Samtökin GRECO vilja að settar verði reglur um samskipti ráðherra og hagsmunaaðila, og að vitund ráðherra um opinber heilindi verði efld.

Upptök eldsvoðans í Miðhrauni í Garðabæ í síðustu viku voru við eldvegg í miðrými hússins, þar sem lager Icewear er til húsa. Þetta er niðurstaða vettvangsvinnu lögreglunnar á höfuðborgarsvæðinu, sem lauk í dag.

Þingmaður Vinstri grænna skorar á fjármálaráðherra og heilbrigðisráðherra að beita sér fyrir lausn á kjaradeilu ljósmæðra við ríkið.

Forstjóri Persónuverndar segir að með nýjum persónuverndarlögum geti fólk fengið að vita hverjir vinna persónuupplýsingar um það og í hvaða tilgangi.

Óvinnufærir einhleypir karlar eru meirihluti þeirra sem fá fjárhagsaðstoð hjá Reykjavíkurborg til að framfleyta sér. Þetta kemur fram í lykiltölum velferðarsviðs Reykjavíkurborgar, sem birtar verða á næstunni.

Árið 2019 er stefnt að því að Ísland geti gert Sameinuðu þjóðunum grein fyrir því hvernig gengur að framfylgja fjórtánda heimsmarkmiðinu um sjálfbæra þróun. Ísland er eina Norðurlandaþjóðin sem ekki hefur skilað slíkri greinargerð.

Hrein peninga- og skuldabréfaeign heimilanna hefur ekki verið meiri frá því árið 2003, þegar Hagstofan hóf að taka tölurnar saman. Eignirnar námu tæpum 3.736 milljörðum króna og hækkuðu um rúman 421 milljarð frá árinu áður.

Hópur fólks mótmælti með þögninni að hætta eigi fjárframlögum til Hugarafls í dag , utan við velferðarráðuneytið. Samtökin hafa unnið með teyminu Geðheilsu-eftirfylgd. Formaður Hugarafls segir að með þessu sé verið að skerða þjónstu við notendur.

Togararnir Breki og Páll Pálsson eru nú á heimleið frá Kína þar sem þeir voru smíðaðir. Eftir um það bil tvo sólarhringa fara þeir um þekkt sjóræningjasvæði. Þrír þungvopnaðir hermenn eru því um borð og munu þeir fylgja áhöfninni til Rauðahafsins.

Ísland vann Færeyjar 5-0 í undankepppmn HM kvenna í Þórshöfn í dag.

Svifryk frá flugeldum um áramótin verður að teljast afar varasamt. Það mælist afar hátt, stór hluti þess virðist mjög fínn, það er málmríkt, kolefnisríkt, brennisteinsríkt og klórríkt. Þetta er niðurstaða mælinga sem Umhverfisstofnun í samstarfi við Nýsköpunarmiðstöð, Heilbrigðiseftirlit Reykjavíkur og Heilbrigðiseftirlit Hafnarfjarðar- og Kópavogssvæðis, gerði um áramótin. Mengunin um miðnætti er sú mesta sem mælst hefur á höfuðborgarsvæðinu og jafnast á við menguðustu borgir Kína. Kristján Sigurjónsson talar við Þorstein Jóhannsson sérfræðing í loftgæðamálum hjá Umhverfisstofnun.

Katrín Jakobsdóttir forsætisráðherra er hlynnt því að draga línur milli viðskiptabanka og f

Theresa May forsætisráðherra Bretlands segir að draga verði Bashar al-Assad Sýrlandsforseta og þá sem styðja hann til ábyrgðar, reynist rétt að árás með eiturgasi hafi verið gerð á íbúa bæjarins Douma.

Velferðarráðherra segir að úrræði fyrir ungmenni sem glíma við fíkn verði komið í gang innan tveggja vikna. Foreldrar 17 ára barns sendu neyðarkall á alla þingmenn í morgun. Þar gagnrýndu þau harðlega úrræðaleysi fyrir börn með fíknivanda.

Formaður Landssambands kúabænda segir samþykkt kúabænda á aðalfundi um áframhaldandi framleiðslustýringu í mjólkurframleiðslu vera afgerandi skilaboð til stjórnvalda við endurskoðun búvörusamninga.

Og við heyrum í besta söngvara hafdjúpanna í Speglinum.

