Mismunun gegn erlendum konum einkennist ekki bara af kyjamisrétti heldur einnig af kynþáttamisrétti og fordómum. Þetta segir lögmaður sem setið hefur í stjórn Samtaka kvenna af erlendum uppruna.

Landsréttur staðfesti í dag gæsluvarðhald yfir karlmanni á sextugsaldri sem er grunaður um að hafa brotið ítrekað gegn 18 ára pilti.

íbúafundur stendur nú yfir á Húsavík þar sem gagnsetning PCC Bakka -Silicon er kynnt.

Íslenskur fjárfestir vill að skoðað verði hvort mögulegt sé að rækta kannabisefni hér á landi, og flytja þau út.

30.000 Svíar hafa keypt hlutabréf í kanadískum fyrirtækjum sem rækta kannabis. Nordea-bankinn ætlar að hætta að selja bréfin.

Tillögur fjölmiðlanefndar. Arnar Páll segir frá tillögunum og umræðum á Alþingi um stöðu einkarekinna fjölmiðla.

Berlusconi stelur senunni . Pálmi Jónasson segir frá.

Vilja draga úr losun metans frá kúm. Arnar Páll tala við Ástu Heiðrúnu E. Pétursdóttir hjá Matís og Maríu Maack á Reykhólum.

Umsjón Arnar Páll Hauksson

Vonskuveður er búið að vera víða um land í dag, mikill snjór og vegir lokaðir. Fjöldi fólks bíður eftir að komast leiðar sinnar á Austur- og Norðurlandi og Vegagerðin hefur þurft að fylgja bílum á Seyðisfjörð til að komast í Norrænu.

Larry Nassar, fyrrverandi læknir bandaríska landsliðsins í fimleikum var í dag dæmdur í allt að 175 ára fangelsi fyrir að hafa beitt yfir hundrað fimleikastúlkur kynferðislegu ofbeldi árum saman

Hæstaréttarlögmönnum ber ekki saman um hvort Sigríður Á Andersen dómsmálaráðherra hafi brotið lög við skipan dómara í Landsrétt.

Vald dómsmálaráðherra til að skipa dómara á fyrst og fremst að vera formlegt. Þetta segir Jakob R. Möller hæstaréttarlögmaður. Ráðherrar hafi ítrekað orðið uppvísir að því að misbeita valdi sínu. Haukur Örn Birgisson, kollegi hans, telur að ráðherra eigi ekki að vera bundinn af andlitslausum nefndum sem í sitji hagsmunaaðilar. Ráðherra beri ábyrgð á skipuninni og þurfi að geta haft áhrif á hana. Skipan dómara var rædd á málþingi í Háskólanum í Reykjavík í dag. Arnhildur Hálfdánardóttir ræddi við lögmennina.

Ríflega tuttugu þúsund störf og mörg hundruð verktakasamninga við breska ríkið, jafnt um þrif í skólum sem lagningu hraðbrautar þvert í gegnum Bretland svífa nú í lausu lofti. Verktakafyrirtækið Carillion var einn burðarásinn í útvistun breska ríkisins. Gjaldþrot fyrirtækisins hefur hleypt fjöri í umræðuna um einkavæðingu því það er mun lengra á milli stóru flokkanna tveggja í þessum efnum en áður var. Sigrún Davíðsdóttir.

Frakkar og Þjóðverjar stefna að endurskoðun og endurnýjun Elyseé sáttmálans, en í þessari viku eru 55 ár frá því hann var undirritaður. Sáttmálinn kveður á um náið samstarf þjóðanna. Bogi Ágústsson.

Ein fremsta fimleikakona landsins, greindi frá því í dag að erlendur fimleikamaður hefði nauðgað henni á keppnisferðalagi árið 2016. Hún vonar að aðrir þolendur öðlist kjark til þess að stíga fram.

Það spáir vonskuveðri á norðanverðu landinu þegar líður á kvöldið, norðaustanátt, stormi og snjókomu. Nokkrum fjallvegum á Norðurlandi hefur þegar verið lokað.

Sandgerðisbær er að setja upp gámaíbúðir fyrir einstaklinga og litlar fjölskyldur til að mæta brýnni húsnæðisþörf á svæðinu.

