Forsætisráðherra fundaði síðdegis með foystumönnum allra samtaka launafólks þar sem ákvörðun miðstjórnar um að taka ekki sæti í þjóðhagsráði var rædd.

Samþykkt var á Alþingi í dag eftir aðra umræðu að lækka kosningarétt til sveitarstjórnarkosninga í 16 ár. Atkvæði féllu þvert á flokka. Þriðja og síðasta umræða verður líklega á morgun.

Heilbrigðisstofnanir á landsbyggðinni hafa þurft að kljást um vektakalækna sem fara á milli heilsugæslustöðva og fá greitt upp í 220 þúsund krónur fyrir daginn.

Varið verður tveimur komma átta milljörðum króna til uppbyggingar innviða og annarra verkefna á fjölsóttum stöðum í náttúru Íslands og öðrum ferðamannastöðum.

Leikskólaplássum verður fjölgað um allt að átta hundruð á næstu árum, komi aðgerðir sem borgarstjórn Reykjavíkur kynnti í dag, til framkvæmda.

Ákvörðun ASÍ kemur forsætisráðherra á óvart. Arnar Páll Hauksson talar við Katrínu Jakobsdóttur og Þórunni Sveinbjarnardóttur formann BHM.

Staðan í Víðinesi eftir þrjá mánuði. Arnhildur Hálfdánardóttir talar við Jónu Guðnýju Eyjólfsdóttur.

Miðstjórn Alþýðusambandsins ákvað í dag að taka ekki sæti í þjóðhagsráði.

Kjarasamningur grunnskólakennara var felldur í atkvæðagreiðslu sem lauk í dag. 68 prósent höfnuðu samningnum. Vonbrigði, segir formaður Félags grunnskólakennara.

Héraðssaksóknari fer fram á minnst sextán ára fangelsi yfir Khaled Cairo fyrir að verða Sanitu Brauna að bana í september í fyrra.

Bæjarstjóri Mosfellsbæjar segist fullviss um að bæjaryfirvöld hafi gert allt rétt í máli dagmóður, sem dæmd var fyrir hættulega árás gegn barni, á meðan málið var til rannsóknar.

Yfirmaður mannúðarmála hjá Sameinuðu þjóðunum fordæmir aðstæður sem flóttafólk frá Austur-Ghouta í Sýrlandi býr við.

Faðir minn hótaði að drepa mig. Arnhildur Hálfdánardóttir talar við Keneth flóttamann frá Úganda og Daníel E. Arnarsson, framkvæmdastjóri samtakanna 78.

ASÍ ekki í Þjóðhagsráði. Haukur Holm ræðir við Gylfa Arnbjörnsson forseta ASÍ.

Samband stjórnendafélaga ekki gult stéttarfélag. Arnar Páll Hauksson talar við Skúla Sigurðsson, forseta Sambands stjórnendafélaga.

Héraðsdómur Reykjavíkur dæmdi í dag dagmóður í níu mánaða fangelsi fyrir sérstaklega hættulega líkamsárás, og barnaverndarlagabrot, gegn tæplega tveggja ára stúlkubarni.

Forstig mergæxlis í rannsókninni 'Blóðskimun til bjargar' hafa verið greind hjá 1500 manns. 1000 af þessum 1500 höfðu ekki hugmynd um að þau væru með forstig.

Meirihluti fjárlaganefndar leggur til að fjármálastefna ríkisstjórnarinnar fyrir árin 2018 til 2022 verði samþykkt óbreytt. Minnihlutinn segir að fjármaálstefnan sé meingölluð, fái falleinkunn frá flestum hagsmunaaðilum og vill vísa henni frá.

Nicolas Sarkozy, fyrrverandi forseti Frakklands, er grunaður um að hafa þegið jafnvirði yfir 600 milljóna króna af Muammar Gaddafi, einvaldi í Líbíu sem runnu í kosningasjóð hans árin 2006 og 2007. Franska efnahagsbrotalögreglan hefur haft hann til yfirheyrslu í dag vegna málsins.

Bresk þingnefnd hefur boðað Mark Zuckerberg stofnanda og forstjóra Facebook til að sitja fyrir svörum vegna uppljóstrana um fyrirtækið Cambridge Analytica, en fyrirtækið nýtti sér persónuupplýsingar Facebook.