Aldrei fyrr hafa jafnmargir flokkar eða framboð lýst yfir framboði í borgarstjórnarkosningunum í Reykjavík og þann 26. maí í vor. Eins og staðan er nú er útlit fyrir að 14 listar verði í kjöri. Kristján Sigurjónsson talar við Evu H. Önnudóttur dósent í stjórnmálafræði við HÍ.

Hæstaréttarlögmaður telur að miðað við ákvæði laga um þjónustukaup gæti bótaskylda hvílt á leigusala vegna tjóns á búslóðum í geymslunum sem eyðilögðust í eldi í Garðabæ fyrir helgi. Glæður í rústunum og hætta á hruni hafa tafið lögreglurannsókn í dag. Arnar Páll Hauksson talaði við Guðna Haraldsson hæstaréttarlögmann.

Í dag eru liðin eitt hundrað ár frá fæðingu danska arkitektsins Jørn Utzon, mannsins sem teiknaði eina þekktustu byggingu sem reist var á síðustu öld, Óperuhúsið í Sydney. Borgþór Arngrímsson segir frá.

Hætta á hruni veldur því að rannsókn lögreglu á eldsupptökum í iðnaðarhúsnæði í Garðabæ í gær er skammt á veg komin.

Þrítug kona og þrjár dætur hennar standa uppi slyppar og snauðar eftir brunann í í gær. Þar var það sem eftir var af búslóð þeirra. Þær þurftu að henda hinum hlutanum þegar þær fluttu út úr leiguíbúð fyrir tveimur vikum vegna myglu.

Félagsmálaráðherra ætlar að kynna innan tveggja vikna bráðaaðgerðir til að bregðast við vanda ungra fíkla.

Fimmtán þingmenn vilja að Alþingi lýsi því yfir að það hafi verið rangt að leggja til málshöfðun gegn fjórum fyrrverandi ráðherrum 2010 og að þeir verði beðnir afsökunar.

Samkvæmt fjármálaáætlun ríkisstjórnarinnar er stefnt að því að innheimta komugjalda hefjist 2020 og að þau skili 2,5 milljörðum í ríkissjóð.

Móðir sem missti dóttur sína af slysförum, segir að fólk, sem missir nákominn skyndilega, oft gleymast. Viktoría Hermannsdóttir talaði við Hrönn Ásgeirsdóttur

Einræði í Ungverjalandi. Pálmi Jónasson fjallar um ástandið í Ungverjalandi og þingkosningar sem verða þar um helgina.

Vilja ekki komugjöld yfir vetrartímann. Arnar Páll Hauksson segir frá og talar við Helgu Árnadóttur, framkvæmdastjóra Samtaka ferðaþjónustunnar.

Húsið að Miðhrauni 4 í Garðabæ, þar sem eldur kviknaði í morgun, er gjörónýtt. Slökkvilið höfuðborgarsvæðisins hefur síðdegis notað vinnuvélar til að rjúfa þak og veggi hússins til þess að komast betur að eldinum og slökkva í öllum glóðum. Talið er að allt sem var í húsinu sé ónýtt. Lager fatafyrirtækisin Icewear brann og eignir í 200 geymslum skemmdust eða eyðilögðust. Framkvæmdastjóri Geymslna segir hræðilegt að koma að brunanum og eyðileggingunni.

Óvíst er að þeir sem áttu muni eða búslóðir í geymslunum í Miðhrauni í Garðabæ fái tjón sitt bætt. Það gæti verið háð því að tilkynnt hafi verið sérstklega um þessar eignir til tryggingafélags. Þetta segir tryggingasérfræðingur.

Þýskur dómstóll úrskurðaði í dag að Carles Pudgimont, fyrrverandi forseti landsstjórnarinnar í Katalóníu verði ekki framseldur til Spánar.

Rektor Háskóla íslands segir að vinnubrögð Tómasar Guðbjartssonar, læknis og prófessors við Háskóla Íslands, í plastbarkamálinu svokallaða hafi verið aðfinnsluverð.

Breskir sérfræðingar í eiturefnarannsóknum telja sig vita í hvaða verksmiðju í Rússlandi taugaeitrið Novichok var framleitt, sem notað var til að eitra fyrir Sergei Skripal og dóttur hans í Salisbury á Englandi fyrir rúmum mánuði.

