Hæstiréttur hefur staðfest dóm Héraðsdóms Reykjavíkur um að Arion banka hafi verið óheimilt að rukka mann um dráttarvexti á meðan hann var í greiðsluskjóli. Dómurinn gæti náð til yfir tvö þúsund einstaklinga.

Lögmaður segir að vanhæfismálinu í Landsrétti sé hvergi nærri lokið þó að Hæstiréttur hafi vísað málinu frá. Landsréttur sé einungis að fá gálgafrest.

Formaður Viðskiptaráðs furðar sig á því að konur í viðskiptalífinu hafa ekki stigið fram og greint frá kynferðislegri áreitni. Hún viðgangist þar eins og annars staðar.

Réttarhöld hófust í dag í Kaupmannahöfn yfir Peter Madsen sem er ákærður fyrir að hafa myrt sænsku blaðakonuna Kim Wall um borð kafbát. Um 125 fréttamenn fylgdust með í dómshúsinu í dag.

Pólskir foreldrar nýta sér síður þjónustu dagforeldra en íslenskir og þeir þurfa að jafnaði að brúa lengra bil á milli fæðingarorlofs og leikskóla.

Réttarhöldin yfir Peter Madsen. Arnar Páll Hauksson ræðir við Jóhann Hlíðar Harðarson.

Einræðisherrann Xi Jinping í Kína. Pálmi Jónasson segir frá.

Pólskir og íslenskir foreldrar í orlofi. Arnhildur Hálfdánardóttir segir frá og talar við Ásdísi A. Arnalds.

Alþjóðleg samtök, sem berjast fyrir málstað Kúrda, birtu í dag myndband af Hauki Hilmarssyni, sem sagður er hafa fallið í Sýrlandi.

Samgönguráðherra segir að 200 milljarða viðbótarfjárveitingu þurfi til umbóta í vegamálum. Víða séu vegir ónýtir vegna mikillar umferðar, vetrarhörku og skorts á viðhaldi.

Orkustofnun hefur afturkallað leyfi Eykons Energy til olíuleitar á Drekasvæðinu. Stofnunin telur að félagið hafi hvorki tæknilega né fjárhagslega getu til takast á við skilmála leyfisins.

Taugagas varð til þess að rússneskur njósnari og dóttir hans misstu meðvitund í verslanamiðstöð í Bretlandi um helgina.

Jarðskjálfti í verkalýðshreyfingunni. Arnar Páll Hauksson talar við Sumarliða R. Ísleifsson.

Velferðarhagkerfi Costanza. Arnhildur Hálfdánardóttir talar við Robert Costanza og Stefán Gíslason.

Umsjón Arnar Páll Hauksson.

Tæknimaður Grétar Ævarsson.

Spegillinn 06.03.2018

Formaður Samfylkingarinnar sagði dómsmálaráðherra ekki treystandi til að fara méð málefni dómstóla í landinu og þess vegna verði hún að axla ábyrgð. Forsætisráðherra segist ekki sjá að rök með vantrausttillögu séu fullnægjandi.

Utanríkisráðuneytið kannar nú óstaðfestar fregnir þess efnis að íslenskur karlmaður hafi fallið í stríðsátökum í Sýrlandi fyrir um hálfum mánuði.

Grunur leikur á að efnavopnum hafi verið beitt í Austur Ghouta héraði í Sýrlandi í dag. Nær linnulausar sprengjuárásir hafa dunið á svæðinu undanfarinn hálfan mánuðinn.

Skordýrin eiga eftir að lifa okkur. Þetta segir skordýrafræðingur. Mannfólk grafi hratt undan skordýrum og þar með sjálfu sér.

Heimspekingur segir að horfa verði á umskurð drengja í mun víðara samhengi en gert sé í umskurðarfrumvarpinu. Múslimar á Íslandi vilja að efnt verði til fundar til að hlusta á sjónarmið þeirra og Gyðinga.

