Landsréttur hafnaði í dag kröfu lögmanns um að dómari við réttinn víki vegna vanhæfis. Fullvíst er að úrskurðinum verði áfrýjað til Hæstaréttar.

Lögreglan fylgist nú grannt með rafmagsnotkun því um eitt megavatt þyrfti til að knýja tölvunar sem stolið var úr gagnaverum um áramótin. Orkan nægir til að sinna hundruð heimila.

Réttargæslumaður hælisleitanda sem fluttur var úr landi til Marókkó segir að flytja þurfi hann aftur til landsins vegna þess að hann sé aðalvitni og brotaþoli líkamsárásar á Litla-Hrauni.

Sjálfstæðismenn ákveða framboðslista í Reykjavík.

Langt umfram heimildir. Arnar Páll Hauksson talar við Kristínu Lindu Árnadóttur.

Róbótarnir stökkva til. Anna Kristín Jónsdóttir segir frá.

Seðlabankastjóri handtekinn í Lettlandi. Sigrún Davíðsfóttir segir frá.

Umsjón Arnar Páll Hauksson.

Spegillinn 21. febrúar 2018

Settur ríkssaksóknari í Guðmundar- og Geirfinnsmálinu, vill að allir sakborningarnir fimm í málinu verði sýknaðir við endurtekna meðferð þess fyrir Hæstarétti.

Tveir karlmenn sitja í gæsluvarðhaldi grunaðir um að hafa stolið 600 tölvum. Umfangsmikil rannsókn hefur staðið yfir.

Alþýðusambandið telur að forsendur kjarasamninga séu brostnar. Formannafundur er boðaður á miðvikudaginn þar sem afstaða verður tekin til þess hvort samningum verður sagt upp.

Engin reglugerð er til um hvaða atvinnusjúkdómar teljast bótaskyldir og það getur reynst afar erfitt að sækja bætur vegna þeirra. Örfáum hefur tekist að sækja bætur vegna asbeststengdra sjúkdóma.

Á fimmta hundrað íslenskir læknar hafa lýst yfir stuðningi við að umskurður drengja verði bannaður með lögum.

Rithöfundar eru ósáttir við að byrjað er að bjóða íslenskar hljóðbækur í áskrift á vefnum.

ASÍ telur forsendur kjarasamninga brostnar. Arnar Páll Hauksson talar við Gylfa Arnbjörnsson.

Hollendingar og kúamykjan. Kristján Sigurjónsson segir frá.

Spáð er suðaustanstormi og -ofsaveðri á öllu landinu á morgun með mikilli úrkomu um suðaustanvert landið, einkum suðaustanlands. Búast má við lokunum á vegum og því að flug raskist. Þá mælast almannavarnir til þess að foreldrar á höfuðborgarsvæðinu sendi ekki ung börn ein í skólann á morgun.

Átök Kúrda og Tyrkja í norðvesturhluta Sýrlands eru komin á annað og hættulegra stig, eftir að hersveitir hliðhollar sýrlenskum stjórnvöldum komu þangað í dag til að liðsinna Kúrdum. Þegar hefur slegið í brýnu milli sýrlensku sveitanna og tyrkneskra hersveita á svæðinu.

Staða kvenna af erlendum uppruna sem eiga í skilnaðar- eða forsjárdeilum er sérstaklega viðkvæm, segir Framkvæmdastjóri Mannréttindaskrifstofu Íslands og algengt að þau dragist á langinn.

Það er óljóst hversu vel íslenskir iðnaðarmenn þekkja asbest en stór hluti þeirra sem nú eru starfandi fékk enga fræðslu um það í skóla. Iðnaðarmaður sem missti föður sinn úr asbestkrabba segir dæmi um að iðnaðarmenn geri lítið úr hættunni sem fylgir efninu.

Náttúrufræðingar sætta sig ekki við launatilboð ríkisins. Þrjú félögu höfnuðu tilboðinu en 17 hafa samið. Arnar Páll Hauksson ræðir við Maríönnu H. Helgadóttur, formann Félags íslenskra náttúrufræðinga.

Stór hluti starfandi iðnðarmanna fékk enga fræðslu um hættu sem stafað getur af asbesti og það getur verið dýrt og tafsamt að fjarlægja asbestplötur í samræmi við lög og reglur. Arnhildur Hálfdánardóttir segir frá og ræðir við Kristinn Tómasson, yfirlækni hjá Vinnueftirlitinu.

Risnugreiðslur til breskra þingmanna vöktu mikla reiði og hneykslan fyrir nokkrum árum og svo fór að átta þingmenn voru dæmdir í fangelsi, sjálfstæð stofnun tók við launagreiðslum og risnugreiðslur eru nú opinberar. Sigrún Davíðsdóttir segir frá.

Spegillinn, 19. febrúar 2018.

Norðlendingar eru í viðbragðsstöðu vegna jarðskjálfta. Tugir skjálfta sem eru stærri en þrír hafa orðið við Grímsey í dag eftir tvo stóra í morgun. Um miðjan dag var lýst yfir óvissustigi almannavarna vegna jarðskjálfta úti fyrir Norðurlandi.

