Fréttir:

Vaknað hefur grunur um að borgarar utan EES hafi komið hingað til land og fengið kennitölur á grundvelli falsaðra persónuupplýsinga.

Þingmenn stjórnarandstöðu á Alþingi furða sig á því að keyra eigi frumvarp sjávarútvegsráðherra um breytingu á lögum um fiskeldi á skömmum tíma. Þótt margt bendi til þess að samstaða sé um innihald málsins þá er málsmeðferðin gagnrýnd.

Kornuppskeran á Norðurlandi er með lakasta móti í haust. Vætutíð hefur tafið fyrir þreskingu auk þess sem frostnætur í ágúst skemmdu kornið.

Lengri umfjallanir:

Embætti héraðssaksóknara hefur takmarkaðri rannsóknarheimildir en embætti sérstaks saksóknara sem gæti torveldað rannsóknir viðamikilla efnahagsbrota í framtíðinni. Vonandi hefur þó eitthvað lærst af reynslunni, segir Ólafur Þ. Hauksson héraðsaksóknari

Sveitarstjórinn á Djúpavogi undrast að gerð heilsársvegar yfir Öxi sem styttir hringveginn um rúma 70 kílómetra, sé frestað í drögum að langtíma samgönguáætlun og að í staðinn sé ný brú yfir Lagarfljót tekin fram fyrir. Það sé ekki í samræmi við forgangsröðun heimamanna sem birtist í ályktunum Sambands sveitarfélaga á Austurlandi

Auka þarf hraða aðgerða gegn hlýnun jarðar því lítill tími er til stefnu, segir formaður Loftslagsráðs og fyrrverandi forstöðumaður loftslagssamnings Sameinuðu þjóðanna. Ísland sé á leiðinni í rétta átt en fer ekki nægilega hratt. Það sama gildi um heimsbyggðina. Það verður að fjárfesta í framtíðinni því annars verður engin framtíð, segir umhverfisstjórnunarfræðingur. Sameinuðu þjóðirnar telja að til að aftra hörmungum þurfi að verja 2,5% af heimsframleiðslu til aðgerða á sviði loftslagsmála; íslensk stjórnvöld setja nú um 0,05% af landsframleiðslu til málaflokksins.

Sjávarútvegsráðherra getur gefið fiskeldisfyrirtækjum rekstrarleyfi til bráðabirgða til allt að 10 mánaða verði frumvarp hans að lögum. Frumvarpið var kynnt í ríkisstjórn í morgun.

Rúmlega hundrað manns hafa haft samband við lögreglu vegna svikapósts sem sendur var í hennar nafni um helgina og líklega fengu hann miklu fleiri.

Ríkissaksóknari hefur ákveðið að áfrýja dómi Héraðsdóms Suðurlands yfir Val Lýðssyni, bónda á Gýgjarhóli II til Landsréttar.

Fangelsismálastofnun reynir að stunda ekki undirboð með vinnu sem fangar ynna af hendi, segir fangelsismálastjóri. Fangar fái greitt fyrir vinnuna í samræmi við lög um fullnustu refsinga.

Heilsufarsáhrif kreppu koma ekki fram í meðaltali um lífslíkur en áhrifin eru ólík eftir hópum.

Umsjón: Anna Kristín Jónsdóttir

Tæknimaður: Ragnar Gunnarsson

Úrskurðarnefnd umhverfis- og auðlindamála vísaði í dag frá beiðni laxeldisfyrirtækja um að fresta ákvörðun um að rekstarleyfi þeirra falli úr gildi. Nefndin telur að hún geti ekki tekið slíka ákvörðun. Málið er komið á borð umhverfisráðherra og sjávarútvegsráðherra.

Landsréttur staðfesti í dag dóm Héraðsdóms Reykjavíkur um að umfjöllun Stundarinnar og Reykjavík Media upp úr gögnum Glitnis ætti erindi til almennings.

Starfsgreinasambandið leggur fram sameiginlega kröfugerð í komandi kjarasamningum fyrir hönd allra aðildarfélaga sambandsins. Tímamót segir formaður þess.

