Kultur

De Schrëftsteller Guy Helminger war an Argentinien ënnerwee, a Stied, déi ausgesinn, wéi net geplangt, op Bierger, déi et a sech haten an huet Leit begéint, déi net nëmme kommunizéiert hunn, wa si geschwat hunn. Eng Rees duerch Sonn a Schnéi a Pampa

Den 9. Februar spillen dräi Professeren aus dem Stater Conservatoire en Triosconcert um Buerglënster Festival. Et handelt sech heibäi net ëm de gewéinleche Pianostrio mat Gei an Cello, mee hei héiert een de Piano an der Kombinatioun mat Flütt a Klarinett. De Repertoire ass kloer opgedeelt: virun der Paus Schubert, no der Paus franséisch Kläng.

D'Flüttistin Aniela Stoffels verréit, firwat als Bléiser bei den Transkriptioune vum Schubert senge Sträichersonaten aner Schwieregkeeten optauche wéi bei der franséischer Musek, déi geziilt fir d'Klarinett a fir d'Flütt geschriwwe gouf.

Wéi een Afloss hunn analog an digital Techniken op eis Perceptioun an Erënnerung? Mat där Fro huet sech déi belsch Kënschtlerin Eva L’Hoest an der Expo “The Mindful Hand” beschäftegt. Mat Objeten aus dem 3D-Drocker liwwert si Wierker, déi sech tëschent Bild a Skulptur befannen a léisst d'Grenz tëschent analogen an digitale Medie verschmëlzen. De Joé Birchen huet een Tour duerch d’Ausstellung gemaach.

E Stéck iwwer Aarmut an engem räiche Land, "Les exclus du festin", befaasst sech mat all deenen, déi kee Stéck vum Lëtzebuerger Kuch ofkruten, a baséiert op engem Text vum Claude Frisoni, deen awer fir d’Bün ugepasst gouf. Ee Gespréich mat der Regisseurin Leonie Rebentisch an der Regieassistentin Sara Goerres.

Zheng Shi -La Rivière des Perles, esou heescht déi lescht BD vum Jean-Yves Delitte. Den Nicolas Calmes huet sech mam Wierk befaasst an zielt eis, wat hien dovunner hält.

De Jean-Paul Hansen huet iwwer 30 Joer laang am Escher Conservatoire enseignéiert, de Groussdeel dovunner fir d’Instrument vum Hautbois. Am Juli 2025 geet hien an d’Pensioun, an dëse Samschdeg spillt hie scho säin allerleschten Enseignantsconcert am Conservatoire. Um Programm steet ënner anerem Musek, déi hie schonn als Student um Mozarteum zu Salzburg opgeféiert huet.

D’Marie Schockmel huet de Jean-Paul Hansen ënner anerem gefrot, wéi hie sech fillt no esou enger laanger Zäit säi leschten Enseignantsconcert ze spillen, an ob et heiansdo och e bëssen erausfuerderend wier, zesumme mat aneren Enseignanten an engem Concert opzetrieden.

D’Villa Vauban huet, als Konschtmusée vun der Stad Lëtzebuerg, hir eege Sammlung: déi 300 Peinturë stamen haaptsächlech vun hollänneschen, belschen a franséische Moler aus dem 17. bis 19. Joerhonnert. Natierlech gëtt d’Collectioun reegelméisseg duerch Acquisitiounen an Donen erweidert: viru 5 Joer koumen iwwer 1.300 Gravuren aus dem 15. bis 20. Joerhonnert bäi. Déi gëllt et dem Public accessibel ze maachen. Momentan doduerch, datt eng Selektioun dovunner am Dialog mat Aarbechte vun der Julie Wagener ausgestallt ginn. Dowéinst huet d’Kerstin Thalau déi fräischaffend Kënschtlerin an Illustratrice an de Studio invitéiert.

D’Matilda Lloyd ass eng jonk brittesch Trompettistin, déi elo fir déi alleréischt Kéier op Lëtzebuerg kënnt. An der Philharmonie spillt si am Kader vum Rising Star-Programm vun der ECHO (European Concert Hall Organization) e Concert mat engem ganz diverse Programm.

Éier si hir Wallis fäerdeg gepaakt huet fir hir Rees vu Berlin bis heihinner, huet d’Trompettistin dem Marie Schockmel op e puer Froe geäntwert. Ënner anerem verréit si, wat hiert Liblingswuert op Däitsch ass an hiert Ritual kuerz virun all Optrëtt.

De Michel Delage huet sech mam David Oelfhoffen ënnerhalen, Realisateur vun der Lëtzebuerger Co-Produktioun "Le Quatrième mur".