Hafsteinn Jakobsson, deildarstjóri Eyjafjarðardeildar Rauða krossins, hefur sagt upp störfum eftir 26 ár hjá félaginu. Ástæðan er vantraust sem hann segir hafa komið fram á störf sín. Fleiri hafa yfirgefið deildina vegna þessa. Stjórn og framkvæmdastjóri Rauða krossins gagnrýndu kaup Eyjafjarðardeildar á húsnæði á Akureyri, endurnýjun þess og innréttingu. Gunnar Frímannsson, formaður Eyjafjarðardeildar Rauða krossins segir stjórnina þar ekki gera athugasemdir við þessa gagnrýni. Hægt hefði verið að gera betur. En þar sé ekki við deildastjórann einan að sakast, fleiri hafi komið að málum.

Opinn félagsfundur Viðreisnar í Reykjavík samþykkti í dag tillögu uppstillingarnefndar að framboðslista flokksins fyrir komandi borgarstjórnarkosningar. Þrjú efstu sæti listans skipa Þórdís Lóa Þórhallsdóttir, rekstrarhagfræðingur, Pawel Bartoszek, stærðfræðingur og Diljá Ámundadóttir, almannatengill og varaborgarfulltrúi. Benedikt Jóhannesson fyrrverandi formaður Viðreisnar skipar heiðurssæti listans.

Ringo Starr trommuleikari The Beatles ber nú titilinn Sir Ringo Starr. Hann var aðlaður í Buckinghamhöll í dag.

Kristján Sigurjónsson talar við Salvör Nordal, umboðsmann barna, um viðbrögð hennar við UNICEF skýrslunni sem kynnt var í dag um málefni hælisleitendabarna. Þar kemur fram að Norðurlandaþjóðirnar standist ekki fyllilega alþjóðlegar og innlendar skuldbindingar um að tryggja réttindi barna í leit að vernd, þar á meðal Ísland. . Samkvæmt skýrslunni þá vantar upp á að þau

Varnarmálaráðherra Tyrklands, , staðfesti í dag við Guðlaug Þór Þórðarson, utanríkisráðherra, að Haukur Hilmarsson sé ekki í haldi tyrkneskra stjórnvalda

Samkomulag hefur náðst um mörg atriði milli breskra stjórnvalda og Evrópusambandsins um Brexit, - brotthvarf Bretlands úr sambandinu

Mikill áhugi Rússa á Íslandi í tengslum við þátttökuna í heimsmeistarsmótinu í knattspyrnu mun ekki duga til að koma íslenskum fiski aftur á markað í Rússlandi. Þar þarf pólitískar ákvarðanir segir formaður Samtaka fyrirtækja í sjávarútvegi.

Mun auðveldara gæti orðið að reka verslun í dreifbýli eða á sumum fámennari stöðum á landinu verði tillögur í drögum að nýrri stefnumótandi byggðaáætlun að veruleika. Þá yrði einnig opnað á þann möguleika að styrkja einstaklinga til að byggja íbúðarhús í byggðum sem standa höllum fæti.

Tíu flóttamenn frá Úganda komu til Mosfellsbæjar í dag

Kristján Sigurjónsson talaði við Halldór Björnsson um lofstlagsbreytingar og áhrifa þeirra hér á landi og á heimsvísu.

Arnar Páll Hauksson talaði við Guðmund Ragnarsson, formann Félags vélstjóra og málmtæknimanna, sem situr í stjórn Gildis lífeyrissjóðs, Hann lagði til að ofurlaunum forstjóra N1 verði mótmælt með því hreinlega að selja hlut sjóðsins í N1.

Sigrún Davíðsdóttir fjallaði um gagnafyrirtækið Cambridge Analytica sem vann fyrir samtök sem studdu úrgöngu Breta fyrir þjóðaratkvæðagreiðsluna 2016 og voru einnig ráðgjafi kosningaliðs Donald Trumps nú Bandaríkjaforseta.

Ljósmæður fá lægri laun eftir sex ára nám en þær fá sem hjúkrunarfræðingar eftir fjögurra ára nám. Einungis sex prósent ljósmæðra eru yngri en þrjátíu og fimm ára.

Bjarni Benediktsson, formaður Sjálfstæðisflokksins, segir Sjálfstæðisflokkinn hafna þeirri hugmynd að taka upp aðra mynt en krónuna, og hafna alfarið þeirri hugmynd að Ísland gangi í ESB. Landsfundur flokksins hófst í dag.

