Kultur

"Ich liebe Operetten" - dat ass e Saz, deen de Stanislav Rosenberg aus ganzem Häerz soe kann. Hien ass net nëmme Pianist a Komponist, mee och nach Dirigent. Egal ob hien um Piano Sänger:inne begleet oder eng grouss Oper dirigéiert, d'Opermusek bleift fir hien einfach "die ultimative Leidenschaft".

Wat fir Museks- a Kultur-Evenementer gëtt et zu Lëtzebuerg ënner der Woch? Den Nicolas Calmes aktivéiert säi Radar an zielt Iech, wat op Iech zoukënnt.

AEM - esou heescht de Solo Museksprojet vun der Ema Macara. Eng Musekerin, déi a Portugal op d‘Welt koum an hei zu Lëtzebuerg opgewuess ass. Et kann ee sech an hirer Aircheck Session op elektronesch Popmusek gefaasst maachen, an där Vulnerabilitéit, Danzen, an e bëssen Däischtert am Mëttelpunkt stinn. Ingredienten, déi een dann och op hirer EP “Chaga“ ze héiere kritt, déi am November 2024 erauskoum.

Mat der Ënnerstëtzung vum portugisesche Kulturzenter Camões an der portugisescher Ambassade zu Lëtzebuerg, schaffen Lisboa Cantat an den Dirigent Jorge Carvalho Alves schonn eng Rei Jore mat hire Chéier un Albume mat portugisescher klassescher Musek.

Muer (22.2.) ass d’Präisveriwwerreechung vun der Berlinale, an et dierf ee gespaant sinn, wie mam Gëllenen, respektiv de sëllege Sëlwere Bieren heemgeet. De Jeff Schinker ass nach ëmmer zu Berlin - a mécht eis ee klenge Bilan vum Concours.

Den 2. Mäerz 2025 ass zu Helleng um Kergerhaff e Concert zu Éiere vum Lëtzebuerger Komponist Alexander Mullenbach. Obwuel den A. Mullenbach zu Salzburg doheem ass, wäert hie fir dësen Optrëtt zu Lëtzebuerg sinn. Hien huet och de Programm selwer zesummegestallt. Um Programm sti Wierker vu lauter bekannte Lëtzebuerger Nimm, dorënner och den Alexander Mullenbach selwer. Et wäert och eng Uropféierung gespillt ginn. D'Exceptioun um Programm, dee vun ARS NOVA Luxembourg interpretéiert gëtt, ass déi franséisch Komponistin Pierrette Mari. D'Initiativ fir den "Hommage à Alexander Mullenbach" ze organiséiere geet op säi fréiere Schüler an hautzedaags selwer etabléierte Komponist Camille Kerger zeréck. De Christophe Mirkes huet ënner anerem mat him iwwer säin haitegt Verhältnes zum Alexander Mullenbach geschwat. Fir de Concert lauschteren ze goen, soll ee sech iwwer Email umellen. Weider Detailer ginn et op www.opus.radio.

Nach virun zéng Deeg stoung si op der Bün vum Kasemattentheater an engem Stéck iwwer Aarmut zu Lëtzebuerg, e puer Deeg drop war si als eng mysteriéis Rivalin vum Geheimagent John D. am Hélène Cattet a Bruno Forzani hirem verréckte Geheimagente-Metafilm "Reflet dans un diamant mort" ze gesinn - ee Film, deen net just op der Berlinale, mee och geschwënn um LuxFilmFest am Wettbewerb leeft. Wärend de ganze Filmmilieu amgaange war, eng oder e puer Kippercher ze drénken a sech un de Schnitterchers-Plateauen zerwéiert huet, huet sech de Jeff Schinker mat der franséischer Schauspillerin ënnerhalen.

An hirem neie Kuerzfilm "Jill Crovisier. A la recherche du corps perdu", zeechent d'Marie-Laure Rolland de Portrait vun der Lëtzebuerger Dänzerin a Choreographin.