Birgitta Jónsdóttir, fyrrverandi þingmaður og einn af stofnefndum Pírata, er hætt í flokknum.

Arnar Páll Hauksson talaði við Þorstein Þorsteinsson sérfræðing hjá VÍS um hvernig tryggingamálum þeirra sem leigja geymslur sér háttað.

Arnhildur Hálfdánardóttir talaði við Björn Hjálmarson lækni á Barna- og unglingageðdeild Landspítalans um óhóflega notkun snjalltækja

Ríkissjóður stendur mjög vel og hefur svigrúm til uppbyggingar innviða, sögðu forsætis- og fjármálaráðherra þegar fjármálaáætlun til 2023 var kynnt. Skuldir ríkissjóðs hafa lækkað um 600 milljarða undanfarin ár. Verja á 124 milljörðum í samgöngur og fjarskiptamál, fé sem meðal annars fæst með arði af fjármálafyrirtækjum í eigu ríkisins.

Yfir 100% munur getur verið á heildarkostnaði lánveitenda á skammtímalánum.

Forsætisráðuneytið taldi 2014 það ekki samræmast siðareglum ráðherra að þáverandi iðnaðar- og viðskiptaráðherra fengi lánaða skartgripi hjá gullsmiði til að bera opinberlega.

Forsætisráðherra hefur skipað nefnd um endurbætur á lögum á sviði tjáningar-, fjölmiðla- og upplýsingafrelsins. Nefndin á að skila fyrstu tillögum í haust.

Þingmaður VG óttast að þátttaka í samevrópska orkumálakerfinu geti torveldað aðgerðir til að gera Ísland kolefnishlutlaust.

Alvarlega rætt um að leggja brú yfir Kattegat milli Sjálands og Jótlands í Danmörku. Borgþór Arngrímsson í Kaupmannahöfn segir frá.

Nýr dómsmálaráðherra tekur við í Noregi. Gísli Kristjánsson í Osló.

Pattstaða í deilu ljósmæðra og ríkisins, Bergljót Baldursdóttir ræðir við Áslaugu Valsdóttur formann Ljósmæðrafélagsins.

Bilun í flugumsjónarkerfi. Ásrún Brynja Ingvarsdóttir sagði frá.

Grunur um manndráp á Gýgjarhóli II

Hundar sem bíta eru í aðstæðum sem þeir ráða ekki við og það er eigendum að kenna segir Björn Ólafsson, hundaatferlisfræðingur. Hólmfríður Dagný Friðjónsdóttir tók saman úr Síðdegisútvarpinu á rás 2.

Umskurðarfrumvarp er mörgum áhyggjuefni að því fram kemur í umsögn utanríkisráðuneytisins.

40 ár síðan fyrsti Dallas-þátturinn var sýndur.Birta Björnsdóttir segir frá og talar við Hinrik Bjarnason, fyrrverandi dagskrárstjóra.

-Skólaforðun er nýtt hugtak yfir gamalt vandamál. Una Björg Bjarnadóttir og Hulda Björk Finnsdóttir, félagsráðgjafar hjá Reykjavíkurborg, segja hegðunina algengari en flestir geri sér grein fyrir og að svo virðist sem þröskuldurinn hér á landi sé of hár þegar kemur að fjarveru barna frá skóla. Þær sitja í starfshópi velferðarsviðs um vandann sem fagfólki í borginni finnst vera að aukast. Arnhildur Hálfdánardóttir ræðir við þær.

-Tilvist helvítis er umdeild en það er til segir Davíð Þór Jónsson, sóknarprestur í Laugarneskirkju þó að það sé ekki ákveðinn staður. Í Biblíunni sjálfri fer lítið fyrir sögum af helvíti sem bústað andskotans. Anna Kristín Jónsdóttir ræðir við Davíð Þór.

Spegillinn 3. apríl 2018

Umsjón: Anna Kristín Jónsdóttir

Formaður lögreglufélags Reykjavíkur segir mun yngri börn neyta harðari fíkniefna en áður. Þróunin sé skelfileg.

Um hundrað og fimmtíu manns sem eiga far með með ferjunni Norrænu til Færeyja og Danmerkur í kvöld hafa ekki komist yfir Fjarðarheiði vegna vonskuveðurs.

Írar hafa ákveðið að efna til þjóðaratkvæðagreiðslu um hvort leyfa eigi fóstureyðingar.

