Greint er frá fjölmörgum nauðgunum og öðru kynbundnu ofbeldi og áreiti gegn íþróttakonum í yfirlýsingu og frásögnum sem hátt í fimm hundruð íþróttakonur sendu frá sér í dag.

Björgunarsveitir og aðrir viðbragðsaðilar eru við öllu búnir og aðgerðastjórn höfuðborgarsvæðisins í Skógarhlíð hefur verið virkjuð vegna óveðursins sem nú geisar á Suður- og Vesturlandi. Byrjað er að draga úr storminum á Reykjanesi.

Ungur karlmaður lést í bílslysi á þjóðvegi 1, skammt vestan við Skeiðavegamót, laust fyrir klukkan átta í morgun.

Meirihluti landsmanna telur að stjórnvöld og íslenskir stjórnmálamenn geri of lítið til að takmarka gróðurhúsalofttegundir á Íslandi. Tæplega 60 af hundraði hafa áhyggjur af þeim afleiðingum sem loftslagsbreytingar geta haft. Um 87% landsmanna geta hugsað sér að kaupa rafmagnsbíl eða aðra bíla sem nota vistvæna orku.

Stafrænt líf eftir dauðann og útfararplan í skýinu. Sprotafyrirtæki í Sílíkondal og víðar eru í auknum mæli farin að sjá tækifæri í dauðanum og vilja sum blása nýju lífi í útfarariðnaðinn. Þau sem ganga lengst vilja gera fólki kleift að lifa að eilífu.

Spegillinn 11. janúar 2018

Umsjón: Arnhildur Hálfdánardóttir

Leikhússtjóra Leikfélags Akureyrar var í gær gert að hætta tafarlaust störfum eftir að hann viðurkenndi kynferðisbrot þegar #metoo-umræðan komst í hámæli. Brotið framdi hann fyrir um áratug.

Fimm bjóða sig fram í leiðtogakjör Sjálfstæðisflokksins í Reykjavík fyrir borgarstjórnarkosningarnar í vor. Kjörið fer fram 27. janúar. Formaður flokksins segir að sér lítist vel á hópinn.

Héraðsdómur Austurlands dæmdi skipstjóra hjólabáts í dag til tveggja mánaða skilorðsbundinnar fangelsisvistar. Hann var sakfelldur fyrir manndráp af gáleysi vegna dauða kanadískrar konu við Jökulsárlón.

Með því að leggja línur í jörð má rúmlega tífalda raforkuöryggi á Vestfjörðum. Þetta kemur fram í skýrslu sem Landvernd hefur látið gera.

Mosfellingar efndu í dag til söfnunar vegna fjölskyldunnar sem missti allt sitt í bruna í gær.

Sveitarstjórnarkosningar nálgast. Arnar Páll Hauksson talar við Halldór Halldórsson, oddvita Sjálfstæðisflokksins í Reykjavík og formann Sambands íslenskra sveitarfélaga og Grétar Þór Eyþórsson prófessor við Háskólann á Akureyri.

Það verður að skilgreina hverjir eiga rétt á þjónustunni. Arnhildur Hálfdánardóttir fjallar um NPA og talar við Elínu Oddnýju Sigurðardóttir, formann velferðarráðs Reykjavíkur.

Umsjónarmaður Arnar Páll Hauksson

Tæknimaður Gísli Kjaran Kristjánsson

Spegillinn, 9. janúar 2018

Umsjón: Anna Kristín Jónsdóttir

Fréttahluti

1) Eldsvoðar í Grafarvogi og Mosfellsbæ í nótt. Rætt við Halldór Hrannar Halldórsson nágranna í Mosfellsbæ.

2) Fólk verður að treysta brunavörnum. Hólmfríður Dagný Friðjónsdóttir ræðir við Önna Málfríði Jónsdóttur, brunaverkfræðing hjá Lotu.

3) Sinnum áfrýjar til Landsréttar

4) Kjaradeila flugmanna við Icelandair er á viðkvæmu stigi að sögn Bryndísar Hlöðversdóttur, ríkissáttasemjara, Jóhann Bjarni Kolbeinsson talar við hana.