Arnar Páll Hauksson fjallar um efasemdir um umskurðarfrumvarpið

Sigrún Davíðsdóttir fjallar um viðbrögð Breta við Rússneskum njósnara

Arnhildur Hálfdánardóttir ræðir við Erling Ólafsson um hnignun skordýra

Umsjónarmaður: Pálmi Jónasson

Spegillinn 05.03.2018

Formaður Samfylkingarinnar segir algerlega ófært að dómsmálráðherra sitji áfram í ljósi þeirrar réttaróvissu sem ríki um Landsrétt. Fullt tilefni sé til að skoða vantraust.

Enginn er augljós sigurvegari í ítölsku kosningunum en popúlistar náðu góðri kosningu og krefjast valda. Nú taka við erfiðar samningaviðræður og nýjar kosningar gætu verið á næsta leiti.

Flutningur erlends starfsfólks hingað til lands er meiri nú en nokkru sinni fyrr. Talið er þrettán prósent vinnandi fólks á Íslandi sé erlent.

Að minnsta kosti 50 almennir borgarar hafa fallið í loftárásum Sýrlandshers á Austur-Ghouta í dag.

Með réttum aðferðum er hægt að vinna bug á ólæsi, að mati prófessara við Háskólann í Þrándheimi og Háskólann í Reykjavík. Þeir nemendur sem ekki fá aðstoð heima hjá sér þurfi hjálp í skólanum.

Pálmi Jónasson fjallar um ítölsku þingkosningarnar

Sigrún Davíðsdóttir um ítölsku kosningarnar og andstöðu við ESB

Arnar Páll Hauksson ræðir við Hermund Sigmundsson um bætta lestrarkunáttu

Umsjónarmaður: Pálmi Jónasson

Það var enginn frjáls á Bitru, segir fatlaður maður sem var vistaður í fangelsinu á níunda áratugnum. Formaður Þroskahjálpar segir það hreina hörmung, að fangelsi hafi verið nýtt sem neyðarúrræði fyrir fatlaða.

Landsfundur Samfylkingarinnar er haldinn í Reykjavík í dag og á morgun undir yfirskriftinni frelsi, jafnrétti, samstaða. Logi Einarsson formaður er einn í kjöri til formanns.

Gunnar Bragi Sveinsson, fyrrverandi utanríkisráðherra, segir að það beri að virða þá alþjóðlegu sáttmála sem Ísland hefur undirgengist. Hann var utanríkisráðherra þegar vopnasáttmáli Sameinuðu þjóðanna var samþykktur.

Bæði Eiríkur Jónsson og Jón Höskuldsson hafa höfðað mál gegn ríkinu þar sem þeir voru ekki skipaðir landsréttardómarar þrátt fyrir að vera metnir meðal 15 hæfustu í dómaraembætti.

Tveir eru látnir eftir skotárás á skólalóð Central Michigan háskólans í Bandaríkjunum, á þriðja tímanum í dag.

Samgöngustofa fjallar fyrst og fremst um flugöryggi og það er ekki hennar hlutverk að leggja pólitískt mat á þróun alþjóðamála og ástand í ákveðnum heimshlutum. Stofan hefur heldur ekki fengið nein tilmæli um að gera slíkt mat. Þórólfur Árnason forstjóri Samgöngustofu, fulltrúar hennar og utanríkisráðuneytisins gengu í morgun á sameiginlegan fund umhverfis- og samgöngunefndar og utanríkismálanefndar um vopnaflutninga. Anna Kristín Jónsdóttir ræddi við Þórólf og Ara Trausta Guðmundsson.

Svisslendingar greiða atkvæði um það á sunnudaginn í þjóðaratkvæðagreiðslu hvort afnema eigi afnotagjald eða skylduáskrift að ríkisútvarpinu. Þau sem styðja tillöguna segja gjaldið of hátt og ekki eigi að skylda fólk í slíka áskrift. Jóhanna Vigdís Hjaltadóttir tók saman.