Skatturinn er enn og aftur á hælunum á knattspyrnugoðinu Lionel Messi. Þetta sýna ný gögn sem birt eru í Der Spiegel. Kappinn fær milljarð á mánuði samkvæmt nýjum samningi við Barcelona.

Framkvæmdastjóri Samiðnar telur að launamunur á milli erlendra og innlendra starfsmanna sé að festa sig í sessi. Erlendum ríkisborgurum fjölgar,

mikið þeir eru nú hátt í 40 þúsund.

Kvikmyndin The Shape of Water fær flestar tilnefningar til Óskarsverðlaunanna í ár. Myndin er tilnefnd til 13 verðlauna

Pálmi Jónasson fjallar um ný lekagögn úr Der Spiegel um knattspyrnugoðið Lionel Messi

Arnhildur Hálfdánardóttir fjallar um útlendinga á vinnumarkaði sem hafa aldrei verið fleiri

Arnar Páll Hauksson ræðir við Sigmund Davíð Gunnlaugsson um nýtt staðarval fyrir spítala.

Stjórn United Silicon óskaði eftir gjaldþrotaskiptum í dag. Harmleikur, segir forseti bæjarstjórnar Reykjanesbæjar. Milljarðar séu að verða að engu.

Demókratar og Repúblíkanar í öldungadeild bandaríkjaþings komust að samkomulagi nú síðdegis um að aflétta greiðslustöðvun bandaríska alríkisins.

Helgi Hrafn Gunnarsson þingmaður Pírata krafðist þess á Alþingi í dag að dómsmálaráðherra segði af sér.

Kínverska ríkisolíufélagið CNOOC hefur ákveðið að hætta olíuleit á Drekasvæðinu. Orkustofnun telur að Eykon energy hafi ekki bolmagn til að halda rannsóknum á svæðinu áfram.

Arnhildur Hálfdánardóttir fjallar í Speglinum um gjalþrotabeiðni og sögu United Silicon

Arnar Páll Hauksson fjallar um ákvörðun Kínverja og Norðmanna að hætta olíuleit á Drekasvæðinu.

Sigrún Davíðsdóttir fjallar um mismunandi sýn Frakka og Breta á Brexit.

Forsætisráðherra segir að markmið viðræðna ríkisstjórnar við aðila vinnumarkaðarins sé að kortleggja þær hindranir sem koma í veg fyrir að hægt sé að sammælast um að hefja samtal um nýtt íslenskt vinnumarkaðsmódel.

Skipaður hefur verið starfshópur sem á að leggja fram tillögur um breytingar á Kjararáði. Hann á líka að fara yfir fyrri úrskurði ráðsins.

Vitað er um á þriðja tug sprautufíkla á Akureyri. Verkefni til að minnka skaðann, sem hófst í ársbyrjun, hefur strax borið árangur.

Vél frá breskri ferðaskrifstofu sem átti að fljúga beint til Akureyri í dag varð að lenda í Keflavík vegna veðurs. Þetta gerðist líka á mánudag þegar vél frá sama flugfélagi gat ekki lent fyrir norðan.

Donald Trump hefur setið eitt ár á forsetastóli og hafa leikið um hann stríðir vindar. Hann glímir nú við þingið um greiðsluheimild fyrir hið opinbera.

Vill viðræður um íslenskt vinnumarkaðsmódel. Arnar Páll Hauksson ræðir við Katrínu Jakobsdóttir forsætisráðherra.

Ár Trumps á forsetastóli. Anna Kristín Jónsdóttir segir frá.

Arðgreiðslu bankanna. Sigrún Davíðsdóttir talar við Jóns Þór Sturluson aðstoðarforstjóra Fjármálaeftirlitsins.

Rannsókn á gagnaleka úr Glitni leiddi ekki í ljós hver bæri ábyrgð á lekanum. Rannsóknin hefur verið felld niður.

Notkun landsmanna á sterkum verkjalyfjum átjánfaldaðist á 25 árum.

Bogi Nilsson, settur ríkissaksóknari, hefur fellt niður mál gegn Öldu Hrönn Jóhannsdóttur vegna LÖKE-málsins.

Íþróttafélög í Hafnarfirði verða að setja sér siðareglur til að fá styrki frá bænum. Bæjarstjórn samþykkti þetta í gær.

Kostnaður við endurheimt votlendis gæti hlaupið á milljörðum króna. Í næstu viku verður stofnaður Votlendissjóður sem mun einbeita sér að endurheimt votlendis.