5) Settur dómsmálaráðherra skipaði 8 héraðsdómara í dag og fór að mati hæfnisnenfdar. Ráðherra vill breyta reglum um nefndina. Broddi Broddason segir frá

5) Mótvægisaðgerðir í laxeldi til skoðunar. Halla Ólafsdóttir segir frá og rætt við Kristján Davíðsson, framkvæmdastjóra Landsambands fiskeldisstöðva.

Spegilshluti

1) NPA-þjónusta á að vera kostur fyrir alla segja Ragnar Gunnar Þórhallsson, ritari NPA-miðstöðvarinnar og Rúnar Björn Herrera Þorkelsson, Arnhildur Hálfdánardóttir talaði við þá.

2) Frá því að fyrstu leyfin til olíuleitar á Drekasvæðinu voru gefin út hafa félögin sem leita greitt röskar 400 milljónir króna í ríkissjóð fyrir sérleyfin. Áætla má að kostnaður vegna rannsókna þeirra sé á bilinu 4 til fimm milljarðar króna. Arnar Páll Hauksson ræðir við Skúla Thoroddsen lögfræðing hja Orkustofnun og rifjuð er upp afstaða Steingríms J. Sigfússonar þá verandi atvinnuvegamálaráðherra.

3) Verður Oprah Winfrey bjargvættur Demókrata? Anna Kristín Jónsdóttir segir frá.

Spegillinn 8. janúar 2018

Umsjón: Anna Kristín Jónsdóttir

Tæknimaður: Mark Eldred

Fréttir.

1) Óli Björn Kárason, formaður efnahags og viðskiptanenfdar bregst við gagnrýni ASÍ á skattamalskattbreytingar um áramót.

2) Hver leiðir lista Sjálfsstæðismanna í Reykjavík í komandi borgarstjórnarkosningum. Talað við Halldór Halldórsson fráfarandi oddvita Sjálfstæðisflokksins.

3) Álag á bráðamóttöku LSH vegna flensu, Rætt við Önnu Sigrúnu Baldursdóttur.

4) Trump vísar tugþúsundum Salvadora og fólki frá Haítí úr landi. Bjarni Pétur Jónsson segir frá.

5) Varað við hvassviðri í nótt og á morgun. Rætt við Einar Sveinbjörnsson veðurfræðing.

6) Horn unnin í gæludýrafóður í Hnífsdal. Halla Ólafsdóttir segir frá.

7) Hvalreki á Hvalsnesi. Sunna Björk Ragnarsdóttir. Hólmfríður Dagný Friðjónsdóttir talaði við hana.

Spegilshluti

1) Stefnt er að því að innleiða otendastýrða persónulega aðstoð á þessu ári en álitamálin eru stór og mörg. Arnhildur Hálfdánardóttir segir frá og ræðir við Halldóru Mogensen, formann Velferðarnefndar.

2) Trond Giske, varaformaður norska verkamannaflokksins sagði af sér í kjölfar ásakana um að hafa áreitt ungar stúlkur. Anna Kristín Jónsdóttir ræðir við Gísla Kristjánsson um Giske.

3) Sjóðsfélagar sem greiða iðgjöld í opinbera lífeyrissjóði geta væntanlega innan skamms látið hluta af iðgjaldinu renna í séreignarsparnað eins og sjóðsfélagar á almenna vinnumarkaðinum geta nú þegar. Beðið er eftir því að sett verði lög. Arnar Páll Hauksson ræðir við Hauk Hafsteinsson, framkvæmdastjóra LSR.

Lögmenn Glitnis HoldCo og Stundarinnar og Reykjavík Media deildu um það fyrir rétti í dag hvort lögbann á fréttaflutning miðlanna ráðist af stjórnmálum eða öðrum álitaefnum.

Formaður Dómarafélagsins segir dómnefnd um umsækjendur um dómarastörf tryggja sjálfstæði við ráðningu dómara. Hún gagnrýnir ummæli dómsmálaráðherra um að nefndin hafi ekkert með sjálfstæði dómstóla að gera.

