Kultur

Kultur

By Radio 100,7News
Download on the App Store

Kultur episodes

  • Lëtzebuerger Literaturwelt an Trauer
    De Mikrokosmos vun der Lëtzebuerger Literaturwelt ass an Trauer: Mam Pierre Joris huet eis eng vun de bedeitendste Stëmme vun der Lëtzebuerger Literatur verlooss. De Schrëftsteller Jean Portante, deen eis de Moien déi traureg Nouvelle vu sengem Doud matgedeelt huet, huet sech Live an de Kultur um 5 erageschalt, fir dem Pierre een Hommage ze erweisen.
    7 min
  • Heartbeats

    Heartbeats: En neie Perkussiounsconcerto gëtt fir déi éischte Kéier zu Lëtzebuerg opgeféiert. D'Solistin Vivi Vassileva spillt mat de Lëtzebuerger Philharmoniker. "Outside the box" - esou beschreift d'Philharmonie dëse Concert vum 27. Februar 2025. Am Mëttelpunkt steet d'Vivi Vassileva. Déi bulgaresch-däitsch Perkussionistin trëtt weltwäit op an ass och ganz bekannt mat hire kreativen a positive Videoen op de soziale Medien. An der Philharmonie spillt si zesumme mat de Lëtzebuerger Philharmoniker, an am Fokus steet en neit Wierk: “A Savage Beat” Dëse Concert iwwerdroe mir live um opus 100,7 a radio 100,7 den Donneschdeg, 27. Januar vun 19h30 un aus der Philharmonie. Et ass eng gemeinsam Iwwerdroung mam SR Kultur, déi vum Christophe Mirkes a vum Maria Gutierrez moderéiert gëtt.

    7 min
  • Eng immersiv Videoinstallatioun am Ratskeller vum Cercle Cité

    Vum 6. bis 16. Mäerz ass de Luxembourg City Filmfestival. Traditionell bedeelegen sech och eng Rei Kulturinstitutiounen, mat eegenem Programm, um Fest. Esou zum Beispill de Cercle Cité, wou Dir elo schonn zwou immersiv a partizipativ Installatiounen entdecke kënnt: dorënner "Ceci est mon coeur" vun de Gebridder Blies, Realisateure vu Moulhouse a Matgrënner vun der experimenteller Filmproduktiounsfirma a_Bahn, déi hire Sëtz zu Lëtzebuerg huet. D'Kerstin Thalau an d'Sté Bisenius hu sech op "Ceci est mon coeur" agelooss, wëllen hir Impressioune mat Iech an den zwee Kreateuren deelen an hunn also den Nicolas Blies an de Stéphane Hueber-Blies an de Studio invitéiert.

    20 min
  • De Pierre Joris huet eis verlooss
    Hie selwer huet sech als Nomad vun der Literatur bezeechent, en Explorateur, deen duerch international Literaturen a Kulturen a ville Sproochen navigéiert. Haut de Moien (27.2.) koum d’Noriicht, datt de Pierre Joris eis am Alter vun 78 Joer verlooss huet. D’Valerija Berdi mat engem Bäitrag iwwer a mam Pierre Joris
    6 min
  • "... et huet mäi Liewe geännert"
    D’Musek vun Haut begleet de Perkussionist Guy Frisch all Dag an dominéiert net nëmme säi Liewen als Museker mee och als Direkter vum Ensembel fir Nei Musek United Instruments of Lucilin. Wéi et dozou koum, a wat hien dodru faszinéiert, erzielt hien dem Pit Brosius am neien Episod vum Podcast "Hanner den Téin".