Aðbúnaður fatlaðra fanga í Ástralíu er skelfilegur samkvæmt skýrslu frá mannréttindasamtökunum Human Rights Watch. Arnhildur Hálfdánardóttir segir frá.

Spegillinn 2. mars 2018

Umsjón: Arnhildur Hálfdánardóttir

Flugsvið rannsóknarnefndar samgönguslysa rannsakar af hverju farþegaþota Icelandair varð eldsneytislítil á leið sinni frá Keflavík til Manchester í febrúar á síðasta ári.

Miðflokkurinn bætir við sig en fylgi Sjálfstæðisflokksins dalar samkvæmt nýjum Þjóðarpúlsi Gallups. Fylgi við ríkisstjórnina minnkar um nærri sjö prósentustig frá síðasta mánuði.

Ekkert liggur fyrir um dánarorsök íslensks karlmanns á sjötugsaldri, sem fannst látinn eftir umfangsmikla leit í nýuppgötvuðum íshelli í Hofsjökli. Mikil brennisteinsmengun var í hellinum.

Rússar hafa fundið upp nýjar gerðir langdrægra flugskeyta sem geta borið kjarnorkuvopn. Forseti landsins fullyrðir að gagnflaugar annarra þjóða ráði ekki við að skjóta þær niður.

Lögbundinni stefnu um skóla án aðgreiningar er ekki framfylgt nægilega vel í skólum landsins. Það vantar stuðning, fagfólk, fjármagn og leiðbeiningar. Þetta kom fram í máli margra þeirra sem fluttu erindi á málþingi Öryrkjabandalags Íslands um skóla án aðgreiningar sem fram fór á Hilton hótel Nordica í dag. Eiga öll börn heima í almennum grunnskólum? Hvað er þeim fyrir bestu? Um þetta eru skiptar skoðanir. Arnhildur Hálfdánardóttir ræðir við Steinunni Mar, Bryndísi Snæbjörnsdóttur og Eið Atla Axelsson.

Íslensk tunga berst fyrir lífi sínu, berst gegn stafrænni útrýmingu. Þetta er fyrirsögn á grein í Guardian þar sem blaðamaðurinn Jon Henley fjallar um þá ógn sem íslenskunni stafar af málaumhverfinu í tækni- og afþreyingarheiminum. Kristján Sigurjónsson ræðir stöðuna við Kristínu M. Jóhannsdóttur.

Spegillinn 1. mars 2018

Umsjón: Arnhildur Hálfdánardóttir

Tæknimaður: Magnús Þorsteinn Magnússon

Formannafundur ASÍ samþykkti í dag að segja ekki upp samningum. Verkalýðshreyfingin boðar harða kjarabaráttu og átök þegar kjarasamningar losna um áramótin.

Forsætisráðherra segir að samtal stjórnvalda og aðila vinnumarkaðarins, sem hafi skilað miklum árangri, geti nú haldið áfram í ljósi þess að ákveðið var að segja ekki upp samningum. Framkvæmdastjóri SA segir niðurstöðu formannafundarins í dag skynsamlega.

Varaformaður utanríkismálanefndar Alþingis og þingmaður VG, segir að vopnaflutningur íslensks fyrirtækis til stríðssvæða sé grafalvarlegt mál og stangist á við lög og utanríkisstefnu Íslands.

Þingmenn geta ekki hafnað því að fá fastar mánaðarlegar greiðslur vegna starfa í þinginu, ferðalaga og húsnæðis- og dvalarkostnaðar.

Hafrannsóknastofnun leggur til að loðnukvótinn verði ekki aukinn.

Kjarasamningum sagt upp. Arnar Páll Hauksson talar við Ragnar Þór Ingólfsson formann VR og Guðmund Ragnarsson formann VM.

Umsjón Arnar Páll Hauksson.