Ný rannsókn sýnir að starfsfólk leikskóla er ekki nægilega upplýst um einkenni og viðbrögð við fæðuofnæmi. Innan við helmingur leikskóla í Reykjavík er með viðbragðsáætlun ef barn með bráðaofnæmi fær ofnæmiskast.

Aukið rennsi er í Múlakvísl og breyting á lit árinnar. Þetta kemur fram í tilkynningu frá Veðurstofu Íslands

Óhætt er að segja að bók dagsins sé Fire and Fury eftir bandaríska blaðamanninn Michael Wolff, bókin um fyrsta ár Donalds Trumps í embætti forseta Bandaríkjanna. Hún kom út í Bandaríkjunum í dag, fjórum dögum áður en áætlað var og rauk strax upp í efsta sæti flestra bóksölulista vestanhafs.

Fimmtán hafa sýkst af mislingum á Stórgautaborgarsvæðinu í Svíþjóð og foreldrum 60 hvítvoðunga, var boðið að bólusetja þá, eftir að heilbrigðisstarfsmaður á Sahlgrenska-sjúkrahúsinu greindist, sá hafði ekki komið inn á fæðingardeildina en verið í samskiptum við aðra heilbrigðisstarfsmenn sem þar störfuðu. Allt kapp er lagt á að hindra frekari útbreiðslu. Sóttvarnarlæknir segir að hér gæti komið upp sambærilegur faraldur.Bólusetningar séu lykillinn að því að verjast slíku en líka brýnt að heilbrigðisstarfsfólk og starfsmenn flugvalla, sem daglega eiga í samskiptum við mikinn fjölda fólks, séu bólusettir. Um fimm til tíu prósent starfsmanna Landspítalans eru það ekki. Arnhildur Hálfdánardóttir ræddi við Þórólf Guðnason.

Framkvæmdastjóri Samtaka atvinnulífsins segir að innistæðulausar launahækkanir hafi á síðustu 70 árum alltaf leitt til þess sama. Frá lýðveldisstofnun hafi á 7 til 10 ára millibili orðið gengisfall þar sem verðbólga eykst og kaupmáttur rýrnar hratt. Þetta muni gerast á nýjan leik ef haldið verði áfram á sömu braut

Samgönguráðherra segir að til greina komi að gjaldtöku í Hvalfjarðargöngunum verði haldið áfram eftir að Spölur afhendir ríkinu göngin.

Nauðsynlegt er að fá á hreint hvort bílaleigubílar eru í verra ástandi en aðrir bílar þegar þeir koma til aðalskoðunar, áður en ákvörðun er tekin um hvort breyta eigi reglum um skoðun atvinnubíla. Þetta segir samgönguráðherra.

Innihald nýrrar bókar um forsetatíð Trumps Bandaríkjaforseta er ærumeiðandi, að mati lögfræðinga hans. Þeir hafa hótað útgefanda bókarinnar málsókn.

Fundur stendur nú yfir á Kirkjubæjarklaustri þar sem farið er yfir aðgerðir og viðbrögð þegar rútuslys varð þar fyrir áramót.

Hallgrímur Helgason hlaut í dag viðurkenningu rithöfundarsjóðs Ríkisútvarpsins fyrir ritstörf. Í dag var líka tilkynnt að orð ársins 2017 er Epal-hommi.

Barnakassar og útburður. Arnhildur Hálfdánardóttir segir frá og talar við Braga Guðbrandsson, forstjóra Banrnaverndarstofu.

Laun embættismanna á Norðurlöndum. Arnar Páll Hauksson segir frá og ræðir við Gunnar Björnsson skrifstofustjóra Kjara- og mannauðssýslu ríkisins.

Umsjónarmaður Arnar Páll Hauksson.

Tæknimaður Magnús Þorsteinn Magnússon

Reimar Pétursson, formaður Lögmannafélags Íslands, segir það fátítt í nágrannalöndunum að ráðamenn fari ekki að tillögu hæfnisnefndar við skipan dómara.

Karlmaður á fertugsaldri lést í umferðarslysi á Vesturlandsvegi á Kjalarnesi í morgun þegar fólksbíll og flutningabíll rákust saman.