Íslensk yfirvöld hafa óskað þess formlega að íslenska lögreglan taki yfir rannsókn á máli íslenskrar konu sem liggur slösuð á sjúkrahúsi á Spáni.

Finnsk kona, sem hefur dvalið sjö mánuði í Kvennaathvarfinu með tveggja ára son sinn, segir ómannúðlegt hve langan tíma hefur tekið að leysa úr forræðisdeilu hennar við íslenskan barnsföður.

Að minnsta kosti níutíu Íslendingar hafa greinst með banvænt fleiðurþekjukrabbamein. Þar af 45 á árunum 2005 til 2017. Sökudólgurinn er asbest.

Skiptar skoðanir eru um hvort rétt sé að segja upp kjarasamningum á almenna vinnumarkaðinum vegna forsendubrests. Ákvörðun verður að ligga fyrir eftir rúma viku.

Skjálftahrina í Grímsey hefur staðið frá því í janúar og á annað þúsund skjálfta orðið þar. Tveir stórir í morgun 4,9 og 5,2. Bjarni Magnússon fyrrverandi hreppsstjóri segir ónot í fólki en aldri hafi orðið skemmdir vegna skjálfta í Grímsey. Anna Kristín Jónsdóttir talaði við hann.

Það styttist í að ákveðið verði hvort forsendur síðustu almennu kjarasamninga hafa haldið eða hvort samningum verður sagt upp. Arnar Páll Hauksson segir frá.

Asbest var vinsælt byggingarefni en því fylgdi skaði sem enn er að koma í ljós. Tugir Íslendinga hafa fengið fleiðurþekjukrabbamein af völdum asbests en notkun þess var hér mjög mikil allt fram til banns fyrir rúmlega þrjátíu árum. Arnhildur Hálfdánardóttir segir frá og ræðir við Kristinn Tómasson yfirlækni hjá Vinnueftirlitinu og Auðun Ásberg Gunnarsson meistara í bifvélavirkjun.

Umsjón: Anna Kristín Jónsdóttir

Spegillinn föstudaginn 16.feb 2018

Umsjónarmaður: Kristján Sigurjónsson

Tillögur starfshóps um kjararáð skapa aukinn frið á vinnumarkaði til langs tíma. Þetta segir forsætisráðherra.

Starfsmaður Barnaverndar, sem grunaður er um kynferðisbrot gegn fjölda barna, var í dag úrskurðaður í fjögurra vikna áframhaldandi gæsluvarðhald.

Sif Konráðsdóttir aðstoðarmaður Guðmundar Inga Guðbrandssonar umhverfisráðherra er hætt störfum. Umhverfisráðherra greindi frá þessu í dag.

Um það bil helmingur þingmanna fékk engar endurgreiðslur vegna aksturs í fyrra. Aðrir fengu frá nokkrum tugum þúsunda upp í á fimmtu milljón.

Samband íslenskra sveitarfélaga, Háskóli Íslands og Háskólinn á Akureyri lögðu fyrir menntamálaráðherra í dag tillögur til að koma í veg fyrir yfirvofandi kennaraskort í grunnskólum.

Íbúðum hér á landi fjölgar allt of hægt. Gera má ráð fyrir að skortur verði á íbúðum næstu þrjú árin sem er mikið áhyggjuefni, segir deildarstjóri á húsnæðissviði Íbúðalánasjóðs.

Kristján Sigurjónsson ræddi við Lilju Alfreðsdóttur mennta- og menningarmálaráðherra um tillögur til að draga úr yfirvofandi kennaraskorti, pisakönnun, brottfall úr skólum o.fl. (Bein útsending)

María Sigrún Hilmarsdóttir talaði við Baldur Sigurðsson um hrakandi lesskilning barna og hvað sé til ráða.

Lífeyrissjóðskerfið er ósjálfbært en við höfum tíma til að rétta það af. Þetta er mat Gylfa Magnússonar, prófessors við viðskiptafræðideild Háskóla Íslands. Hann hélt erindi í Seðlabankanum í dag og lagði þar til breytingar á lífeyriskerfinu, breytingar sem kæmu í veg fyrir óhindraðan vöxt kerfisins og að lukkan ein stýri því hversu trygg framfærsla fólks er í ellinni. Arnhildur Hálfdánardóttir ræddi við Gylfa Magnússon.

Viðleitni til að selja lífeyrissjóðum allt að fimm prósenta hlut í Arion banka fyrir margboðað útboð Arion banka, rann út í sandinn. Og nú verður uppgjör bankans birt á morgun, þá spurning hvernig farið verður með tapið af United Silicon. Hræringar í kringum Arion eru vísbendingar um átök um undirtökin í íslensku viðskiptalífi. Sigrún Davíðsdóttir.

