Shirin duniyar wasanni na wannan makon tare da Abdurrahman Gambo Ahmad ya tattauna ne kan wata gasar kwallon kafa da aka shirya tsakanin matasa 'yan kasa da shekaru 25 a jihar Bauchin Najeriya, abin da masana suka bayyana matsayin hanya mafi sauki wajen zakulo 'yan wasa masu basira za su iya wakiltan kasar a matakin kasa da kasa a wasanni daban-daban.

Shirin Duniyar Wasanni ya tattauna ne game da Kokuwar Gargajiya a Jamhuriyyar Nijar tare da mayar da hankali akan sabbin dokokin aiwatar da kokuwar.

Shirin Duniyar wasanni ya tattauna  da masana kan yadda suke ganin gasar cin kofin nahiyar Afrika za tayi armashi ko akasin haka.

Zalika shirin ya tattauna kan bukatar shugaban hukumar FIFA Gianni Infantino na neman karin kasashe da zasu rika halartar gasar cin kofin Duniya.

Shirin duniyar wasanni na wannan mako tare da Abdurrahman Gambo Ahmad ya tattauna ne kan gasar neman gurbin shiga gasar cin kofin duniya, amma shirin ya karkata ne kacokan kan Afrika, in da kuma ya zanta da masana da suka yi hasashe geme da makomar tawagar Najeriya a gasar.

Shirin duniyar wasanni a wannan lokaci, ya duba yunkurin fadada kasashen da ke buga gasar cin kofin duniya daga 32 zuwa 48 da hukumar FIFA ke fatan yi, kana ya kuma duba batun alkalanci a gasar Frimiyar Najeriya, tare da Nura Ado Sulaiman. A yi Sauraro Lafiya.

Shirin Duniyar Wasanni ya tattauna ne game da shirin da kungiyoyin Najeriya guda uku suka yi domin fafatawa a gasar cin kofin Zakarun Afrika. Shirin ya yi nazari akan yadda kungiyoyin za su taka rawa a gasar ganin cewa wannan ne karon farko da suka samu shiga gasar da suka hada da Enugu Rangers da Wiki Tourist

Shirin ya maida hankali kan gasar cin Kofin Duniya da ke gudana a kasar Jordan, ajin mata 'yan kasa da shekaru 17.

Shirin duniyar wasanni na wannan makon tare da Abdurrahman Gambo Ahmad ya tattauna ne kan manyan wasannin da aka yi tsakanin Manchester United da Leceister City daa kuma Arsenal da Chelsea a gasar Premier ta Ingila, in da muka zanta da magoya bayan kungiyoyin jim kadan da kammala fafatawar ta ranar Asabar.

Shirin duniyar wasanni na wannan makon tare da Abdurrahman Gambo Ahmad ya tattauna ne kan nasarar da Najeriya ta samu a gasar nakasassu da aka gudanar a birnion Rio na Brazil, in da ta lashe lambobin yabo 12 da suka hada da zinari 8 da azurfa 2 da kuma tagulla 2.

Idan za’a iya tunawa dai a ranar daya ga watan Satumba Ministan harkokin wasanni na Najeriya Barrister Solomon Dalung ya bayyana kafa dokar ta baci a harkar wasannin kasar lokacin da ya karbi rahoton kwamitin da aka kafa kan samar da gyara a harkar wasannin Najeriya.

 

A cewar Ministan wasannin babban dalilin da yasa shi kafa dokar ta bacin shi ne yadda Najeriya ta gaza tabuka komai in banda kwallon kafa a gasar Olympics da aka kammala Brazil.

Shirin ya duba tasirin kafa dokar ta bacin da kuma sauran batutuwan wasanni musamman wasannin Paralympics wato na nakasassu da ke gudana a birnin Rio na Brazil.