Verkefnastjóri hjá Vegagerðinni segir að umferðarþungi sé kominn langt fram úr hófi. Í fyrra jókst umferð um tæp ellefu prósent frá árinu 2016.

Heilbrigðisráðherra og umhverfisráðherra úr flokki Vinstri grænna vilja bregðast við svifryksmenguninni sem varð um áramótin. Dómsmálaráðherra úr Sjálfstæðisflokki segir að veðurskilyrði á nýársnótt hafi verið sérstök, horfa verði til þess. Arnhildur Hálfdánardóttir ræðir við Sigríði Á Andersen, Guðmund Inga Guðbrandsson og Svandísi Svavarsdóttur.

Að minnsta kosti 10 flokkar stefna að því að bjóða fram í borgarstjórnarkosningunum í maí. Arnar Páll Hauksson.

Manchester City stefnir á heimsyfirráð með olíupeningum úr einræðisríkinu Sameinuðu arabísku furstadæmunum. Eigendurnir kaupa leikmenn og heilu fótboltafélögin um heim allan og breyta þeim í bláklædd City. Manchester City hefur ekki tapað leik í vetur, er langefst í deildinni og hefur sýnt fádæma yfirburði. Pálmi Jónasson.

Spegillinn 3. Janúar 2018.

Umsjón: Arnhildur Hálfdánardóttir.

Tæknimaður: Magnús Þorsteinn Magnússon.

Jón Höskuldsson héraðsdómari boðar dómsmál gegn dómsmálaráðherra. Hann var einn fjögurra manna sem dómsmálaráðherra skipaði ekki í embætti landsréttardómara þrátt fyrir að vera meðal 15 hæfustu.

Minnst 22 hafa verið drepnir í Íran í umfangsmiklum mótmælum í helstu borgum landsins undanfarna daga. Mörg hundruð hafa verið fangelsuð. Ali Khamenei, æðstiklerkur Írans, kennir óvinum ríkisins um mótmælin.

Ríkisstjórnin ætlar að lækka veiðigjöld á litlar og meðalstórar útgerðir með afkomutengingu gróða. Engin formleg skilgreining er til á stærðum fyrirtækjanna.

Sextán slösuðust í miklum eldsvoða í Bronx í dag, þar á meðal sjö börn. Fjórir þeirra eru alvarlega slasaðir.

Blóðug mótmæli í Íran. Pálmi Jónasson fjallar um ástandið í Íran

Flugeldar menga. Arnhildur Hálfdánardóttir fjallar um málið

Bretland og Evrópusambandið Sigrún Davíð fjallar um Brexit

Miðað við fylgi flokka í skoðanakönnunum gætu 30 nýir þingmenn sest á Alþingi að loknum kosningum í haust. Aldrei fyrr hafa jafn margir ákveðið að gefa ekki kost á sér til endurkjörs.

Kristján Þór Júlíusson heilbrigðisráðherra boðar tillögur um endurgreiðslur vegna tannlækninga eldri borgara og öryrkja.

Katrín Jakobsdóttir, formaður Vinstri grænna, segir að hún sé ekki sammála ummælum sem Ögmundur Jónasson, þingflokksformaður VG, lét falla í Vikulokunum á Rás 2 á laugardag. Þar sagði hann meðal annars konur í pólitík nýta sér neikvætt umtal til að upphefja sig.

Fjármálaráðherra segist enn bíða eftir að félagsmálaráðherra kynni frumvarp sitt í ríkisstjórn um breytingar á almannatryggingakerfinu en það hafi legið frammi á vef velverðarráðuneytisins síðustu mánuði.

Siglingar skemmtiferðaskipa um norðurslóðir munu færast í aukana á næstunni. Hafnarstjóri segir að tími sé til kominn að setja eldsneytisnotkun skipa í þessum heimshluta skorður.

Tónskáldið Jóhann Jóhannsson semur tónlis...

1. Ástandið minnir á 2007. Arnar Páll ræðir við Halldór Grönvald, aðstoðarframkvæmdastjóra ASÍ. 2. Við verðum að berjast áfram. Arnhildur Hálfdánardóttir ræðir við Fatimu Hossaini, kvenréttindakonu frá Afganistan.