Jacob Zuma, forseti Suður-Afríku, hefur hundsað samþykkt Afríska þjóðarráðsins, sem er flokkur hans. Miðstjórn Afríska þjóðarráðssins, ANC, samþykkti á löngum fundi í gærkvöld og nótt að biðja Jaco Zuma forseta að segja af sér forsetaembættinu. Afríska þjóðarráðið er núverandi stjórnarflokkur og hefur ráðið lögum og lofum í Suður-Afríku frá því minnihlutastjórn hvítra vék fyrir lýðræðislega kjörinni stjórn á tíunda áratug síðustu aldar. Nelson Mandela varð þá forseti landsins. Allir forsetar Suður-Afríku síðan hafa verið úr Afríska þjóðarráðinu. Bogi Ágústsson.

Spegillinn 13. febrúar 2018

Umsjón: Arnhildur Hálfdánardóttir/Kristján Sigurjónsson

Tæknimaður: Magnús Þorsteinn Magnússon

Aðkoma stjórnenda deildarinnar var ómarkviss, verkaskipting óljós og vinnulagi var ekki fylgt. Þetta er niðurstaða innri athugunar lögreglunnar í Reykjavík á máli fyrrverandi stuðningsfulltrúa hjá Barnaverndarnefnd Reykjavíkur sem í ágúst var kærður fyrir gróf kynferðisbrot gegn barni. Skýrsla með niðurstöðunum var kynnt á blaðamannafundi síðdegis. Athugunin leiddi í ljós að meðhöndlun lögreglu á kæru á hendur stuðningsfulltrúanum var ekki í samræmi við það vinnulag sem tíðkast. Maðurinn var ekki handtekinn vegna málsins fyrr en 19. janúar og það var fyrst þá sem Barnavernd Reykjavíkur frétti af kærunni, fram að því starfaði maðurinn með unglingum. Arnhildur Hálfdánardóttir tók saman.

Varaformaður Oxfam góðgerðarfélagsins sagði af sér í dag í kjölfar máls sem er bergmál af #metoo umræðunni. Penny Lawrence viðurkennir ábyrgð sína. Hún hafi ekki brugðist rétt við ábendingum um að starfsmenn Oxfam við neyðarhjálp í Chad og á Hætí hefðu misnotað kvenfólk þarna. Gagnrýni á Oxfam bitnar á öðrum góðgerðarfélögum en nærir líka umræðu á hægri væng stjórnmálanna um að Bretar eigi að láta þróunarhjálp eiga sig. Sigrún Davíðsdóttir.

Stundum eiga þessi sterku geðlyf rétt á sér en mér fyndist eðlilegt að byrja á öllu öðru. Þetta segir Líney Úlfarsdóttir, öldrunarsálfræðingur. Hún telur að starfsmenn hjúkrunarheimila þurfi meiri leiðsögn og utanumhald. Arnhildur Hálfdánardóttir.

Spegillinn 12. febrúar 2018

Umsjón: Arnhildur Hálfdánardóttir/Kristján Sigurjónsson

Tæknimaður: Magnús Þorsteinn Magnússon

Spegillinn 9. febrúar 2018

Sérsveit ríkislögreglustjóra og lögreglan á Norðurlandi eystra handtóku fimm, í umfangsmiklum aðgerðum í miðbæ Akureyrar í dag. Fólkið er grunað um alvarlega líkamsárás og frelsissviptingu í gærdag.

Búist er við stormi, lélegu skyggni, slæmri færð og samgöngutruflunum víða um land um helgina.

Íslensk fyrirtæki eiga engin einkaleyfi í jarðvarmaiðnaði og eru ekki með nein slík leyfi í vinnslu. Erlendir aðilar eru með rúmlega 40 slík leyfi í vinnslu hér á landi.

Skólafólk ber ekki eitt ábyrgð á því hvernig menntun er hér á landi, foreldrar og stjórnmálamenn bera hana líka, segir varaformaður Kennarasambandsins.

Farið verður í yfirlitsflug til að mæla yfirborðsbreytingar á Öræfajökli við fyrsta tækifæri. Í morgun varð skjálfti upp á 3,6 í jöklinum

Stærri skjálfti hefur ekki mælst þar frá upphafi mælinga árið 1976.

Ef yfirlæknir öldrunarlækninga á Landspítalanum telur viðmið um notkun sterkra geðlyfja á hjúkrunarheimilum of rúm á hann að koma með tillögur að nýjum. Það er ekki á ábyrgð Landlæknisembættisins. Þetta segir starfandi landlæknir. Arnhildur Hálfdánardóttir ræðir við Leif Bárðarson.

Kynferðisofbeldi gegn börnum er mjög alvarlegt vandamál á Grænlandi. Yfirvöld þar hafa nú tekið höndum saman við Unicef, barnahjálp Sameinuðu þjóðanna, og hrundið af stað herferð gegn ofbeldi sem börn eru beitt. Bogi Ágústsson tók saman, lesarar auk hans voru Sigyn Blöndal, Ísgerður Gunnarsdóttir og Eiríkur Guðmundsson.

Í fimmtíu ár hefur sólin staðið í hádegisstað þegar klukkan er um hálf tvö á Íslandi, árið um kring. Sól rís og sest um kukkutíma seinna hér á landi en ef við fylgdum því sem kallað er rétt tímabelti. Anna Kristín Jónsdóttir talaði við Björgu Þorleifsdóttur.