Minkabændur vilja gera þriggja ára samning við ríkið til að bjarga greininni.Þriggja ára taprekstur hefur skapað versta ástand í minkarækt hér í tuttugu ár.

Samtökin Hollvinir Hornafjarðar vilja að samgönguráðherra beiti sér fyrir því að vinna við lagningu vegar um Hornafjörð verði stöðvuð og að frekari framkvæmdir verði endurskoðaðar áður en lengra er haldið.

Ljósastaurar geta sinnt stærra hlutverki en þeir hafa gert hingað til. Þetta segir verkefnisstjóri snjallborgarverkefnis Reykjavíkurborgar. Borgin er farin að huga að 5G-væðingu og ljósastaurar geta þar orðið lykilinnviðir.

Ljósastaurar geta sinnt stærra hlutverki en þeir hafa gert hingað til. Þetta segir verkefnisstjóri snjallborgarverkefnis Reykjavíkurborgar. Borgin er farin að huga að 5G-væðingu og ljósastaurar geta þar orðið lykilinnviðir.

Þau eru tvö sem deila friðarverðlaunum Nóbels í ár. Bæði hafa þau barist gegn kynferðisofbeldi á átakasvæðum. Breið sátt ríkir að þessu sinni um valið á friðarverðlaunahöfunum en saga Nóbelsverðlaunanna geymir ótal frásagnir af umdeildum verðlaunahöfum.

Umsjón Arnar Páll Hauksson

Tæknimaður. Magnús Þorsteinn Magnússon

Ræðismaður Póllands á Íslandi segist fá kvartanir í hverri viku frá fólki sem telji sig hafa verið hlunnfarið á íslenskum vinnumarkaði. Hann segir að það sárvanti aðstoð frá stéttarfélögum eða stjórnvöldum og gagnrýnir Vinnumálastofnun fyrir seinagang.

Vinnueftirlitið gerir mjög alvarlegar athugasemdir við aðbúnað við Reykjanesvirkjun í febrúar í fyrra, þegar starfsmaður fiskverkunar lést eftir að hafa orðið fyrir gasmengun.

Skipstjóri togarans Frosta sem kviknaði í norðvestur af landinu í fyrradag segir að eldur um borð sé það versta sem geti gerst. Skipið kom að bryggju í morgun og fór tæknideild lögreglunnar og fulltrúar tryggingafélagsins um borð. Ekki er enn ljóst hvað gerðist.

Búið er að skipa nýjan forseta Íraks og útnefna forsætisráðherra, en óvissa er um myndun nýrrar ríkisstjórnar.

Bæta þarf aðflugsbúnað á Akureyrarflugvelli, byggja nýja flugstöð og gera nýtt flughlað til að völlurinn geti þjónað millilandaflugi.

Rannsókn á áhrifum stafræns sambýlis íslensku og ensku var kynnt á Skólamálaþingi KÍ í dag. Rætt verður við einn rannsakenda síðar í Speglinum.

Ísland ætlar sér að verða hluti af best tengda 5G-svæði heims - en fyrst þarf að taka fjölda ákvarðana og ráðast í viðamikla uppbyggingu

Umsjón. Arnhildur Hálfdánardóttir.

Miðstjórn ASÍ líkir starfsháttum Icelandair við viðskiptahætti Primera Air í ljósi þess að félagið hafi sagt upp starfsfólki og útvistað verkefnum þeirra til Eystrasaltsríkja þar sem laun og starfskjör séu önnur og verri.

Ekkja Erítreumannsins, sem lést eftir að græddur var í hann plastbarki, kannar nú hvort hún á rétt á bótum.

Eldri hjón óttast að sitja uppi með útgjöld vegna gistingar sem þau geta ekki notað eftir að Wow hætti flugi til Edinborgar. Flugfélagið endurgreiðir aðeins flugfarið en ekki hótelgistingu sem pöntuð var á vef félagsins.

Ákvörðun úrskurðarnefndar umhverfis- og auðlindamála um að ógilda leyfi tveggja fyrirtækja fyrir mörgþúsund tonna laxeldi í Patreksfirði og Tálknafirði kann að vera fordæmisgefandi. Þetta segir umhverfisráðherra. Hann telur þörf á að ráðast í aðgerðir, bæði til skemmri og lengri tíma, vegna málsins.

