíusson

Metanið stígur upp af gömlu ruslahaugunum í Glerárdal, rétt ofan Akureyrar. Stærstur hluti þess fer út í andrúmsloftið þar sem þessi öfluga gróðurhúsalofttegund veldur um 20 til 30 sinnum meiri skaða en koltvísýringurinn sem myndast þegar henni er brennt. Arnhildur Hálfdánardóttir talar við Stefán Steindórsson, Guðmund Hauk Sigurðarson og Guðmund Einar Jónsson

Hjúkrunarfræðingur á bráðamóttöku óttast að ekki verði hægt að tryggja öryggi sjúklinga á deildinni í sumar. Reynt hafi verið að kalla á hjálp en svo virðist sem enginn sé að hlusta.

Stjórnvöld í Kína ætla að setja verndartolla á bandarískrar vörur. Það er svar við yfirlýsingum Trumps forseta um verndartolla á kínverskar vörur.

Lögreglan á höfuðborgarsvæðinu varar við þjófum sem hafa stolið greiðslukortum og komist yfir PIN-númer þeirra.

Dómari hefur afturkallað tryggingu fyrrverandi kosningastjóra Donalds Trumps Bandaríkjaforseta og sent hann í fangelsi fram að réttarhöldum í september

Hlutabréf í Arion banka hækkuðu um rúm 18 prósent í dag, á fyrsta degi viðskipta með bréfin í Kauphöll Íslands.

Rebekka Rut Harðardóttir, 12 ára, sem verður boltaberi á leik Íslands og Argentínu segist vona að Ísland vinni en spáir líka í jafntefli. Anna Kristín Jónsdóttir talar við Gísla Kristjánsson í Ósló.

Birta Björnsdóttir fréttamaður í Moskvu. Arnar Páll talar við hana.

Fjöldi Íslendinga í Moskvu. Arnar Páll talar við Styrmi Elí Ingólfsson farastjóra.

í Noregi gripnir þjóðernis- og fótboltanda. Anna Kristín Jónsdóttir talar við Gísla Kristjánsson í Ósló.

Aðflutningur menntaðra útlendinga. Sigrún Davíðsdóttir segir fá.

Umsjón Arnar Páll Hauksson

Tæknmaður Magnús Þorsteinn Magnússon.

Vegna skorts á hjúkrunarfræðingum á Landspítalanum munu sumarlokanir verða lengri í sumar en í fyrra á spítalanum.. Aðstoðarmaður forstjóra segir að heildaráhrifin verði meiri nú.

Prófessor við læknadeild Háskóla Íslands segir að skoða þurfi hvers vegna efnahagshrunið hafði slæm áhrif á heilsu margra kvenna frekari en karla.

Páll Magnússon, alþingismaður, sem var í gær vikið úr fulltrúaráði Sjálfstæðisfélagsins í Vestmannaeyjum, segir í yfirlýsingu að í stað þess að axla ábyrgð á eigin mistökum sé reynt að finna sök hjá öðrum.

New York-ríki hefur höfðað mál á hendur Donald Trump og börnum hans fyrir að hafa misnotað fé úr góðgerðasjóðnum Trump Foundation. Þess er krafist að sjóðurinn verði lagður niður.

Sumarlokanir á Landspítalar. Arnhildur Hálfdánardóttir tala við Önnu Sigrúnu Baldursdóttur aðstorðarmann forstjóra Landspítalans.

Kennurum og nemendum fækkar í framhaldsólum. Arnar Páll Hauksson talar við Kristinn Þorsteinsson formann Skólameistarafélagsins.

Íslendingar 400 þúsund. Sigrún Davíðsdóttir segir frá.

Umsjón Arnar Páll Hauksson.

Tæknimaður Mark Eldred.

Seðlabankastjóri segir að það að taka húsnæði úr verbólgumarkmiði Seðlabankans sé eins og að henda barninu út með baðvatninu. Það dragi úr sveiflum í kerfinu að halda húsnæðisliðnum inni.