Héraðsdómur Reykjaness féllst í dag á áframhaldandi fjögurra vikna gæsluvarðhald yfir starfsmanni barnaverndar, sem grunaður er um kynferðisbrot gegn minnst átta börnum á tíu ára tímabili.

Breska lögregan hóf í dag rannsókn á dauða rússneska kaupsýslumannsins Nikolajs Glushkovs, sem bjó í Lundúnum. Krufning bendir til þess að hann hafi verið kyrktur.

Fulltrúar íbúa á Borgarfirði eystra afhentu í dag Sigurði Inga Jóhannssyni, samgöngu- og sveitarstjórnarráðherra, undirskriftarlista með á þriðja þúsund undirskriftum. Þar er skorað á ráðherrann að setja Borgarfjarðarveg á samgönguáætlun.

Forsetakosningar fara fram í Rússlandi á sunnudag. Jóhann Hlíðar Harðarson, fréttamaður, er í Sankti Pétursborg, fær þar stemmninguna beint í æð, er búinn að heimsækja kosningaskrifstofur og funda með stjórnmálaskýrendum og forsvarsmönnum sjálfstæðra fjölmiðla. Arnhildur Hálfdánardóttir ræðir við Jóhann.

Enn er óvissa um framtíð ríkisstjórnar Ernu Solberg í Noregi. Stjórnarandstæðingar hafa lagt fram vantraust á Sylvi Lysthaug dómsmálaráðherra vegna ógætilegrar færslu á Facebook. Afsökunarbeiðni ráðherra dugar stjórnarandstöðuþingmönnum ekki og óvissa er um stuðning allra sjónarliða. Niðurstaðan verður kunn á mánudag. Gísli Kristjánsson Í Osló rekur aðdraganda þessa máls.

Forseti Alþýðusambandsins líkir gulum stéttarfélögum við sníkjudýr. Þau nýti sér kjarasamninga annara stéttarfélaga og séu alls ekki stéttarfélög. Félag lykilmanna hér á landi sé í raun tryggingasali fyrir Sjóvá. Arnar Páll Hauksson ræðir við Gylfa Arnbjörnsson, forseta ASÍ.

Ekki var tekið á móti tilkynningu árið 2008 til Barnaverndar vegna meints kynferðisafbrotamanns í samræmi við verkferla. Velferðarsvið Reykjavíkurborgar hefur lagt fram áætlun til að auka öryggi barna og bæta ráðningarferli starfsmanna.

Skólastjóri Verslunarskólans segir að nemendur muni ekki gjalda þess að framkvæmd samræmdu prófanna misheppnaðist, þegar kemur að umsókn um skólavist.

Bandarísk stjórnvöld ætla að beita Rússa refsiaðgerðum, vegna tölvuárása sem ætlað var að hafa áhrif á niðurstöður forsetakosninganna í Bandaríkjunum 2016.

Dæmi eru um að börn með einhverfu, geðrænan vanda og aðrar raskanir, mæti ekki í grunnskóla svo mánuðum skiptir, án þess að skólayfirvöld tilkynni barnaverndaryfirvöldum um það eða bregðist við.

Börn sem fara ekki í skóla. Arnhildur Hálfdánardóttir ræðir við Sigurrós Á. Gunnarsdóttur framkvæmdastjóri Einhverfusamtakanna og Sigrúnu Birgisdóttur

framkvæmdastjóra Sjónarhóls.

Pútin fastur í sessi. Dangný Hulda Erlendsdóttir talar við Dmitry Dubrovsky mannréttindasérfræðing í Pétursborg.

Gul stéttarfélög. Arnar Páll Hauksson ræðir við Gunnar Pál Pálsson, formann Félags lykilmanna.

Nemendum í 9. bekk gefst kostur á að taka aftur samræmd próf í ensku og íslensku. Nemendur ráða því sjálfir hvort þeir taka þau, samkvæmt ákvörðun Lilju Alfreðsdóttur, mennta- og menningarmálaráðherra.

Skipulagsstofnun telur að áhrif Hvammsvirkjunar í Þjórsá á landslag verði verulega neikvæð. Þetta kemur fram í áliti stofnunarinnar á umhverfisáhrifum fyrirhugaðrar virkjunar.

Tuttugu og þremur rússneskum sendiráðsstarfsmönnum var í dag vísað frá Bretlandi. Bretar saka Rússa um að hafa staðið að taugaeitursárás á fyrrverandi gagnnjósnara og dóttur hans. Rússar vísa ásökununum á bug.