    Episod 4 lauschteren

    Alles ronderëm déi nei Musek
    Als Dirigent huet de Pit Brosius vill Kontakt mat Neier Musek a gëtt ëmmer erëm a spannend Gespréicher mat Museker:innen verwéckelt. Am Podcast “Hanner den Téin” stellt hien dës perséinlech Diskussiounen an Anekdoten - déi normalerweis soss keen héiert - eemol de Mount an de Mëttelpunkt.
    4 min
  • Am Gespréich mat der Elise Schmit
    A "Vreckvéi" stinn zwou jonk Schwëstere virun der Erausfuerderung, de verstuerwenen Elteren hire Bauerenhaff ze geréieren. Et ass ee staarken, minimalisteschen Text, dee mat knappe Sätz villes seet - net just iwwer eng Generatioun, déi d'Orientéierung verluer huet, mee och op enger méi metaphysescher Ebene eppes iwwer d'Struewelen an d'Isolatioun vu mënschlechem Liewen.
    D'Elise Schmit huet dem Simon Longman säin Text an d'Lëtzebuergescht iwwersat a verréit eis, wéi no hir den Text wärend dem Iwwersetze ginn ass.
    18 min
  • Mel Bonis: Eng verstoppten Identitéit mat ville Facetten
    D'Geiistin Sandrine Cantoreggi an d'Pianistin Sheila Arnold widme sech an engem Projet der Musek vun der Melanie Bonis. Eng Kënschtlerin, déi trotz verstoppter Identitéit immens vill Musek hannerlooss huet.

    Hanner dem Pseudonym Mel Bonis verstoppt sech d'Melanie Bonis, eng franséisch Komponistin aus dem 19. Joerhonnert, vun där bis elo iwwer 300 Wierker publizéiert sinn. Gelieft huet si zu enger Zäit, zu där si sech géint eng Männer-dominéiert Musekswelt huet missen duerchkämpfen a sech dofir entscheet huet, déi eegen Identitéit ze verstoppen.

    Dëser Kënschtlerin hu sech déi lëtzebuergesch Geiistin Sandrine Cantoreggi an déi däitsch Pianistin Sheila Arnold ugeholl. Si fannen, et ass derwäert der Mélanie Bonis hir Musek ënner d'Leit ze bréngen a méi bekannt ze maachen. Dofir hu si Enn 2023 net nëmmen een Album erausbruecht, mee schaffen och un engem Concertsprogramm am Ettelbrécker CAPE, deen de Fokus op d'Kënschtlerin leet.
    Am Gespréich mam Lex Kauffmann schwätzen d'Musekerinnen iwwer hir déifgrënneg Recherche an hir Faszinatioun fir dëse Personnage.
    8 min
  • Berlinale (10): Interview mam Lionel Baier
    No "La dérive des continents" huet de Realisateur Lionel Baier dem Christophe Boltanski säi Roman "La cache" relativ fräi adaptéiert an d'Familljesaga, déi ee Joerhonnert ëmfaasst, op eng Period - déi vu Mee 68 - kondenséiert. D'Paräisser Appartement vun de Boltanskien gouf zu Lëtzebuerg am Filmland nogebaut. De Jeff Schinker huet sech zu Berlin mam Lionel Baier iwwer dee vu Red Lion koproduzéierte Film ënnerhalen.
    11 min

About Kultur

From the publisher's feed

Interviewen, Kriticken, Commentairen a Reaktiounen zu der kultureller Aktualitéit

More shows like Kultur

Journal (Radio) by RTL Radio Lëtzebuerg

Journal (Radio)

1 Listeners

Panorama by Radio 100,7

Panorama

0 Listeners

Invité:e vum Dag by Radio 100,7

Invité:e vum Dag

0 Listeners

Konferenzen by Radio 100,7

Konferenzen

0 Listeners

Presserevue by Radio 100,7

Presserevue

0 Listeners

Grousse Kino by Radio 100,7

Grousse Kino

0 Listeners

Den Hallwer Néng by Radio 100,7

Den Hallwer Néng

0 Listeners

Europa Aktuell by Radio 100,7

Europa Aktuell

0 Listeners

Kaarten op den Dësch by Radio 100,7

Kaarten op den Dësch

0 Listeners

Um Bols by Radio 100,7

Um Bols

0 Listeners

Mauvais élève by radio 100,7

Mauvais élève

0 Listeners

Schlechte Schüler by radio 100,7

Schlechte Schüler

0 Listeners

Seismograph by Radio 100,7

Seismograph

0 Listeners

E puer Wierder iwwer Wierder by Radio 100,7

E puer Wierder iwwer Wierder

0 Listeners

Wat lauschters du? by Radio 100,7

Wat lauschters du?

0 Listeners

Philo am Gespréich by Radio 100,7

Philo am Gespréich

0 Listeners

Fënster Op by Radio 100,7

Fënster Op

0 Listeners

Level up by Radio 100,7

Level up

0 Listeners

Zeenewiessel by Radio 100,7

Zeenewiessel

0 Listeners

Moiesstudio by Radio 100,7

Moiesstudio

0 Listeners