Kultur

Fir déi éischt TOL-Produktioun 2025 inzenéiert d’Véronique Fauconnet een Auteur, deen si scho laang wollt op d’Bün bréngen. Dass Sarah et Hugo vum Daniel Keene, ee Stéck iwwert eng jonk elengerzéiend Mamm an hire 16-järege Bouf, dobäi direkt eng Weltpremière géif ginn, war u sech net esou geplangt. Am Interview mam Jeff Schinker huet d’Metteuse en scène ënnert anerem iwwert d’Zesummenaarbecht mat engem ganz jonke Schauspiller an de Respekt virum Auteur an dem Text geschwat.

Déi Lëtzebuergesch Kënschtlerin Jeannine Unsen huet hiert Joer ganz gutt ugefaangen. Si war kuerzfristeg vun enger Londoner Gallerie invitéiert ginn, hir Wierker auszestellen. D’Claire Barthelemy mat Impressioune vum Vernissage.

A sengem Wierk „Die tonlosen Stimmen beim Anblick der Toten auf den Straßen von Butscha“ setzt de Marcel Beyer sech mat der medialer Veraarbechtung vum Krich auserneen a wéi d‘Literaten domat ëmgoe kënnen.

Mir lauschteren en Extrait aus dem Gespréich, dat d'Valerija Berdi mam däitsche Schrëftsteller an Essayist gefouert huet.

Den däitsche Schrëftsteller ass haut den Owend Invité am Institut Pierre Werner mat sengem Buch „Die tonlosen Stimmen beim Anblick der Toten auf den Straßen von Butscha“, dat am Wallstein-Verlag eraus komm ass.

De ganzen Interview kënnt dir dëse Sonnde lauschteren an eiser Emissioun „Déi wonnerbar Valibrairie“, wou dann och dräi rezent Lëtzebuerger Wierker beschwat ginn: Dem Guy Rewenig säi "Schelmenroman GOSS" aus dem Haus Guy Binsfeld. Aus dem Black Fountain Verlag dem James Leader säin "Into Babel" an der Carla Lucarelli hiert Gedichtband "Salztage +" zurück, bei Editions Phi publizéiert.

The Bear erzielt d'Geschicht vun engem jonke Spëtzekach, deen nom Dout vu sengem Brudder de chaotesche Familljebetrib iwwerhëlt. Mat enger eenzegaarteger Mëschung aus Humor an Tragik, zitt d'Serie seng Zuschauer mat an d'Hektik vun enger Restaurantskichen. Brillant Kameraaarbecht, e stëmmege Soundtrack a staark Charakteren, mee kann d'Serie den héijen Erwaardunge vun den éischten zwou Staffele weiderhi gerecht ginn?

De Schrëftsteller Guy Helminger ass am Weste vun Argentinien ënnerwee. Als Tourist an als Lëtzebuerger gëtt een do mat Geschichte konfrontéiert, déi heiansdo d’Bewosstsi méi erweideren, wéi d’Bewosstsinn dat verdaue kann. En Trip souzesoen an eng aner Welt.

Éiert sech de Jeff Schinker mat der franséischer Rentrée littéraire vum Januar befaasst, rezenséiert hien nach ee vun de sëllege Literaturpräisser, déi am Hierscht vergi goufen: Fir hiren Neopolar "Les âmes féroces", dee bei den Editions de l’Olivier erauskoum, krut d’Marie Vingtras de Prix du Roman Fnac 2024.

Am Donschtkrees vum stayfou Kollektiv an am Prodzentestall vum Turnup Tun gëtt et ee Rapper, dee mat sénger leschter EP de ganze Paradox vum Rappen op de Punkt bréngt. D'Staerkt wiesen, Schwächten äusdrécken. Muskele weisen, an dach vulnerabel sinn. Mam Marc Clement erzielt den Octo hien iwwert säin neien EP "Kraischen beim Flexen".

Haut den Owend sinn de radio 100,7 an opus 100, 7 nees live an der Philharmonie fir e Concert mat de Lëtzebuerger Philharmoniker ënnert der Direktioun vum Hans-Christoph Rademann. De Guy Engels präsentéiert de Concert, an hien ass am Studio, fir eis méi iwwert de Programm ze verroden.

De franséische Scénariste Éric Corbeyran huet sech mamphilippinnesch-amerikaneschen Illustrateur Roy Allen Martinez zesumme gedoen, fir dem Edgar Rice Borroughs säi bekannte Roman als BD erausbréngen. De Nicolas Calmes huet se sech fir eis ugekuckt.