Fylgi Vinstri grænna minnkar og fylgi Viðreisnar eykst samkvæmt þjóðarpúlsi Gallups. Stuðningur við ríkisstjórnina minnkar um fjögur prósentustig.

Viagra er tuttugu ára. Pálmi Jónasson segir frá.

Utankjörfundaratkvæðagreiðsla vegna sveitarstjórnarkosninganna í lok maí hefst á laugardaginn hjá sýslumanninum á höfuðborgarsvæðinu. Tveir mánuðir eru í kosningar. Arnar Páll Hauksson segir frá.

Síðastliðin þrjú ár hafa fjórir eða fimm dagforeldrar verið sviptir leyfi tímabundið í Reykjavík. Borgin vill að gerð verði sú krafa að dagforeldrar starfi saman, tveir eða fleiri. Formaður félags dagforeldra segir að líklega myndu margir hætta yrði ráðist í slíkar breytingar. Arnhildur Hálfdánardóttir segir frá og talar við Kristínu Ólafsdóttur og Skúla Helgason.

Spegillinn 27.03.2018

Talið er að níu manns hafi látist hérlendis vegna ofneyslu á lyfseðilsskyldum lyfjum eða fíkniefnum það sem af er þessu ári.

Utanríkisráðherra Rússlands, segir að þau lönd sem ráku rússneska erindreka úr landi í gær hafi verið undir þrýstingi frá ráðamönnum í Washington.

Tilskipun Evrópusambandsins í orkumálum sem norska þingið samþykkti síðustu viku, mun ekki taka gildi þar ef Alþingi hafnar henni. Útlit er fyrir að meirihluti Alþingis sé á móti henni.

Fimm lífeyrissjóðir hafa kært Magnús Ólaf Garðarsson, fyrrverandi framkvæmdastjóra og stjórnarmann United Silicon, til embættis héraðssaksóknara.

Náttúruverndarsamtök Suðurlands og Landvernd hafa kært nýtt framkvæmdaleyfi vegna Brúarvirkjunar, í efri hluta Tungufljóts í Biskupstungum.

Ef Alþingi samþykkir ekki þriðju tilskipunina í orkumálum mun hún ekki taka gildi í Noregi. Norska þingið samþykkti hana í síðustu viku. Til að hún öðlist gildi þurfa öll EFTA löndin þrjú að samþykkja. Utanríkisráðuneytið telur óljóst hver lagaleg og pólitísk áhrif yrðu ef Ísland samþykkir ekki. Það telur þó ekki ólíklegt að áhrif slíkrar ákvörðunar á EES- samstarfið yrðu meiri en aðeins þau að gildistöku yrði frestað til bráðabirgða. Arnar Páll Hauksson segir frá.

Justin Trudeau, forsætisráðherra Kanada, hefur veitt sex höfðingjum frumbyggja, sem voru líflátnir fyrir 150 árum, sakaruppgjöf og hreinsað mannorð þeirra. Trudeau baðst formlega afsökunar á ódæðinu í kanadíska þinginu. Pálmi Jónasson tók saman.

Margir þeirra sem berjast gegn spillingu í heiminum telja London eina allsherjar þvottastöð fyrir illa fengið fé. Sigrún Davíðsdóttir fór í ferð um borgina með samtökum sem berjast gegn þjófræði og peningaþvætti í breskum eignum. Erindið var að sjá húseignir í eigu Rússa í innsta hring Vladimir Pútíns Rússlandsforseta sem sumir telja auðugasta mann í heimi. Tilgangurinn var að minna á þessi tengsl eftir tilræðið við gagnnjósnarann Sergei Skripal og dóttur hans. Sigrún Davíðsdóttir sagði frá.

Spegillinn 26.03.2018

Ísland ætlar ekki að senda rússneska sendiráðsmenn úr landi eins og fjölmörg ríki hafa ákveðið í dag.

Stjórnvöld í yfir tuttugu ríkjum austan hafs og vestan ætla að reka rúmlega eitt hundrað rússneska sendiráðsstarfsmenn úr landi vegna taugaeitursárásar í Bretlandi fyrr í þessum mánuði. Rússar ítreka að hafa engan hlut átt að máli. Ekki er vitað hvort eða hvernig aðgerðunum í dag verður svarað.