Framkvæmdastjóri Samtaka sjávarútvegsfyrirtækja tekur almennt vel í ráðgjöf Hafrannsóknastofnunar um veiðar á næsta fiskveiðiári sem kynnt var í dag

Alríkisdómari í Bandaríkjunum hefur fallist á að síma- og sjónvarpsdreifingarfyrirtækin AT&T og Time Warner fái að sameinast. Óvíst er hvort dómsmálaráðuneytið áfrýi niðurstöðunni.

Félag Framhaldskólakennara hvetur menntamálaráðherra að beita sér fyrir því að framhaldsskólakennarar fá full réttindi til að kenna í efstu bekkjum í grunnskóla. Nú séu þeir launasettir sem leiðbeinendur ef þeir kenna í grunnskólum.

Alríkisdómari í Bandaríkjunum hefur heimilað bandrísku fjölmiðlafyrirtækjunum AT&T og Time Warner að sameinast. Þór Arnórsdóttir talar við Ólaf Jóhann Ólafsson.

Þó að ákveðið hafi verið að leggja niður kjararáð og að laun kjörinna fulltrúa og embættismanna hækki fram vegis í samræmi við launaþróun opinbera starfsmanna er það áfram krafa Alþýðusambandsins að laun bæði ráðherra og þingmanna verði lækkuð í samræmi við þá launaþróun sem samið var um á vinnumarkaði. Arnar Páll talar við Gylfa Arnbjörnsson.

Þýska hæliskerfið í kreppu. Arnhildur Hálfdánardóttir segir frá.

Umsjón Arnar Páll Hauksson.

Tæknimaður mark Eldred.

Aðalframkvæmdastjóri Sameinuðu þjóðanna vonast til þess að fundur leiðtoga Norður-Kóreu og Bandaríkjanna marki tímamót í þeirri viðleitni að gera Kóreuskaga að kjarnorkuvopnalausu svæði. Fjárfestar austan hafs og vestan láta sér fátt um leiðtogafundinn finnast.

Saksóknari krefst þess að maður, sem varð manni að bana á Austurvelli í Reykjavík í desember, verði dæmdur í minnst 18 ára fangelsi.

Þingstörf á Alþingi eru í hnút og óvíst um þinglok.

Meirihlutinn í Reykjavík hyggst fjölga ungbarnaleikskólum til að brúa bilið milli fæðingarorlofs og leikskóla og vinna áfram að Borgarlínu. Nýr meirihlutasáttmáli var undirritaður í morgun.

Sól hefur ekki sést á himni í Reykjavík sex daga í röð í þessum mánuði. Það hefur ekki gerst áður í júní, sem jafnan er sólríkur.

Nýr meirihlutasáttmáli Viðreisnar, Samfylkingarinnar, Pírata og Vinstri grænna í borgarstjórn Reykjavíkur fyrir næsta kjörtímabil var kynntur í morgun. Borgarstjóri verður áfram Dagur B. Eggertsson frá Samfylkingu, Formaður borgarráðs verður Þórdís Lóa Þórhallsdóttir frá Viðreisn og Forseti borgarstjórnar Dóra Björt Guðjónsdóttir Pírötum fyrsta árið en Pawel Bartoszek tekur svo við. Sáttmálinn tekur á tíu málaflokkum. Þar má nefna umhverfis- skipulags- og samgöngumálum, húsnæðismálum, veferð og lýðheilsu, skóla og frístundamálum, atvinnu og jafnréttismálum svo dæmi sé tekið og fjármálum og rekstri. Það eru 12 borgarfulltrúar af 23 í mreirihlutanum. Í minnihluta eru 11 borgarfulltrúar, átta frá Sjálfstæðisflokki og svo einn frá þremur flokkum, Miðflokki, Sósíalistaflokki og Flokki fólksins. Til að ræða meirihlutasáttmálann komu í beina útsendingu í Speglinum Þórdís Lóa Þórhallsdóttir frá Viðreisn, sem tekur við embætti formanns borgarráðs þann 19. júní og Vigdís Hauksdóttir, Miðflokki, einn fulltrúa í minnihluta.