Dæmi eru um að aldraðir hér á landi lifi undir sultarmörkum. Þetta sýnir meistararannsókn í næringarfræði.

Einn frægasti og áhrifamesti vísindamaður samtímans er allur. Stephen Hawking varð táknmynd fyrir vald hugans og þúsundir vísindamanna glíma enn við kenningar hans og spurningar um svarthol. Anna Kristín Jónsdóttir tók saman og talaði við Gunnlaug Björnsson.

Þegar kom í ljós 2007 að tveir Rússar höfðu myrt njósnarann Alexander Litvinenkó árið áður var fjórum rússneskum sendiráðsmönnum vísað úr landi. Nú, tíu dögum eftir morðtilræði við Sergei Skripal og dóttur hans hyggst breska stjórnin vísa 23 rússneskum sendiráðsmönnum úr landi auk þess að beita öðrum aðgerðum og þvingunum. Sigrún Davíðsdóttir tók saman.

Bakgrunnur Sergeis Skripal. Anna Kristín Jónsdóttir.

Spegillinn 14. mars 2018

Umsjón: Arnhildur Hálfdánardóttir

Tæknimaður: Ragnar Gunnarsson

Fjölmörg ríki styðja forsætisráðherra Breta Theresu May sem hefur verið ómyrk í máli um hlutdeild Rússa í tilræði sem rússneskum feðgum var sýnt í Salisbury fyrir viku. May hefur gefið Rússum frest til kvöld til að svara fyrir en þeir hafa neitað.

Vændi er orðið miklu algengar í Reykjavík en það var fyrir nokkrum árum segir Snorri Birgisson, sem fer fyrir mansalsteymi lögreglunnar á höfuðborgarsvæðinu. Það er jafnauðvelt að panta vændiskonu og panta pizzu. Bergljót Baldursdóttir talaði við hann.

Rex Tillerson utanríkisráðherra var vikið úr embætti í dag, því fylgdi uppstokkun. Forstjóri CIA verður utanríkisráðherra og Gina Haspel tekur við því embætti. Jóhann Hlíðar Harðarson segir frá Haspel sem er sögð hafa stjórnað pyntingum í leynifangelsum Bandaríkjamanna.

Fjölskylda Hauks Hilmarssonar hitti utanríkisráðherra í dag og vonar að svör berist um afdirf Hauks frá tyrkneskum yfirvöldum.

Grunnskólakennarar hafa skrifað undir kjarasamning til eins árs og nú fer hann í atkvæðagreiðslu hjá félagsmönnum. Ásrún Brynja Ingvarsdóttir talar við Ólaf Loftsson, formann grunnskólakennara.

Ragnar Ingólfsson formaður VR segist sáttur við stjórnarkjör í félaginu, þó að einungis tveir af sjö sem kjörnir voru í dag séu yfirlýstir stuðningsmenn hans. Arnar Páll Hauksson talar við Ragnar.

Framtakssjóður hefur að mestu lokið störfum en verður ekki leystur upp fyrr en 2020, rætt við Þorkel Sigurlaugsson, stjórnarformann og Ásgeir Jónsson, hagfræðing sem hefur tekið út störf sjóðsins.

Bresk stjórnvöld er harðorð um þátt Rússa í tilræði gegn rússneskum feðginum í Salisbury nýlega en hafa verið sökuð um linkind gagnvart rússneskum oligörkum í Lundúnum. Sigrún Davíðsdóttir segir frá, heyrist í Theresu May, Donald Trump og Jeremy Corbyn.

Ásmundur Daði Einarsson, félagsmálaráðherra boðar endurreisn fæðingarorlofskerfisins svo auðveldara verði að brúa bil milli þess og dagvistunar. Arnhildur Hálfdánardóttir skoðar afstöðu aðila vinnumarkaðarins og ræðir við Ásmund, Halldór Benjamín Þorbergsson framkvæmdastjóra Samtaka atvinnulífsins og Sonju Ýr Þorbergsdóttur, lögfræðing BSRB.

Umsjón: Anna Kristín Jónsdóttir

Tæknimaður: Magnús Þorsteinn Magnússon

Forsætisráðherra Bretlands segir að tilræði sem sýnt var rússneskum feðginum í Salisbury fyrir rúmri viku sé óbilgjörn árás á breskt samfélag og miklar líkur á því að rússnesk stjónvöld beri ábyrgð á tilræðinu. Því neita Rússar. Björn Malmquist segir frá.