Sendiherra Rússlands á Íslandi, Anton Vasiliev, mætti á sjötta tímanum til fundar við Guðlaug Þór Þórðarson, utanríkisráðherra, í utanríkisráðuneytinu við Rauðarárstíg.

Oddviti Pírata í Reykjavík segir að lögð verði áhersla á aukið gagnsæi í borgarstjórn, komist Píratar til valda í sveitarstjórnarkosningunum í maí.

Klámmyndastjarnan Stormy Daniels fullyrti í fréttaþættinum 60 mínútum í nótt að henni hefði verið hótað líkamsmeiðingum ef hún greindi frá kynferðislegu sambandi hennar við Donald Trump árið 2006. Hún segir að Trump hafi verið óaðlaðandi en fór engu að síður með honum í rúmið. Hún var 27 ára en hann sextugur. Pálmi Jónasson fjallar um málið.

Þingmaður Sjálfstæðisflokksins vill að Alþingi ræði það hvort hagsmunum Íslands sé betur borgið innan eða utan hins sameininglega orkumarkaðar Evrópusambandsins. Hann segist hallast að því að Ísland eigi að vera utan markaðarins og halda fullum yfirráðum yfir raforkunni. Eftir páska mun Alþingi taka afstöðu til þriðju tilskipunar ESB í orkumálum. Arnar Páll Hauksson segir frá.

Uppljóstrari sem 2016 vann á vegum samtaka sem börðust fyrir úrgöngu Breta úr Evrópusambandinu hefur nú aukið í söguna af aðkomu Cambridge Analytica í baráttunni. Samkvæmt Shahmir Sanni voru lög um kosningafjármögnun brotin. Málið beinir athyglinni að lykilráðherrum Íhaldsflokksins, hvað þeir vissu og vissu ekki. Þeir neita öllu misjöfnu en málið er óþægilegt fyrir flokkinn og Theresu May forsætisráðherra. Frjálsir demókratar og fleiri krefjast nú rannsóknar. Sigrún Davíðsdóttir fjallar um málið

Enn liggur ekki fyrir hvenær og hvort atkvæði verða greidd um frumvarp um lækkun kosningaaldurs í 16 ár sem rætt hefur verið á Alþingi meira og minna í allan dag.

Forseti Frakklands lýsti því yfir í dag að ríki Evrópusambandsins myndu svara mögulegu viðskiptastríði við Bandaríkin kröftuglega.

Rúmlega þrítugur karlmaður var í dag dæmdur í fjögurra ára fangelsi fyrir að nauðga fjórtán ára stúlku. Í tölvu hans fannst skjal með ýmsum nöfnum og fæðingarárum.

Ljóst er að þrír féllu og 16 særðust, þar af tveir alvarlega, í árás byssumanns á þrjá staði í nágrenni borgarinnar Carcassonne í Suður-Frakklandi í morgun.

Formaður félags framhaldsskólakennara segir að staðan í kjaraviðræðum framhaldsskólakennara sé alvarleg. Hún vonar að ekki þurfi að koma til verkfalls.

Það hefur verið óvenju líflegt í íslenskri kvikmyndagerð undanfarna mánuði. Átta leiknar íslenskar kvikmyndir hafa verið frumsýndar frá því í september á síðasta ári, fyrir utan stuttmyndir og nokkrar heimildamyndir. Þau Gunnar Theodór Eggertsson og Nína Richter fylgjast vel með íslenskum og erlendum kvikmyndum. Kristján Sigurjónsson ræddi við þau.

Í gær kynnti meirihlutinn í borginni tillögur um að fjölga leikskólaplássum um 750 til 800 á næstu sex árum með það að markmiði að öll börn á aldrinum 12-18 mánaða komist inn í leikskóla. Haraldur F. Gíslason, formaður félags leikskólakennara hefur áhyggjur af því að erfitt verði að manna stöður leikskólakennara. Arnhildur Hálfdánardóttir ræddi við hann.

Norskir andstæðingar tilskipunar Evrópusambandsins í orkumálum sem gengur undir nafninu þriðji orkupakkinn horfa til afstöðu Íslands sem gæti ráðið miklu. Norska Stórþingið í Noregi samþykkti innleiðingu tilskipunarinnar í gær en mjög skiptar skoðanir eru um málið. Arnar Páll Hauksson.