#一周五分鐘，臺語你嘛通！
#喜歡閩南語的朋友，請多多幫我們五星評分鼓勵喔！

今天這句俗諺 「白白布染甲烏 」(Pe̍h-pe̍h pòo ní kah oo. )是什麼意思呢？

「白白布，欲共人染甲烏」，真正酷刑，甚至有的人講：「烏狗偷食，白狗受罪。」拄著這種代誌的人，真正會欲哭無目屎。這種代誌明明就毋是我做的，你閣欲叫我承認，我就無，欲按怎承認？我雄雄想著古早時陣，秦朝末年的時陣嘛發生這款故事，笑詼笑詼，罔做參考。有一个有權有勢的奸臣叫做趙高，伊知影皇帝無路用，就想欲造反，毋過伊嘛毋知影遮的大臣當中，有幾个支持、有幾个反對，所致伊就想一招，欲來測驗遮的大臣。伊利用上朝的時陣，佇大臣的面頭前送一隻鹿仔予皇帝，閣講：「皇帝，這隻千里馬欲送予你。」毋過伊共皇帝講這是一隻千里馬，皇帝當然毋信，隨講：「趙大臣，你毋通烏白講，這明明是一隻鹿啊。」然後趙高就利用這个機會，翻頭問遮的大臣，「恁講，這是鹿猶是千里馬？」遮的大臣當中，毋敢反抗趙高的人就講這明明是一隻千里馬，不而過嘛有忠臣講這明明是一隻鹿。後來，趙高就利用手段，共講老實話，講鹿仔的忠臣點油做記號，一个仔一个仔修理、一个仔一个仔陷害。利用這種手段來消滅對手，這个故事流傳到今，就有「指鹿為馬」這个故事，若用台語來講，就是「白白布染甲烏」，明明這是一隻鹿仔，你講伊是千里馬，實在有夠譀。明明物件毋是我偷提的，你欲賴佇我身軀頂，真正是「路見不平，氣死閒人。」

小編的翻譯蒟蒻：
「白白布染甲烏 」本來乾乾淨淨的白布，讓別人東一撇西一劃，最後硬生生變成一片黑布。比喻清白的人被栽贓，也用來指責人顛倒黑白、含血噴人，甚至到指鹿為馬的荒唐程度。
如果真的要指控一個人，也要有證據，不能憑著想像自己當柯南，一定要有人證物證，才不會被人家說「白白布染甲烏 」這樣的指控喔！
今天的俗諺，你學會了嗎？
-----
Apple｜Spotify｜Google｜KKBOX｜Firstory｜SoundOn
搜尋訂閱：巷仔口的臺語
-----
▍教育電臺
▍官網：https://bit.ly/39ISswV
▍粉絲團：https://bit.ly/nerpodcastlink
▍線上收聽：https://bit.ly/3cyxBhE

Powered by Firstory Hosting