Væntingar stjórnenda 400 stærstu fyrirtækja landsins til næstu sex mánaða hafa ekki mælst minni en frá upphafi mælinga í byrjun aldarinnar. 40% þeirra telja nú að ástandið í efnahagslífinu muni versna á næstu sex mánuðum.Fjármálaráðherra segir að helsta skýringin sé óvissa vegna komandi kjarasamninga. Þetta kemur fram í könnun Gallups fyrir Samtök atvinnulífsins og Seðlabankans meðal 400 stjórnenda stærstu fyrirtækja landsins. Arnar Páll Hauksson talar við Halldór Benjamín Þorbergsson,framkvæmdastjóra SA, Ásdísi Kristjánsdóttur forstöðumann efnahagssviðs SA og Bjarna Benediktsson fjármálaráðherra um niðurstöðurnar sem kynntar voru á hádegisfundi samtaka atvinnulífins í dag.

Umsjón: Kristján Sigurjónsson

Tæknimaður: Grétar Ævarsson

Forsætisráðherra segir það áhyggjuefni fyrir Íslendinga að Bandaríkjaforseti virðist breyta stefnu lands síns í því fjölþjóðasamstarfi sem Bandaríkin hafi byggt upp á liðnum áratugum.

Ekki er heppilegt að sníða hjúskaparlöggjöf að þeim konum sem eiga erfitt með að slíta sig lausar úr hjónabandi við ofbeldismenn. Þetta segir dómsmálaráðherra.

Fundur leiðtoga Bandaríkjanna og Norður-Kóreu hefst í Singapúr að sjö klukkustundum liðnum. Búist er við að hæst beri kjarnorkuafvopnun Norður-Kóreumanna, gegn því að efnahagslegum refsiaðgerðum verði aflétt og öryggi þeirra tryggt.

Mismikil þörf er fyrir þjónustu sérfræðilækna utan Landspítalans og því þarf faglegt mat á þörfina segir Rúnar Vilhjálmsson félagsfræðiprófessor við hjúkrunarfræðideild Háskóla Íslands. Miklar umræður hafa orðið um rammasamning sérfræðilækna við Sjúkratryggingar. Nýir læknar komast ekki inn á samninginn þar sem hann er í endurskoðun, þar á meðal læknar á sviðum sem sannanlega er mikil þörf fyrir. Kristján Sigurjónsson ræðir við Rúnar.

Kosturinn við að hafa sig lítið í frammi á nýafstöðnum G7 leiðtogafundi var að þá barst engin reiðigusa á Twitter frá Donald Trump Bandaríkjaforseta. En það hversu ósýnileg Theresa May forsætisráðherra Breta var á fundinum er ekki í takt við margítrekaðar yfirlýsingar um að Bretar séu að hverfa úr Evrópusambandinu til að láta meira og betur til sín taka á alþjóðavettvangi. Sigrún Davíðsdóttir segir frá.

Nú á dögunum yfirtók þýski lyfja- og efnaframleiðandinn Bayer bandaríska stórfyrirtækið Monsanto. Bayer greiðir þúsundir milljarða króna fyrir og er samruninn einn af þeim stærstu á heimsvísu. Eftir miklu er greinilega að slægjast, en orðspor Monsanto er ekki þar á meðal. Björn Friðrik Brynjólfsson segir frá.

Umsjónarmaður: Kristján Sigurjónsson

Tæknimaður: Grétar Ævarsson

Heilbrigðisráðherra segir að kjaraviðræður ljósmæðra séu að sumu leyti komnar á byrjunarreit eftir að ljósmæður kolfelldu kjarasamning við ríkið.

Ríkisstjórnin samþykkti á fundi sínum í morgun að veita 64 milljónir í 12 mánaða átak sem snýr að hertu eftirliti með heimagistingu.

Búist er við meiri átökum en vant er á leiðtogafundi G7 ríkjanna í kvöld og á morgun. Flest spjót beinast að Bandaríkjaforseta.

Konur höfðu kannski sterkari stöðu en við höfum haldið. Þetta segir fræðimaður sem rannsakað hefur hvernig gestgjafahlutverk húsmæðra birtist í íslenskum matreiðslubókum sem gefnar voru út á árunum 1800 til 1975. Arnhildur Hálfdánardóttir ræðir við Sigurbjörgu Elínu Hólmarsdóttur.