Konan sem sakar fótboltakappann Cristiano Ronaldo um nauðgun vonast til að málið verði til þess að fleiri þolendur stigi fram, óháð því hversu frægur, ríkur eða valdamikill gerandinn kunni að vera.

Þó að þorri jarðarbúa telji sig líklega hafa nægjanlegar sannanir þess að jörðin sé hnöttótt álíta þónokkrir að jörðin sé flöt. Bandaríski körfuboltamaðurinn Kyrie Irving baðst fyrr í vikunni afsökunar á því að hafa haldið því fram opinberlega að jörðin sé flöt.

Eldur kviknaði í vélarrúmi togskipsins Frosta í dag. Þyrlur Landhelgisgæslunnar og varðskip voru send á vettvang. Einn skipverja mun hafa fengið reykeitrun.

Dæmi eru um að fyrirtæki í samkeppnisrekstri séu rekin í fjölda ára án launaðra starfsmanna og treysti þess í stað á vinnu sjálfboðaliða.

Glös skullu saman á Hofi í Öræfum í gærkvöld þegar skjálfti stærri en þrír varð í Öræfajökli. Ábúandi segir ekki gaman að búa við skjálftana. Sex skjálftar stærri en þrír hafa orðið frá aldamótum í jöklinum, þar af fjórir frá áramótum.

Bundinn hefur verið endi á stjórnarkreppuna á Grænlandi. Minnihlutastjórn var mynduð þar í dag.

Formaður VR segir að áherslur Samtaka atvinnulífsins í komandi kjaraviðræðum bendi ekki til þess að mikill hugur sé til samninga af hálfu samtakanna. Hann hafnar því að ekkert eða lítið svigrúm sé til launahækkana. Arnar Páll Hauksson ræðir við Ragnar Þór Ingólfsson.

Vantraust á yfirvöldum hefur víða aukist eftir fjármálarhremmingarnar 2008. Erlendis er vantraustið meðal annars rakið til hægfara hagvaxtar en einnig þess að stjórnmálamenn og yfirvöld hafi ekki beitt sér fyrir rannsóknum á starfsemi banka. Á Íslandi er þessu þveröfugt farið: hagvöxtur var nokkuð fljótur að taka við sér og hrunmál voru rannsökuð en samt er skortur á trausti. Kannski af því gagnsæi er enn hörgulvara samkvæmt nýrri skýrslu um traust. Sigrún Davíðsdóttir tók saman. Þá ræðir Ragnhildur Thorlacius við Sjöfn Vilhelmsdóttur, forstöðumann Stofnunar stjórnsýslu og stjórnmála við Háksóla Íslands um þá áhrifaþætti sem ráða því hvort almenningur beri traust til stjórnmála. Hún er um þessar mundir á kafi í doktorsrannsókn á pólitísku trausti.

Umsjón: Arnhildur Hálfdánardóttir

Flugfélagið Primera Air hættir starfsemi á morgun og hefur farið fram á greiðslustöðvun.

Hlaupakonan Elísabet Margeirsdóttir er komin í mark í 400 kílómetra hlaupinu í Góbí-eyðimörkinni í Kína. Hún var fyrst kvenna í mark.

Landhelgisgæslan telur að borgarísjaki í mynni Eyjafjarðar geti verið hættulegur skipum og bátum. Hann er ekki lengur landfastur og hefur brotnað í sex hluta.

Ferðamaður sem silaðist á 20 kílómeta hraða í hríðarbyl og hálku yfir Möðrudalsöræfi milli Egilsstaða og Mývatns í dag gagnrýnir bílaleiguna fyrir að vera ekki með bíla á nagladekkjum. Hann segist hafa ekið fram hjá sex bílum sem voru utan vegar.

Wow air hefur aflýst flugi til Stokkhólms, Edinborgar og San Francisco í vetur.

Það skýrist í lok þessarar viku hvort Starfsgreinasambandið leggur fram sameiginlega kröfugerð allra félaga innan sambandsins. Viðræður standa yfir við VR um samflot í komandi kjarasamningum.