Endurheimt votlendis kostar milljarða. Arnar Páll Hauksson ræðir við Sunnu Áskelsdóttur hjá Landgræðslu ríkisins og Eyþór Eðvarðson sem hyggst stofna Votlendissjóð.

Fíklar í lífshættu. Arnhildur Hálfdánardóttir ræðir við Valgerði Rúnarsdóttur, yfirlækni á Vogi.

Umsjónarmaður. Arnar Páll Hauksson.

Tæknimaður. Ragnar Gunnarsson.

Lögreglustjórinn á höfuðborgarsvæðinu lítur það mjög alvarlegum augum að verðmæti sem hald var lagt á í tengslum við rannsókn á kampavínsklúbbnum Strawberries hafi horfið úr vörslu lögreglunnar.

Sakborningar í stóra markaðsmisnotkunarmáli Glitnis sögðust í dag hafa unnið innan þeirra reglna sem gilt hefðu í bankanum í áratug áður en þeir hófu þar störf.

Borgaryfirvöld íhuga að auka niðurgreiðslur til foreldra 18 mánaða barna sem eru hjá dagforeldrum.

Góðæri bitnar á nytjamörkuðum sem þurfa nú að afþakka notuð húsgögn í stórum stíl.

20 ár eru í dag síðan fyrsta fréttin um kynferðislegt samband Bill Clintons, þáverandi Bandaríkjaforseta, og Monicu Lewinsky, fyrrverandi lærlings í Hvíta húsinu, kom fyrir sjónir almennings.

Eiginfjárstaða stóru bankanna þriggja er mjög góð. Sumir telja bankana liggja á alltof miklu eigin fé og nær væri að borga út arð ekki síst því þá gætu runnið milljarðar til ríkisins. En lærdómurinn af fjármálahremmingunum á Íslandi og í Evrópu 2008 var meðal annars að herða reglur um eigið fé og arðgreiðslur. Sigrún Davíðsdóttir ræddi við Jón Þór Sturluson aðstoðarforstjóra Fjármálaeftirlitsins. Í síðari hluta viðtalsins verður hugað frekar að arðgreiðslum og aðstæðum bankanna.

Filmuvélar, framköllun og hillur fullar af myndaalbúmum. Þetta heyrir sögunni til hjá mörgum. Hversdagsmyndunum er ekki lengur raðað í albúm heldur eru þær vistaðar á símann eða sendar í skýið. Bókasafnið er hugsanlega orðið rafrænt líka og plötusafnið búið að víkja fyrir persónulegum lagalistum á tónlistarveitum. Hugverkum og dútli er líka hlaðið upp í ský og svo eru það öll tölvupóstssamskiptin og samskiptamiðlarnir, púlsmælingar mörg ár aftur í tímann og svo framvegis. Hvað verður um þessi gögn þegar þú deyrð? Á Íslandi ná persónuverndarlög út yfir gröf og dauða en samt er lítið mál fyrir aðstandendur að fá tölvuviðgerðarfyrirtæki til að ná í gögn af tölvum og símum látinna ástvina. Google og Facebook eru treg til að láta persónugögn látinna af hendi. Arnhildur Hálfdánardóttir ræðir við Helgu Þórisdóttur, forst

Um 70 björgunarsveitarmenn hafa nú síðdegis aðstoðað fólk í vonskuveðri og ófærð í kringum höfuðborgarsvæðið. Hellisheiði, Mosfellsheiði og Þrengsli eru lokuð. Lyngdalsheiði sömuleiðis.

Borgarfulltrúar tókust á um vatnsmengun á borgarstjórnarfundi í dag. Borgarstjóri sagði rétt að hafa vaðið fyrir neðan sig og upplýsa fólk. Borgarfulltrúi Sjálfstæðisflokks sagði að einfalt hefði verið að vara alla borgarbúa við með smáskilaboðum.

Í einni af borholum Veitna mældust sjötíu og fjórum sinnum fleiri gerlar en forsvarsmönnum þykir eðlilegt.

Ákveðið hefur verið í tengslum við viðræður ríkisstjórnar og aðlila vinnumarkaðarins, að skipa vinnuhóp til að koma með tillögur um starfshætti kjararáðs, og til að mæta gagnrýni sem beinst hefur að úrskurðum ráðsins.