Niðurstaða færustu vísindamanna er að Adolf Hitler lést í Berlín undir lok heimstyrjaldarinnar síðari. Þar með ætti að vera ljóst að hann náði ekki að flýja til Suður-Ameríku og þaðan af síður til tunglsins. Pálmi Jónasson.

Grænlensk-íslenska viðskiptaráðið fjallaði á fundi fyrr í vikunni um nýafstaðnar kosningar á Grænlandi og breytingar sem gætu fylgt nýrri ríkisstjórn. Bogi Ágústsson ræðir við Eld Ólafsson og Karl Andreasen.

Umsjón: Arnhildur Hálfdánardóttir

Breyta þarf reglum um lánveitingar Íbúðalánasjóðs til leigufélaga, að mati forsvarsmanna sjóðsins.

Landsréttur staðfesti í dag farbann yfir manni sem grunaður er um að vera samverkamaður í innbrotum í þrjú gagnaver í desember og janúar.

Búast má við átakafundi þegar leiðtogar G7 hópsins, sjö helstu iðnríkja heims, hittast á fundi í Kanada á morgun.

Með því að leggjast á eitt og búa til stóran sameiginlegan gagnagrunn geta norræn ríki rutt brautina á sviði einstaklingsmiðaðra lækninga fyrir heiminn allan. Þetta segir leiðtogi Sameindalæknisfræðistofnunar Finnlands. Stofnunarfundur norrænna samtaka um einstaklingsmiðaðar lækningar var haldinn í dag. Arnhildur Hálfdánardóttir ræddi við tvo fræðimenn á ráðstefnunni.

Forsætisráðherra Noregs hefur á fundum í Lundúnum varað Breta við aðild að Evrópska efnahagssvæðinu EES í stað fullrar aðildar að Evrópusambandinu.Gísli Kristjánsson frá Noregi.

Ný stjórn á Grænlandi hyggst efla samskipti við fleiri þjóðir en Dani og leggur mikla áherslu á umbætur í menntamálum. Bogi Ágústsson ræðir við Unni Brá Konráðsdóttur forseta Vestnorræna ráðsins.

Umsjón: Arnhildur Hálfdánardóttir

Tæknimaður: Ragnar Gunnarsson.

Ekkert verður úr lækkun veiðigjalda að sinni, því forsætisráðherra leggur til við formenn annarra flokka að þau verði óbreytt fram að áramótum. Það sé gert til að skapa sátt um þinghaldið.

Mikinn reyk leggur frá þaki 115 ára gamals hótels í auðmannahverfi í Lundúnum. Á annað hundrað slökkviliðsmenn berjast við eldinn.

Íslands forni fjandi, hafísinn, sást óvenju nálægt landi í morgun norður af Kögri. Einnig virðist vera ísdreif um átta sjómílur norður af Hælavíkurbjargi.

Viðræður um myndun nýs meirihluta í Reykja virðast ganga vel að loknum fimmta viðræðudegi. Stefnt er að því að ljúka málefnavinnu áður en ákveðið verður hver sest í borgarstjórastólinn.

Efnt var til málþings í dag sem bar yfirskriftina: Ofbeldi sem kerfið lítur fram hjá og ósýnileiki gerenda. Þar sögðu nokkrir þolendur sögu sína. Fjallað er um málþingið síðar í Speglinum. Arnar Páll Hauksson talar við Jenný Kristínu Valberg og Sigrúnu Jóhannsdóttur.

„Manni finnst í fljótu bragði að dómurinn sé háður sömu annmörkum og málsmeðferð stjórnvalda og feli jafnvel í sér brot á alþjóðlegum skuldbindingum íslenska ríkisins,“ þetta segir annar lögmanna Freyju Haraldsdóttur. Arnhildur Hálfdánardóttir talar við Sigrúnu Ingibjörgu Gísladóttur lögmann Freyju.

Umsjón. Arnar Páll Hauksson.

Tæknimaður. Markús Hjaltason.