Kultur

„Verboten, beschlagnahmt, geraubt“ heescht d’Sammelband mat 15 Bäiträg iwwert d’NS-Bibliothéikspolitik a -praxis an Europa. Den Direkter vun der Nationalbibliothéik, de Claude Conter a de Bibliothecaire Jean-Marie Reding, och Mataarbechter an der BnL hu selwer sech mat der Situatioun vun de Bibliothéiken ze Lëtzebuerg wärend der Nazi-Besatzung auserneegesat a mat eege Bäiträg ze dësem Sammelband bäigedroen Déi zwee si bei eis am Studio fir iwwer hier Fuerschungsaarbecht ze schwätzen.

Zwee bis dräi Joer huet d'Planung, d'Ophuelen an d'Finalisatioun vum Arthur Stockel sengem éischten Album gedauert.

D'Wierker vum Carl Maria von Weber begleeden de jonke Museker awer schonn zanter sengem 13. Liewensjoer.

Ugefaangen huet et als Repertoire fir ee Concours, bäi deem den Arthur Stockel gewanne konnt. Ma elo huet dës Musek et op säin éischten Album gepackt, deen zesumme mat de Lëtzebuerger Philharmoniker an dem Dirigent Leo McFall entstanen ass.

Am Gespréich mam Lex Kauffmann, schwätzt de Klarinettist iwwert dës intensiv Zäit an de Prozess vun der Produktioun.

Den eeleften Album vun de Schotten ass zwar no der Hell benannt - ma léisst erstaunlech vill Luucht eran. Eng Plackerezensioun vum Marc Clement a Jeff Schinker

Dem Direkter vum Festival d'Avignon seng éischt Zesummenaarbecht mat der Comédie-française ass ee Metatheaterstéck, an deem d'Tragedie vum Euripide op Maltraitance vu Kanner stéisst. Eng Theaterkritik vum Nicolas Calmes a Jeff Schinker.

De Michel Delage, d'Vesna Andonovic an d'Valerija Berdi hunn des literaresch franséisch Komedie am leschte Grousse Kino beschwat. Hei nach eng Kéier hir Diskussioun.

De Fred Harles ass am Alter vun 78 Joer verstuerwen. Hie war tëschent 1978 an 2011 Direkter vum Escher Conservatoire an huet hei ënnert anerem d'Brass-Band vum Conservatoire an d'Liewe geruff. Ee passionéierte Museker, Direkter an Enseignant op dee mer zeréckkucken.

De 27. Januar ass net nëmmen de Gebuertsdag vum Wolfgang Amadeus Mozart, mee och den internationale Gedenkdag un d'Affer vum Holocaust. An der Philharmonie organiséieren d'Solistes Européens, Luxembourg dofir ee ganz passende Concert mat ënnert anerem engem Rondo vum Mozart an "From Jewish Life" vum Ernest Bloch. Op der Bün steet e Cello-Piano Duo mam Alexander Hülshoff an dem Andreas Frölich.

D'Marie Schockmel huet sech mam Cellist Alexander Hülshoff ënnerhalen an iwwert seng Erënnerunge vu Lëtzebuerg bei sengem éischte Concert geschwat.

"Leuchtfeuer", op englesch "The Beacon", vun der irescher Auteurin Nancy Harris, ass no "Die Laborantin" dem Metteur en scène Fábio Godinho seng zweet Koproduktioun mam Staatstheater Mainz. Wat wéi ee klassesche Krimi kléngt, ass u sech een intiimt Stéck iwwer komplex Familljerelatiounen an d’Roll vum Kënschtler an der Gesellschaft. Am Studio sinn de Fábio Godinho, d’Schauspillerin Jil Devresse an de Schauspiller Philippe Thelen, fir iwwert d’Produktioun ze schwätzen.

Den Nicolas Calmes aktivéiert säi Radar a verréit Iech, war Dir ënnert der Woch net verpasse sollt.

D’Geiistin Hawijch Elders, de Cellist Tom Feltgen an de Pianist Sander Sittig hunn sech aus glécklechen Zoufäll zesummefonnt. Als Trio spillen si de Sonnden, 27. Januar 2025, schonn déi zweet Kéier mat beim 43. Musekfestival am Schlass vu Buerglënster. Um Programm steet Haydn, Shostakovich a Schubert.

D’Marie Schockmel huet sech mat deenen dräi ënnerhalen. Ënnert anerem verroden si, wéi si sech all kenne geléiert hunn, ob hir Charakteren zesumme passen, a wéi si sech fille wann si de Programm fir dëse Concert spillen.