Stjórnvöld ætla að birta meiri upplýsingar að eigin frumkvæði segir Katrín Jakobsdóttir, forsætisráðherra og tekur undir það með Umboðsmanni Alþingis að stjórnvöld hafi verið of treg við upplýsingagjöf. Jóhann Bjarni Kolbeinsson talaði við hana.

Íslensk ungmenni sem tóku PISA-próf fyrir nokkrum árum tóku þau ekki alvarlega og efast um að rétt sé að íslenskir strákar geti ekki lesið sér til gagns. Bergljót Baldursdóttir talar við Evu Maríu Jónsdóttur, Fanneyju Aðalheiði Bjarkadóttur, Styrmi Steini Sverrisson og Gísla Gauta Gunnarsson.

Taprekstur er á almenningssamgöngum milli byggðakjarna úti á landi.

Gylfi Magnússon er meiddur, hversu illa kemur ljós í kvöld.

Knattspyrnusamband Íslands hefur óskað eftir skýringum frá Alþjóðaknattspyrnusambandinu á því að engir miðar verði til sölu á leik Íslands og Argentínu, þegar miðasöluglugginn á Heimsmeistaramótið í knattspyrnu verður opnaður á morgun. Freyr Gígja Gunnarsson segir frá.

Vaxandi harka í norskum stjórnmálum og ríkisstjórn Ernu Solberg stendur tæpt. Gísli Kristjánsson segir frá og heyrist í Solberg.

Er skógrækt rétta leiðin fyrir Íslendinga í loftslagsmálum? Arnar Páll Hauksson segir frá og ræðir við Aðalstein Sigurgeirsson, fagmálastjóra Skógræktarinnar og Önnu Guðrúnu Þórhallsdóttur, prófessor við Landbúnaðarháskóla Íslands.

Fríkin eiga sér engan málsvara. Kristján Sigurjónsson ræðir við Sigurð Gylfa Magnússon, prófessor í sagnfræði sem fjallaði um hlutskipti jaðarsettra á Hugvísindaþingi.

Spegillinn 12. mars 2018

Umsjón: Anna Kristín Jónsdóttir

Tæknmaður: Magnús Þorsteinn Magnússon

Flokksþing Framsóknarflokks er haldið um helgina í Reykjavík þar sem horfa á til framtíðar. Varaformaður Framsóknarflokksins og menntamálaráðherra vill sjá stórsókn í menntamálum. Þá var Landsþing Viðreisnar sett fyrir stundu, þar var fyrrum formaður flokksins heiðraður.

Álagið vegna samræmdu prófanna hefur verið mikið og óvissan vegna þess hvernig framkvæmd íslenskuprófsins í fyrradag og enskuprófsins í morgun klúðraðist hefur komið illa við margan 9. bekkinginn.

Xi Jinping, forseti Kína, hvetur til þess að viðræður leiðtoga Norður-Kóreu og Bandaríkjanna um kjarnorkuafvopnun á Kóreuskaga hefjist sem allra fyrst. Hann fagnar því að Donald Trump hafi lýst sig reiðubúinn til að hitta Kim Jong un.

Það að eignast barn veldur straumhvörfum í lífi fólks. Það hefst nýr kafli. Sá veruleiki sem tekur á móti foreldrum fyrstu árin eftir fæðingu barns getur þó líka valdið straumhvörfum. Leitt til þess að foreldrar séu heima án tekna mánuðum saman, missi jafnvel vinnuna. Arnhildur Hálfdánardóttir ræðir við Sonju Ýr Þorgbergsdóttur, lögfræðing BSRB og Ólöfu Jakobsdóttur og Jóhannes Tryggvason, foreldra ungs barns. Lesarar: Guðrún Línberg Guðjónsdóttir og Tinna Magnúsdóttir.

Sambúð íslensku og ensku: Verulegur munur er á svörum aldurshópa í viðamikilli rannsókn sem nú stendur yfir á áhrifum enskrar tungu á íslensku. Yngsti hópurinn, 13-20 ára kýs miklu fremur að nota enskt viðmót í til að mynda í símum og tölvum, en þeir sem eldri eru. Kristján Sigurjónsson ræðir við Eirík Rögnvaldsson.

Spegillinn 9. mars 2018

Umsjón: Arnhildur Hálfdánardóttir

Tæknimaður: Ragnar Gunnarsson