يعدّ رمضان شئنا أم أبينا موسم من مواسم الدراما المعتمدة. عشرات المسلسلات ومئات الممثلين يتنافسون على جذب اهتمام وتركيز المواطن اللي لسه مخلص فطار والدم مسحوب تماما من مخه عشان يستقر في معدته ويحاول هو وبقية العصارات والأنزيمات إنه يمحي آثار المذبحة اللي عملها على السفرة، فبيجلس قدام التلفزيون يختار من بين حاجة وستين مسلسل، كام مسلسل يتابعهم على قدر استيعابه اللي بيكون في الأوقات دي مش ولابد فغالبا بيختار حاجة سهلة، ينفعل معاها شعوريا وما يبذلش في سبيل فهمها نشاط ذهني كبير.