Það rigningar- og súldarsumar sem nú er liðið, hafa eflaust einhverjir Íslendingar rennt hýrum augum til Skandinavíu, enda sjaldan verið jafn hlýtt, þurrt og sólríkt víða í Danmörku, Noregi og Svíþjóð. Hitinn og þurrkarnir eru þó ekki sælan ein, að minnsta kosti ekki fyrir elgi.

Það hefur orðið sprenging í útvistun á tölvukerfum undanfarin tvö ár. Þetta segir Sigurður Sæberg Þorsteinsson, framkvæmdastjóri rekstrarlausnasviðs Advania. Þessi þróun hafi í för með sér breytingar á rekstri fyrirtækja. Arnhildur Hálfdánardóttir ræddi við Sigurð í tengslum við haustráðstefnu fyrirtækisins á dögunum.

Fréttir:

Sjálandi var lokað í dag í einhverjum umfangsmestu aðgerðum lögreglunnar í Danmörku. Öll umferð var stöðvuð og almenningssamgöngur felldar niður. Lögreglan lætur ekkert uppi annað en að málið snúist um þrjá menn á svörtum Volvo sem grunaðir séu um alvarlegan glæp.

Forsætisráðherra bað í dag fyrrverandi sakborninga í Guðmundar- og Geirfinnsmálinu, aðstandendur þeirra og aðra sem átt hafa um sárt að binda vegna málsins, afsökunar fyrir hönd ríkisstjórnarinnar.

Formaður Samtaka fyrirtækja í sjávarútvegi segir það mikið högg ef makrílveiðar dragist jafn mikið saman og Alþjóðahafrannsóknaráðið leggur til.

Lengri umfjallanir:

Stjórnarherinn í Mjanmar hefur verið sakaður um þjóðarmorð á Róhingjum, tugþúsundir hafa verið myrtar og meira en 700.000 Róhingjar hafa verið hraktir á flótta yfir til nágrannaríkisins Bangladess. Facebook sætir nú ásökunum um að hafa verið notað til þess að kynda undir hatri á þessum minnihlutahópi og að eiga ákveðna sök á morðum og misþyrmingum á þessu fólki. Jóhann Hlíðar Harðarson tók saman.

Guðmundar- og Geirfinnsmálið er ekki bara sakamál. Það hefur verið pólitískt umfjöllunar- og deiluefni áratugum saman og Katrín Jakobsdóttir forsætisráðherra, sem í dag bað málsaðila afsökunar, er síður en svo fyrsti ráðherrann til að láta til sín taka í málinu með einum eða öðrum hætti. Stígur Helgason kynnti sér pólitíkina í Guðmundar- og Geirfinnsmálinu.

Það er hálfleikur í flokksþingunum, flokksþing Verkamannaflokksins afstaðið, flokksþing Íhaldsflokksins hefst um helgina. Flokkurinn getur vel við unað en það er þó innri spenna í flokknum, bæði vegna stefnu í þjóðmálum og Brexit-málum. Sigrún Davíðsdóttir.

Umsjón: Arnhildur Hálfdánardóttir

Tæknimaður: Mark Eldred

Hæstiréttur sýknaði í dag fimm sakborninga af öllum ákæruliðum í Guðmundar- og Geirfinnsmálinu.

Ragnar Aðalsteinsson lögmaður segir að niðurstaða Hæstaréttar sé auðvitað ánægjuleg en hann hefði viljað að rétturinn viðurkenndi 40 ára gömul mistök.

Klara Bragadóttir, kona Guðjóns Skarphéðinssonar, segir þetta gleðidag, en tilfinningarnar séu blendnar. Hún hefði viljað að Hæstiréttur lýsti Guðjón saklausan.

Sá hluti málsins var ekki endurupptekinn, sem snéri að Erlu Bolladóttur, Kristjáni Viðari og Sævari fyrir að hafa borið rangar sakir á menn, að þeir hefðu átt hlut að dauða Geirfinns Einarssonar og smyglbrotum. Erla ætlar að kæra þá niðurstöðu endurupptökunefndar til héraðsdóms.