Tæknimaður Magnús Þorsteinn Magúnsson

Arnar Páll Hauksson fjallaði að nýju um stöðu kjaramála, en úrslitastund rennur upp á morgun, miðvikudag, hvort kjarasamningum ASÍ og SA verði sagt upp. Rætt við Halldór Benjamínsson framkvæmdastjóra SA.

Arnhildur Hálfdánardóttir fjallar um ásakanir á hendur starfsmönnum SÞ í Sýrlandi að konur þar þurfi að borga fyrir hjálpargögn með kynlífi. Rætt við Veru Knútsdóttur framkvæmdastjóra Félags SÞ á Íslandi og Brynhildi Bolladóttur upplýsingafulltrúa Rauða krossins.

Kristján Sigurjónsson talaði við Borgþór Arngrímsson í Kaupmannahöfn um umdeildar hugmyndir dönsku ríkisstjórnarinnar um að refsing verði tvöföld harðari fyrir glæpi í vandræðahverfum eða gettóum en annars staðar.

Arnar Páll Hauksson fjallaði um stöðu kjaramála, en úrslitastund rennur upp á miðvikudag, hvort kjarasamningum ASÍ og SA verði sagt upp. Heyrist í Gylfa Arnbjörnssyni forseta ASÍ.

Sigrún Davíðsdóttir segir frá álitamálum varðandi komandi sölu á Arion banka.

Tilfærsla Braga Guðbrandssonar úr starfi forstjóra Barnaverndarstofu, tengist ekki kvörtunum sem bárust frá barnaverndarnefndum Reykjavíkur og Hafnarfjarðar um samskipti þeirra við hann, segir Ásmundur Einar Daðason, félags - og jafnréttismálaráðherra

Ríkissjóður er búinn að selja Kaupskilum þrettán prósenta hlut sinn í Arion banka á 23,4 milljarða króna.

Veðurstofan varar við aukinni hættu á skriðuföllum vestan frá Eyjafjöllum og austur á Austfirði vegna mikillar úrkomu.

Að minnsta kosti þrjátíu og tvö létust í loftárásum sem sýrlenski stjórnarherinn og Rússar gerðu á Austur-Ghouta í Sýrlandi í dag

Það eru allir velkomnir á Borgarbókasafnið við Tryggvagötu svo framarlega sem þeir neyta ekki áfengis eða vímuefna inni á safninu, eru ekki áberandi ölvaðir eða lyfjaðir, ekki með háreysti og ekki leggur af þeim stækan óþef. Það getur stundum reynst krefjandi fyrir bókaverði að mæta útigangsmönnum sem sækja bókasafnið og samræma þarfir þeirra þörfum annarra gesta en það er eitthvað sem miðborgarsöfn um allan heim kannast við. Við flokkum ekki fólk segir Pálína Magnúsdóttir, borgarbókavörður. Arnhildur Hálfdánardóttir ræddi við hana.

Fasistar eru áberandi fyrir þingkosningarnar á Ítalíu 4. mars og ótti við innflytjendur. Fimm stjörnu hreyfingin popúlíska verður stærsti flokkurinn en hægri bandalag Silvio Berlusconi verður fjölmennast á þingi. Lýðræðisflokkurinn sem er við stjórnvölinn geldur afhroð. Pattstaða er líklegasta niðurstaðan og að kosningar verði tíðar á næstu misserum. Pálmi Jónasson.

Ekki er ljóst hvað Ísland þarf að draga mikið úr losun gróðurhúsaloftegunda vegna Parísarsamkomulagsins fram til ársins 2030. Það ræðst í viðræðum við Evrópusambandið sem væntanlega hefjast von bráðar. Líklegt þykir að Ísland verði að minnka losun um 35%. Arnar Páll Hauksson ræddi við Kristínu Lindu Árnadóttur.

Spegillinn 23. febrúar 2018

Umsjón: Arnhildur Hálfdánardóttir