Vatnsmengun í neysluvatni. Arnhildur Hálfdánardóttir segir frá og ræðir við Ólöfu Snæhólm Baldursdóttur, upplýsingafulltrúa Veitna.

Nefnd um breytingar á kjararáði. Arnar Páll Hauksson segir frá.

Liðsmenn íslamska ríkisins vilja aftur heim. Arnhildur Hálfdánardóttir segir frá.

Umsjón: Arnar Páll Hauksson

Tæknimaður: Magnús Þorsteinn Magnússon

Þeir sem hafa völdin þurfa að gera sitt til að bæta samskipti milli kynjanna, segir varaformaður Prestafélags Íslands.

Tólf þúsund kjúklingar drápust þegar eldur kviknaði í kjúklingabúi að Oddsmýri í Hvalfirði í dag.

Olíuflekkur fer ört stækkandi á Austur-Kínahafi þar sem íranskt olíuflutningaskip sökk í gær eftir að hafa brunnið í rúma viku.

Óvissustig vegna snjóflóða er enn í gildi á Vestfjörðum en búið er að opna vegi.

Formaður Þjónustusamfélagsins á Héraði líkir miðbæ Egilsstaða við bilaðan löndunarkrana.

Söngkona írsku hljómsveitarinnar the Cranberries, er látin, 46 ára að aldri.

Starfshópar og fræðslufundir, viljayfirlýsingar, kannanir, uppsagnir og áætlanir. Þetta eru nokkur dæmi um ávexti og afleiðingar Me too byltingarinnar. Sögurnar eru orðnar hátt í þúsund talsins, konurnar sem skrifað hafa undir yfirlýsingar skipta þúsundum og sífellt bætist í hópinn, síðast í dag þegar konur í prestastétt stigu fram. En hvað hefur raunverulega breyst? Arnhildur Hálfdánardóttir ræðir við Finnborgu Salome Steinþórsdóttur, nýdoktor í kynjafræði.

Fastur liður í hegðan manna eins og kvikmyndaframleiðandans Harvey Weinsteins og annarra auðugra áhrifamanna var að borga kvenfólki, sem þeir áreittu, svo þær þegðu um athæfið. Sögurnar eru margar og spanna allt frá kynferðislegu áreiti yfir í grófa nauðgun. Sigrún Davíðsdóttir ræddi við Reimar Pétursson formann Lögmannafélagsins um þessi mál í íslensku samhengi.

Erna Solberg, forsætisráðherra Noregs, ætlar að að bæta einum flokki við ríkisstjórn sína. Unnið hefur verið að endurnýjun minnihlutastjórnar hennar frá eftir þingkosningarnar í september. Sátt er um skattalækkanir, málefni nýbúa og umhverfisvernd en stjórnarandstæðingar segja að áherslan hafi færst enn lengra til hægri en áður var. Gísli Kristjánsson.

Spegillinn 15. janúar 2018

Umsjón: Arnhildur Hálfdánardóttir

Tæknimaður: Magnús Þorsteinn Magnússon

Töluvert tjón varð á húsnæði Hellisheiðarvirkjunar þegar eldur kom upp þar í dag. Varaslökkviliðsstjóri Brunavarna Árnessýslu segir að öryggisáætlanir hafi bjargað miklu.

Íþróttafræðingur segir mikilvægt að jafna stöðu kynjanna í íþróttum. Ójafnt vægi auki líkurnar á misbeitingu og mismunun.

Forseti Bandaríkjanna hefur aldrei í sögunni látið annan eins fúkyrðaflaum út úr sér í Hvíta húsinu og Donald Trump gerði á fundi þar í gær. Þetta segir bandarískur þingmaður sem sat fundinn.

25 ár eru frá því að EES-samningurinn var samþykktur á Alþingi.

Áhrifamikill og erfiður. Alma Ómarsdóttir talar við Lilju Dögg Alfreðsdóttur og Þorgerði Katrínu Gunnarsdóttur um kynbundið ofbeldi innan íþróttahreyfingarinnar.

Tapað stríð í Afganistan . Pálmi Jónasson segir frá.

Rauði síminn milli Norður- og Suður- Kóreu. Anna Kristín Jónsdóttir segir frá.

Umsjón Arnar Páll Hauksson.

Tæknimaður Ragnar Gunnarsson.