Kristín Anna, dóttir Tryggva Rúnars Leifssonar, vill að málið og vinnubrögð þeirra sem komu að því á sínum tíma verði skoðuð nánar. Sonur hennar, nafni Tryggva, segist aldrei hafa tengt jafn sterkt við sársauka nokkurrar manneskju og afa síns. Hann skrifaði meistararitgerð, þar sem fjallað er um þá ímynd sem dregin var upp af afa hans, bæði í dómnum á sínum tíma og í meðförum endurupptökunefndar.

Júlía Marínósdóttir, dóttir Sævars Marínós Cisielski og Erlu Bolladóttur er fædd árið 1975. Málið hefur markað hana alla tíð, frá því hún var kornabarn og foreldrar hennar voru hnepptir í varðhald. Hún fagnar niðurstöðu dagsins.

Spegillinn var helgaður dómi Hæstaréttar í Guðmundar- og Geirfinnsmálinu.

Umsjónarmenn Spegilsins voru Ragnhildur Thorlacius og Arnhildur Hálfdánardóttir.

Tæknimaður var Jón Þór Helgason.

Fréttir:

Fjármálaráðherra segir að salan á Arion banka hlutnum í Bakkavör hafi spilað inn í ákvörðun ríkisins um að selja sinn hlut í bankanum. Bankasýslan telur að ríkið gæti hafa orðið af 2,6 milljörðum króna við sölu Arion á Bakkavör.

Formaður Landssambands smábátaeigenda gagnrýnir að með nýju frumvarpi um veiðigjöld sé horfið frá fyrri áformum um að endurgreiða þeim ofgreidd veiðigjöld.

Ekkert verður af siglingum nýrrar Vestmannaeyjaferju með farþega milli lands og Vestmannaeyja fyrr en í vor. Siglingarnar áttu að hefjast í sumar.

Fjármálaráðherra segir að ný skýrsla um erlenda áhrifaþætti bankahrunsins, sé mjög mikilvæg til að halda á lofti málstað Íslendinga gagnvart erlendum stjórnvöldum um hrunið. Þingmaður Samfylkingar segir skýrsluna ganga út á að kenna öðrum en Sjálfstæðismönnum um hrunið.

Palestínumenn hafa enga trú á að Donald Trump Bandaríkjaforseti eigi eftir að finna lausn á áratuga löngum deilum þeirra við Ísraelsmenn. Trump greindi frá því í dag að hann ætli að leggja fram tillögur til lausnar deilunum að nokkrum mánuðum liðnum.

Borgarísjakinn við Hrísey í Eyjafirði er á fjölfarinni siglingaleið. Varasamt getur verið að fara þar um, því smærri jakar hafa brotnað úr þeim stóra.

Lengri umfjallanir:

Þetta voru tæknifyrirtæki, sérhæfð í stafrænum lausnum, stofnuð af fólki sem kunni að reikna og hafði verið að vinna í bönkunum. Svona lýsa viðmælendur Spegilsins í nýsköpunargeiranum hinum dæmigerðu eftirhrunssprotum, sem stungu sér upp úr sviðnum jarðvegi kreppunnar en nýsköpunarflóran eftir hrun var fjölbreyttari. Arnhildur Hálfdánardóttir ræddi við stofnendur tveggja fyrirtækja sem segja má að hafi verið afsprengi hrunsins og stofnanda eins sem óx úr grasi í efnahagsumhverfi eftirhrunsáranna.

Rússar ætla innan hálfs mánaðar að senda tvo til fjóra S-300 flugskeytaskotpalla til Sýrlands til að efla lofvarnir landsins. Þetta sagði í rússneska blaðinu Kommersant. Sýrlenski stjórnarherinn kynni að fá fleiri slíka skotpalla síðar eða allt að átta. Stjórnvöld í Damaskus myndu nota loftvarnarkerfið til að verja landamæri sín. Þannig takmörkuðust möguleikar Ísraela til árása í Sýrlandi. Allt væri þetta vegna þess að rússnesk herflugvél var skotin niður yfir Sýrlandi í síðustu viku, en Rússar skella skuldinni á Ísrael. Kristján Róbert Kristjánsson fjallaði um málið.

Umsjónarmaður Spegilsins var Ragnhildur Thorlacius

Tæknimaður Jón Þór Helgason.